羣論
跳去導覽
跳去搵嘢
羣論係一門數學，係抽象數學嘅一門，主要研究一隻叫羣嘅代數結構。數論（number theory）、代數同埋幾何提供咗好多羣嘅例子。羣係更複雜嘅數學結構嘅基礎，例如有環、場、向量空間等等。好多數學嘅範疇入面都有羣嘅出現，羣論入面採用嘅方法亦都影響到其他代數嘅研究。線性代數羣同埋李羣嘅理論經過咗好長時間嘅演變，已經成爲咗一個獨立嘅研究領域。
羣論同埋對應嘅表示論喺物理同化學都有好多用法，尤其係對稱嘅場合，例如晶體同埋分子嘅對稱結構，都可以用對稱羣嚟分析。公開密鑰加密亦都用到羣論。
羣論嘅歷史由十九世紀開始，其中一個最大嘅成就喺二十世紀完成，結合咗無數數學家嘅努力，用咗過萬頁嘅論文，大部分係喺 1960 至 1980 之間發表，就係完成咗有限簡單羣嘅分類。
