遊戲存檔

遊戲存檔（英文：game save）指個電子遊戲嘅程式有方法記住玩家嘅進度。

概念

• 存檔點（save point）：指個遊戲地圖當中可以存檔嘅地方，有啲遊戲准玩家喺是但一個地方存檔，有啲淨係准玩家喺存檔點存檔。
• 快速存檔（quicksave）：指個遊戲容許玩家淨係撳一個掣就做存檔，有別於傳統要玩家撳好幾個掣、揀（例如）存檔落邊個位嗰度嘅存檔方式。
• 廢存檔（save scumming）：舊時玩遊戲嘅一種常見做法，指個玩家重複利用存檔機制直至得到鍾意嘅結果－個玩家存檔，跟住去，如果跟住發生嘅嘢唔如意，佢就即刻重新載入個存檔，再去過，一路屈到結果如意為止；呢種情況多數都係單人遊戲先會見到，因為多人遊戲絕大多數都唔會俾玩家喺比賽中途存檔。