Wikipedia:當年今日/6月

今日係 2021年 6月25號，禮拜五；而家係（標準時）04 點 57 分

按月導航：
1月 – 2月 – 3月 – 4月 – 5月 – 6月 – 7月 – 8月 – 9月 – 10月 – 11月 – 12月

喺呢一日...
6月25號：斯洛文尼亞 國慶 1950年：朝鮮人民軍揮軍越過三八線突襲南韓，韓戰爆發。 1951年：美國哥倫比亞廣播公司播出世界上第一個彩色電視節目。 1975年：莫三鼻給由葡萄牙獨立。 1991年：克羅地亞同斯洛文尼亞由南斯拉夫獨立。 2009年：美國歌手米高積臣（圖）喺洛杉磯藥物中毒死。 上幾日：6月24號 – 6月23號 – 6月22號

6月1號：國際兒童節 1937年：中共代表周恩來同蔣介石喺江西廬山談判。 1990年：蘇聯總統戈巴卓夫同美國總統老布殊協議兩國一齊削減核武同生化武器數量。 1998年：歐洲中央銀行成立。 2001年：尼泊爾王室血案：尼泊爾國王畢蘭德拉、王后等多名王室人員被殺，由王儲狄潘德拉繼任國王，但因狄潘德拉重傷且昏迷不醒，而由叔叔賈南德拉代掌國政。 2003年：三峽大壩（圖）落閘儲水。 上幾日：5月31號 – 5月30號 – 5月29號 6月2號：意大利 國慶 1886年：美國總統格羅弗克里夫蘭喺白宮舉行婚禮，係美國史上唯一喺任內結婚嘅總統。 1946年：意大利王國舉行公民投票，放棄君主制，建立共和國。 1953年：伊利沙伯二世（圖）喺西敏寺大教堂加冕為英國君主，佢老公菲臘親王喺儀式度向老婆下跪致敬。 1966年：美國月球太空船「測量者一號」登陸月球，傳月球相返嚟。 2012年：埃及前總統穆巴拉克同前內政部長阿德利被指控蓄意謀殺抗議者等罪名，畀開羅刑事法庭判終身監禁。 上幾日：6月1號 – 5月31號 – 5月30號 6月3號：世界單車日 1839年：大清欽差大臣林則徐開始喺虎門銷煙，至6月25號銷完，歷時23日。 1937年：退咗位嘅英國君主愛德華八世喺法國同Wallis Simpson舉行婚禮。 1959年：星加坡（圖）攞到自治邦地位，李光耀做頭一任總理。 1998年：德國一高速鐵路由慕尼黑開去漢堡，期間去到下薩克森州策勒區時出軌，101死88傷，係史上傷亡最嚴重嘅高速鐵路意外，亦係德國境內傷亡最慘重嘅鐵路意外。 2006年：黑山由塞爾維亞和黑山聯盟獨立。 上幾日：6月2號 – 6月1號 – 5月31號 6月4號：湯加 獨立日 1928年：張作霖响瀋陽皇姑屯火車站被日本關東軍炸死，史稱皇姑屯事件。 1989年：中國人民解放軍戒嚴部隊開入北京天安門廣場，鎮壓持續50日嘅學生運動（圖），史稱六四事件。 1989年：伊朗總統哈梅內伊獲推選為伊朗最高領袖。 1989年：波蘭第一次民主選舉。 2011年：李娜喺2011年法國網球公開賽贏咗施姬艾禾妮得女子單人賽冠軍，係史上第一個亞洲同中國人贏法網女單。 上幾日：6月3號 – 6月2號 – 6月1號 6月5號：丹麥 憲法日 1644年：多爾袞入北京，滿清入主中原。 1849年：丹麥建君主立憲制。 1941年：日軍轟炸中華民國陪都重慶，市民响防空洞入面發生混亂，導致二千幾人死，史稱重慶隧道慘案。 1948年：美國國務卿佐治馬蘇（圖）喺哈佛大學演講時提出馬歇爾計劃。 1967年：以色列戰機突襲埃及機場、飛彈基地同軍火庫，開始咗中東「六日戰爭」。 上幾日：6月4號 – 6月3號 – 6月2號 6月6號：瑞典 國慶日 1523年：瑞典貴族古斯塔夫·瓦薩被選為瑞典國王，卡爾馬聯盟瓦解，並喺第二年正式結束。呢日亦成為咗瑞典國慶。 1752年：莫斯科火燭，三分之一城區被毀。 1884年：法國同越南第二次簽《順化條約》（又嗌《巴特諾條約》），越南從此淪為法國殖民地。 1916年：黎元洪喺袁世凱死後繼任大總統，下令恢復《臨時約法》，段祺瑞做國務總理。 1944年：盟軍登陸法國諾曼第（圖），大舉反攻歐洲。 上幾日：6月5號 – 6月4號 – 6月3號 6月7號： 1494年：西班牙同葡萄牙簽約劃定國界，解決兩國多年嚟嘅領土糾紛。 1895年：日本軍隊根據《馬關條約》嘅規定佔領臺灣。 1905年：挪威由瑞典聯盟獨立。 1965年：美國最高法院裁決「格里斯沃爾德 對 康涅狄格州」（Griswold v. Connecticut）令夫婦用避孕藥（圖）合法化。 1989年：旺角彌敦道一帶香港市民悼念六四事件嘅活動演變成騷亂，警方調派七百人到場，最後要發射催淚彈驅散滋事者。 上幾日：6月6號 – 6月5號 – 6月4號 6月8號：世界海洋日 1810年：德國作曲家舒曼喺茨維考出世。 1924年：現代史上第一次嘗試爬珠穆朗瑪峰（圖）嘅Andrew Irvine同George Leigh Mallory跌死。 1949年：英國作家佐治奧威爾寫嘅政治小說《一九八四》出版。 1987年：紐西蘭工黨政府立法禁止核武同核動力艦艇，令紐西蘭成為首個、同截至2006年6月唯一個國禁呢啲嘢。 2004年：一百年嚟首次金星凌日。 上幾日：6月7號 – 6月6號 – 6月5號 6月9號： 1672年：俄羅斯帝國沙皇彼得大帝喺莫斯科出世。 1815年：維也納會議閉幕。 1870年：英國作家狄更斯（圖）喺根德郡腦出血死。 1898年：大清總理各國事務衙門大臣李鴻章同英國駐華公使竇納樂喺北京簽《展拓香港界址專條》，將新界租畀英國99年。 1934年：迪士尼動畫角色唐老鴨面世。 上幾日：6月8號 – 6月7號 – 6月6號 6月10號：葡萄牙 國慶 前323年：馬其頓王國國王亞歷山大大帝喺巴比倫死。 1580年：葡萄牙詩人賈梅士（圖）喺里斯本死。 1916年：英國頒布特赦令，希望緩和愛爾蘭爆發反對英國統治嘅暴亂之後嘅緊張局勢。 1943年：共產國際解散。 1967年：敘利亞軍隊由戈蘭高地撤軍，以色列宣佈停火，六日戰爭結束。 上幾日：6月9號 – 6月8號 – 6月7號 6月11號：夏威夷 卡美哈梅哈日 626年：大唐秦王李世民（圖）設下玄武門之變，弒兄殺弟。 1898年：大清光緒皇帝頒佈《定國是詔》，戊戌變法開始。 1946年：意大利成立民主共和國。 1955年：法國勒曼市一年一度嘅二十四小時大賽車發生意外，李維格揸嘅跑車失事撞欄，車嘅引擎飛向觀眾，85死，近100人傷。 1966年：星加坡當局根據一個喺日佔時期受日軍虐待嘅生還者提供嘅線索，搵到一個亂葬崗，掘出二千幾副骸骨，後嚟當局再响三十幾處地方發現幾千副骸骨，相信都係喺日佔時期被日軍殺嘅。 上幾日：6月10號 – 6月9號 – 6月8號 6月12號：菲律賓 俄羅斯 獨立日 1964年：南非黑人民權領袖曼德拉同另外七個人被指為顛覆分子被判處終身監禁。審判嗰日，好多國民大會嘅支持者喺法庭外聚集。 1987年：美國總統朗奴列根響西德柏林嘅勃蘭登堡門前發表「Tear down this wall」演講，呼籲蘇聯領導人戈巴卓夫拆除柏林圍牆。 1991年：葉利欽當選首任俄羅斯總統。 2007年：加沙之戰 (2007年)爆發。 2018年：美國總統侵同北韓最高領導人金正恩喺星加坡會面（圖）。 上幾日：6月11號 – 6月10號 – 6月9號 6月13號：國際白化病宣傳日 1858年：大清政府同俄國簽訂《中俄天津條約》。 1944年：納粹德國首次使用新研製嘅V1飛彈襲擊英國倫敦嘅防空炮台。 1983年：先驅者10號（圖）成為第一件人造物體超越海王星軌道，離開太陽系。 1989年：中華人民共和國公安部全國通緝北京市「高自聯」成員同其他學生領袖一共21人，罪名係煽動同組織反革命活動，通緝名單上有王丹、柴玲同吾爾開希等人。 2000年：大韓民國總統金大中同朝鮮民主主義人民共和國領袖金正日喺平壤實現自朝鮮半島分裂以嚟歷史性嘅會見。 上幾日：6月12號 – 6月11號 – 6月10號 6月14號：世界獻血者日 1777年：美洲大陸會議定星星間條旗為美國國旗。 1928年：古巴馬克思主義革命領袖哲古華拉（圖）喺羅沙里奧出世。 1940年：第二次世界大戰—納粹德軍攻陷巴黎。 1982年：英國同阿根廷簽停戰協議，福克蘭戰役完。 1985年：西德、法國、荷蘭、比利時、盧森堡五國響盧森堡小鎮神根簽《神根公約》。 上幾日：6月13號 – 6月12號 – 6月11號 6月15號：認識虐待老年人問題世界日 1215年：英王約翰畀國內貴族逼簽《大憲章》（圖），英格蘭國會成立。 1672年：荷蘭打開水閘，自己浸咗首都阿姆斯特丹，以免俾法國軍隊佔領。 1919年：英國飛機師阿谷克同雅瑟布朗用咗十六個鐘頭廿七分鐘揸飛機飛過大西洋，緊急降落愛爾蘭島一處田時撞爛飛機，但係兩個人冇事。 1997年：香港主權移交前嘅最後一次賽馬，三T彩金破咗紀錄，不過係噉爆冷，冇人中正獎。 2001年：上海合作組織喺上海成立。 上幾日：6月14號 – 6月13號 – 6月12號 6月16號：非洲細路國際日 1922年：陳炯明率領部下粵軍發炮三響威嚇總統府，是為六·一六事變。 1963年：蘇聯女太空人捷列什科娃（圖）一個人揸東方六號上太空，係首個上太空嘅女人。 1964年：國際經濟組織Group of 77成立。 1976年：南非索韋托嘅黑人僆開始發起一系列反對南非種族隔離政策嘅起義，事件持續至1977年先至平息，史稱「索維托起義」。 2004年：騰訊控股喺香港交易所上市，上市價3.7港元。 上幾日：6月15號 – 6月14號 – 6月13號 6月17號：冰島 國慶 1397年：卡爾馬聯合成立。 1565年：日本永祿之變，足利義輝畀叛臣弒殺，細佬足利義昭同細川藤孝等臣子趯佬去越前國投靠朝倉義景。 1900年：八國聯軍（圖）攻陷天津大沽炮台。 1944年：冰島喺第二次世界大戰期間由丹麥獨立，成立冰島共和國。 1991年：南非白人國會投票結束自1950年以嚟實施嘅種族隔離政策，之後南非政府陸續修訂帶有種族歧視嘅法例。 上幾日：6月16號 – 6月15號 – 6月14號 6月18號：塞舌爾 憲法日 1812年：美國總統占士麥迪遜向英國宣戰，1812年戰爭（圖）爆發。 1815年：英國威靈頓將軍夾埋歐洲其他國喺窩打老戰役打敗法國拿破崙。 1900年：慈禧太后下令殺晒包括各國公使在內嘅外國人。 1953年：埃及廢除帝制，成立共和國，納吉布就任首任總統。 1972年：六一八雨災—香港兩單冧山泥同冧樓死咗超過140人。 上幾日：6月17號 – 6月16號 – 6月15號 6月19號：消除衝突中性暴力行為國際日 1862年：美國國會禁止奴隸制，總統林肯簽署法案。 1945年：毛澤東（圖）當選中國共產黨中央委員會主席，做咗中共最高領導人。 1961年：科威特由英國獨立。 2002年：香港立法會通過主要官員問責制決議案，完成主要官問責制嘅立法程序，問責制會喺嗰年7月1號推行。 2014年：西班牙國王環卡洛斯一世正式簽退位文件，由阿斯圖里亞斯親王菲臘皮繼位，是為菲臘皮六世。 上幾日：6月18號 – 6月17號 – 6月16號 6月20號：世界難民日 1789年：法國大革命前夕，法國國王路易十六因反對將三級會議改做國民會議，封埋會場。第三等級代表即時喺會場附近嘅網球場宣誓：喺憲法未制定之前，唔會離散，史稱「網球廳宣誓」。 1837年：英國維多利亞女皇登基。 1960年：馬里同塞內加爾由法國獨立。 1991年：德國議會決定將首都由波恩搬到柏林。 2003年：維基媒體基金會（圖）成立。 上幾日：6月19號 – 6月18號 – 6月17號 6月21號：世界滑板日、國際瑜伽日 1560年：長濱之戰。 1582年：本能寺之變。 1919年：德意志帝國公海艦隊喺斯卡帕灣集體自沉。 1985年：格陵蘭（圖）正式制定自己嘅國旗，增加脫離丹麥獨立運動嘅支持。 2004年：太空船一號完成咗第一個私人資助嘅太空飛行。 上幾日：6月20號 – 6月19號 – 6月18號 6月22號： 1633年：羅馬教廷逼伽利略撤銷「太陽係宇宙中心，地球唔係宇宙中心」嘅觀點。 1840年：英國總司令義律話會由6月28號起封鎖珠江口，第一次鴉片戰爭爆發。 1941年：希特拉出動120個師嘅兵力，發動巴巴羅薩作戰，向蘇聯發動總攻擊。 1984年：鄧小平分別喺見香港工商界訪京團同香港知名人士鍾士元時發表講話：「香港實行一國兩制五十年不變」。 1986年：1986年FIFA世界盃8強賽，阿根廷隊嘅馬勒當拿攻入上帝之手同一扭六嘅史上最靚球波（圖）兩個入波，以2-1贏咗英倫隊。 上幾日：6月21號 – 6月20號 – 6月19號 6月23號：國際寡婦日 1887年：加拿大建立班芙國家公園（圖），係加拿大首座國家公園。 1894年：國際奧林匹克委員會成立。 1925年：省港大罷工嘅工人遊行至沙面英租界附近時，遭到英軍開槍鎮壓，50幾人死，沙基慘案發生。 1961年：12國簽嘅《南極條約》生效，將南極洲淨係用響和平目的，禁軍事活動。 2016年：英國人就英國脫離歐盟公投投票，結果52%選民揀脫歐。 上幾日：6月22號 – 6月21號 – 6月20號 6月24號：魁北克日 1314年：羅伯特布魯喺班諾克本戰役打贏英格蘭王國愛德華二世，蘇格蘭重新獨立。 1398年：大明開國皇帝朱元璋（圖）喺南京皇宮死。 1509年：亨利八世加冕做英倫國王。 1989年：中國共產黨十三屆四中全會喺北京舉行，選舉江澤民為中共中央總書記，確立以江澤民為核心嘅中共第三代中央領導集體。 1993年：黃家駒喺日本東京富士電視台錄影遊戲節目時跌倒，頭部重傷昏迷，留醫6日後死咗。 上幾日：6月23號 – 6月22號 – 6月21號 6月25號：斯洛文尼亞 國慶 1950年：朝鮮人民軍揮軍越過三八線突襲南韓，韓戰爆發。 1951年：美國哥倫比亞廣播公司播出世界上第一個彩色電視節目。 1975年：莫三鼻給由葡萄牙獨立。 1991年：克羅地亞同斯洛文尼亞由南斯拉夫獨立。 2009年：美國歌手米高積臣（圖）喺洛杉磯藥物中毒死。 上幾日：6月24號 – 6月23號 – 6月22號 6月26號：馬達加斯加 國慶 1945年：《聯合國憲章》簽署。 1959年：聖羅倫斯海道開放，連接大西洋至五大湖。 1976年：加拿大多倫多CN Tower（圖）開放，係當時世界上最高嘅自立式建築物。 1987年：蘇聯領袖戈巴卓夫喺最高蘇維埃會議首次提出改革方案。 1999年：全國人民代表大會常務委員會通過解釋《香港基本法》有關居留權嘅兩項條文，清楚講明出世嘅時候父或母係香港永久居民先至享有居港權，而喺內地嘅港人子女嚟香港必須經內地機關審理。推翻香港終審法院嘅解釋。 上幾日：6月25號 – 6月24號 – 6月23號 6月27號：吉布提 獨立日 1880年：美國教育家海倫凱勒（圖）喺阿拉巴馬州出世。 1970年：北愛爾蘭暴亂，由於天主教民權領袖狄維連俾當局拘禁，貝爾法斯特同倫敦德里嘅天主教徒分別示威，結果同新教徒同英軍衝突，做成3死90傷。 1977年：吉布提脫離法國獨立。 1991年：南斯拉夫軍進攻兩日前獨立嘅斯洛文尼亞，史稱「十日戰爭」。 1994年：奧姆真理教喺日本長野縣松深志區住宅嘅街度放沙林毒氣，8死660傷。 上幾日：6月26號 – 6月25號 – 6月24號 6月28號：烏克蘭 憲法日 1838年：維多利亞女皇加冕。 1914年：奧匈帝國皇儲斐迪南大公兩公婆喺薩拉熱窩被暗殺，是為薩拉熱窩事件，直接導致第一次世界大戰。 1919年：英國、美國、法國同意大利四國元首喺巴黎凡爾賽宮簽訂《凡爾賽和約》，結束第一次世界大戰，戰敗嘅德國要割地賠款。 1992年：為咗宣傳鄧小平南巡講話，深圳掛出一幅300平方米嘅鄧小平畫像（圖），係中國內地首次公開懸掛鄧小平嘅巨型肖像。 1997年：荷里菲特同泰臣打拳擊賽，泰臣喺第三回合咬咗荷里菲特耳仔一啖（The Bite Fight）。 上幾日：6月27號 – 6月26號 – 6月25號 6月29號：塞舌爾 國慶 1949年：南非開始行種族隔離政策。 1995年：太空穿梭機亞特蘭提斯號（圖）同和平號太空站第一次接合。 1995年：南韓漢城三豐百貨冧樓，502死，937傷。 2003年：中華人民共和國商務部副部長安民同香港特別行政區財政司司長梁錦松喺香港簽《內地與香港關於建立更緊密經貿關係的安排》（CEPA），總理溫家寶出席簽署儀式。 2007年：由美國蘋果公司研製，集流動電話、影音機、互聯網通信於一身嘅iPhone喺美國上市。 上幾日：6月28號 – 6月27號 – 6月26號 6月30號：剛果民主共和國 國慶 1905年：愛因斯坦（圖）發表《論動體的電動力學》介紹狹義相對論。 1908年：俄羅斯帝國發生通古斯大爆炸。 1924年：國民政府開始採用青天白日滿地紅旗。 1971年：蘇聯聯盟11號太空船重返大氣層時著火，三個太空人咸不剌死晒，係第一宗。 2002年：巴西隊以2：0擊敗德國隊贏得2002年FIFA世界盃，係第五次。 上幾日：6月29號 – 6月28號 – 6月27號