2006年
(由二〇〇六年跳轉過嚟)
| 世紀： | 20世紀 21世紀 22世紀 |
| 年代： | 1970年代 1980年代 1990年代 2000年代 2010年代 2020年代 2030年代 |
| 年： | 2001年 2002年 2003年 2004年 2005年 2006年 2007年 2008年 2009年 2010年 2011年 |
| 干支年： | 1月1號到1月28號係乙酉年（雞年） 1月29號開始係丙戌年（狗年） |
| 年號： | 民國九十五年 |
其他紀年
[編輯]- 中國
- 中華民國：民國九十五年
- 朝鮮半島
- 北韓：主體九十五年
- 南韓：檀紀4339年
- 日本
- 平成十八年
- 皇紀2666年
- 佛曆：2548年10月2號~2548年10月2號
- 回曆：1426年12月1號~1427年12月10號
- 猶太曆：5766年4月1號~5767年4月10號
- 修正儒略日（MJD）：53736 - 54100
- UNIX時間：1136073600 - 1167609599
大事記
[編輯]- 1月1號：全世界閏1秒。
- 1月1號：日本東京三菱銀行同UFJ銀行合併，成立三菱東京UFJ銀行。
- 1月1號：喺中國大陸有2600年歷史嘅「皇糧國稅」呢日取消，農民唔使再交農業稅。
- 1月4號：以色列總理阿里爾沙龍因腦出血入院急救。
- 1月4號：英特爾用標誌Intel代替舊標籤Intel Inside。
- 1月4號：俄羅斯同烏克蘭簽定五年天然氣價格問題協議嘅合約。
- 1月10號：南韓國立首爾大學調查委員會宣佈，黃禹錫教授喺「科學」雜誌上發表關於「複製培養胚胎幹細胞核心技術」嘅論文，經過調查證實無料到。南韓檢察官話會刑事調查黃禹錫。
- 1月11號：新視野1號發射。
- 1月13號：駐阿富汗美軍突襲轟炸阿富汗同巴基斯坦邊境，目標係阿蓋達組織第二號恐怖份子扎瓦希里，死咗最少18人，其中包括5個女人同5個細路。
- 1月16號：約翰遜瑟利夫當選利比里亞總統，喺首都蒙羅維亞宣誓就職，係非洲史上首個民選女總統。
- 1月18號：日本網路企業新貴堀江貴文領軍嘅活力門（Livedoor）公司涉及內幕交易，引爆日經指數暴跌，東京證券交易所喺下晝宣佈提早結束交易，係56年來第二次採取呢種緊急措施。
- 1月23號：加拿大國會大選變天，保守黨結束自由黨13年政權。
- 1月25號：中華民國行政院院長蘇貞昌上任。
- 1月25號：網絡搜尋器品牌Google喺中國推出google.cn網址，不過為咗符合中國政府對言論自由嘅限制，用佢搵嘢會經過審查。
- 1月26號：巴勒斯坦議會選舉，激進組織哈馬斯拎過半數議席，總理庫賴宣佈內閣總辭。輸咗嘅法塔赫支持者同哈馬斯支持者爆發衝突，傷咗好多人。
- 1月28號：波蘭南部一個展覽大廳屋頂因積雪冧咗落嚟，搞到死咗最少66人，傷140幾人。
- 1月31號：美國聯邦儲備局理事會主席格林斯潘卸任，職位由美國總統經濟顧問委員會主席伯南克接任。
- 2月2號： 因為丹麥《日德蘭郵報》刊登咗一個穆罕默德嘅漫畫，搞到敘利亞、沙特阿拉伯召返佢哋嘅駐丹麥大使。
- 2月3號：一艘載咗1414名乘客同埋船員嘅薩拉姆98號客輪，喺沙特阿拉伯杜巴開去埃及薩法加嗰陣，喺離洪加達70公里嘅紅海度沉咗。之後搵返300幾個生還者同埋近200幾具浮屍。
- 2月5號：2006年哥斯達黎加總統大選舉行。
- 2月6號：《烟草控制框架公約》締約方首次會議喺日內瓦開幕。
- 2月7號：一支聯合考察隊嘅科學家話，佢哋喺印尼巴布亞省熱帶雨林發現幾十種新物種，有包括先前認為已經絕種嘅樹袋鼠。
- 2月9號：英國衛生部門宣佈，英國發現第三宗可能因為輸血而感染嘅新型「克雅二氏症」病例。
- 2月9號：厄瓜多爾因邊界問題召返駐哥倫比亞大使。
- 2月10號：2006年冬季奧林匹克運動會開幕。
- 2月11號：H5N1禽流感病毒入侵歐洲聯盟，意大利、希臘證實野天鵝感染致死。
- 2月11號：美國冒險家史蒂夫·福塞特渣「環球飛行者」號飛機喺英國南部安全降落。佢用咗3日幾時間環球飛行咗成4.25萬公里，刷新唔停咁飛飛得最遠嘅世界紀錄。
- 2月12號：美國東北地區遭到有史以來最大風雪侵襲，紐約市降雪量創下歷史最高紀錄。
- 2月13號：慈幼會來華百周年（DB100）。
- 2月14號：香港舉行慈幼會百週年傳頌承慶典，特首曾蔭權都有去。
- 2月15號：美國國會舉行聽證會，調查雅虎、微軟、Google同埋思科公司有無份幫中國封鎖信息。
- 2月16號：菲律賓南部落咗幾日豪雨，引發土石流災情。
- 2月18號：蜆殼公司有九個伙記喺尼日利亞被人綁架。一個武裝組織話會對外國嘅石油利益展開「全面戰爭」。
- 2月24號：因應政變傳聞與反政府示威，菲律賓總統阿羅約夫人宣佈全國進入緊急狀態。
- 2月25號：愛爾蘭都柏林北愛爾蘭天主教徒因為想阻住新教徒遊行，最後變成騷亂，係十年來規模最大嘅一次。
- 2月27號：中華民國總統陳水扁正式宣佈「終止」「國家統一委員會」同埋「國家統一綱領」嘅適用。
- 3月1號：日本交通部門喺仙台市首次公開實地測試一架世界上速度最快嘅電力列車。最快行到366公里每小時。
- 3月3號：首屆世界棒球經典賽A組預賽喺日本東京巨蛋開戰，首戰由韓國隊出戰中華隊。
- 3月6號：中國同日本因為東海油氣田問題喺北京展開談判。
- 3月10號：美國國家航空暨太空總署發射嘅火星偵察軌道器已經去到火星，入咗環火星軌道。
- 3月12號：委內瑞拉用新國旗，新國旗由七粒白色五角星加到八粒。
- 3月14號：大韓民國國務總理李海瓚因為「哥爾夫球醜聞」向總統盧武鉉提出辭職。
- 3月15號：聯合國大會通過決議設立聯合國人權理事會。
- 3月15號：全世界最大基因庫喺英國「開張」，開始慢慢儲50萬人嘅DNA樣本同各種醫學數據。
- 3月16號：美國同伊拉克聯軍空襲巴格達北邊125公里嘅薩馬拉武裝反抗勢力據點。
- 3月16號：二十五萬法國學生喺全國八十個城鎮發動大規模示威，抗議政府通過「首次僱用合約法」（CPE）威脅青年工作權，示威最後演變成暴力衝突。
- 3月20號：首屆世界棒球經典賽冠軍戰喺美國聖地牙哥舉行，最後由日本隊以10比6打贏古巴隊，攞咗冠軍。
- 3月20號：盧卡申科第三次當選白俄羅斯總統，不過美國同歐洲聯盟都唔肯承認選舉結果。
- 3月21號：巴基斯坦首次出現H5N1禽流感病毒。巴基斯坦西北部兩個農場嘅雞都驗到有感染，農場因為咁封咗。
- 3月23號：歐洲聯盟批准對中國、越南輸出嘅皮鞋徵收反傾銷稅。
- 3月25號：美國洛杉磯有成五十萬人上街抗議，要求當局特赦非法移民，同時反對國會立法緊縮美國移民政策。
- 3月25號：粵語維基百科開張。
- 3月28號：法國出現幾十年來最大型嘅全國性罷工，至少有成百萬民眾喺各地示威，敦促政府放棄「首次僱用合約法」（CPE）。
- 3月29號：2006年以色列國會選舉結果揭曉，代總理奧爾默特領導嘅「前進黨」贏得最多席，之後籌組新政府。
- 3月29號：非洲、土耳其同俄羅斯部分地區有得睇日全食。
- 3月31號：中華民國行政院農委會話因為「準備不足」，唔收中國送畀佢哋嘅熊貓。
- 4月4號：喺2006年泰國國會選舉入面贏咗嘅泰國總理丘達新夜晚同泰王見面後，宣佈應國王嘅要求而落台。
- 4月7號：臺灣液晶顯示器龍頭企業友達光電宣佈合併廣輝電子，合併之後嘅新友達生產嘅面板全球市場佔有率躍升至20.2%，直逼南韓嘅LG.Philips LCD同三星電子。
- 4月11號：意大利前總理羅馬諾·普羅迪領導嘅中間偏左「團結」聯盟擊敗現任總理貝盧斯科尼領導嘅中間偏右「自由之家」聯盟，贏得國會改選。
- 4月16號：中國外匯儲備到3月底已經去到成8751億美元，超過日本成為世界最大外匯儲備國。
- 4月23號：紐西蘭、澳洲、斐濟同埋巴布亞新畿內亞向所羅門群島派兵同警察，幫佢哋平息因為選舉而引起嘅騷亂。
- 4月26號：歐洲議會公佈一個調查報告，證明由2001年9月11號以嚟，美國中央情報局喺歐洲上空進行超過一千次冇公開嘅飛行，綁架「恐怖分子」重施以酷刑，美國方面承認飛行同埋綁架，但否認酷刑。
- 4月27號：自由塔喺美國紐約世界貿易中心原址動工，新建築會包埋一個911事件紀念館。
- 4月27號：中國漁船喺南沙群島畀一艘唔知邊度國籍嘅武裝船隻襲擊，死咗四名漁民，有三名漁民受傷，漁船上嘅財產俾人搶走晒。有報道話係菲律賓軍方所為，菲律賓總統下令軍方調查。
- 4月28號：美國「自由之家」發表2005年全球新聞自由度評比報告，臺灣新聞自由度排第三十五，首次同日本並列亞洲第一。中國就評做「不自由」國家，排第一百七十七。
5月
[編輯]内文：2006年5月
- 5月1號：澳門勞動節遊行演變成警民衝突。
- 5月7號：中國男子羽毛球隊喺東京以3:0贏咗丹麥隊，史上第六次攞到湯姆斯杯。
- 5月7號：斐濟大選混亂，各派責難選務主管，要求落台。
- 5月11號：瑞士洛桑國際管理學院（IMD）發佈《2006年世界競爭力黃皮書》，美國排第一，香港排第二，臺灣排第18位；升幅最大係中國，排第19位。
- 5月12號：南韓生物科學家黃禹錫因為欺詐、挪用公款同偽造幹細胞研究結果被檢察機關起訴，震驚科學界。
- 5月14號：日本東京交通博物館關閉。
- 5月15號：美國國務院宣佈恢復同利比亞嘅外交關係，開始話佢唔再喺恐怖主義國家名單入面。
- 5月17號：普羅迪接替貝盧斯科尼就任意大利總理。
- 5月20號：中國三峽大壩完工。
- 5月21號：黑山舉行獨立公投，結果以55.3%通過脫離塞爾維亞黑山獨立。
- 5月23號：第一棟喺紐約世界貿易中心遺址重建嘅大樓落成啟用。
- 5月23號：世界衛生大會入面嘅美國、加拿大、蒙古國、日本同澳洲等國都讚臺灣提前實施「國際衛生條例」（IHR），又支持世界衛生組織（WHO）將臺灣納入全球禽流感防疫體系。
- 5月26號：歐洲最大火車站：柏林中央車站正式啟用。
- 5月27號：印尼中爪哇發生黎克特制6.2級地震。而之前曾經爭啲大爆發嘅印尼默拉皮火山，受地震影響又爆埋。
6月
[編輯]内文：2006年6月
- 6月1號：韓國執政黨「開放嘅我們黨」喺五三一地方選舉中慘敗，喺16席廣域團體首長中只贏得全羅北道地區一席，最大在野黨大國家黨就贏得包括首爾特別市在內嘅12席。
- 6月2號：中華人民共和國國務院公布第六批全國重點文物保護單位（共計1080處），以及同現有全國重點文物保護單位合併嘅項目共有106處。
- 6月3號：黑山獨立。
- 6月9號：2006年FIFA世界盃足球賽喺德國慕尼黑開幕。
- 6月12號：物理學家霍金應香港科技大學邀請抵達香港，展開一連六日嘅訪問行程。
- 6月15號：比爾蓋茲宣佈會喺未來兩年內淡出公司嘅日常營運事務，全心投入慈善事業，並即刻辭去微軟首席軟件設計師嘅職務。
- 6月16號：全球最長嘅管孔公路隧道—臺灣雪山隧道正式通車，象徵蔣渭水高速公路全線通車。
- 6月20號：中華民國總統陳水扁發表電視演說，以向全民報告嘅方式回應由立法院啟動嘅罷免總統程序，並重申總統唔向立法院答辯。
- 6月27號：臺灣最高民意機關立法院，對臺灣總統陳水扁罷免案進行表決，出席立法委員133人，贊成119人、反對0人、無效14人，臺灣憲政史上首次罷免總統案未能通過。
7月
[編輯]内文：2006年7月
- 7月1號：青藏鐵路第二期順利通車，首班列車分別由格爾木同拉薩開出。
- 7月5號：北韓凌晨發射咗6枚飛彈，其中包括5枚中短程飛彈，以及1枚大浦洞-2遠程飛彈，全部落喺日本海，日本政府對此表示嚴重抗議，並發動經濟制裁，禁止北韓船隻喺未來半年內進入日本港口。
- 7月9號：意大利以互射十二碼5:3擊敗法國，奪得2006年FIFA世界盃冠軍。
- 7月9號：中國女子網球組合鄭潔／晏紫喺溫布頓網球錦標賽女子雙打決賽擊敗西班牙同阿根廷組合奪得冠軍，係中國人喺溫網嘅首個冠軍，亦係兩位球員繼當年澳洲網球公開賽後再攞網球大滿貫賽事女雙冠軍。另外，瑞士嘅費達拿喺男子單打決賽擊敗西班牙嘅拿度後，創出溫網男單四連冠。
- 7月9號：一架載住200人嘅俄羅斯西伯利亞航空公司A-310客機，喺西伯利亞降落時失事，最少150人死。
- 7月10號：車臣游擊隊領袖巴薩耶夫被俄軍擊斃。
- 7月11號：印度孟買發生火車連續爆炸案，超過200人死。
- 7月12號：2006年以黎衝突—黎巴嫩「真主黨」游擊隊越界捉咗兩名以色列士兵，以色列隨即大舉轟炸黎南設施同埋真主黨目標，並搜尋被俘擄嘅士兵。
- 7月13號：2006年以黎衝突—以色列軍隊對貝魯特國際機場同埋黎南地區持續進行空襲行動，造成約40人死亡，聯合國秘書長戈菲·安南宣佈派特使調停。
- 7月15號：聯合國安理會一致通過譴責同埋制裁北韓日前試射飛彈嘅決議案，並要求北韓立刻停止佢嘅彈道飛彈研發計劃，北韓駐聯合國大使話該國拒絕呢項決議，將繼續進行飛彈試射。
- 7月15號：第4屆世界合唱比賽喺中國福建廈門開幕。
- 7月17號：印尼爪哇島西南部外海喺下晝3點19分（UTC+7）發生黎克特制7.7級地震，西爪哇海岸出現兩米高海嘯。
- 7月20號：世界跳躍日舉行。
- 7月22號：2006年以黎衝突—以色列地面部隊大舉進軍黎巴嫩南部，佔據一座主要村莊，並與伊斯蘭教什葉派激進組織「真主黨」爆發激戰。
- 7月24號：美國、歐洲聯盟、日本、澳洲、巴西同埋印度嘅部長級會談，因未能就關鍵嘅農業補貼同埋非農產品市場準入問題達到一致，決定中止已持續近5年嘅多哈回合貿易談判。
- 7月25號：2006年以黎衝突—以色列一枚炸彈擊中聯合國駐黎巴嫩嘅觀察員據點，四名國籍為中國、奧地利、加拿大同埋芬蘭嘅聯合國觀察員殉難，聯合國秘書長戈菲·安南同埋中國政府提出強烈抗議。
- 7月30號：2006年以黎衝突—以色列一枚炸彈擊中黎巴嫩南部小鎮迦南嘅一座民居，造成50多平民死亡，其中包括37名兒童。世界各地首腦紛紛表示譴責呢次事件。
8月
[編輯]
内文：2006年8月
- 8月1號：古巴最高領導人菲德爾·卡斯特羅因為腸胃出血入咗醫院做手術，權力暫時交畀佢細佬勞爾卡斯特羅。
- 8月2號至6號：香港立法會經過四日爭議性嘅辯論之後，喺6號凌晨兩點幾三讀通過咗《截取通訊及監察條例草案》，較早前由吳靄儀動議新訂嘅「日落條款」條文被否決之後，一班泛民主派議員集體離場抗議。
- 8月3號：第六屆亞太口琴節喺台北縣國際會議中心舉行。
- 8月6號：中華民國外交部宣佈同乍得斷交，停咗一切援助計劃。
- 8月7號：2006年以黎衝突—以色列戰機空襲黎巴嫩南部邊境地區嘅侯拉村，40幾個平民死咗。
- 8月9號：世界衛生組織（WHO）確認印尼首都耶加達郊外一個16歲少年因為感染H5N1高致病性禽流感死咗。呢個國感染禽流感病死人數增加到43，超過咗越南嘅42成為全球死於禽流感人數最多嘅國。
- 8月10號：英國警方宣佈破獲一單恐怖攻擊陰謀，總共拉咗廿一個人，恐怖分子意圖使用密藏喺手提行李裏面嘅液態炸藥炸毀往來英、美的民航機。面對恐怖威脅，英國規定乘客唔畀帶任何手提行李上機。美國亦升高飛安警戒，唔畀乘客攜帶液狀物登機。
- 8月12號：斯里蘭卡軍方話東部戰略要地亭可馬利港嘅海軍基地凌晨俾猛虎組織炮火襲擊。軍方話，一共有27個軍方人員死咗，80個人受傷，叛軍就估計有150幾人死咗。
- 8月14號：2006年以黎衝突—停火協議喺上晝8點正（UTC+3）生效。
- 8月16號：一艘日本漁船喺日本同俄羅斯有爭議嘅北方四島（俄羅斯叫南千島群島）附近水域俾俄羅斯邊防警備廳警艇槍擊同扣留，其中一個漁民俾人打死咗。
- 8月19號：2006年以黎衝突—以色列凌晨公然破壞聯合國停火決議，派兵突襲黎巴嫩東部城市巴貝克一「真主黨」游擊隊嘅據點，雙方發生激戰，搞到真主黨游擊隊3人死咗，以色列方面就有1個人死咗，2個人受傷。
- 8月22號：普科弗航空612號班機喺烏克蘭東部頓涅茲克市附近地區墜毀。航機上面160個乘客同10個機組人員全部死晒。
- 8月24號：國際天文學大會做出咗改變行星定義嘅決議，冥王星降級變成矮行星，太陽系從此變成有「八大行星」。
9月
[編輯]
内文：2006年9月
- 9月1號：香港嘅新三三四學制首批學生升上中學。
- 9月3號：歐洲太空總署發射的SMART-1號太空探測器成功撞擊月球，完成持續16個月的任務。
- 9月3號：美國網球員阿加斯因傷喺美國網球公開賽第三輪賽事中輸波，結束21年職業生涯。
- 9月7號：臺灣中正國際機場改名為臺灣桃園國際機場。
- 9月10號：一級方程式賽車世界冠軍米高舒密加宣佈喺賽季結束後退役。
- 9月19號：泰國皇家軍隊發動軍事政變，喺紐約參加聯合國大會嘅泰國總理丘達新宣佈曼谷進入緊急狀態，並宣佈解除陸軍司令職務。
- 9月20號：匈牙利總理玖爾恰尼承認喺選舉中向選民講大話，引發反政府抗議，要求總理下台。
- 9月22號：德國磁浮試驗線撞車事故。
- 9月24號：中共中央政治局委員、上海市委書記陳良宇因社保基金挪用案遭革職查辦。
- 9月26號：安倍晉三就任第90屆日本首相。
- 9月28號：泰國新曼谷國際機場於當地時間凌晨3時開幕，取代有80多年歷史嘅曼谷廊曼國際機場。
10月
[編輯]
内文：2006年10月
- 10月1號：泰國軍事執政團宣佈任命素拉育為臨時政府總理。
- 10月6號：俄羅斯將兩百名住喺俄國境內嘅格魯吉亞人驅逐出境，同時加緊查緝其他合法同唔合法居留嘅格魯吉亞人。
- 10月6號：Google以16億5000萬美元收購YouTube。
- 10月8號：日本首相安倍晉三出訪中國，為兩國中斷領導人互訪五年來的首次。
- 10月9號：北韓喺咸鏡北道進行地下核試驗，係第八個公開宣佈有核武器嘅國，世界各國紛表譴責。
- 10月13號：聯合國大會通過委任大韓民國外交通商部長官潘基文擔任下任聯合國秘書長。
- 10月14號：聯合國安全理事會一致通過《聯合國安理會1718號決議》，對日前進行核試爆的北韓進行制裁；北韓對此決議則回應「視同宣戰」。
- 10月16號：斯里蘭卡叛軍「塔米爾之虎」喺東北部地區向政府軍車隊發動自殺式炸彈攻擊，造成最少103死、150傷；斯里蘭卡政府軍即刻以派戰機轟炸叛軍據點做回應。
- 10月17號：美國人口突破三億。
- 10月19號：一名蒙古國女郎阿爾丹杜雅·沙麗布（Altantuya Shaariibuu）喺馬來西亞首都吉隆坡嘅沙亞南區暗角處，俾人用C-4炸藥殺害，或者被殺後俾人用C-4炸藥毀屍滅跡[1]。
- 10月19號：美國道瓊斯工業平均指數收市首次突破12,000點。
- 10月19號: Windows Internet Explorer 7英文版本正式版發佈。
- 10月22號：蘇丹政府唔滿意聯合國特使普隆克發表批評佢哋處理達夫人道危機作為嘅言論，下令普隆克三日內離境。
- 10月22號：巴拿馬就擴建巴拿馬運河舉行公民投票，超過78%支持擴建。
- 10月25號：來自全球63個科研機構嘅百幾名科學家宣佈經過4年幾努力，終於破譯咗蜜蜂嘅全基因組。
- 10月25號：Mozilla Firefox 2.0官方版發佈。
- 10月27號：中國工商銀行同時喺上海證券交易所同香港交易所上市，成為有史以來最大嘅首次公開招股（IPO）。
- 10月29號：時任巴西總統盧拉·達·施華喺2006年巴西總統大選次輪投票中獲勝，連任成功。
- 10月30號：Windows Media Player 11英文版本正式版發佈。
11月
[編輯]内文：2006年11月
- 11月4號：中非合作論壇北京峰會開幕。
- 11月5號：伊拉克前總統薩達姆侯賽因被指違反人道等罪名判處死刑。
- 11月6號：埃莫馬利·拉赫莫諾夫贏出大選，再當選塔吉克總統。
- 11月7號：尼泊爾共產黨 (毛派)同尼泊爾政府達成協議，放棄武裝鬥爭，加入尼泊爾七黨聯盟政府。
- 11月7號：聯合國安全理事會非常任理事國選舉：委內瑞拉同危地馬拉經47輪投票爭持不下，雙方同意由巴拿馬出任代表拉丁美洲及加勒比海嘅席位。
- 11月8號：Windows Vista提供畀製造商。
- 11月9號：陳馮富珍當選世界衞生組織總幹事。
- 11月9號：美國中期選舉結果揭曉，民主黨取代共和黨成為參眾兩院多數黨。
- 11月12號：中文維基百科成為第12個突破10萬文章數嘅維基百科語言版本。
- 11月13號：格魯吉亞南奧塞梯地區總統科科伊季宣佈公投結果，大多數選民都支持南奧塞梯獨立。
- 11月15號：日本北海道以北嘅俄屬千島群島海域發生黎克特制8.1級強地震，日本對周邊區域發佈海嘯警報及注意報。
- 11月17號：Windows Media Player 11發佈繁體/簡體中文版。
- 11月17號：Windows Vista提供畀MSDN訂戶。
- 11月18號：Sony PlayStation 3 發行。
- 11月19號：亞太經合組織非正式領袖會議結束，《河內宣言》呼籲全球貿易自由化、處理北韓核問題及完成世界貿易組織多哈回合談判。
- 11月21號：尼泊爾政府同毛派叛軍正式簽署協定，結束十幾年內戰。
- 11月27號：加拿大國會以266票同意16票反對通過總理史提芬哈珀嘅「魁北克省係加拿大國中之國」動議，喺統一嘅加拿大聯邦為前提下，承認魁北克省係加邦國家。
- 11月30號：南非成為全球第五個、非洲頭一個承認同性婚姻合法嘅國。
- 11月30號：Windows Vista及Microsoft Office 2007提供大量授權。
12月
[編輯]内文：2006年12月
- 12月1號：2006年亞洲運動會喺卡塔爾首都多哈開幕。
- 12月4號：2006年世界電信展喺香港開展。
- 12月5號：斐濟發生軍事政變，原斐濟總統恩加拉塞畀人解職兼軟禁，軍方宣稱攞到政權。
- 12月6號，澳門前運輸工務司司長歐文龍涉及貪污被捕，係澳門回歸以來畀人拉嘅最高級官員。
- 12月9號：中華民國直轄市市長、市議員選舉，郝龍斌當選台北市長，陳菊當選高雄市長。
- 12月13號：第61屆聯合國大會一致通過首個有關殘疾人士嘅國際公約－《殘疾人士權利公約》，保障全球6.5億身心障礙者享有完整平等嘅人權、基本自由同埋人格尊嚴。
- 12月14號：潘基文宣誓就任第八任聯合國秘書長。
- 12月15號：2006年亞洲運動會閉幕，獎牌榜前三名係中國、南韓、日本。
- 12月15號：一個由中華人民共和國、美國、英國、德國、瑞士同埋日本6國科學家組成嘅聯合調查組宣佈白鰭豚可能已經滅絕。
- 12月15號：日本參議院正式通過將防衛廳升格為「防衛省」，係戰後日本首次恢復設立部級嘅國防最高指揮單位。
- 12月17號：「你」（指網民分享風潮）畀美國《時代雜誌》選為2006年年度風雲人物。
- 12月18號：六方會談第五輪第二回合談判喺北京展開。
- 12月19號：泰國中央銀行18號宣佈對外匯採取嚴格管制措施，搞到泰國股市狂跌近15%，創咗開市31年嚟最大單日跌幅，泰國中央銀行被迫緊急宣佈取消該措施。
- 12月21號：南韓新行政首都建設推進委員會召開會議，決定將南韓新行政首都命名為「世宗（세종）」
- 12月23號：聯合國安全理事會一致通過1737號決議制裁伊朗，要求伊朗停止鈾濃縮活動，承擔核不擴散嘅義務。伊朗外交部對此發表聲明，指出呢個決議係「非法行為」。
- 12月24號：衣索比亞總理澤納維表示，該國當日出動戰機，轟炸正包圍索馬利亞脆弱過渡政府的伊斯蘭戰士，以保衛自己國家的主權。
- 12月26號：臺灣屏東縣恆春西南方近海發生黎克特制6.7級地震，造成2死45傷，多條海底電纜因此中斷，導致東亞區內網際網路、國際電話服務受阻。
- 12月29號：英國女探險家漢娜·米肯德到咗南極極點，以40日時間創造新嘅「單人最快南極探險紀錄」。
- 12月30號：伊拉克前總統薩達姆侯賽因被處決。
- 12月31號：發生2006年跨年曼谷連環爆炸案。
出世
[編輯]3月
[編輯]6月
[編輯]9月
[編輯]死
[編輯]内文：2006年死
1月
[編輯]- 1月1號：黃建福，37歲，臺灣原住民歌手
- 1月2號：比爾·史凱特，52歲，巴布亞新畿內亞前總理
- 1月3號：東史郎，93歲，第二次世界大戰日本老兵新華網、日本每日新聞
- 1月8號：石田浩，59歲，日本經濟學家
- 1月15號：賈比爾·艾哈邁德·薩巴赫，79歲，科威特國家元首
- 1月21號：郭伯偉，91歲，前香港財政司
- 1月21號：曾秋坤，英國第二位唐人貴族
- 1月27號：約翰內斯·勞，75歲，德國前總統
- 1月30號：科麗塔·斯科特·金，79歲，美國民權活動家
2月
[編輯]- 2月13號：王選，69歲，中國人民政治協商會議第十屆全國委員會副主席、中國科學院、中國工程院院士
- 2月13號：逯耀東，74歲，臺灣史學家
- 2月15號：孫運璿，93歲，中華民國總統府資政、前行政院長
- 2月20號：方召麐，92歲，中國國畫大師，陳方安生阿媽
- 2月22號：安積莉卡·露絲安奴（Angelica Rozeanu），羅馬尼亞女子乒乓波連續六屆世界冠軍（1950－1955）
- 2月22號：董驃，72歲，香港馬評人、電視、電影演員
3月
[編輯]- 3月9號：約翰·普羅富莫，91歲，英國政治人物，普羅富莫事件主角
- 3月11號：米洛舍維奇，64歲，南斯拉夫前總統
- 3月16號：譚江柏，95歲，香港足球員
- 3月17號：曾國恆，33歲，殉職香港警察
- 3月17號：徐步高，36歲，香港警察，疑涉及殺害梁成恩等罪行嘅疑犯
- 3月24號：羅曼菲，51歲，臺灣舞蹈家
4月
[編輯]5月
[編輯]- 5月6號：莉莉安·阿斯普隆德，99歲，鐵達尼號最後一名美籍生還者
- 5月10號：林挺生，88歲，臺灣大同公司前董事長
- 5月22號：李鍾郁，61歲，世界衛生組織總幹事
- 5月25號：李篤安，78歲，中華人民共和國天主教西安教區主教
- 5月26號：愛德華·米芝蓮，43歲，法國輪胎生產商米芝蓮總裁
- 5月29號：岡田真澄，70歲，日本演員
- 5月30號：今村昌平，79歲，日本電影導演
6月
[編輯]7月
[編輯]- 7月1號：橋本龍太郎，68歲，第82、83任日本首相
- 7月3號：胡立教，92歲，中共上海市委第二書記、上海市人大常委會原主任
- 7月19號：馬樹禮，98歲，前臺灣駐日代表
- 7月21號：塔莫（Ta Mok），約80歲，紅色高棉軍方高層
- 7月25號：杜照宇，34歲，聯合國停戰維和組織觀察員、中華人民共和國軍官
8月
[編輯]- 8月12號：華益慰，73歲，中國醫學專家，北京軍區總醫院原外一科主任
- 8月13號：艾華士（Jack Edwards），86歲，退伍駐香港英軍，參加過第二次世界大戰
- 8月29號：馬哈福茲，94歲，埃及小說家，1988年諾貝爾文學獎得主
9月
[編輯]- 9月1號：羅鷹石，香港鷹君集團創始人
- 9月4號：史蒂夫·厄文，44歲，澳洲動物保育人士，動物星球頻道主持人
- 9月4號：基亞仙圖·范察堤，64歲，意大利足球員，國際米蘭主席
- 9月7號：何國棟（James Hawthorne），香港電台前廣播處長
- 9月7號：田亨奎，北韓播音員
- 9月8號：馮建民，香港警務處前總警司，喺葵涌一棟樓宇跳樓自殺
- 9月10號：張川田，62歲，臺灣立法委員
- 9月10號：鄭成思，62歲，中國知識產權法專家
- 9月10號：陶法阿豪·圖普四世，88歲，世界最肥君主，湯加國王
- 9月11號：關海山，香港藝人，粵劇紅伶
- 9月22號：廖冰兄，中國漫畫家
10月
[編輯]- 10月3號：鄔維庸，69歲，香港醫生，第十屆全國人大代表，香港基本法委員會港方委員
- 10月5號：廖漢生，第六、七屆全國人民代表大會常務委員會副委員長，中央軍委原委員，中華人民共和國國防部原副部長，瀋陽軍區原第一政治委員
- 10月7號：安娜·波利柯傅斯卡亞，48歲，俄羅斯記者，以批評俄國車臣政策聞名
- 10月11號：柯里·萊多，34歲，美國職棒大聯盟紐約洋基隊投手
- 10月13號：王光美，85歲，第二任中華人民共和國主席劉少奇夫人
- 10月17號：陳述，86歲，中國演員
- 10月22號：崔圭夏，88歲，大韓民國前總統
- 10月28號：霍英東，83歲，香港生意人，中國人民政治協商會議第八、九、十屆全國委員會副主席
- 10月29號：阿奴·奧爾巴赫，89歲，NBA教練
- 10月31號：彼得·威廉·波塔，90歲，南非前總統同前總理
- 楊帆 (臺灣)，63歲，臺灣演員，原名楊光熹
11月
[編輯]- 11月5號：陳定南，63歲，臺灣前法務部長
- 11月16號：米爾頓·佛利民，94歲，美國經濟學家，1976年諾貝爾經濟學獎得主
- 11月20號：洪學智，中國人民政治協商會議第七、八屆全國委員會副主席，中國人民解放軍唯一一位兩次被授予上將軍銜的高級軍官
- 11月20號：羅伯特·奧特曼，81歲，2006年初獲奧斯卡金像獎終身成就獎嘅導演
- 11月23號：亞歷山大·利特維年科，44歲，俄羅斯前特工，疑遭俄羅斯政府毒死
- 11月23號：鄒承魯，83歲，中國生物化學家
12月
[編輯]- 12月2號：李性蓁，38歲，筆名「藍絲絨」，臺灣兩性作家
- 12月8號：金亨七，47歲，大韓民國馬術選手
- 12月10號：皮諾切特，91歲，智利前總統
- 12月11號：伊莉莎伯·博登，116歲，死前為世上最年長者
- 12月11號：羅德丞，71歲，前任香港基本法起草委員
- 12月20號：馬季，72歲，中國相聲演員
- 12月21號：薩帕爾穆拉特尼亞佐夫，66歲，土庫曼總統
- 12月25號：占士布朗，73歲，美國歌手
- 12月26號：謝拉特·福特，93歲，美國前總統
- 12月30號：薩達姆侯賽因，69歲，伊拉克前總統
死嘅其他生物
[編輯]- 明 (蛤蜊)，506歲或507歲，已知最長壽動物
- 諾貝爾物理學獎：約翰馬瑟、喬治斯穆特
- 諾貝爾化學獎：羅傑科恩伯格
- 諾貝爾生理學或醫學獎：克雷格梅洛、安德魯法厄
- 諾貝爾文學獎：奧爾汗帕穆克
- 諾貝爾和平獎：穆罕默德尤努斯、孟加拉鄉村銀行
- 諾貝爾經濟學獎：埃德蒙費爾普斯
- ↑ 〈C4炸药炸死 蒙古女郎案轰动 社会〉。《東方網 馬來西亞東方日報》 (簡體中文)。喺2021-04-10搵到。