Wikipedia:2013年頭版設計建議/草案/DannyChan

歡迎嚟到維基百科

海納百川，有容乃大
人人都寫得嘅自由百科。

已有142,604篇嘅粵語文章

文藝
人物

地理
歷史

數學
全部

是日正文

記憶係指一個認知系統將啲資訊入碼、儲起同喺有需要嗰陣提取出嚟用嘅能力。記憶對於各種動物嘅生存體驗嚟講至關重要－記憶令一隻動物喺一個時間點接收到嘅資訊能夠影響佢將來嘅行為，而喺人當中，記憶仲係人際關係（要記住同自己有關係嘅人嘅相關資訊）、語言學習（要記住各種符號點用）同人格同一性（要記住自己嘅人生經歷）等重要心理過程嘅根基。

喺認知科學領域嘅科研上，研究者會將個腦當做一個處理資訊嘅系統，會儲起應該要儲嘅資訊。一件記憶可以按多種屬性分類－記憶可以按「有冇得用口頭講返出嚟」分做有意識同冇意識兩種；又有得按「會維持幾耐」分做短期同長期兩種。呢啲種種記憶嘅開端係感官－眼耳口鼻會由外界接收資訊，感官嘅神經細胞會以電同化學訊號嘅型式將收到嘅資訊傳去個腦度，工作記憶呢個短期記憶系統會暫時儲住個腦用緊嗰啲資訊，呢啲資訊當中有一部份嘅可能會俾個腦判定做「需要儲起做長期記憶」，日後對隻動物嘅行為產生更加深遠嘅影響。

記憶功能有可能失靈。生物嘅記憶系統受持續咗過億年嘅進化過程塑造，但並唔完美－認知科學研究表明，記憶可以受好多因素干擾而出錯：例如一隻動物注意力唔夠可能會搞到由外界刺激嗰度成功入到碼嘅資訊少咗；腦部有病變或者受到物理上嘅損害可能會搞到儲喺入面嘅記憶喪失；長期記憶又會無可避免噉隨住時間慢慢衰變，可能會搞到第日要提取嗰陣有問題。認知科學對呢啲記憶失靈嘅研究對精神醫學等嘅工作有一定嘅幫助。 (成篇文章……)

以前嘅正文：注意力 – 蝴蝶 – 故仔

歸檔 – 提名 – 全部96篇正文...

是日正表

造個創世神生物一覽係《造個創世神》（Minecraft）生物列表嘅概覽。造個創世神嘅生物分成主動型、中立型同被動型。另外仲有BOSS級嘅怪物。

歸檔 – 候選 – 全部4篇正表...

你知唔知...

...策略思考包括事前計劃要做乜、預測對手會點行動、仲有係喺競爭開始後做決策？
...世上最大嘅荒漠 (圖) ，查實係南極洲？
...用咗間接遞歸嘅電腦程式，可以用嚟控制電子遊戲入便嘅虛擬敵人？
...單音音樂係指成首音樂得一行旋律咁多，冇任何伴奏？
...字幕有陣時會搵速記員即場整？
...訪問研究可以分做「有結構」同「無結構」兩大種？
...一段音最起碼要有三個唔同嘅音，先可以算係和弦？
...唔少史學家覺得中世紀係歐洲史上嘅一個「黑暗時期」？

提名 – 歸檔 – 寫新文

當年今日

11月18號：拉脫維亞獨立日

1067年：司馬光初進讀通志，賜名《資治通鑒》。
1918年：拉脫維亞獨立。
1970年：阿曼獨立。
1985年：陳水扁嘅老婆吳淑珍（圖）喺競選臺南縣長失利之後謝票，俾張榮財揸貨車撞傷，下半身從此癱瘓。
1987年：英國倫敦地下鐵發生大火，32死50幾傷。

上幾日：11月17號 – 11月16號 – 11月15號

舊文 – 更多當年今日

時人時事

美國舉行咗第60屆美國總統選舉（選舉人分佈圖），結果當勞侵大勝賀錦麗，重返白宮。
喺黎巴嫩嘅無線通訊設備爆炸之中，已經有最少42人死，3500人傷。
當勞侵禍不單行，佛羅里達州有人疑似企圖再次暗殺佢，警察用持槍罪拉咗個疑犯。
當勞侵喺賓夕凡尼亞州嘅畢拿為年底總統大選造勢期間遇刺，兩死三傷。
當勞侵揞口費案結果出爐：34條偽造商業紀錄罪，全部罪名成立。
伊朗發生直升機失事，其中乘客包括伊朗總統萊希。
格魯吉亞國會通過非常受爭議嘅外國代理人法案，首都第比利斯持續爆發大型示威，要求撤回呢條法案。
臺灣花蓮外海發生咗黎克特制7.2級強烈地震，係臺灣自1999年集集地震以嚟最嚴重嘅地震。

維基新聞^{（英｜中）} – 訃聞 – 更多時人時事…

維基百科街坊

幫助櫃枱 — 問下點用維基百科。
詢問處 — 好似個圖書管理員。有唔同志願人士解答你各科疑難。
城市論壇 — 傾下維基百科本身嘅嘢，例如技術同方針。
社區大堂 — 維基百科唔同方面嘅壁佈板，計劃，資源，活動。
網站新聞 — 維基百科同維基基金會嘅宣佈，更新同新聞發佈。
本地大使館 — Tourists are most welcome to the embassy district of Wikipedia Cantonia. You can find the embassador for your language; And if you have any question, just ask.