屯門碼頭站

屯門碼頭
Tuen Mun Ferry Pier

輕鐵屯門碼頭站

街道圖

屯門碼頭站係香港輕鐵其中一個總站，亦係輕鐵系統中最南嘅終點站，代號001，屬單程車票第1收費區，一共有6條輕鐵路綫用呢個站做總站。

車站結構

設有7個月台，係所有輕鐵車站之中最多。2至6號月台係輕鐵候車月台，而7號月台係610、615及615P綫嘅落客月台。
設有客戶服務中心，喺海趣坊入口旁邊。
614P綫同615P綫共用列車，614P綫南行方向會駛去3號月台改做615P綫繼續服務，而615P南行方向就會駛去5號月台改做614P綫繼續服務。
喺屯門碼頭附近，海翠花園地面層係一個公共交通交匯處，入邊有巴士總站。
巴士總站設於6號月台隔離同埋環形路軌入邊，行人、巴士同輕鐵共用部份路段，比較危險。喺規模相等嘅三聖站已經改咗設計，將巴士總站分隔。而喺2號至5號月台落車嘅乘客，若果要去海趣坊或碼頭，需要沿住近海嘅入站路軌側邊行一段距離，由於步行方向同列車行駛方向一樣，乘客通常冇注意後面嘅列車，繼而發生意外。
一號月台原本係506綫列車嘅月台，因杯渡路架空路軌工程同埋列車唔夠，506綫永久用巴士行，所以呢個月台一直閒置到而家。

	輕鐵 507綫

屯門碼頭 - 兆禧 - 屯門泳池 - 豐景園 - 兆麟 - 安定 - 市中心 - 屯門 - 河田 - 蔡意橋 -銀圍 - 大興（南） - 大興（北） - 新圍 - 良景 - 田景

	輕鐵 610綫

屯門碼頭 - 美樂 - 蝴蝶 - 輕鐵車廠 - 龍門 - 青山村 - 青雲 - 鳴琴 - 石排 - 大興（北） - 大興（南） - 銀圍 - 澤豐 - 屯門醫院 - 兆康 - 藍地 - 泥圍 - 鍾屋村 - 洪水橋 - 塘坊村 - 屏山 - 水邊圍 - 豐年路 - 康樂路 - 大棠路 - 元朗

	輕鐵 614綫

屯門碼頭 - 兆禧 - 屯門泳池 - 豐景園 - 兆麟 - 安定 - 市中心 - 杯渡 - 何福堂 - 新墟 - 景峰 - 鳳地 - 兆康 - 藍地 -泥圍 - 鍾屋村 - 洪水橋 - 塘坊村 - 屏山 - 水邊圍 - 豐年路 - 康樂路 - 大棠路 - 元朗

	輕鐵 614P綫

屯門碼頭 - 兆禧 - 屯門泳池 - 豐景園 - 兆麟 - 安定 - 市中心 - 杯渡 - 何福堂 - 新墟 - 景峰 - 鳳地 - 兆康

	輕鐵 615綫

屯門碼頭 - 美樂 - 蝴蝶 - 輕鐵車廠 - 龍門 - 青山村 - 青雲 - 鳴琴 - 石排 - 新圍 - 良景 - 田景 - 建生 - 青松 - 兆康 - 藍地 - 泥圍 - 鍾屋村 - 洪水橋 - 塘坊村 - 屏山 - 水邊圍 - 豐年路 - 康樂路 - 大棠路 - 元朗

	輕鐵 615P綫

屯門碼頭 - 美樂 - 蝴蝶 - 輕鐵車廠 - 龍門 - 青山村 - 青雲 - 鳴琴 - 石排 - 新圍 - 良景 - 田景 - 建生 - 青松 - 麒麟 - 兆康

屯門碼頭總站初期淨係叫做屯門碼頭，喺輕鐵初初起嗰陣一齊起，1988年 9月18號啟用。2010年 6月13號又改返名做屯門碼頭站。