Wikipedia:當年今日/12月

今日係 2025年 4月27號，禮拜日；而家係（標準時）01 點 32 分

按月導航：
1月 – 2月 – 3月 – 4月 – 5月 – 6月 – 7月 – 8月 – 9月 – 10月 – 11月 – 12月

喺呢一日...
4月27號：馬約特 塞拉利昂 多哥 國慶日 1911年：中國同盟會喺廣州發起黃花崗起義。 1960年：多哥由法國獨立。 1961年：塞拉利昂由英國獨立。 1993年：臺灣同中國大陸分別都有官方岌頭嘅民間團體話事人喺星加坡謦欬，算係卌幾年嚟兩邊最高層次接觸。 1994年：南非第一次唔分種族、全民大選，曼德拉當選總統。 上幾日：4月26號 – 4月25號 – 4月24號

12月1號：世界愛滋病日 1934年：蘇聯共產黨政治局委員謝爾蓋基洛夫喺列寧格勒遇刺死咗，呢件事促成咗史太林發動大清洗運動。 1948年：人民幣首次發行。 1990年：中華人民共和國第一間證券交易所深圳證券交易所開張。 1990年：全長51.5公里嘅英法海底隧道（圖）通車，穿過英倫海峽，連起英國同法國。 2017年：日本政府宣佈日皇明仁將會喺2019年4月30號退位。 上幾日：11月30號 – 11月29號 – 11月28號 12月2號：廢除奴隸制國際日 1804年：拿破崙喺巴黎聖母院自封法蘭西皇帝。 1908年：大清皇帝溥儀即位，當時三歲。 1929年：中國古生物學家裴文中喺北京西南面嘅周口店發現第一件舊石器時代早期嘅猿人頭蓋骨化石，是為「北京猿人」（圖）。 1975年：老撾人民軍推翻老撾王國，成立老撾人民民主共和國。 1988年：貝娜齊爾宣誓就職為巴基斯坦總理，係第一個做伊斯蘭國阿頭嘅女人。 上幾日：12月1號 – 11月30號 – 11月29號 12月3號：國際殘疾人日 1961年：東德開始起柏林圍牆。 1990年：中國史上最大嘅字典《漢語大字典》出版，收5萬6千幾字，分八卷。 1999年：美國太空總署同火星極地著陸器（圖）去到火星大氣之前失去聯絡。 2002年：上海贏得2010年世界博覽會主辦權。 2013年：底特律破產得美國法院批准，成為美國史上最大嘅破產保護城市。 上幾日：12月2號 – 12月1號 – 11月30號 12月4號：中華人民共和國 國家憲法日 1639年：英國天文學家霍羅克斯第一次用天文望遠鏡觀察到金星凌日。 1935年：美國政府著手喺南達科他州嘅魯斯摩亞山（圖）為四個前總統華盛頓、傑佛遜、羅斯福同埋林肯刻巨型人頭石像，由雕刻家波格林負責。用咗6年喺1941年完成。 1976年：中非共和國總統兼政府主席博卡薩廢除該國嘅共和制而改為君主制，稱為中非帝國。 1982年：第五屆全國人民代表大會第五次會議通過新中國第四部憲法；另外，《義勇軍進行曲》被恢復返做中華人民共和國國歌。 2017年：意大利立法畀《意大利人之歌》法定國歌地位。 上幾日：12月3號 – 12月2號 – 12月1號 12月5號：泰國 國慶日 1933年：美國憲法第21條修正案通過，廢除咗實施14年嘅禁酒令。 1952年：倫敦大煙霞開始，一路去到9號，當時統計有成4000人死。 1997年：奧爾布賴特成為首位女性美國國務卿。 2013年：南非黑人民權領袖曼德拉（圖）喺約翰尼斯堡呼吸道感染死。 2014年：中國共產黨中央政治局開除原中央政治局常委兼中央政法委書記周永康黨籍，移交司法機關。 上幾日：12月4號 – 12月3號 – 12月2號 12月6號：芬蘭 獨立日 1768年：《大英百科全書》（圖）第一版喺英國愛丁堡出版。 1790年：美國國會由紐約搬去費城。 1877年：《華盛頓郵報》創刊。 1917年：十月革命發生之後冇耐，芬蘭議會通過由俄國獨立嘅提案。呢日後來嗌芬蘭獨立日。 1921年：英國同愛爾蘭代表喺倫敦簽《英愛條約》，愛爾蘭島分割爲南部嘅愛爾蘭自由邦同北部嘅北愛爾蘭。第二年同一日，愛爾蘭自由邦成立。 上幾日：12月5號 – 12月4號 – 12月3號 12月7號：國際民航日 1941年：日本聯合艦隊偷襲珍珠港（圖），打到美國太平洋艦隊散晒；炸沉、炸爛12隻戰艦同其他船；摧毀、整爛243架飛機，3,592個美軍同92個平民死傷。 1949年：喺國共內戰中，中華民國國民政府開始由成都遷都到臺北。 1970年：西德總理威利布蘭特喺華沙猶太人起義紀念碑前面跪低。同一日西德同波蘭簽署《華沙條約》。 1988年：蘇聯亞美尼亞發生地震，估計25,000至50,000死，31,000至130,000傷，官方公佈經濟損失85億盧布，重多過1986年切爾諾貝爾核災嘅80億盧布。 1995年：伽利略太空船，大約六年前喺穿梭機亞特蘭提斯號發射，飛到木星。 上幾日：12月6號 – 12月5號 – 12月4號 12月8號：奧地利聖母聖潔日／澳門聖母無原罪瞻禮 1941年：日軍進佔天津英租界，同日香港攻防戰（圖）同馬來亞抗日戰爭開始。 1980年：英國披頭四樂隊主音歌手約翰連儂响美國曼克頓柏文門外俾歌迷查普曼開槍襲擊，身中五槍不治，兇徒當場被捕。 1981年：紅色高棉宣佈解散。 1987年：美國總統朗奴列根同蘇共中央總書記戈巴卓夫喺白宮簽《中程導彈條約》，雙方根據協議要喺三年之內銷毀二千幾支射程由五百至五千公里嘅中程導彈，1988年6月1號正式生效。 1991年：白俄羅斯、俄羅斯同烏克蘭嘅總統簽訂協議，決定成立獨立國家聯合體取代蘇聯。 上幾日：12月7號 – 12月6號 – 12月5號 12月9號：國際反腐敗日 1935年：北平嘅學生發起遊行示威，要求政府抗日，史稱「一二九運動」。 1941年：中華民國對日本宣戰。 1961年：坦噶尼喀由英國獨立，成立共和國重加入英聯邦。 1979年：世界衞生組織確認成功剿滅天花病（圖），係人類史上唯一成功剿滅嘅傳染病。 2016年：南韓干政風波：南韓國會通過對總統朴槿惠嘅彈劾案，朴氏成為南韓史上首位任內被彈劾成功嘅總統，佢嘅職權即刻停止，由國務總理黃教安暫代。 上幾日：12月8號 – 12月7號 – 12月6號 12月10號：世界人權日 1898年：美國同西班牙帝國喺美西戰爭後簽訂《巴黎條約》，西班牙帝國冇咗好多海外領土，美國就擴大咗喺太平洋嘅影響力。 1901年：瑞典斯德哥爾摩同挪威奧斯陸舉行第一屆諾貝爾獎（圖）頒獎典禮。呢日係諾貝爾嘅5週年死忌。 1936年：英王愛德華八世不愛江山愛美人宣佈放棄王位。 1948年：聯合國大會通過並頒佈《世界人權宣言》。 2008年：三百幾位中華人民共和國學者同社運人士聯署《零八憲章》，紀念《世界人權宣言》發表60週年。 上幾日：12月9號 – 12月8號 – 12月7號 12月11號：國際山嶽日 1941年：納粹德國同意大利王國對美國宣戰，美國亦隨即向佢哋宣戰。 1946年：聯合國大會通過成立聯合國國際兒童緊急救援基金會，對發展中國家嘅細路提供人道援助。 1967年：喺南非好望角鎮嘅格魯特殊醫院，世界上第一個換心病人，54歲嘅華絲肯斯基喺做完手術之後公開露面，負責呢次換心手術嘅醫生班納德（圖）一夜成名。 1997年：《聯合國氣候變化框架公約》締約方第三次會議上通過咗《京都議定書》。 2001年：中華人民共和國經過15年嘅談判，正式加入世界貿易組織，呢個係關貿總協定／世貿歷史上談判時間最長嘅一次。 上幾日：12月10號 – 12月9號 – 12月8號 12月12號：國際中立日 1901年：馬可尼喺加拿大聖莊斯嘅Cabot Tower收到由英國Cornwall嘅Poldhu無線電站發出嚟第一個跨大西洋無線電信號。 1911年：德里取代架利吉打成爲英屬印度首都。 1915年：中華民國大總統袁世凱（圖）自封做中華帝國皇帝，改元洪憲。 1936年：國民政府軍事委員會委員長蔣介石親自到西安指揮對中共作戰嘅部署嘅時候，突然俾張學良、楊虎城扣押，要佢停止內戰共同抗日，史稱「西安事變」。 2015年：第3屆沙特阿拉伯市政選舉，係沙特阿拉伯第一次畀女性有參選權。 上幾日：12月11號 – 12月10號 – 12月9號 12月13號：中華人民共和國 南京大屠殺死難者國家公祭日 1937年：日本軍攻陷中華民國首都南京，對當地軍民展開六個星期嘅大屠殺（圖），超過30萬人被殺。 1939年：第二次世界大戰—河床海戰，德國戰艦「格拉夫史碧號」喺拉普拉塔河河口遇上英國艦隊追擊，最終船長喺布烈特河下令放火燒船，沉咗。 2003年：伊拉克戰爭，美軍喺提克里特生擒伊拉克前總統薩達姆侯賽因。 2005年：世界貿易組織第六次部長級會議喺香港會議展覽中心開幕，會期至12月18號。 2006年：第61屆聯合國大會一致通過首個有關殘疾人士嘅國際公約－《殘疾人權利公約》，保障全球6.5億身心障礙者享有完整平等嘅人權、基本自由同埋人格尊嚴。 上幾日：12月12號 – 12月11號 – 12月10號 12月14號：馬騮日 557年：拜占庭帝國首都君士坦丁堡發生地震。 1408年：中國最早最大嘅百科全書《永樂大典》（圖）編咗五年寫好。 1542年：6日大嘅瑪麗一世做蘇格蘭女王。 1900年：德國物理學家普朗克第一次提出佢發現嘅量子論。 1911年：挪威極地探險家阿蒙森同佢嘅探險隊成為首批到達南極點嘅人。 上幾日：12月13號 – 12月12號 – 12月11號 12月15號：世界強化免疫日 1791年：美國憲法第一至第十條修正案通過咗，之後被人叫做《權利法案》。 1891年：美國體育先生納史密夫（圖）公佈佢發明嘅籃球運動第一個說明。 1925年：伊朗巴列維王朝上台。 1974年：越南共和國（南越）失守福隆省會福平，成為首個落入越南共產黨（北越）手中嘅省府，係越戰嘅轉捩點。 2014年：銅鑼灣佔領區、添馬艦立法會示威區被清場，讓愛與和平佔領中環結束。 上幾日：12月14號 – 12月13號 – 12月12號 12月16號：巴林 國慶日 755年：安祿山起兵，安史之亂開始。 1598年：李舜臣率領嘅朝鮮海軍同大明嘅海軍喺露梁海戰中夾手打敗咗日本海軍。 1773年：波士頓居民為反抗英國壟斷茶葉貿易，將三隻英船嘅茶葉倒入海，史稱波士頓茶葉事件（圖）。 1920年：中華民國甘肅省海原縣發生黎克特制8.5級地震，23萬人死。 1978年：中華民國同美國斷絕外交關係。 上幾日：12月15號 – 12月14號 – 12月13號 12月17號：不丹 國慶日 1903年：萊特兄弟喺美國北卡羅萊納州完成人類第一次嘅有動力飛行器嘅飛行。 1986年：世界第一宗心肺肝同時移植手術。 2004年：不丹政府宣佈全國禁煙令，係世界上第一個全面禁煙令。 2005年：香港舉行世界貿易組織第六次部長級會議期間，場外爆發當地自1989年旺角油麻地騷亂以來首次騷亂（圖）。南韓農民喺灣仔區衝擊警察防線同襲擊警務人員，企圖闖入香港會議展覽中心新翼阻止會議，造成香港島交通同商業癱瘓；防暴警察發射34枚催淚彈同6枚布袋彈驅散示威者，係香港史上首次喺警察行動度發射布袋彈。騷亂至18號凌晨平息，警方拉咗1,146名示威者。 2006年：「你」（指網絡使用者嘅用戶分享風潮）俾美國時代雜誌選為2006年年度風雲人物。 上幾日：12月16號 – 12月15號 – 12月14號 12月18號：聯合國 聯合國阿拉伯文日 1865年：美國國會通過《第十三憲法修正案》，取消咗奴隸制。 1961年：印度共和國開始入侵葡屬印度，最後終結咗果阿長達451年嘅葡萄牙殖民統治。 1966年：法國天文學家第一次發現土星嘅衛星土衞十一（圖）。 1979年：聯合國大會通過《消除對婦女一切形式歧視公約》。 2006年：六方會談第五輪第二回合談判喺北京展開。 上幾日：12月17號 – 12月16號 – 12月15號 12月19號：聯合國 南南合作日（2004年至2011年） 1972年：美國嘅阿波羅17號宇宙飛船喺載人登月之後番返地球，阿波羅登月計劃完咗。 1984年：中華人民共和國同英國喺北京簽署《中英聯合聲明》，確定1997年7月1號香港主權移交中華人民共和國。 1984年：1984年巴基斯坦公投，決定巴基斯坦總統應該繼續改古蘭經同聖訓，令巴基斯坦成為一個伊斯蘭國。 1998年：美國眾議院通過彈劾總統比爾·克林頓嘅兩項條款，指控佢喺萊溫斯基緋聞案之中作假證供同妨礙司法公正。經過聆訊，有關佢提供假證供同埋妨礙司法公正嘅指控成立，克林頓成為美國歷嚟第二位被彈劾嘅總統，但係佢並冇因此而落台。 2006年：香港樹仁學院（圖）升格為香港樹仁大學，成為香港第一間私立大學。 上幾日：12月18號 – 12月17號 – 12月16號 12月20號：國際人類團結日 1192年：李察一世返歸途中俾奧波德五世捉到、困埋，同撒拉丁簽條約，第三次十字軍東征完。 1951年：實驗堆一號（圖）喺美國愛達荷州Arco成為世界上第一間發電嘅核電廠，佢產生嘅電夠整著四個200瓦嘅電燈膽。 1960年：越南南方民族解放陣線成立。 1963年：「奧斯威辛集中營案」喺西德法蘭克福開審。 1999年：葡萄牙將澳門政權移交畀中華人民共和國，澳門特別行政區成立，完咗葡萄牙差唔多500年嘅統治。 上幾日：12月19號 – 12月18號 – 12月17號 12月21號：世界籃球日 1937年：由《格林童話》改編嘅美國迪士尼第一套動畫長片《雪姑七友》（圖）首映。 1968年：美國阿波羅8號發射，係人類第一次繞住月球飛。 1988年：從德國法蘭克福飛去美國底特律嘅泛美航空103航班響蘇格蘭洛克比上空因恐怖分子預先放置嘅炸彈爆炸而墜毀，機上259名機員、乘客，以及地面11人死。 1991年：11個蘇聯加盟共和國嘅領導人喺哈薩克阿拉木圖簽《阿拉木圖宣言》，成立獨立國家聯合體，宣佈蘇聯唔再存在。 2012年：瑪雅曆法第十三個Bak'tun週期完，由曆法推測出嚟嘅世界末日並冇出現。 上幾日：12月20號 – 12月19號 – 12月18號 12月22號：印尼 母親節 1808年：貝多芬（圖）創作嘅第五交響曲喺維也納劇院首演。 1978年：中國共產黨十一屆三中全會響北京閉幕，從此中國喺鄧小平領導之下開始改革開放。 1981年：英國外交部宣佈尤德獲女王伊利沙伯二世委任為香港總督，接替1982年任滿嘅麥理浩。 1999年：香港錄得歷來最凍嘅冬至，市區最低溫只得約莫攝氏六度，最高亦得十度。 2001年：阿富汗臨時政府成立，卡爾扎伊出任主席。 上幾日：12月21號 – 12月20號 – 12月19號 12月23號： 1913年：美國國會通過《聯邦儲備法》，聯邦儲備制成立。 1947年：原子粒（圖）喺美國新澤西州嘅貝爾實驗室對外公開。 1954年：人類器官移植第一次成功—Joseph Murray同J. Hartwell Harrison醫生將Ronald Herrick嘅腎移植畀佢孖生細佬Richard Herrick。 1990年：斯洛文尼亞全民公決，八成八嘅投票人贊成脫離南斯拉夫獨立。 2006年：聯合國安全理事會一致通過1737號決議制裁伊朗，要求伊朗停止鈾濃縮活動，承擔核不擴散嘅義務。伊朗外交部對此發表聲明，指出呢個決議係「非法行為」。 上幾日：12月22號 – 12月21號 – 12月20號 12月24號：平安夜 1777年：探險家占士曲發現基里地馬地島，呢度係世界最大嘅珊瑚環礁島。 1865年：美國南北戰爭結束之後，參戰嘅南方邦退伍兵喺田納西州成立三K黨。 1906年：加拿大發明家費森登播出世界上第一個電台節目。 1968年：美國太空船阿波羅8號進入月球軌道，係人類頭一次繞月飛行，太空人威廉·安德斯拍低名為「地出」（圖）嘅相。 1989年：羅馬尼亞軍事法庭宣判獨裁者壽西斯古屠殺人民、顛覆國家同埋貪污等罪名成立，判處死刑，執行槍決。 上幾日：12月23號 – 12月22號 – 12月21號 12月25號：聖誕節 1915年：蔡鍔宣佈雲南獨立。 1926年：日本天皇嘉仁心臟病死，由裕仁繼位，改年號昭和。 1936年：張學良護送蔣介石離開西安，結束西安事變。 1941年：香港總督楊慕琦率領駐港英軍喺半島酒店向日本軍投降，香港淪陷。 1991年：戈巴卓夫（圖）辭咗蘇聯總統職務。 上幾日：12月24號 – 12月23號 – 12月22號 12月26號：拆禮物日 1898年：法國化學家居里同佢老婆居里夫人宣佈發現一種新嘅元素，之後命名做鐳。 1991年：蘇聯最高蘇維埃召開最後一次會議之後宣佈解散，蘇聯正式解體。 2001年：熱帶風暴畫眉形成，係2001年太平洋颱風季最後一個形成嘅風暴，亦係太平洋最近赤道形成嘅熱帶氣旋（1.4° N）。 2004年：印尼蘇門答臘對出嘅海底發生地震（圖），引發海嘯，印度洋沿岸多國受災，超過29萬人死。 2006年：臺灣屏東縣恆春西南方近海發生黎克特制6.7級地震，係臺灣西南外海百年以來錄得最強嘅地震，造成2死42傷，多條海底電纜因此中斷，導致東亞區內網際網絡、國際電話服務受阻。 上幾日：12月25號 – 12月24號 – 12月23號 12月27號：朝鮮民主主義人民共和國 社會主義憲法節 1831年：查理斯·達爾文搭比高號（圖）由英國嘅普里茅斯出發，開始五年嘅環球航行。 1945年：多國簽訂批准《布雷頓森林協議》，成立國際貨幣基金同埋世界銀行。 1947年：希臘政府勒令解散希臘共產黨，導致希臘內戰。 2001年：美國正式宣佈中國永久正常貿易關係地位。 2002年：全球最大嘅水利工程中國嘅南水北調工程動工。 上幾日：12月26號 – 12月25號 – 12月24號 12月28號：諸聖嬰孩殉道慶日 1065年：西敏寺用咗20年時間起好。 1612年：意大利天文學家伽利略第一個觀測到海王星，佢以為係粒恆星。 1836年：西班牙承認墨西哥獨立。 1895年：盧米埃兄弟喺法國巴黎一間咖啡館公開放映世界上第一套電影（圖）。 1929年：中國工農紅軍紅四軍古田會議開會，畀毛澤東做阿頭。 上幾日：12月27號 – 12月26號 – 12月25號 12月29號：蒙古國 獨立日 1911年：大蒙古國由大清獨立。 1940年：英國首都倫敦受到德國戰機轟炸、掉燃燒彈，倫敦舊區大火，有歷史價值嘅建築焚毀。 1993年：世界最大露天佛像香港大嶼山天壇大佛（圖）舉行開光大典。 2002年：中國喺酒泉衛星發射中心成功發射神舟四號飛船，進行無人狀態下全面考核嘅一次飛行試驗。 2005年：印尼政府撤離最後一批駐守亞齊省嘅非當地部隊，蹂躪亞齊近三十年嘅內戰宣告結束。 上幾日：12月28號 – 12月27號 – 12月26號 12月30號：菲律賓 黎剎日 1896年：菲律賓民族英雄黎剎（圖）喺馬尼拉俾西班牙殖民政府以叛亂罪名槍決。 1922年：俄羅斯聯邦、烏克蘭、白俄羅斯、外高加索社會主義聯邦蘇維埃共和國四個加盟共和國組成蘇維埃社會主義共和國聯盟。 1927年：亞洲第一條地下鐵線，日本東京鐵銀座線喺上野站同淺草站之間通車。 1965年：馬可斯成為菲律賓總統。 2011年：薩摩亞同托克勞為咗經濟因素而由UTC-11時區改為UTC+13時區。呢兩度地區直接由12月29號入12月31號，冇咗12月30號呢一日。 上幾日：12月29號 – 12月28號 – 12月27號 12月31號：元旦前夕 1958年：前印度總督蒙巴頓出任英國國防參謀總長。 1963年：中非聯邦正式解體，其後逐步形成依家嘅津巴布韋、贊比亞同馬拉維三國。 1981年：香港中區喺除夕夜騷亂，大批後生仔聚集，最多嘅時候有幾千人，阻塞交通。警方提早熄晒燈飾，畀班人自己散。 1999年：美國將巴拿馬運河區土地同主權還番俾巴拿馬。 1999年：俄羅斯總統葉利欽（圖）宣佈辭職，總理普京根據憲法做代總統。 上幾日：12月30號 – 12月29號 – 12月28號