電腦網絡

電腦網絡嘅基建設備

電腦網絡（粵拼：din6 nou5 mong5 lok6；英文：computer network）係種畀電腦交換資訊嘅網絡，用到通訊裝置同線路將地理位置唔同、功能獨立嘅電腦系統連埋一齊，用網絡軟件將網絡上面嘅硬件、軟件同資源共享。

電腦網絡嘅例子包括咗：

• 個人區域網絡
• 區域網絡
• 廣域網絡
• 互聯網

... 呀噉。

概論

睇埋：電腦同訊號

電腦網絡源於通訊呢種需要：通訊泛指資訊嘅傳遞；技術化啲噉講，電腦之間可以傳各種嘅訊號，訊號會係想傳嘅資訊嘅函數，收到訊號嘅人可以靠住睇段訊號得知傳訊人想傳啲乜嘢資訊；喺廿一世紀初，電腦網絡傳嘅訊號係用電子方式傳嘅。

喺最抽象化嘅層面睇，電腦網絡可以想像成好似下圖噉：「抽象化」指唔好諗啲實行細節住；想像有一拃電腦，是但攞兩部嚟睇，佢哋之間都有可能有連繫，亦有可能個網絡會限住淨係某啲電腦之間先可以有連繫；兩部電腦之間有連繫表示佢哋之間傳得到訊號，而且每一條連繫都可以具有某啲特性，例如可能有啲連繫傳得到多啲訊號... 呀噉。由例如一間圖書館嘅 Wi-Fi 網絡或者成個互聯網，都可以抽象化想像成噉嘅模型。

電腦網絡嘅一樣重要特徵係普遍功能：電腦係一種能夠做運算嘅機械，可以靠住運算達致好多種功能；電腦網絡定義上就係涉及多部電腦連埋一齊嘅網絡，所以唔會（例如）淨係畀人打電話或者淨係畀人睇電視。

節點

内文：網絡節點

路由器

内文：路由器

數據機

内文：數據機

傳輸協議

内文：網絡傳輸協議

網絡保安

内文：網絡保安

睇埋：電腦保安

網絡保安（network security）包括針對電腦網絡做嘅一系列保安工作。啲人用電腦網絡嗰陣，會收發好多資訊，例如一位用家想睇一個網頁，個網頁可能要用多件資源－唔淨只係個網頁啲字咁簡單，仲包括個網頁會用嘅圖像或者成份文件呀噉；因為噉，用家淨係撳咗一條 URL 可能已經會引致佢部電腦同幾十部電腦通訊；而且電腦通訊好多時都因為兩部電腦之間冇直接連繫，所以要用路由嘅方法搵出一拃電腦嚟「畀啲資訊通過」。好似呢啲噉嘅過程都表示，用家想傳嘅資訊有可能畀人喺中途截住甚至偷取。如果傳緊嗰啲資訊係信用咭號碼，偷到資訊嘅人就有可能圖利。

網絡保安正正就係想做啲工夫，確保電腦網絡入面傳嘅資訊安全穩陣，唔會畀敵人攞去做埋嗮啲有害正常用家嘅嘢。例如：

• 釣魚攻擊
• 阻斷服務攻擊

睇埋

• 電腦硬件詞彙表
• 網絡理論
• 社會網絡
• 物理學，要完全噉理解電腦之間「要點傳訊號」，可以用到好深嘅物理學概念。

拎

• Computer networks: a systems approach, Problem: Building a Network （英文），講電腦網絡嘅入門簡介。