城市規劃

2003 年影到嘅香港；城市規劃係重要嘅工作－香港啲街同建築物能唔能夠（例如）令啲人返工返學方便啲呢？

城市規劃（粵音：sing4 si5 kwai1 waak6 | 英文：urban planning），又叫都市規劃，係一門設計同工程學工作，專負責度一座城市（包括市區、市郊同郊區）要點樣妥善噉運用佢哋啲空間同基建，目標係要令座城市入面嘅各種活動－由經濟以至社會呀噉－行起上嚟效率能夠有咁高得咁高。做城市規劃可以係想喺一笪空地上面起新城市，亦可以係想同一座現有嘅城市做吓翻新。

現實表明，城市規劃係一樣複雜得好交關嘅工作：一座城市係個好複雜嘅系統；例如由於城市啲地價相對比較貴，所以好嘅城市規劃建築物容積率（FAR；總樓面面積 : 笪地嘅面積）要有效率先得；但另一方面，若果容積率高得滯，又可能會對周邊環境構成影響－笪地方迫滿嗮高樓大廈，有好多人都會想用嗰笪地，就會對嗰頭啲交通造成壓力，而且人口密度高咗亦都表示產生嘅垃圾同用嘅電會多咗；除咗噉，做城市規劃有陣時仲要諗埋歷史同埋保留啲古蹟。因此，做城市規劃往往唔係一個人做到嘅，而係要集結成隊專家嚟做，而且啲專家會嚟自多個唔同領域，包括工程學、建築學同經濟學呀噉。

因為城市規劃咁難做，廿世紀中世界各地嘅政府都開始睇重要深入探討呢個課題。有唔少相關領域嘅工作者都會做研究，剖析現實世界啲城市嘅設計－當中香港同廣州都有唔少人研究。甚至有人會讀學位專攻城市規劃。

定位

内文：城市

睇埋

• 城市設計
• 鬼域
• 城市衰退（Urban decay）
• 城市建造