固定角色

固定角色（模式化人物，定型角色，英文：stock character）就係文學、戲裏頭假嘅人物。觀眾一睇就認得出，因為佢成日喺某啲戲種出現。固定角色係一種原形角色，睇落好平面。喺喜劇同鬧劇之中嘅固定角色表現得特別誇張。

西方傳統嘅定型角色由古希臘同古羅馬劇場度嚟，以及時間舊時意大利藝術嘅即興喜劇（Commedia Dell'arte）。

概論

典型嘅白馬王子形象－生得靚仔、高貴又有紳士風度，會以身犯險拯救公主。

内文：角色同橋段

角色係指喺一個故仔當中做決策，以呢啲決策影響情節發展嘅個體。角色通常會係人類，不過喺 sci-fi 等嘅文類入面可以有「先進嘅人工智能」等嘅非人類智能體做角色。固定角色係橋段嘅一種，泛指一啲喺多部作品入面都有出現嘅角色大類，每一種固定角色都有一啲重點特徵，亦會有一啲「呢類角色普遍會有嘅特徵」。啲觀眾或者讀者好多時一眼就會認得出「呢個角色係屬於嗰個固定類型嘅人物」。

例如白馬王子就係一種童話故事常見嘅固定角色，泛指一個出場嚟救或者幫公主嘅王子，成日都會配合英雄救美嘅劇情使用。佢通常仲會生得靚仔－有利於及後嘅戀愛劇情、勇敢－所以就會唔怕危險拯救公主... 等等。白馬王子呢個類型嘅角色可見於《白雪公主》、《灰姑娘》以及《睡美人》等嘅好多個著名童話故事。

角色

• 絕世高手：武俠文化之中武功最強嘅一班人，例如：射鵰英雄傳系列嘅五絕；三俠五義之中嘅南俠展昭、北俠歐陽春；中華英雄中嘅南神掌、北腿王。

• 醒目狡猾嘅奴隸（servus callidus）：聰明，低下階層；令古仔有開心結尾。

• 白馬王子：英雄救美個人板「英雄」。

• 二打六或茄喱啡（Everyman）：普通人。

• 孤寒有錢佬：有錢而貪心，佢生活唯一目的就係搵錢。

• 邪惡天才：漫畫中超級英雄同007系列嘅敵人，俾英雄打低。

• 無賴、負心人、賤精（rake, cad）：酒鬼、爛賭仔；引誘後生女，同佢上床，搞大個肚，飛甩佢，令個女受到社會歧視、窮到醲。

• 痴線科學家：勁科學家，一時唔小心，有時特登「搞亂自然嘅力量」，要英雄來執手尾。例子有創造科學怪人嘅科學家。

• 烏矓教授：好叻嘅學術人物，不過佢因為太專注研究而忽略四圍嘅事。

• 瘟疫醫生：成日俾現代人攞嚟做瘟疫嘅象徵。

• 致命女郎