生命值

生命值（粵拼：sang1 ming6 zik6；英文：health point，簡稱 HP），粵語口語又叫血，係電子遊戲成日用嘅一個概念，係表示一個角色或者玩家「離死亡有幾遠」嘅數值。多數電子遊戲類型（唔只係 RPG）都會用到生命值：每當個角色或者玩家受傷，佢嘅生命值就會下降，當一個角色生命值變成 0，佢就會死亡同失去一條命；當玩家嘅生命值變成零，佢就會輸－而呢個機制常見於 TCG。

上圖係一碌 HP bar；個角色嘅最大 HP 係 100，佢而家呢刻嘅 HP 係 39。 上圖係一碌 HP bar；個角色嘅最大 HP 係 100，佢而家呢刻嘅 HP 係 39。

遊戲設計

HP 呢個屬性亦都可以由遊戲世界內嘅建築物或者道具具有，例如有好多戰略遊戲都會要求玩家攻擊敵軍建築物－例子可以睇《世紀帝國系列》同《星際爭霸》噉，而如果具有 HP 嘅物體係建築物或者道具，呢個數通常會俾人嗌做耐久度（durability），但其功能不變。

相關概念

• 血條（HP barbaa1 / HP 巴）：一種用嚟顯示「有幾多 HP 淨」嘅方法，指畫面某個位置有條棒，條棒愈滿表示淨係嘅 HP 量愈接近最大 HP，所以如果有個角色嘅現有 HP 係佢最大 HP 嘅 50%，條 HP bar 就會係 50% 咁滿；一個角色嘅第啲數值－魔法值等－都可以用相同嘅方法顯示。

睇埋

• 20 面嘅骰仔：類似噉嘅架生成日喺 TCG 當中畀人攞嚟記住「呢位玩家有幾多 HP 淨」。
• 動作遊戲
• 戰略遊戲
• 電子 RPG