Wikipedia:當年今日/10月

今日係 2023年 2月2號，禮拜四；而家係（標準時）19 點 11 分

按月導航：
1月 – 2月 – 3月 – 4月 – 5月 – 6月 – 7月 – 8月 – 9月 – 10月 – 11月 – 12月

喺呢一日...
2月2號：世界濕地日 費達拿 1421年：大明由南京遷都去北京。 1653年：新菴士埠開埠，即係家下嘅紐約市。 1990年：南非廢除反種族隔離政黨嘅禁令。 1990年：蘇聯放棄一黨制。 2004年：22歲嘅瑞士網球員費達拿（圖）首次升上職業網球男子單打世界排名第一位，之後一路保持到2008年8月，以連續237個星期打破紀錄。 上幾日：2月1號 – 1月31號 – 1月30號

10月1號： 中華人民共和國國慶節 毛澤東喺天安門城樓上宣佈中央人民政府成立 前331年：亞歷山大大帝喺Arbela戰役入面打敗波斯大流士三世。 1367年：朱元璋攻陷蘇州，消滅張士誠政權。 1795年：比利時畀法國征服。 1841年：第一次鴉片戰爭—英軍入侵定海，大清將領葛雲飛、鄭國鴻、王錫朋抗英戰死，定海淪陷。 1949年：中華人民共和國開國大典喺北京天安門廣場舉行，毛澤東喺天安門城樓上宣佈中央人民政府成立（圖）。 上幾日：9月30號 – 9月29號 – 9月28號 10月2號：國際非暴力日 1895年：天津大學前身北洋西學學堂成立，係中國首間官辦大學。 1944年：華沙起義結束，波蘭軍隊向德軍投降。 1950年：《花生漫畫》首次喺報紙上刊出。 1990年：中國廈門航空8301號班機由廈門飛往廣州途中因劫機響廣州白雲機場撞埋第架飛機，132人死，52人傷。 1994年：香港民主黨成立（圖：創黨成員司徒華）。 上幾日：10月1號 – 9月30號 – 9月29號 10月3號：德國統一日 1226年：創辦方濟各會嘅聖方濟各亞西西喺阿思思死。 1952年：英國響西澳洲成功試爆首枚原子彈。 1990年：東德同西德合併（圖）。 1993年：俄羅斯總統葉利欽解散共產黨控制嘅俄羅斯議會之後，支持議會嘅群眾同武裝分子攻入議會，葉利欽鑑於形勢嚴峻，宣布進入緊急狀態，其後用坦克炮轟議會，逼反對分子投降。 1998年：約翰·何華德連任澳洲總理。 上幾日：10月2號 – 10月1號 – 9月30號 10月4號：世界動物日 23年：新朝綠林軍攻入長安。 1582年：呢日係天主敎廷儒畧曆最後一日，第二日係額我畧曆10月15號。 1883年：東方快車通車。 1929年：美國華爾街股市大瀉。 1957年：蘇聯發射第一粒人造衞星史撥尼克1號（圖）上地球軌道。 上幾日：10月3號 – 10月2號 – 10月1號 10月5號：　葡萄牙 共和國日 1910年：葡萄牙成立共和國政府，國王曼紐二世走佬英國。 1976年：華國鋒、葉劍英、李先念等中共中央主要領導人秘密開會，決定逮捕「四人幫」。 1982年：中國同蘇聯兩國關係自1959年惡化以來，首次有蘇聯副外長伊利切夫同代表團訪問到中國，會唔華副外長錢其琛。自此中蘇關係解凍。 1987年：南非政府放咗黑人領袖姆貝基。 1989年：達賴喇嘛（圖）得諾貝爾和平獎。 上幾日：10月4號 – 10月3號 – 10月2號 10月6號： 1976年：毛澤東遺孀江青同埋另外三個中共中央政治局委員王洪文、張春橋同埋姚文元喺北京被捕，罪名係「陰謀發動政變」，中共中央隨即召開政治局會議，宣布粉碎「四人幫」。並任命華國鋒做中共中央主席、中央軍事委員會主席。 1979年：香港獅子山山腳馬仔坑四條村喺凌晨四點發生五級火，燒咗六百幾間木屋，五千幾人响中秋節無家可歸。場火天光喺之前先救熄。 1981年：埃及總統沙特（圖）喺閱兵禮度俾人行刺死咗。 1995年：天文學家Michel Mayor同Didier Queloz喺科學雜誌《自然》發表一篇文，話喺飛馬座 51（51 Pegasi）搵到太陽系以外嘅第一粒行星。 1998年：美國太空總署發出嘅衛星相顯示南極上空臭氧層嘅窿一路變大，最大嘅窿面積去到2600萬平方公里。 上幾日：10月5號 – 10月4號 – 10月3號 10月7號： 1769年：英國探險家占士曲船長（圖）去到紐西蘭。 1806年：英國發明家拉爾夫喺倫敦攞到過底紙專利。 1982年：音樂劇《貓》開始喺紐約百老匯劇院公演，直到2000年9月10號收檔時，做咗7,485場，將近18年。 2001年：中國足球代表隊喺主場1-0贏咗阿曼足球代表隊，提早兩輪殺入2002年FIFA世界盃決賽週，係中國首次殺入FIFA世界盃決賽週。 2001年：美國同英國攻打阿富汗，阿富汗戰爭爆發。 上幾日：10月6號 – 10月5號 – 10月4號 10月8號：克羅地亞 獨立日 1600年：世上最古老嘅共和國聖馬力諾通過成文憲法。 1911年：廣九直通車通車。 1954年：法國軍隊同胡志明嘅軍隊響越南打咗九年仗，終於撤離河內。九年內法軍一共死咗九萬二千幾個兵士，超過十一萬人傷。 1967年：拉丁美洲革命家哲古華拉（圖）喺玻利維亞俾玻利維亞軍捉到，第二日槍斃。 1985年：改編自雨果同名小說嘅音樂劇《孤星淚》喺倫敦比勒中心開幕，係倫敦西區做得最耐嘅音樂劇。 上幾日：10月7號 – 10月6號 – 10月5號 10月9號：世界郵政日 1604年：SN 1604變成超新星，而家叫開普勒超新星。 1934年：南斯拉夫國王亞歷山大同法國外長路易巴爾杜響馬賽股票交易所門外俾刺客槍殺。群眾包圍槍手，將佢打死。 1962年：烏干達由英國獨立。 1989年：東德大規模爆發「星期一示威」（圖）。 2006年：北韓喺咸鏡北道進行地下核試驗，係第八個公開宣佈有核武嘅國，世界各國紛表譴責。 上幾日：10月8號 – 10月7號 – 10月6號 10月10號：中華民國國慶日 1911年：辛亥革命—夜晚10點30分，中國革命黨人喺湖北武昌發動武裝起義，攻佔楚望台軍械庫；天光前佔領埋督署同埋鎮司令部。 1913年：巴拿馬運河通航。 1975年：戴卓爾夫人做英國保守黨主席，成為保守黨第一個女黨魁。 2006年：臺灣施明德幾個人發起反貪腐運動之天下圍攻，抗議陳水扁同民進黨貪腐無能。 2010年：荷蘭屬地荷屬安的列斯（圖）和平瓦解，五個主要島嶼之後各自為政，但係仍然留喺荷蘭王國裏面。 上幾日：10月9號 – 10月8號 – 10月7號 10月11號：國際女童日 1138年：阿勒頗發生地震，23萬人死。 1911年：武昌起義革命軍成立湖北軍政府，推舉黎元洪（圖）做都督，改國號為中華民國。 1950年：中國人民解放軍進軍西藏。藏軍第九代本主官桑格旺堆起義。 1954年：胡志明為首嘅越南獨立同盟會入主河內，控制北越政權。 1984年：太空穿梭機挑戰者號太空人Kathryn Dwyer Sullivan成為首個執行太空漫步任務嘅美國女太空人。 上幾日：10月10號 – 10月9號 – 10月8號 10月12號：西班牙 國慶 1999年：穆沙拉夫（圖）發動軍事政變，上台做巴基斯坦總統，嚟維持國家動盪嘅局面。 2000年：美國海軍科爾號驅逐艦喺也門亞丁港畀阿蓋達組織襲擊，17死39傷。 2002年：印尼巴里島一間夜總會發生一連串爆炸，一共202人死，死者唔少係澳洲遊客。印尼政府話呢係同阿蓋達組織有聯繫嘅印尼伊斯蘭激進組織「回教祈禱團」策動嘅。 2003年：秦瀋客運專線通車，係中國首條高速鐵路。 2005年：中國神舟六號載人飛船由酒泉衛星發射中心升空，載有兩名太空人費俊龍同聶海勝，會喺預定軌道停留5日。 上幾日：10月11號 – 10月10號 – 10月9號 10月13號：國際減災日 1773年：法國天文學家Charles Messier喺獵犬座發現漩渦形銀河系（圖），距離地球23萬光年。 1860年：英法聯軍之役，英法聯軍攻陷北京。 1964年：蘇聯三位太空人响太空軌道留咗24個鐘頭之後返返地球，响莫斯科受到熱烈歡迎。 2008年：道瓊斯工業平均指數勁升936.42點，收報9,387.61點，係該指數最大單日點數升幅。 2010年：喺2010年智利礦坑意外被困69日嘅33名礦工獲救，過程更被電視直播，觀眾超過1億。 上幾日：10月12號 – 10月11號 – 10月10號 10月14號：世界標準日 1066年：諾曼人喺希斯汀打贏希斯汀戰役，英王哈羅德二世戰死。 1912年：美國總統西奧多羅斯福喺密爾華基遇刺，醫生診斷攞出彈頭會有危險，羅斯福終身都留住爾粒彈頭喺體內。 1920年：英國牛津大學頭一次頒學位畀女學生。 1964年：美國民權運動領袖馬丁路德金（圖）攞諾貝爾和平獎。 2006年：聯合國安全理事會一致通過《聯合國安理會1718號決議》，制裁日前進行核試嘅北韓；北韓對此決議則回應「視同宣戰」。 上幾日：10月13號 – 10月12號 – 10月11號 10月15號：國際農村婦女日 1940年：由差利自導自演、諷刺希特拉嘅電影《大獨裁者》上映。 1983年：香港財政司彭勵治頒布聯繫匯率定位，將港幣同美元嘅匯率定為1比7.8。 2003年：中國太空船神舟五號（圖）載住太空人楊利偉喺酒泉衛星發射中心發射升空，係中國太空計劃嘅頭一次載人太空任務。 2005年：世界海拔最高嘅青藏鐵路全線貫通慶祝大會喺拉薩舉行。 2007年：上海證券交易所綜合股價指數（上證綜合指數）突破6000點。 上幾日：10月14號 – 10月13號 – 10月12號 10月16號：世界糧食日 690年：武則天登洛陽皇宮正門（則天門嘅門樓），改「唐」為「周」，做中國史上唯一一位女皇帝。 1793年：法國大革命，瑪麗王后以叛國罪名喺革命廣場（家下協和廣場）被處決。 1964年：中華人民共和國喺西部羅布泊成功試爆第一粒原子彈，成為繼美國、蘇聯、英國、法國之後，第五個有原子彈嘅國。 1978年：波蘭克拉科夫樞機主教卡羅爾沃伊蒂瓦做天主教教宗，取名若望保祿二世，係四百幾年嚟頭一位非意大利裔教宗。 1984年：南非聖公會大主教杜圖（圖）得諾貝爾和平獎，表揚佢喺廢除種族隔離政策嘅努力。 上幾日：10月15號 – 10月14號 – 10月13號 10月17號：消除貧窮國際日 1985年：英國同香港政府同時宣佈325萬名喺香港出世嘅人，喺1997年7月1號開始終止英國屬土公民嘅地位，佢哋只可以領取英國國民（海外）護照。 1989年：美國加利福尼亞州三藩市發生黎克特制6.9級地震，加州北部多處公路、橋樑同埋建築物倒冧，六十幾人死，約莫三千人傷。 2003年：臺灣臺北101（圖）塔頂完工，超越馬來西亞吉隆坡嘅雙子塔成為當時世界上最高嘅摩天大廈。 2016年：神舟十一號由酒泉衛星發射中心發射。兩日後同太空實驗室天宮二號對接。 2018年：加拿大成為繼烏拉圭之後，全球第二個國喺全國範圍實施大麻合法化。新法例下，民眾喺公眾場合可以管有最多30克嘅乾燥大麻。 上幾日：10月16號 – 10月15號 – 10月14號 10月18號：阿塞拜疆 獨立日 1922年：英國廣播公司成立，起埋一啲覆蓋全國嘅無線電發射站，向全英國提供廣播服務。 1954年：由德州儀器造、第一部商業化生產、輕便形嘅半導體收音機Regency TR-1（圖）喺美國印地安納州印第安納波利斯賣。 1983年：漢莎航空683號班機失事。 1994年：廣州共青團正式舉辦全廣州第一個成人宣誓日。 2017年：中國共產黨第十九次全國代表大會喺北京開幕，大會將習近平新時代中國特色社會主義思想寫入黨章。 上幾日：10月17號 – 10月16號 – 10月15號 10月19號：阿爾巴尼亞 德蘭修女日 1935年：中國工農紅軍嘅紅一方面軍（中央紅軍）到陝西吳起，標誌中央紅軍嘅長征結束。 1940年：美國向古巴禁運，到今時今日重未完。 1943年：首隻有效對付肺癆菌嘅抗生素鏈黴素（圖）由美國羅格斯大學嘅研究員揾到。 1987年：美國道瓊斯工業平均指數響黑色星期一下跌22.6%，係全球股市一日之內跌得最多嘅。 2006年：美國道瓊斯工業平均指數收市首次突破12,000點。 上幾日：10月18號 – 10月17號 – 10月16號 10月20號：世界統計日 1945年：外蒙古獨立公投。 1955年：魔戒最後一本《王者再臨》（The Return of The King）出版。 1973年：達賴喇嘛第一次訪問英國。 1973年：澳洲雪梨歌劇院（圖）起好開幕，由英女王伊利沙伯二世剪綵。 1992年：香港總督彭定康第一次訪華，到北京。 上幾日：10月19號 – 10月18號 – 10月17號 10月21號：中華民國 華僑節 1895年：日本軍隊佔領臺南，臺灣民主國亡。 1969年：1969年索馬里政變。 1982年：愛爾蘭共和軍嘅新芬黨喺北愛爾蘭議會選舉中大勝，副主席亞當斯贏咗西貝爾法斯特選區嘅議席。 1994年：南韓漢城聖水大橋懷疑因爲金屬疲勞倒冧，六架車跌落漢江，32死17重傷。 2010年：緬甸（圖）啟用《緬甸聯邦共和國憲法》，確定新國旗同新國徽，國歌唔變，國號就由「緬甸聯邦」改為「緬甸聯邦共和國」。 上幾日：10月20號 – 10月19號 – 10月18號 10月22號：世界傳統醫藥日 1797年：人類首次成功跳傘（圖）。 1953年：老撾由法國獨立。 1962年：喺古巴飛彈危機中，美國總統約翰甘迺迪宣佈軍事封鎖古巴，要求蘇聯撤出喺古巴部署嘅導彈。 1982年：美國國會立法通過《美國公法97-359》（又叫美亞混血兒移民法），畀美亞混血兒移民美國。 2006年：巴拿馬就擴建巴拿馬運河舉行公民投票，超過78%支持擴建。 上幾日：10月21號 – 10月20號 – 10月19號 10月23號：匈牙利 國慶日 1856年：英國借口「亞羅號事件」進攻廣州，挑起第二次鴉片戰爭。 1924年：馮玉祥發動北京政變。 1956年：1956年匈牙利革命爆發。 1980年：港英政府宣佈取消抵壘政策，對中國內地嘅非法入境者採取即捕即解政策。 2018年：港珠澳大橋（圖）開通儀式喺珠海舉行，大橋跟住嗰日正式通車。 上幾日：10月22號 – 10月21號 – 10月20號 10月24號：聯合國日 1860年：大清欽差大臣奕訢同英國代表伊利近喺北京簽《中英北京條約》，割九龍半島畀英國。 1929年：紐約證券所喺呢個「黑色星期四」勁冧市，跟住一連串破產，搞到全球性經濟蕭條。 1930年：巴西發生1930年革命，推翻總統華盛頓路易斯，巴西第一共和國結束，巴西由一個軍政府接替統治。 1945年：聯合國成立，喺美國華盛頓國務院舉行咗個細形儀式，五個當時嘅常任理事國同其他國簽《聯合國憲章》。 2003年：和諧客機（圖）最後一次商業飛行，超音速商業客機時代完咗（至少喺一段時間之內）。 上幾日：10月23號 – 10月22號 – 10月21號 10月25號：中華民國 臺灣光復節 1860年：大清政府同法國簽咗《北京條約》。 1911年：廣州城內紳商各團體喺西關文瀾書院集會，由江孔殷主持，討論「廣東提倡獨立，不如利用官府改良獨立」意見，通過咗成立改良政治總機關等決議。 1918年：加拿大蒸氣船蘇菲亞公主號（圖）喺阿拉斯加附近嘅海邊沉船，364死。 1945年：第二次世界大戰中國戰區臺灣區受降典禮響臺北市舉行，國民政府將當日定為「臺灣光復節」。 1971年：聯合國大會第26屆會議通過2758號決議，以中華人民共和國代替中華民國行使響聯合國嘅一切合法權利。 上幾日：10月24號 – 10月23號 – 10月22號 10月26號：奧地利 國慶 1863年：英格蘭足球總會喺英國倫敦成立，係世界上同西歐首個正式嘅足球組織。 1909年：韓國統監、前日本首相伊藤博文喺哈爾濱火車站畀安重根刺殺死。 1979年：大韓民國總統朴正熙（圖）被中央情報部部長金載圭槍殺，朴正熙嘅侍衛長車智轍同埋另外四個侍衛亦被擊斃。 2002年：俄羅斯軍警強攻莫斯科軸承廠文化宮大樓劇院將車臣綁匪消滅，莫斯科歌劇院脅持事件以百幾個人質死傷告終。 2005年︰梵蒂岡國務卿聲明，教廷已經做好重新同中國建立外交關係嘅準備。 上幾日：10月25號 – 10月24號 – 10月23號 10月27號：世界音像遺產日 1682年：費城（圖）建城。 1904年：紐約地下鐵頭一段通車。 1975年：中國成功進行一次核試。 1991年：土庫曼宣佈由蘇聯獨立，12月26號被承認。 2006年：中國工商銀行同時喺上海證券交易所同香港交易所上市，成為有史以來最大嘅首次公開招股。 上幾日：10月26號 – 10月25號 – 10月24號 10月28號：捷克 國慶 1492年：哥倫布響而家嘅古巴上岸。 1868年：愛迪生申請第一項專利，電子投票記錄機。 1886年：美國總統格羅弗克里夫蘭為自由神像（圖）揭幕，慶祝美國獨立100週年。 1918年：捷克斯洛伐克自奧匈帝國獨立。 1922年：墨索里尼率領意大利法西斯分子向羅馬進軍，喺梵蒂岡教廷幫手之下接管意大利政府。 上幾日：10月27號 – 10月26號 – 10月25號 10月29號：土耳其 國慶 1923年：奧斯曼帝國瓦解，土耳其共和國成立。 1956年：以色列入侵埃及西奈半島，並向蘇彝士運河區推進，第二次中東戰爭開始。 1998年：事隔36年，77歲嘅美國太空人約翰格倫（圖）坐發現號穿梭機再上太空。 2007年：Bangor大學研究人員發現一隻405到410歲嘅蜆，係有記錄最長壽嘅動物。 2018年：印尼獅子航空一內陸客機由耶加達飛去邦加檳港期間失事，機上189人咸不剌死晒。 上幾日：10月28號 – 10月27號 – 10月26號 10月30號：俄羅斯 政治逼害受害者紀念日 1910年：國際紅十字會創辦人亨利杜南（圖）喺Heiden死。 1938年：基於H.G.威爾斯寫嘅科幻小說《The War of the Worlds》嘅廣播劇出街之後，嚇到啲美國聽眾以為真係火星人侵入緊地球。 1973年：位於土耳其伊斯坦堡，穿越博斯普魯斯海峽，連接歐洲同亞洲嘅博斯普魯斯大橋落成啟用。 1995年：1995年魁北克獨立公投，係魁北克省史上第二次獨立公民投票同埋投票率最高嘅公投，最後反對派險勝。 2007年：香港恒生指數創多項紀錄，包括即市新高31,958.41點，收市新高31,638.22點，同埋單日最大成交額2,098.08億港元。 上幾日：10月29號 – 10月28號 – 10月27號 10月31號：世界城市日 475年：西羅馬帝國皇帝羅慕路斯奧古斯都即位。 1864年：內華達州加入美國成為第36個美國州份。 2000年：新加坡航空006號班機喺臺灣中正機場墜毀，82死。 2011年：70億人口日。 2019年：日本沖繩縣那霸市嘅世界文化遺產首里城（圖）火燭，正殿同南北兩殿等6棟建築物燒嗮。 上幾日：10月30號 – 10月29號 – 10月28號