因果關係

因果關係（粵拼：jan1 gwo2 gwaan1 hai6）係邏輯學等領域上嘅一個概念，喺佛教等宗教嗰度都有提到。因果呢個概念，科學成日都會用到，但係個概念嘅具體定義係乜，廿一世紀初嘅哲學界都仲喺度拗緊。

定義

睇埋：時間

想像設 A 做前因（Antecedent），B 係信心（Belief），C 係結果（Consequence）：

• A正比B（C唔變）
• A正比C（B唔變）
• A=B+C
• B＝Af
• C＝Cf－Af
• A=Cf

因果律可以話係比A=B+C先發現嘅一種規律，人人都已經相信咗因就係果，果就有因。ABC理論係對ABC變化取向得出，因果律也可以跟隨因果變化得出，未有ABC理論就可以用到因果律嘅人都有。

因果律嘅因係件事會發生嘅動力，果係件事令到其他事發生嘅最高力。

研究

實驗

内文：實驗

定義上，實驗嘅特徵係會用到實驗操作嚟確立因果關係。

格蘭傑分析法

内文：格蘭傑因果關係

格蘭傑因果關係（Granger causality）係靠兩個變數嘅時間序列嚟評估嗰兩個變數之間「有冇因果關係」嘅一種假說檢定方式。

最簡單噉講，喺格蘭傑因果關係之下，攞一個因變數 $x$ 嘅時間序列同一個果變數 $y$ 嘅時間序列，並且揀一個時間間隔 $\Delta t$，如果喺每個時間點 $t$ 嘅 $x$ 數值傾向能夠預測 $(t+\Delta t)$ 咁耐之後嘅 $y$ 數值嘅話，噉 $x$ 就可以算係 $y$ 嘅「因」。呢種分析方法源自經濟學（經濟學成日都會應付一個個經濟指標數值嘅時間序列），而且喺現代嘅各社會科學當中相當常用，不過「到底呢個測試能唔能夠真係表明因果」係一條幾受爭議嘅課題。

好似下圖噉：打橫條軸表示時間。$X$（上面條線）喺一個時間點嘅數值能唔能夠預測（紅色箭咀）$Y$（下面條線）喺若干時間後嘅數值呢？

睇埋

• 時間悖論：sci-fi 成日提到嘅「時空穿梭會引致嘅因果相關問題」。
• 充分條件
• 必要條件
• 能量轉移
• 佛教
• 主題關係

出面網頁

• "因果嘅科學同藝術": 由朱迪亞明珠展示幻燈片同埋輔導講座 （英文）
• ABC理論
• 因果教訓