政治

政治主題嘅一部分
基本政體形式 （政治系列）
權力架構
邦聯 聯邦 單一制 君主制 共和制
權力合法性來源
民主 直接民主 代議民主 其他民主形式
君主制 絕對君主制 君主立憲制
寡頭政治 貴族制 軍事獨裁 財閥統治 軍政府 金權政治
威權 一人獨裁 專制 專制主義 獨裁政體 軍事獨裁 極權主義
其他概念 無政府 半民主狀態 判官統治 神權政治
政治主題頁

政治（粵拼：zing3 zi6）係團體做一啲決定嘅方式。佢係所有價值觀嘅權威性集合。雖然呢個詞語通常係應用喺政府裏面嘅行為，政治喺所有嘅人類團體交往都可以揾到，包括公司、學術同埋宗教組織。

以佢最基本嘅形態，政治包含「涉及權力嘅社會關係」。習慣上，呢個詞語係用喺統治同埋一個國家嘅政府或者其他政治單位，重有用嚟組成同埋應用政府政策嘅方法同埋策略。

廣義嚟講，任何涉及權力嘅情況，或者任何用嚟增加某某喺某個團體裏面嘅權力或者地位嘅作為，都可以被形容為政治（例如辦公室政治）。呢一類嘅政治「大部分時侯都係同喺一個有唔同先後次序同埋權力關係嘅團體裏面爭取俾人提升有關」。

政治科學係對於政治行為嘅研究，係研究權力嘅取得同埋應用。有關嘅研究範圍包括政治哲學，係揾一個政治同公眾行為道德之間嘅關係，重有公眾管治學，係研究管治嘅習慣。

關鍵政治概念

政府

内文：政府

政府係一個具有權力去制訂同埋執行法律嘅個體。政府有幾種分類嘅方法；哲學家柏拉圖將政府分做君主政治（一個人統治晒）、寡頭政治（由一小部分精英去統治）、榮譽政治（一個民族或者團體統治第二啲人）同埋民主政治（全部人一齊統治）。

喺近代，政府嘅種類同埋種類之間嘅分別已經變得越嚟越複雜；例如話喺一個君主立憲體制裏面，的而且確係有一個君主作為國家嘅阿頭，但係實際嘅權力通常都係由一個國會或者係立法組織所擁有嘅。共和國呢個詞語係用嚟指冇君主嘅國家。

同樣，「民主」嘅定義近年嚟已經越嚟越冇咁清析；好多有唔同種類嘅政府嘅國家都話自己係民主嘅。北韓憲法就有話到北韓係一個民主國家，但係有啲西方國家嘅學者就形容佢係一個專制嘅獨裁政權。

獨裁係指有一個人或者團體有無限或者差唔多無限嘅權力嘅政府形式，重要係冇憲法上嘅限制，以強權而唔係合法性嚟得到權力。呢個詞語通常被視為有唔好嘅意思，而且好多俾人話係「獨裁」嘅國家都對呢個定義作出反駁。

主權

内文：主權

主權係一個政府能夠唔受外面嘅影響嚟控制佢嘅領土嘅能力。有個評述員話主權係好難準確界定嘅，但係就將主權形容做擁有一啲包括「絕對、無限嘅控制權或者能量」、「一個政治合法性嘅標誌」、「自我決定嘅國家獨立性」，同埋「憲法性嘅秩序」。