諸葛亮
(由孔明跳轉過嚟)
諸葛亮（粵拼：zyu1 got3 loeng6；181年—234年），字孔明（hung2 ming4），三國時期蜀漢重臣，中國史上出名嘅政治家、軍事家，亦係中國傳統文化中忠臣同埋智者嘅代表。佢早年有外號叫臥龍（ngo6 lung4）或伏龍（fuk6 lung4）。
諸葛亮早年隱居，劉備請佢出山幫佢打江山，之後劉備喺四川建立季漢，諸葛亮做咗丞相。佢喺北伐曹魏嗰陣病死，終年54歲，死後謚號忠武。
生平[編輯]
諸葛亮有兩個家姐，一個阿哥（諸葛謹）。佢祖先叫諸葛豐，喺漢元帝時期做司隸校尉。光和六年（183年），阿媽章氏早死。中平五年（188年），老豆諸葛珪早死，所以由阿叔諸葛玄照顧。由於佢阿叔同荊州刺史劉表係朋友，所以劉表收留佢哋。諸葛玄對諸葛亮講好多黨錮人物嘅事蹟，令諸葛亮知道嗰啲污衊別人嘅人通常都係國賊，相反嗰啲大逆罪名嘅人就係忠臣。諸葛玄死咗之後，諸葛亮喺南陽郡耕讀，鍾意唱《梁父吟》。成日將自己同管仲、樂毅比較，嗰時有啲人唔同意。淨係得朋友徐庶、崔州平信佢。
後來佢同司馬徽、龐德公，黃承彥做朋友。黃承彥重問佢：「聽講你未娶老婆；我有個醜女兒，黃頭髮、黑皮膚，而且才華重配得上你。」後來黃承彥成為咗佢外父。建安六年（201年），劉備搵司馬徽，司馬徽對佢講「一個讀者人見識普通，又邊會識得時勢事務？識得時勢事務嘅人先稱得上英俊豪傑。係呢到淨係得臥龍（諸葛亮）同鳳雛。」
著作[編輯]
自作[編輯]
- 《隆中對》
- 《出師表》
- 《誡子書》（當中有個金句非常出名，就係「非澹泊無以明志，非寧靜無以致遠」，亦因為咁，而出現咗兩句成語：澹泊明志、寧靜致遠）
- 《誡外甥書》
- 《將苑》（又名《心書》）
- 《便宜十六策》
相關作品[編輯]
- 西晉陳壽撰《諸葛亮集》二十四篇，十萬四千幾字。
- 明王士騎撰《武侯全書》
- 清張澍撰《諸葛忠武侯文集》
- 《悼周瑜》（《三國演義》所傳）
- 《後出師表》（《後出師表》懷疑係後人偽作，陶元珍著魏晉史叢考嘅第一篇《世傳諸葛亮後出師表辨證》（全文）考證。）
- 《馬前課》（預言書）
參考[編輯]
睇埋[編輯]
 |
維基同享有多媒體嘅嘢： 诸葛亮 |
 |
維基語錄收錄咗同呢篇文相關嘅摘錄： 諸葛亮 |