點擊率

2018 年一幅網上廣告；消費者可以撳紅色嗰笪得到一張優惠券，消費者有幾大機率會撳呢？

最基本上，點擊率dim2 gik1 leot2（click-through rate，CTR）指睇過一條 link（粵拼：ling1）嘅人當中有幾多百分比嘅有真係撳條 link。例如想像而家落網上廣告，幅廣告想宣傳一件新產品，幅廣告有一定嘅圖像同文字描述件產品，加埋最下面有條 link，消費者撳條 link 可以攞到張 coupon。條 link 嘅點擊率可以噉計：

${\text{CTR}}=($條 link 畀人撳咗嘅次數$/$喺網頁出過廣告嘅次數$)\times 100(\%)$

點擊率喺市場學上係一個頗受關注嘅課題：市場學做嘅想研究點樣有效賣自己嘅產品，成日都會諗「廣告要點樣設計，先可以有效噉吸引消費者」噉嘅問題；一般認為，如果消費者覺得一幅廣告有吸引力，理應係會想撳入去條 link 度睇詳細資訊嘅－噉即係話點擊率正正就可以攞嚟做種指標，用嚟量度「一幅廣告幾有吸引力」。

背景諗頭

睇埋：注意力經濟同數碼營銷

數碼營銷（digital marketing）泛指用互聯網同相關嘅資訊科技做宣傳，喺廿一世紀初隨住互聯網普及而興起：當一位消費者用互聯網嗰陣，佢往往會面對住大量嘅資訊，而人嘅注意力係有限嘅，消費者唔會有能力將啲資訊睇嗮佢；而事實表明，消費者好多時都係將啲資訊睇完就拋諸腦後－但宣傳工作就係想消費者留意「我哋隻產品好正」噉嘅資訊，而且事後仲要記住同埋（例如）同身邊嘅人分享呢件資訊；噉即係話做數碼營銷嘅工作者，彼此之間要爭消費者嘅注意力。

企業可以用電郵同網上廣告等嘅多種工具嚟吸引消費者嘅注意力，而好多數碼營銷工作者都會想做研究，（例如）將幅廣告設計成 A 同 B 兩個樣，再睇吓邊隻設計比較吸引到消費者（A/B 測試），噉即係話佢哋有必要搵返隻指標量度「吸引力」，先可以客觀噉比較兩隻設計；網上廣告（或者第啲網上宣傳手法）通常都會掕住條 link 畀睇嘅人撳，於是建基於

「

消費者會撳條 link，反映佢哋對條 link 講嘅資訊有興趣。

」

呢個諗頭，營銷研究者就想量度「啲人有幾大機率會撳條 link」呢個變數，形成「點擊率」嘅概念。

做法

最基本上，想像家陣幅廣告有條 link，點擊率係噉計嘅：

${\text{CTR}}=($條 link 畀人撳咗嘅次數$/$喺網頁出過廣告嘅次數$)\times 100(\%)$

不過點擊率唔淨只適用於廣告。上述條式可以再廣義化啲噉講，變成

${\text{CTR}}=($條 link 畀人撳咗嘅次數$/$顯示次數$)\times 100(\%)$

當中顯示次數（number of impressions）係指喺畫面出過條 link 嘅總次數。

AI 支援

睇埋：機械學習

要用 AI 預測點擊率，可以用到以下呢啲技術（包括實際做預測同埋評估預測點擊率嘅模型）：

• 邏輯迴歸
• 長短期記憶
• 卷積神經網絡

... 呀噉。

合理程度

「計點擊率」爾樣嘢做咗好多假設，當中好多其實畀人話佢哋唔合理，例如：

• 出廣告嘅次數（number of impressions）成日當做「幾多人睇過」，但係顯示咗唔表示有人睇過，例如個人行開咗、做緊嘢所以冇留意、睇緊片遮住咗條廣告等等；
• 撳咗條 link 成日當做「有人有興趣」，但係未必係，尤其係喺手機或者平板電腦，好易唔小心揩親條 link，亦有電子遊戲嘅廣告商誤導玩家，撳個 X 掣（即係完全冇興趣）反而會打開條 link；
• 相反，唔撳 link 亦都未必表示對廣告冇興趣，可能只係嗰個人注意電腦保安，唔會隨便撳 link，又或者試過撳廣告出垃圾、出 404 或者中病毒，有心理陰影，又或者架機唔係自己嘅機所以叫人裝 app 嘅廣告有興趣都唔會撳

... 呀噉。

睇埋

• 落廣告
• 標題黨
• 平台經濟
• 好奇感
• 眼郁動同 SNARC

拎

• MASB Official Website.