回輸（feedback），又叫反饋，係種打圈嘅因果過程，將一個系統嘅輸出打返去佢嘅輸入。回輸可以用嚟控制系統嘅運動；喺電子、工程、建築、經濟、熱力學、生物學都見到。
一啲平日見到嘅例，係打上電台風煙節目（phone-in）嘅聽眾唔閂收音機，收音機播出把聲即時通過電話變成輸入，出現嘅 we we 聲，喺唱歌嗰時個咪擺得太近個喇叭都有呢個問題。呢種係正回輸（positive feedback）。
