古巨基
| 古巨基 | |||||||||||||||
|---|---|---|---|---|---|---|---|---|---|---|---|---|---|---|---|
 | |||||||||||||||
| 男藝人 | |||||||||||||||
| 羅馬拼音 | Ku Kui Kei | ||||||||||||||
| 英文名 | Leo | ||||||||||||||
| 粵拼 | gu2 geoi6 gei1 | ||||||||||||||
| 花名 | 基仔、古Sir、情歌王子[1] | ||||||||||||||
| 國籍 |  中國（香港）.svg){kind=small} 英國國民（海外） | ||||||||||||||
| 籍貫 | 廣東高州石鼓鄉南盛（依家嘅廣東茂名化州市南盛街道） | ||||||||||||||
| 出世 | 1972年8月18號.svg){kind=small} 英屬香港 | ||||||||||||||
| 職業 | 歌手、演員、導演、主持人、企業家、設計師、漫畫家、唱片監製、演唱會監製、模特兒 | ||||||||||||||
| 語言 | 粵語、英文、國語 | ||||||||||||||
| 教育程度 | 法國聖彼爾大學榮譽商管博士 沙田官立中學（中六） 沙田聖公會林裘謀中學（中一至中五） 保良局蕭漢森小學 | ||||||||||||||
| 宗教信仰 | 佛教 | ||||||||||||||
| 配偶 | 陳韻晴（2014年結婚） | ||||||||||||||
| 仔女 | 1仔：古晉匡（Kuson） | ||||||||||||||
| 音樂類 | 粵語流行曲、華語流行曲 | ||||||||||||||
| 出道地 | 英屬香港 | ||||||||||||||
| 出道日期 | 1991年 | ||||||||||||||
| 代表作品 | 《歡樂今宵》(1997年) 《友共情》(1997年) 《必殺技》(2003年) 《愛與誠》(2004年) 《勁歌金曲》(2005年) 《愛得太遲》(2006年) 《戀無可戀》(2012年) 《亂世情侶》(2018年) | ||||||||||||||
| 活躍年代 | 1991年至依家 | ||||||||||||||
| 唱片公司 | 藝能動音（1994－1998年） 千禧年代（1998－2001年） 金牌大風（2003－2009年） 英皇娛樂Music Plus（2009年—） | ||||||||||||||
| YouTube資料 | |||||||||||||||
| 頻道 | |||||||||||||||
| 活躍年代 | 2017年8月18號- | ||||||||||||||
| 類型 | 娛樂 | ||||||||||||||
| 訂閱 | 約5.37萬人 | ||||||||||||||
| 總點擊率 | 約1491萬次 | ||||||||||||||
| 喺2021年08月26號嘅訂閱同點擊率。 | |||||||||||||||
| 網路電影資料庫（IMDb）資訊 | |||||||||||||||
| |||||||||||||||
提示：呢篇文講嘅唔係古巨龜。古巨基（粵拼：gu2 geoi6 gei1；英文：Leo Ku；1972年8月18號—）係香港男歌手、演員同主持人。
簡介
[編輯]佢自1994年入咗樂壇後，推出過超過35張大碟，估計佢到依家已經攞咗近300個男歌手同音樂上嘅獎項。
喺2004年度《叱吒樂壇流行榜頒獎典禮》攞咗「叱吒樂壇男歌手金獎」、「叱吒樂壇我最喜愛的男歌手」同「叱吒樂壇我最喜愛的歌曲大獎」，係繼黎明之後第2位喺同年度攞到呢3個大獎嘅歌手。喺2008年至2011年度《十大勁歌金曲頒獎典禮》連續4屆攞咗「最受歡迎男歌星」獎，又喺《新城勁爆頒獎禮》7屆攞咗「新城勁爆男歌手」。另外佢喺2006年奪得「四台聯頒音樂大獎—傳媒大獎」，成為2006年香港4大電子傳媒音樂頒獎典禮大贏家，同埋分別喺2005年、2006年、2009年攞咗「四台聯頒音樂大獎—歌曲大獎」3次創下香港樂壇最高紀錄數。同埋由2006年至2013年連續8屆攞咗《「勁歌王」全球華人樂壇音樂盛典》「勁歌王」，同埋《YAHOO!搜尋人氣大獎》7屆攞咗「本地男歌手」大獎。
喺香港之外，佢嘅音樂成就都得到華語樂壇嘅地區認同，例如攞咗《Channel V全球華語音樂榜中榜暨亞洲影響力大典》、「最受歡迎男歌手」獎、《CCTV-MTV音樂盛典》、「香港最受歡迎男歌手」、《音樂先鋒榜頒獎典禮》同「全國最受歡迎先鋒男歌手」等等，證明咗佢喺華語樂壇上嘅地位。佢都曾經攞咗MTV全球頻道頒發《MTV亞洲大獎：香港最受歡迎歌手獎》，係首位攞到呢個獎項嘅香港男歌手。
佢嘅音樂成就除咗得到華語樂壇嘅地區認同外，都得到其他地區樂壇嘅認同，例如攞咗第8屆亞洲音樂節—亞洲最佳歌手獎、「亞洲模特兒大獎」（7th Asia Model Festival Awards）—「亞洲明星獎」，重係首位獲得呢個獎嘅香港藝人。之後重成為首位獲邀出席美國《Billboard Music Awards》嘅香港歌手。
佢喺2015年獲頒第14屆「世界傑出華人獎」[2] 同時獲頒授加拿大紐賓士域藍仕橋大學榮譽博士學位。
佢嘅演藝事業除建基喺香港之外，佢喺2000年至2003年期間喺中國2套好受歡迎嘅電視劇中擔演男主角，分別係「情深深雨濛濛」同「還珠格格三‧天上人間」。佢喺「情深深雨濛濛」劇中飾演第一男主角「何書桓」，喺全中國各地、香港、台灣、星馬等亞太區地方，受全球華人歡迎，收視率喺各地創出輝煌成績。呢個劇集令佢成為中國中央電視台最受歡迎電視劇男主角。「情深深雨濛濛」係2001年中央電視台全年收視率總冠軍嘅劇集、2001年至2004年全中國重播率最高嘅電視劇，都係香港無綫電視台2001年5大收視率最高劇集之一。
佢最出名嘅華語歌曲係《情深深雨濛濛》嘅插曲《好想好想》，呢首歌喺全中國都好出名。佢最出名嘅粵語歌係愛得太遲，呢首歌喺2006年攞咗好多各大頒獎禮嘅大獎，令佢喺2006年香港流行樂壇頒獎典禮中拎到唔少獎座。另外呢首歌重喺全港嘅卡拉OK上點播次數達700萬次[3]。
早年
[編輯]香港出世，原籍廣東省高州市石鼓鎮，讀過保良局蕭漢森小學、沙田官立夜中學同沙田聖公會林裘謀中學。
演藝生涯
[編輯]1990年－1993年：無綫藝員時期
[編輯]1990年佢參加無綫電視藝員訓練班第4期藝員進修班（同袁文傑同一期）。佢喺1991年畢業之後同無綫電視正式簽約，正式投身香港演藝界，成為無綫電視娛樂新聞節目《娛樂新聞眼》同音樂節目《勁歌金曲》嘅主持。
1993年－2001年：出道樂壇
[編輯]1994年，簽約藝能動音，重喺同年7月推出咗佢嘅首張專輯《愛的解釋》，正式進入樂壇。佢係香港歷史上首位攞咗4台（包括TVB、商台、新城同港台）新人獎金獎嘅歌手。佢早期嘅歌曲入面，最令人熟悉嘅係喺1997年推出嘅《歡樂今宵》，呢首歌令佢喺1997年度帶嚟唔少嘅獎項同1998年香港電影金像獎「最佳原創電影歌曲 」等。佢喺1997年叱吒樂壇流行榜頒獎典禮中贏咗四大天王入面嘅3位（張學友、劉德華、郭富城）拎到「叱吒樂壇男歌手銀獎」。另外，佢喺1996年推出第二最愛唱片銷量有15萬張，1997年推出歡樂今宵唱片銷量係5萬張，1998年推出愛與夢飛行唱片銷量為8萬張，同年推出嘅Be My Valentine唱片銷量都達5萬張，之後喺1999年推出嘅許願單碟喺台灣千幾間便利店開賣，唔到半個鐘一萬張碟全部賣嗮，同年推出嘅古巨基同名國語大碟，2個星期喺台灣銷量達20萬張。佢從1994年出道以嚟到1997年入面出咗7張唱片，呢啲唱片重喺亞洲總銷量超越100萬張[4]，而佢重係1997年全年最高銷量歌手第2位[5]。上面嘅成績都令佢被傳媒叫做歌神接班人[6]。佢喺1997年—2001年期間曾推出多張粵語同華語歌曲嘅大牒，收錄咗唔少有特色嘅假音技巧演唱作品，都係眾多頒獎禮上成日攞獎嘅熱門歌手。佢期間都進入電影界，主演同客串咗幾套電影，如《求戀期》、《熱血最強》同《天旋地戀》等等。
2001年－2003年：暫別香港樂壇
[編輯]自2000年之後嘅幾年入面，佢專注喺中國國內發展，接拍咗2部國內同台灣嘅大型電視劇，分別係改編自瓊瑤小說嘅《情深深雨濛濛》同《還珠格格3之天上人間》，增加咗自己喺大中華地區嘅知名度；佢喺中國中央電視台瓊瑤電視劇《情深深雨濛濛》飾演第一男主角「何書桓」，喺中國各地、香港、台灣、星馬等地方，好受全球華人歡迎，收視率喺各地有好好嘅成績，呢個劇集重係2001年中央電視台全年收視率總冠軍嘅劇集、香港無綫電視2001年全年5大收視率最高劇集，重係2001年至2004年全中國重播率最高嘅電視劇。佢主唱嘅《情深深雨濛濛》插曲《好想好想》都喺國內好出名。
2004年－2007年：強勢回歸同巔峰時期
[編輯]2003年，佢同前任經理人黃柏高簽約，入咗金牌唱片公司，復出香港樂壇，大熱嘅歌曲唔少，一復出就憑住《必殺技》攞咗「叱吒樂壇我最喜愛的歌曲大獎」，之後推出咗2張專輯概念大碟《遊戲—基》同《大雄》，都好受歡迎。黃柏高喺早期都講過：「基仔好，金牌好；金牌好，基仔更好」，顯示咗佢對樂壇同唱片公司嘅重要地位。
2004年年底，佢憑住歌曲《愛與誠》上咗歌唱事業嘅高峰，喺2004年度香港4大電子傳媒音樂頒獎典禮攞咗幾個大獎，係佢出道11年嚟首次喺《叱吒樂壇流行榜頒獎典禮》攞咗「叱吒樂壇男歌手金獎」、「叱吒樂壇我最喜愛的男歌手」同埋連續2年攞咗「叱吒樂壇我最喜愛的歌曲大獎」，證明咗佢巨星嘅地位。
2005年2月，佢出嘅「新歌+精選」唱片《勁歌金曲》喺2個禮拜就喺香港一片淡市中賣過7萬張，係呢幾年嚟香港唱片銷售嘅一個奇跡；3月喺紅館舉行《勁歌金曲》世界巡迴演唱會—香港 Part I 嘅7場個唱，因反應熱烈門票由開始賣飛嘅1個鐘內賣嗮，比上年「歌神」許冠傑復出演唱會嘅2個鐘賣嗮嘅成績重要快1個鐘，打破香港演唱會嘅售票記錄，喺4月再度加開《勁歌金曲》世界巡迴演唱會— 香港 Part II 4場，門票都喺開始售票嘅1個鐘內賣嗮，共11場，呢種情況都係呢幾年嚟香港演唱會市場首次喺首輪演出後再度加場。之後都喺馬來西亞、新加坡、澳洲、加拿大、澳門同中國舉行世界巡迴演唱會。喺呢次嘅演唱會入面，佢特別邀請當時係佢嘅作曲音樂人側田表演，之後喺清唱部份有好多讚賞，都因為咁而做咗歌手。佢重喺同年攞咗《CCTV-MTV音樂盛典頒獎禮：香港最受歡迎男歌手》同SINA Music樂壇民意指數頒獎禮《我最喜愛男歌手》獎項。4月9號，佢舉行咗一個慶祝派對，慶祝佢《勁歌金曲演唱會》嘅順利完成同佢嘅新曲加精選專輯《勁歌金曲》獲得雙白金（100,000張）嘅銷量。《勁歌·金曲》嘅銷量重喺之後衝破130,000張；佢隨後都拎到嗰個年度IFPI頒發嘅最高銷量歌手獎同埋HMV唱片銷量成績— 全年最高銷量男歌手獎，同時都係首位有3張大碟（《古巨基05勁歌·金曲演唱會》、《勁歌·金曲新曲+精選》、《星戰》）打入十大廣東碟銷量榜嘅歌手。[7] 10月，佢攞咗2005年度「香港十大傑出青年」，重成立「古巨基兒童醫療基金」，協助有需要嘅病童。同年，佢同佢嘅仔仔「Kubi」獲香港杜莎夫人蠟像館嘅邀請幫佢哋鑄造蠟像，係史上首位由名人巨星同佢自創嘅漫畫角色組成嘅蠟像組合。
2006年，佢推出咗專輯《Human我生》，受好多人讚賞，銷量有4萬，重憑住歌曲《愛得太遲》上咗歌唱事業嘅另一個高峰，喺2006年度攞到多個獎項，包括《新城勁爆歌曲頒獎禮》嘅「新城勁爆年度歌曲大獎」、《叱吒樂壇流行榜頒獎典禮》嘅「叱吒樂壇至尊金曲大獎」同「叱吒樂壇我最喜愛的歌曲大獎」、《十大勁歌金曲頒獎典禮》嘅「金曲金獎」、《十大中文金曲頒獎典禮》嘅「全球華人至尊金曲獎」等獎項，重首次攞到「四台聯頒音樂大獎—傳媒大獎」，成為香港4大電子傳媒音樂頒獎典禮嘅終極大贏家。佢都喺嗰年攞到「雅虎香港Yahoo！搜尋人氣大獎頒獎禮《本地男歌手》」獎項。佢喺2006年度攞到4台聯頒音樂大獎歌曲大獎係繼陳慧琳之後連續攞最多次歌曲獎嘅歌手。
2007年，佢出咗專輯《Moments》。佢喺製作呢個專輯期間去過多處世界各地包括日本、蘇格蘭、倫敦、法國、威尼斯、維也納、北京等自己出手影相做專輯入面每首歌主題嘅用處，捕捉各地嘅Magic Moments。佢深信這世界係有緣份，所以喺呢一次旅程，佢事先係冇長期策劃，所有都係隨緣。佢重喺8月將嗰批相片展出，舉行咗首個個人攝影展。佢喺9月喺香港舉行咗6場嘅《The Magic Moments 2007 古巨基世界巡迴演唱會- 香港》因反應熱烈門券開售首日就賣嗮，喺演唱會入面創造咗2個香港體育館紀錄，首個紀錄係本地歌手一場演唱會入座率最高，有13000人入坐，第2個紀錄係首位彩排時間最耐嘅歌手。[8] 之後喺12月喺馬來西亞舉行咗1場嘅《The Magic Moments 2007 古巨基世界巡迴演唱會—馬來西亞》。喺同年佢再次拎到SINA Music樂壇民意指數頒獎禮《我最喜愛男歌手》，成為呢個獎嘅3連霸（2005年至2007年）。
佢喺2005年至2007年係香港唯一一個能夠同歌手陳奕迅比嘅歌手，2位歌手喺呢2段時間都係每一個頒獎典禮男歌手獎金、銀歌手獎嘅常客。
2008年－2012年：平穩時期
[編輯]2008年，佢推出《勁歌金曲2情歌王》同《我還是你的情歌王》專輯，都好受歡迎。5月2號，2008年夏季奧林匹克運動會香港區火炬接力入面，佢擔任第8棒嘅火炬手。8月，佢獲MTV全球頻道頒發《MTV亞洲大獎 - 香港最受歡迎歌手獎》，係首位得到嗰個獎項嘅香港男歌手。下半年，推出《Guitar Fever 24k金牒版》，推出嘅熱烈反應，重幾次斷市，佢銷量達到白金數字。佢首次攞咗勁歌最受歡迎男歌手。佢都再次喺嗰年度獲「雅虎香港Yahoo！搜尋人氣大獎頒獎禮」頒發《本地男歌手》獎項。佢都積極參與主持節目，分別擔任奧林匹克運動會—北京奧運同係咪小兒科嘅主持。
2009年，佢喺《2008年度十大勁歌金曲頒獎典禮》上攞咗「最受歡迎男歌星」獎項。之後喺4月都推出《Strings Fever 24K金碟版》。同月，佢喺香港紅磡體育館舉行咗6場《古巨基Eye Fever紅館演唱會09》因反應熱烈門券開賣首日即刻賣嗮。同時係香港首位歌手同3D視覺立體感特效舉行演唱會，之後重主持係咪小兒科第2輯。5月，由於金牌大風出現人事變動，佢親密夥伴黃柏高唔可以再掌管經理人同音樂事務，佢就宣佈唔續約金牌大風。佢簽咗英皇娛樂，喺呢個簽約過程入面表明古巨基過往演藝事業嘅成就。隨後行政總裁吳雨特別送畀古巨基特製玉璽，寓意佢係香港樂壇天王，預示佢未來能喺英皇嘅事業登峰造極。[9]
5月30號，佢喺北京進行簽約儀式，正式加盟英皇娛樂。喺6月至7月期間，佢分別喺第6屆《勁歌王頒獎典禮》同第9屆《華語音樂傳媒大獎》獲頒發「勁歌王」同「百家傳媒年度最受矚目男歌手」大獎；呢個係佢歌手生涯入面第3次攞「勁歌王」獎項。年底，佢喺新城勁爆頒獎禮2009攞到新城勁爆歌曲—《地球很危險》，新城勁爆男歌手，新城勁爆亞洲歌手大獎，新城全球勁爆歌手大獎呢4個大獎。
2010年1月，佢攞到「青協uChannel網上電台」—「千禧十年最受年青人歡迎男歌手」。之後佢獲頒發2009年度《十大勁歌金曲頒獎典禮》上攞咗十大勁歌金曲《地球很危險》同2009四台聯頒音樂大獎—歌曲獎—《地球很危險》，成為4台聯頒音樂大獎得最多次歌曲獎嘅歌手（3次）。都因版權嘅風波開始令到佢再蟬聯攞到「最受歡迎男歌星」獎項，重幫英皇娛樂攞咗史上首個「最受歡迎男歌星」獎。3月，佢喺《音樂先鋒榜》2009年度頒獎典禮上攞咗港臺十大先鋒金曲《地球很危險》，最受歡迎先鋒歌手5強，21間電臺聯頒最佳專輯《You Talkin' To Me?》，21間電臺聯頒港臺最佳先鋒歌手，以4獎成為大贏家。3月27號，佢喺上海出席第17屆東方風雲榜仲拎到華語5強獎。3月28號，佢參加全球頻道Channel V主辦嘅第14屆《全球華語音樂榜中榜暨亞洲影響力大典》重以香港歌手身份拎到「最受歡迎男歌手」獎項。3月30號，佢去上海幫「世博會倒計時 30天國際音樂盛典」音樂會擔任表演嘉賓重首個唱《情歌王》。4月18號，佢喺洛陽舉行嘅環球紅歌盛典入面攞咗「媒體推薦年度全能藝人」獎項。4月20號，佢喺中央電視台舉辦嘅青海賑災晚會入面，係嗰晚唯一出席嘅香港歌手，重捐咗20萬元人民幣幫災民。4月22號，佢同美國護膚品牌Kiehl's合作，設計舊瓶回收箱，重喺箱上畫上有綠色翅膀嘅北極熊，寓意改善地球暖化問題，為拯救北極熊出一分力。5月1號，佢喺拉斯維加斯舉行首次個人喺拉斯維加嘅演唱會，呢個都係拉斯維加斯首個3D演唱會，而舉行地點將係Mandalay Bay，Mandalay Bay係拉斯維加斯數一數二嘅度假酒店，之前都有唔少做紅歌星，如Justin Timberlake、II Divo、Taylor Swift、Britney Spears、Black Eye Peas等，香港方面就有梅艷芳同譚詠麟。7月9號，佢最新大碟《時代》發行。8月21號，佢喺佛山舉行嘅第7屆《勁歌王金曲金榜全球華人樂壇總選音樂盛典》上獲頒發「勁歌王」大獎，呢個都係佢連續第4年蟬聯奪得，另外佢都蟬聯攞咗「傳媒大獎」呢個係佢歌手生涯入面第3次攞咗「傳媒大獎」獎項。之後佢憑住《地球很危險》攞咗「金曲獎」。9月4號，佢錄像節目《觀塘活力展新姿》，現場佢演繹經典曲目，而唱片成績大好嘅佢現場重獲歌迷叫下一站歌神[10]。證明咗佢喺香港樂壇重要嘅地位。10月6號，佢喺上海舉行嘅《大中華十大傑出衣著頒獎典禮》攞咗「傑出衣著人士」獎，繼2003年嘅《香港十大傑出衣著獎》後第2次攞咗傑出衣著獎。10月31號，佢以壓軸嘉賓身份出席上海世博閉幕式晚會。11月2號，佢係廣州亞運會倒計時10日主題歌會做表演嘉賓。12月8號，由佢成立嘅古巨基兒童慈善基金捐資建設的西聯小學落成，嗰個校名係古巨基兒童慈善基金樂城西聯小學，喺落成典禮上，基金會重捐咗一批價值10萬蚊嘅學生文娛活動用品，同時鼓勵同學勤奮學習，努力做國家有用嘅人才。西聯小學嘅師生對基金會捐資助學嘅善舉表示衷心嘅感謝，同表示將認真學習，勤奮工作，以優異嘅成績回報社會，幫「古巨基兒童慈善基金樂城西聯小學」攞風光。12月17號，佢喺第8屆「Yahoo! 搜尋人氣大獎2010」入面攞咗 「搜尋人氣電視劇主題曲-義海豪情」，「搜尋人氣歌曲-時代」同「本地男歌手大獎」，呢3個獎項。呢個都係佢蟬聯5屆「本地男歌手大獎」。
2011年1月15號，版權嘅風波重未平息，林峰都難贏對手嘅古巨基，再次喺2010年度《十大勁歌金曲頒獎典禮》上攞咗十大勁歌金曲《義海豪情》同「最受歡迎男歌星」，呢個係佢第3屆蟬聯攞咗呢個獎項。1月27號，佢應海洋公園邀請做新主題館設計咗一套5款「海洋保衛隊」卡通公仔，以就嚟絕種嘅海洋生物做藍本，推出一系列嘅T-Shirt。2月2號，佢喺內地中央電視台演出央視嘅大型綜合性賀歲節目「春節聯歡晚會」，係「雙料春晚」嘉賓。4月8號，佢全新國語專輯「大時代」正式推出。唱片喺亞洲銷量超過30萬張，之後喺舉行簽唱會同祝捷會上獲香港唱片商會頒發十白金唱片（300,000張）牌匾。8月28號，佢喺《香港傳藝節2011開幕頒獎禮》獲頒「大中華設計獎」，呢個都係佢首次獲設計獎。10月7號至9號佢喺香港紅館舉行3場Amazing World世界巡迴演唱會2011。喺演唱歌曲《爆了》同埋《勁歌金曲3-party king》嘅時候更係邊唱邊跳足15分鐘。11月18號，佢喺第8屆《勁歌王金曲金榜頒獎禮》入面，憑住《爆了》獲得粵語金曲獎，憑住「大時代」獲得年度最佳專輯，同埋奪得「勁歌王」大獎共3個獎項，而「勁歌王」大獎都係佢連續第5年蟬聯奪得。11月24號，無綫電視喺尖沙嘴某酒店舉行「長期服務暨傑出員工榮譽大獎頒獎晚宴」，讚一班長期服務嘅員工同藝員，而服務20年嘅古巨基都有呢個獎。12月20號，佢喺2011年度YAHOO!搜尋人氣大獎入面，係搜尋人氣本地男歌手、搜尋十大人氣歌曲—《勁歌金曲3 Party King》、同埋網上熱爆歌曲—《爆了》，3個大獎，呢個都係佢蟬聯7屆「本地男歌手大獎」。
2012年1月8號，佢喺2011年度十大勁歌金曲頒獎典禮入面，攞咗「十大勁歌金曲—爆了」同「最受歡迎男歌星」共2獎，呢個因為版權風波下其他歌手唔可以出席而間接影響結果，頒獎過後3個月版權風波先平息。1月19號，佢喺韓國首爾舉行嘅「亞洲模特兒大獎」（7th Asia Model Festival Awards）入面攞咗「亞洲明星獎」（Asia Star Award），都攞咗「亞洲明星獎」嘅有韓國人氣女星崔智友同女子組合 KARA。呢個獎係幫亞洲文化宣傳做出貢獻嘅明星而頒發嘅特別獎，佢都係首位獲呢個獎嘅香港藝人。3月24號，佢代表香港出席《香港亞洲流行音樂節》。5月，佢係首位獲邀出席美國《Billboard Music Awards》嘅中國歌手，因佢喺華語樂壇成績特別好，加上熱心參加公益善事，所以獲Billboard優待邀請做嘉賓，嗰晚表演嘉賓包括有美國好緊嘅歌手Usher、Kelly Clarkson、Linkin Park、Nelly Furtado等，獲提名嘅就有英國天后Adele、美國天后Rihanna、百變天后Lady GaGa等。12月，佢喺YAHOO!搜尋人氣大獎2012入面攞咗「2012年度YAHOO!搜尋人氣大獎」—人氣歌曲《戀無可戀》、十年人氣大獎、本地男歌手3個大獎，呢個都係佢連續第8屆獲得「本地男歌手大獎」。12月24號，佢因私人理由，決定缺席香港四大頒獎禮。12月30號，佢喺「全港民意流行音樂頒獎禮2012」入面攞咗最受歡迎至尊唱片獎《告別我的戀人們》、最受歡迎至尊歌曲獎《戀無可戀》、十大最受歡迎歌曲第2位《告別我的戀人們》、十大最受歡迎歌曲第5位《初初》、最受歡迎男歌手金獎，共5個獎，係大贏家。值得一提嘅係嗰個頒獎禮係全由網民投票，絕對係公平、公正、公開嘅頒獎禮。
2012年5月初，佢去咗珠江頻道出席過《咪王爭霸》節目嘅推廣嘉賓業務[11]。
2013年－2017年：內地發展
[編輯]2013年，佢無出任何唱片，但作出咗多方面嘅嘗試。4月佢同首飾品牌金至尊合作，負責設計一系列嘅鑽飾，佢嘅新系列嘅鑽飾名為「寵愛・愛麗斯」。呢個都係佢首次作珠寶設計。喺上半年，佢參加咗內地公益音樂比賽節目《夢想星搭檔》唔止係第1單元賽冠軍，最後重成功贏咗一班參賽歌手係第一季總冠軍。重同搭檔李泉合叫做「泉基組合」[12]。11月13號，佢喺廣州獲首屆世界廣府人懇親大會頒發十大傑出青年殊榮，呢個都係佢繼2005年攞香港十大傑出青年之後再獲頒十大傑出青年獎項[13]。年尾佢重冇去香港四大頒獎禮。
2014年，佢喺年頭先推岀同容祖兒合唱嘅全新國語歌曲——《愛情也有生命》。喺7月15號派出全新廣東歌「致少年時代」，獲各方嘅讚賞。重參加8月29號嘅903拉闊音樂會。
2014年12月，加盟湖南衛視《我是歌手》第三季、為首發歌手，喺第二輪踢館賽遭到淘汰，之後喺突圍賽演唱《愛是永恆》以第六名突圍失敗。4月電影《衝鋒車》上映，重憑住「徐安良」呢個角色喺第3屆倫敦國際華語電影節奪得最佳男配角[14]。6月出咗國語專輯《我們》。9月佢出席「第14屆世界傑出華人獎」頒獎禮榮獲世界傑出華人獎[2] 同法國北歐大學頒授「榮譽商管博士」以讚賞佢嘅演藝事業嘅傑出表現。10月開始《古巨基我們世界巡迴演唱會》。
2016年，係《星動亞洲》同《音樂大師課》嘅常駐導師。
2017年，古巨基復出並出專輯《Salute to Dear Leslie》，翻唱前輩歌手張國榮嘅歌。
2017年－依家：再次回歸香港樂壇
[編輯]
2017年尾，古巨基宣布將再次回歸香港樂壇，並會出廣東大碟。同時，佢推出新歌《初心》；首歌出咗後好受歡迎，第二年仲憑呢隻歌再拎好耐未攞嘅四台冠軍歌位置。同年10月，佢咁啱喺拉斯維加斯槍擊區相隔兩間酒店，佢當時先去完演唱會[15]。
2018年，佢重返無綫電視，先後加入《流行經典50年》、《東張西望》同《勁歌金曲》做嘉賓主持，亦以前輩身份突擊出現藝員訓練班，畀後輩一個驚喜同做一啲分享[16]。同年，佢同黃子華合作，出新歌《子華說》。
5月10號至14號搞咗一連五場紅磡體育館演唱會，其中一場喺5月11號，啱啱開場冇耐，因演唱會「時光機」道具未返返後台，佢唔小心跌入舞台中央一個高2米嘅窿入面，突然消失喺觀眾眼前，台下好震驚，好彩無大礙，15分鐘後返返舞台，但冇即時到醫院驗傷，而喺演唱會完咗先去醫院[17][18]。經醫院檢查後，證實只係肌肉拉傷，稍作休息就可以好返[19]。喺今次演唱會入面，大部分衣服都係自己設計。之後，有時尚專欄話佢嘅靈感來源可能嚟自Maison Margiela[20]。
12月11號，佢出全新廣東專輯《維多利亞 Victoria One》，主題關於香港故事。
2019年1月14號，古巨基表示將原本用嚟記者招待會交代演唱會嘅錢改做喺1月15號幫乘客畀嗰日部分時段西環至荃灣同旺角至大埔紅色小巴車費[21]。
佢隻新歌《亂世情侶》出咗好受歡迎，MV兩個禮拜超過百萬點擊率，佢特登揾MV女主角胡定欣整《亂世情侶》合唱版，喺2月14號情人節發佈[22]。
2019年4月11號至14號，因2018年搞嘅古巨基我們世界巡迴演唱會香港站反應熱烈，所以加開古巨基我們世界巡迴演唱會香港站Part 2一連4場紅磡體育館演唱會，令該演唱會Part1加Part2夾埋搞咗9場演唱會，因反應熱烈所以連一啲舞台側邊視線受阻位置亦因應推出發售[23]。
成就
[編輯]古巨基8大成就有：
- 十大勁歌金曲頒獎典禮最受歡迎男歌星
- 北京中央電視台最受歡迎電視劇男主角
- 曾推出大碟35張 總銷量超過900萬張
- 勇奪全球多個地區最受歡迎男歌手
- 2次推出漫畫繪本
- 卡拉OK歷來選播總次數最高男歌手
- 香港十大傑出青年
- 成立古巨基兒童醫療基金
創作過嘅漫畫
[編輯]除咗任職歌手同演員外，佢喺近年自創視為阿仔嘅漫畫角色「Kubi」都好受歡迎。佢亦係首位本地藝人推出個人漫畫繪本，同推出咗2集個人創作嘅《The Story of KUBI》。個2集漫畫繪本都喺書展首度開賣時一度斷市。重喺香港、台灣同星馬等地賣出超過10萬本。
設計過嘅產品
[編輯]承接《The Story of KUBI》推出嘅熱烈反應，Kubi由2004年起同獲唔同機構邀請合作。
除Kubi外，佢都經常以設計師身分同唔同機構合作。2009年，佢成立咗自己嘅設計公司，重喺尖沙咀美麗華商場入面以營業一季嘅限定店形式開設店鋪《A Big Company》(abc>)，為期3個月（2009年12月25號至2010年4月4號），賣親自設計嘅服飾。abc>依家有2間分店，分別喺尖沙咀新港中心同中環擺花街。近年，abc>重心放喺售賣親自設計嘅品牌 SOLO CELEB. 同 HTDG [24]。
以下係曾經同佢合作設計嘅品牌：
佢除咗3次幫自己嘅演唱會設計紀念品外，2010年都開始同其他演藝單位合作，多次幫唔同藝人推出由自己設計演唱會紀念品。
有關設計所得獎項
[編輯]- 香港傳藝節2011開幕頒獎禮—「大中華設計獎」
曾編導嘅電影
[編輯]佢曾經分別喺2006年同2008年幫自己嘅2首歌曲《愛得太遲》同《情歌王》嘅音樂電影編導。2012年重參與「HK Style」MV嘅編導同友情演岀。
曾獲得之殊榮同嘉許名譽
[編輯]佢喺演藝界嘅成就係公眾都認同。佢喺2005年入選「香港十大傑出青年」。跟住喺2013年獲「首屆世界廣府人懇親大會」頒發「十大傑出青年」。
佢近年嚟都身體力行咁支持社會公益事務，重成立《古巨基兒童醫療基金》，嗰個基金之受惠對象係本港同國內有醫療需要嘅兒童；另外，佢重助養小孩，之後喺2010年獲香港服務大獎頒獎禮獲頒發慈善之星大獎。喺2012年4月20號，佢出席聯合國推動世界和平活動，獲大會頒發「聯合國親善大使」，係首位獲封「聯合國親善大使」嘅香港歌手。同埋同年4月27號，佢喺北京水立方獲頒「中國慈善排行榜」嘅「中國十大慈善明星」殊榮，係唯一獲獎嘅香港藝人。
佢同「Kubi」都喺2005年獲香港杜莎夫人蠟像館嘅邀請幫佢地鑄造蠟像，係史上首位由名人巨星同佢自創嘅漫畫角色組成嘅蠟像組合。佢都係2008年夏季奧林匹克運動會香港區火炬接力第8棒火炬手。
感情生活
[編輯]佢喺樂壇成日有緋聞，剩係曾經同舊東家嘅鄧麗欣傳過緋聞，不過戀聞剩係屬花邊新聞。而入行後一直以嚟剩係得一位女友——陳英雪（Lorraine，1968年1月19號—）。佢90年代初簽唱片公司時，就認識負責宣傳嘅Lorraine，2人因而日久生情。Lorraine家景好好，同埋都有一定歌唱實力，但甘願幫古巨基而做佢嘅助手。期間雖然傳岀婚訊，但佢剩形容Lorraine係佢嘅「得力助手」。到咗2014年7月15號，佢喺微博宣佈婚訊，結束20年愛情長跑，喺美國拉斯維加斯注冊結婚。圈中好友同藝人包括經理人霍汶希、趙薇、容祖兒、周慧敏、蔡卓妍（阿Sa）、楊千嬅、蔡一智、鄭伊健等，都有送上恭賀。2人喺2015年11月11號喺香港中環四季酒店補辦婚禮。周慧敏都喺佢嘅臉書透露：Lorraine同周慧敏合作2次。佢依家係佢嘅經紀人，Lorraine係同周慧敏首次中止合作後先識古巨基[25]。
生意投資
[編輯]- 2009年，佢成立咗自己嘅設計公司《A Big Company》(abc>)，售賣親自設計嘅服飾，重代理佢嘅心水品牌mjm、 Daniel Palillo、 starstyling等共10潮牌。[26] abc>喺尖沙咀新港中心。
- 2014年4月，佢成立咗餅店Alice Wild-Luscious，供應一系列糕餅，持股量大約三分之一，好朋友周慧敏後來都成為合股人。[27]
- 古巨基自1997年已開始投資，依家已經有至少一億三千萬喺手。
音樂作品
[編輯]| 古巨基音樂作品 | |
|---|---|
| 發行作品 | |
| 大碟 | 22 |
| 現場錄音專輯 | 4 |
| 精選集 | 6 |
| 細碟 | 3 |
派台歌4台成績
[編輯]| 派台歌曲成績 | ||||||
|---|---|---|---|---|---|---|
| 大碟 | 歌曲 | 903 | RTHK | 997 | TVB | 備註 |
| 1994年 | ||||||
| 愛的解釋 | 愛的解釋 | 4 | / | 1 | 3 | |
| 愛的解釋 | 藍天與白雲 | 4 | 9 | / | 4 | |
| 愛的解釋 | 有所不知 | 18 | - | / | / | |
| 笑說想 | 笑說想 | 1 | 5 | / | / | |
| 笑說想 | 妳是陽光空氣 | 4 | / | / | 5 | |
| 1995年 | ||||||
| 笑說想 | 晨曦 | 2 | 3 | / | / | |
| 笑說想 | 愛是憑直覺 | 8 | - | / | / | |
| 親親我好嗎 | 親親我好嗎 | 6 | / | / | / | |
| 其實我…我…我 | 想說笑 | 7 | - | / | / | |
| 其實我…我…我 | 每個日出 | 10 | 19 | / | / | |
| 其實我…我…我 | 其實我…我…我 | 1 | / | / | / | |
| 其實我…我…我 | 順風車 | / | 15 | / | / | |
| 1996年 | ||||||
| 第二最愛 | 第二最愛 | 1 | 1 | 1 | 1 | 首支四台冠軍歌 |
| 第二最愛 | 有心 | / | 4 | / | / | |
| 心願 | Santa Claus | / | / | / | / | |
| 1997年 | ||||||
| 心願 | 完美的一天 | 1 | 3 | 1 | 1 | 三台冠軍歌 |
| 心願 | 我對門匙說 | 1 | 4 | 4 | 5 | |
| 歡樂今宵 | 好人 | 8 | 7 | 2 | 5 | |
| 歡樂今宵 | 歡樂今宵 | 1 | 1 | 1 | 1 | 四台冠軍歌 電影《求戀期》主題曲 |
| 歡樂今宵 | 友共情 | 2 | 3 | 1 | 2 | |
| 歡樂今宵 | 最後勝利 | 2 | - | - | - | 電影"熱血最強"主題曲 |
| 歡樂今宵 | Can We Try | 3 | 19 | 10 | - | |
| 忘了時間的鐘 | 忘了時間的鐘 | 1 | 4 | 2 | 5 | |
| 忘了時間的鐘 | 小指 | 5 | 6 | - | 6 | |
| 1998年 | ||||||
| 忘了時間的鐘 | 讓我們在一起 | 13 | 15 | - | - | |
| 愛與夢飛行 | 所謂愛情 | 1 | 8 | 1 | 6 | |
| 愛與夢飛行 | 不敢說我愛你 | - | 1 | - | - | |
| 愛與夢飛行 | 來年來日 | 1 | 3 | 1 | 2 | |
| 愛與夢飛行 | 愛與夢飛行 | 6 | 7 | - | 7 | |
| 愛與夢飛行 | 十秒之後 | 13 | - | - | - | |
| 路邊攤 | 幸福號列車 | 4 | - | - | - | |
| Be My Valentine | 有你一天 | 1 | 2 | 1 | 3 | |
| Be My Valentine | Be My Valentine | 1 | 1 | 1 | 1 | 四台冠軍歌 同曲曲目：杜德偉 ~ 走火 |
| 1999年 | ||||||
| Be My Valentine | 「倒影」先生 | 4 | - | 16 | - | |
| 古巨基 | 許願 | 15 | 5 | 10 | 5 | 同梁詠琪合唱 |
| 古巨基 | 喜歡 | 6 | 8 | 7 | 6 | |
| 古巨基 | 第七感 | 9 | 6 | 14 | 4 | |
| 天氣會變 | 預感 | 1 | - | - | - | 99宣明會饑饉30主題曲 |
| 天氣會變 | 天氣會變 | 5 | 3 | 1 | 3 | U-point信用咭99廣告主題曲 |
| 天氣會變 | 羅馬假期 | 1 | 1 | 1 | 1 | 四台冠軍歌 |
| 2000年 | ||||||
| 尋寶 | Someday | 5 | 9 | 5 | 7 | |
| 尋寶（香港版） | 抱雪 | 5 | - | 10 | - | |
| 跳飛機 | 一光年 | 19 | 14 | 15 | - | |
| New Pattern | Love Don't Hurt | 4 | 8 | 3 | 3 | |
| 2001年 | ||||||
| New Pattern | 神蹟 | 1 | 9 | 5 | 5 | |
| All The Best | 幸運鈴聲 | 9 | - | 4 | - | |
| All The Best | Happy Birthday 2U | 10 | - | - | - | |
| 2003年 | ||||||
| 遊戲 基 | 任天堂流淚 | 3 | 3 | 2 | 1 | |
| 遊戲 基 | 必殺技 | 1 | 3 | 1 | 1 | 三台冠軍歌 另派The KKK X'mas Party Band版本 |
| 遊戲 基 | 悟空 | (1) | 1 | 1 | 1 | 四台冠軍歌 |
| 2004年 | ||||||
| 遊戲 基 | 愛神 | - | 13 | 4 | 3 | |
| 大雄 | 大雄 | 1 | 1 | 1 | 1 | 四台冠軍歌 |
| 大雄 | 傷追人 | 1 | 1 | 2 | - | |
| 大雄 | 愛與誠 | 1 | 1 | 1 | 1 | 四台冠軍歌 |
| 大雄 | 史上最強漫畫王大亂鬥 | 16 | - | - | - | |
| 大雄 | 美雪 美雪 | - | 16 | - | - | |
| 勁歌‧金曲 | Monica | (1) | 1 | 1 | 3 | 三台冠軍歌 |
| 2005年 | ||||||
| 勁歌‧金曲 | 勁歌‧金曲 | 2 | 1 | 1 | 1 | 三台冠軍歌 |
| 大雄的夢中人 | - | - | - | - | ||
| 星戰 | 夢中人 | 1 | 1 | 1 | 1 | 四台冠軍歌 |
| 星戰 | 天才與白癡 | 1 | 1 | (1) | 1 | 四台冠軍歌 |
| 星戰 | 明星 | 1 | 3 | 1 | - | |
| 2006年 | ||||||
| 星戰 | 一生何求 | 5 | 6 | 3 | 2 | |
| Human我生 | 花灑 | 1 | 1 | 1 | 2 | 三台冠軍歌 |
| Human我生 | 愛得太遲 | 1 | (1) | (1) | 2 | 三台冠軍歌 |
| Human我生 | 我生 | 1 | - | - | - | |
| 和諧創希望 | - | 16 | - | - | 同楊千嬅合唱 | |
| Human我生 | 重複犯錯 | - | 6 | 4 | 1 | |
| Human我生 | 愛美麗 | 18 | - | - | - | |
| 2007年 | ||||||
| 流金頌 | - | 2 | - | - | 同林子祥、劉德華、李克勤、陳奕迅合唱 | |
| 金牌醇音樂 | 愛變了這世界襯衣 | 2 | 1 | 3 | - | 原唱者為杜德偉 |
| Moments | 錢錢錢錢 | 1 | 3 | 1 | 2 | |
| Moments | 愛回家 | 1 | 1 | 1 | 1 | 四台冠軍歌 |
| Moments | 我自問 | - | 15 | 10 | - | |
| Moments | 十蚊雞流浪記 | 2 | - | - | - | |
| Moments | 一刻永恆 | - | 13 | - | - | |
| 2008年 | ||||||
| 此時此歌 | - | 1 | - | - | 同許冠傑、容祖兒、陳奕迅、李克勤、劉德華合唱 | |
| 勁歌金曲2情歌王 | 勁歌·金曲2 情歌王 | 17 | 7 | - | - | |
| 勁歌金曲2情歌王 | 年年有今日 | 1 | 10 | - | 1 | |
| 我還是你的情歌王 | 我們的彩虹 | 12 | 3 | - | - | |
| Guitar Fever | 下次再見 | 1 | 1 | 1 | 1 | 四台冠軍歌 |
| Guitar Fever | 眼睛不能沒眼淚 | 2 | 1 | - | 1 | |
| Guitar Fever | 花不痛 | 6 | - | - | - | |
| 2009年 | ||||||
| Strings Fever | 以你為榮 | 1 | 1 | 1 | 1 | 四台冠軍歌 |
| Strings Fever | 大師作品 | 2 | - | - | - | |
| Strings Fever | 男左女右 | - | 7 | 3 | - | 同關淑怡合唱 |
| You Talkin' To Me? | 地球很危險 | 1 | 1 | 1 | 1 | 四台冠軍歌 |
| You Talkin' To Me? | 沒有腳的小鳥 | - | 1 | 1 | 1 | 三台冠軍歌 |
| You Talkin' To Me? | 人生有幾個十年 | 1 | - | 5 | - | |
| 2010年 | ||||||
| You Talkin' To Me? | 空肚食早餐 | 19 | 16 | - | - | |
| You Talkin' To Me? | 周星呢 | - | - | 10 | 2 | |
| 時代 | 獨男 | 1 | 1 | 1 | 1 | 四台冠軍歌 |
| 時代 | 時代 | 1 | 1 | 1 | 1 | 四台冠軍歌 另派Blackbox Acoustic Remix版 |
| 時代 | 公主病了 | - | - | 4 | - | |
| 時代 | 鑽石敗犬 | 6 | 6 | - | - | |
| 2010 英皇MEGA HITS | 義海豪情 | - | - | - | 5 | 《巾幗梟雄之義海豪情》主題曲 |
| Amazing World | 戀後感 | 1 | - | - | - | 903廣播劇「戀LoveLove殘酷愛情劇場」主題曲 |
| 2011年 | ||||||
| 大時代 | 窮我一生 | 1 | 10 | 2 | 1 | TVB8：1 新城國語力：1 中國原創音樂流行榜：1 |
| 大時代 | 夠朋友 | - | - | - | - | 同孫楠合唱 TVB8：1 新城國語力：1 |
| Amazing World | 爆了 | 2 | 3 | 1 | 1 | Amazing World世界巡迴演唱會2011主題曲 |
| Amazing World | Once Upon A Time | 7 | 1 | 3 | 1 | |
| Amazing World | 明天 | 3 | - | - | - | |
| 2012年 | ||||||
| 讓時間說愛 | 有實無名 | - | 10 | 3 | - | 《歡樂元帥》片尾曲 |
| 告別我的戀人們 | 戀無可戀 | 1 | 1 | 1 | 1 | 四台冠軍歌 |
| 告別我的戀人們 | 告別我的戀人們 | 1 | 1 | 1 | 1 | 四台冠軍歌 903廣播劇「告別我的戀人們」主題曲 |
| 告別我的戀人們 | 初初 | 5 | 13 | - | - | |
| 告別我的戀人們 | 幸福方舟 | - | - | - | - | |
| 2013年 | ||||||
| 告別我的戀人們 | Shirley | - | - | - | - | |
| 2014年 | ||||||
| 我們 | 愛情也有生命 | 1 | 3 | 1 | 2 | 同容祖兒合唱 《北京愛情故事》電影主題曲 |
| 致少年時代 | 1 | 1 | 1 | 2 | 三台冠軍歌 | |
| 2015年 | ||||||
| 英皇15周年 和華麗有約 | 和華麗有約 | - | - | - | 5 | 英皇群星合唱 |
| 英皇15周年 和華麗有約 | 和華麗有約（國） | - | - | - | - | 英皇群星合唱 |
| 我們 | 找到你是我最偉大的成功 | 1 | - | - | - | 台劇《好想談戀愛》片頭曲 |
| 我們 | 怪物 | - | - | - | - | 台劇《好想談戀愛》插曲 |
| 我們 | 何必打擾 | - | - | - | - | 台劇《好想談戀愛》插曲 新城國語力：3 |
| 讓時間說愛 | 不聚不散 | - | - | - | - | 電影《消失的兇手》主題曲 |
| 我與你 | 1 | 5 | - | - | ||
| 讓時間說愛 | 讓時間說愛 | 2 | - | - | - | 鐵達時廣告主題曲 DBC華語歌曲流行指數：13 |
| 2016年 | ||||||
| 沒什麼不可以 | - | - | - | - | 電影《那件瘋狂的小事叫愛情》夢想主題曲 | |
| Salute To Dear Leslie | 當年情 | - | - | - | - | 同古天樂合唱 翻唱張國榮作品 |
| Salute To Dear Leslie | Dear Leslie | - | - | - | - | |
| 完美這一天 | - | 15 | - | - | 同謝霆鋒、容祖兒、李克勤、陳偉霆、林峯、Twins合唱 電影《決戰食神》主題曲 | |
| 團圓飯 | - | - | - | - | 《完美這一天》國語版 同謝霆鋒、容祖兒、李克勤、陳偉霆、林峯、Twins合唱 電影《決戰食神》主題曲 | |
| 2017年 | ||||||
| Salute To Dear Leslie | 最愛 | 17* | - | - | - | 翻唱張國榮作品 |
| 各台冠軍歌總數 | ||||
|---|---|---|---|---|
| 903 | RTHK | 997 | TVB | 備註 |
| 43 | 29 | 35 | 28 | 四台冠軍歌總數：16 四台及三台冠軍歌總數：24 |
（*）代表重上榜，粗體代表冠軍歌，歌名粗體代表4台冠軍歌，(1)代表2星期冠軍，（/）代表冇相關資料
唱片
[編輯]| 依序 | 發行日期 | 專輯名 | 曲目 |
| 1 | 1994年 | 《愛的解釋》 | 曲目
|
| 2 | 1995年 | 《笑說想》 | 曲目
|
| 《親親我好嗎》 | 曲目
| ||
| 《其實我…我…我》 | 曲目
| ||
| 3 | 1996年8月31號 | 《第二最愛》 | 曲目
|
| 4 | 1997年1月31號 | 《心願》 | 曲目
|
| 5 | 1997年 | 《歡樂今宵》 | 曲目
|
| 6 | 1997年11月 | 《忘了時間的鐘》（國語） | 曲目
|
| 7 | 1998年 | 《愛與夢飛行》 | 曲目
|
| 8 | 1998年9月1號 | 《路邊攤》 | 曲目
|
| 9 | 1998年12月1號 | 《有你這一天》 | 曲目
|
| 10 | 1998年12月29號 | 《Be My Valentine》 | 曲目
|
| 11 | 1999年3月30號 | 《古巨基》（國語） | 曲目
|
| 12 | 1999年4月1號 | 《幸福號列車》（國語） | 曲目
|
| 13 | 1999年11月13號 | 《天氣會變》 | 曲目
|
| 14 | 2000年1月27號 | 《尋寶》 | 曲目
|
| 15 | 2000年7月1號 | 《跳飛機》 | 曲目
|
| 16 | 2001年1月18號 | 《New Pattern》 | 曲目
|
| 17 | 2001年5月9號 | 《基情年代》 | 曲目
|
| 18 | 2001年5月10號 | 《戀戀情深》 | 曲目
|
| 19 | 2001年9月7號 | 《All The Best》 | 曲目
|
| 20 | 2003年11月28號 | 《古巨基 2003精選19首》 | 曲目
|
| 21 | 2003年12月5號 | 《遊戲 基》 | 曲目
|
| 22 | 2004年7月31號 | 《大雄》 | 曲目
|
| 23 | 2005年2月4號 | 《勁歌·金曲新曲+金曲精選》 | 曲目
|
| 24 | 2005年10月20號 | 《星戰》 | 曲目
|
| 25 | 2005年12月2號 | 《最終幻想》（國語） | 曲目
|
| 26 | 2006年8月25號 | 《Human我生》 | 曲目
|
| 27 | 2007年8月25號 | 《Moments》 | 曲目
|
| 28 | 2008年3月14號 | 《勁歌金曲2情歌王》 | 曲目
|
| 29 | 2008年6月30號 | 《我還是你的情歌王》（國語） | 曲目
|
| 30 | 2008年9月12號 | 《Guitar Fever》 | 曲目
|
| 31 | 2009年4月21號 | 《Strings Fever》 | 曲目
|
| 32 | 2009年11月3號 | 《You Talkin' To Me?》 | 曲目
|
| 33 | 2009年11月5號 | 《The #E0FFFFen Age》 | 曲目
|
| 34 | 2010年7月9號 | 《時代》 | 曲目
|
| 35 | 2011年4月11號 | 《大時代》（國語） | 曲目
|
| 36 | 2011年10月7號 | 《Amazing World》 | 曲目
|
| 37 | 2012年9月7號 | 《告別我的戀人們》 | 曲目
|
| 38 | 2012年9月21號 | 《The Very Best of Leo Collection》 | 曲目
|
| 39 | 2015年6月30號 | 《我們》（國語） | 曲目
|
| 40 | 2016年5月19號 | 《讓時間說愛》（國語） | 曲目
|
古巨基都舉辦過演唱會達53場，音樂會達23場，地點分佈世界各地。古巨基各演唱會如下：
演唱會
[編輯]| 香港個人售票演唱會列表 | ||||||
|---|---|---|---|---|---|---|
| 日期 | 演唱會名稱 | 場數 | 場地 | 主題曲 | 備註 | |
| 2005年3月7號—13號 | 勁歌金曲世界巡迴演唱會—香港 Part I | 7 | 紅磡香港體育館 | 勁歌金曲 | 首個個人大型售票演唱會/設有日場 | |
| 2005年4月6號—9號 | 勁歌金曲世界巡迴演唱會—香港 Part II | 4 | 紅磡香港體育館 | 勁歌金曲 | ||
| 2007年9月7號—12號 | The Magic Moments 2007 古巨基世界巡迴演唱會—香港站 | 6 | 紅磡香港體育館 | - | ||
| 2009年4月23號—28號 | 古巨基EYE FEVER紅館演唱會09—香港站 | 6 | 紅磡香港體育館 | - | 4月25號為古巨基理工大學Eye Fever籌款演唱會 | |
| 2011年10月7號—9號 | 古巨基Amazing World世界巡迴演唱會2011—香港站 | 3 | 紅磡香港體育館 | 爆了 | ||
| 2015年10月10號 | WE 我們 古巨基世界巡迴演唱會—深圳站 | 深圳春繭體育館 | ||||
| 2015年12月12號 | WE 我們 古巨基世界巡迴演唱會—上海站 | 上海大舞臺 | ||||
| 2016年4月16號 | WE 我們 古巨基世界巡迴演唱會—中山站 | 興中體育場 | ||||
| 2016年4月23號 | WE 我們 古巨基世界巡迴演唱會—大馬站 | 雲頂雲星劇場 | ||||
| 2016年12月25號 | WE 我們 古巨基世界巡迴演唱會—美國站 | 康州金神體育館 | - | |||
| 年份 | 演出 |
| 1994年 |
|
| 1997年 |
|
| 1998年 |
|
| 1999年 |
|
| 2000年 |
|
| 2001年 |
|
| 2002年 |
|
| 2003年 |
|
| 2004年 |
|
| 2005年 |
|
| 2006年 |
|
| 2007年 |
|
| 2008年 |
|
| 2009年 |
|
| 2010年 |
|
| 2011年 |
|
| 2012年 |
|
| 2013年 |
|
| 2014年 |
|
| 2015年 |
|
| 2016年 |
|
雜錦碟
[編輯]- 2004年：《只能談情不能說愛》
- 2005年：《LOVE 05 情歌集》(2CD)
- 2006年：《LOVE 06 情歌集》(2CD)
- 2007年：《Love07情歌集 樂壇獎門人》、《金牌醇音樂》、《LOVE 07 情歌集 壓軸篇》
- 2008年：《LOVE 08 情歌集》、《金牌主題曲》、《LOVE 國語情歌集》
- 2010年：《LOVE 10 情歌集》
- 2011年：《2010 英皇MEGA HITS》、《那些年, 我們一起聽過的歌》
- 2012年：《Y100: 黃偉文大選 (EVIL 版 ) 》
- 2013年：《幸福在一起》、《戀愛部落》、《愛·回憶108精選》
電視劇歌曲
[編輯]- 1994年：笑說想（無綫電視劇《笑看風雲》插曲）
- 1995年：感情真相（無綫電視劇《刑事偵緝檔案》主題曲）
- 1995年：對你始終癡心一往（無綫電視劇《刑事偵緝檔案》插曲）
- 2000年：拳傾天下（無綫電視劇《京城教一》主題曲）
- 2001年：好想好想（瓊瑤電視劇《情深深雨濛濛》片尾曲）
- 2001年：煙雨濛濛（瓊瑤電視劇《情深深雨濛濛》插曲）
- 2003年：天上人間（瓊瑤電視劇《還珠格格三之天上人間》主題曲）
- 2003年：問燕兒（瓊瑤電視劇《還珠格格三之天上人間》插曲）
- 2003年：在這離別時候（瓊瑤電視劇《還珠格格三之天上人間》插曲）
- 2004年：殉情記（無綫電視劇《大唐雙龍傳》插曲）
- 2007年：平凡（無綫電視劇《緣來自有機》主題曲）
- 2007年：春天（中國中央電視台電視劇《一生為奴》片尾曲）
- 2009年：中間人（同側田合唱）（內地電視劇《鹿鼎記》香港主題曲）
- 2009年：始終會行運（內地電視劇《鹿鼎記》香港片尾曲）
- 2010年：義海豪情（無綫電視劇《巾幗梟雄之義海豪情》主題曲）
- 2012年：追夢者（無綫電視劇《造王者》主題曲）
- 2015年：找到你是我最偉大的成功（三立華人電視劇《好想談戀愛》片頭曲）
- 2015年：承擔（三立華人電視劇《好想談戀愛》插曲）
- 2015年：何必打擾《三立華人電視劇《好想談戀愛》插曲》
電影歌曲
[編輯]- 2015年：像朋友一樣（電影《爸爸去哪兒》第二季插曲）
兒童歌曲
[編輯]- 1995年：親親我好嗎
- 1997年：我愛毛查查（無綫卡通片《外星毛查查》主題曲）
- 2000年：至NET小人類（無綫兒童節目《至NET小人類》主題曲）
- 2000年：來吧小精靈（無綫卡通片《寵物小精靈》主題曲）
- 2004年：我是貓（電影《加菲貓》主題曲）
- 2006年：我們的超人（無綫特攝《超人力斯》主題曲）
演出作品
[編輯]| 年份 | 片名 | 角色 | 合作 | 備註 |
| 1991年 | 《橫財三千萬》 | — | ||
| 《卡拉屋企》 | 茶客 | 第13集，跑龍套 | ||
| 1992年 | 《三喜臨門》 | — | ||
| 《龍的天空》 | Raymond | 林文龍、吳鎮宇、黎姿、邵美琪 | 跑龍套，楊文海大學同學 | |
| 《92鍾無艷》 | 鄭伊健、陳松伶、許紹雄、關寶慧 | — | ||
| 《我為錢狂》 | — | |||
| 《壹號皇庭》 | 酒吧歌手 | — | ||
| 《火玫瑰》 | 金蓮同事 | — | ||
| 《水滸英雄傳》 | 店小二 | — | ||
| 《重案傳真》 | 油脂仔 | — | ||
| 1994年 | 《笑看風雲》 | 包文虎 | 鄭少秋、鄭伊健、陳松伶、許紹雄、郭藹明、郭晉安 | — |
| 1995年 | 《前世冤家》 | 齊望星 | — | |
| 《包青天之踏雪尋梅》 | 白雪生 | — | ||
| 《總有出頭天》 | 陳至誠 南瓜頭 |
— | ||
| 1997年 | 《皇家反千組》 | 成國棟 | — | |
| 《英雄貴姓》 | 林盆 | — |
電視劇（其他）
[編輯]| 年份 | 片名 | 角色 | 合作 | 備註 |
| 2000年 | 《情深深雨濛濛》 | 何書桓 | 趙薇、林心如、蘇有朋 | — |
| 2003年 | 《還珠格格3之天上人間》 | 愛新覺羅·永琪 | 黃奕、馬伊俐、周傑、黃曉明 | — |
| 2006年 | 《讓愛自由/不該讓女人流淚》 | 古俊勇 | 楊千嬅、何炅、蘇永康、梁漢文、劉孜 | — |
| 2010年 | 《青春旋律》 | 汪雨航 | 詩雅、吳浩康、馬蘇、楊洋、金希澈 | — |
| 2011年 | 《歡樂元帥》 | 帥帥哥 | 蔡卓妍、鐘欣桐、郭晉安、吳卓羲 | — |
| 2013年 | 《曹操》 | 孔融 | — |
- 共闖天涯
- 熱浪迷情
- 英雄貴姓 飾演林碟（1995）
節目主持
[編輯]- 1992年：娛樂新聞眼
- 1993年：聰明伶俐主人翁
- 1993年：BB也Shopping
- 1993年：百變93娛樂圈
- 1993年：財源滾滾萬家歡
- 1993年：娛樂俾面派對
- 1993年：勁辣 Ichi Ban
- 1993年：萬人動畫變變變
- 1993年：好玩十一點
- 1993年：好玩小電影
- 1993年：勁歌金曲
- 1996年：奧林匹克運動會－阿特蘭大奧運會
- 2008年：係咪小兒科
- 2008年：奧林匹克運動會－北京奧運
- 2009年：超級巨聲評判
- 2009年：係咪小兒科第二輯
- 2009年：動畫金曲音樂會
- 2009年：香港小姐總決賽嘉賓司儀
- 2010年：無綫電視製作《我的故事‧我的歌》
- 2015年：湖南衛視《我是歌手》第三季嘅第1—7期
電影
[編輯]| 年份 | 片名 | 角色 |
| 1994年 | 《破壞之王》 | 榮記冰室夥記 |
| 1995年 | 《追女仔95之綺夢》 | 客串 |
| 1997年 | 《熱血最強》 | 林鐵男 |
| 1997年 | 《求戀期》 | 歐家全 |
| 1998年 | 《安娜馬德蓮娜》 | 客串 |
| 2002年 | 《夕陽天使》 | 客串 |
| 2005年 | 《短訊一月追》 | 賦佳 |
| 2006年 | 《野蠻秘笈》 | 古龍 |
| 2006年 | 《愛得太遲（音樂電影）》 | Key |
| 2007年 | 《戀愛初歌》 | 客串 |
| 2007年 | 《甜心粉絲王》 | 金水 |
| 2008年 | 《愛情左右》 | |
| 2012年 | 《喜愛夜蒲2》 | 客串 |
| 2015年 | 《衝鋒車》 | 徐安良 |
電影（配音）
[編輯]廣播劇同舞臺劇
[編輯]- 約93年：《運轉乾坤》（香港電台）（歌曲：Can We Try）
- 1994年：《古怪收音機》（主持）
- 1994年：《流行愛感冒》（商業電台）
- 1995年：《發達夢》（香港電台）
- 1995年：《愛的協奏曲》
- 1996年：《七擒七縱七巧板》（商業電台）（歌曲：兩個阿伯殺手 主唱：古巨基/陳奕迅）
- 1996年：《奇異檔案之隔世情緣》（香港電台）
- 1996年：《滑鼠失蹤記》（商業電台）
- 1997年：《純男色的憂鬱 - 不再失戀俱樂部》（香港電台）
- 1997年：《智取九蓮山》（商業電台）（歌曲：難道你都記不起 主唱：古巨基、陳慧琳）
- 1998年：《不敢說我愛你》（香港電台）（主題曲：不敢說我愛你）
- 1998年：《風雲》（商業電台）
- 1998年：《芝see姑Bi Family 之 聖誕粗粗地》（商業電台）（歌曲：苦 主唱：古巨基、芝see姑Bi）
- 1999年：《機動戰士0079》（新城電台）
- 1999年：《九九年某月某日》（香港電台）
- 2000年：《新城電台午間小劇場》（新城電台）
- 2000年：《情真情假》（香港電台）
- 2001年：《十八樓C座》（商業電台）
- 2002年：《冰點》（香港電台）
- 2002年：《都市下一站》（新城電台）
- 2003年：《一塵不染樂安居》（香港電台）（主題曲：安居）
- 2003年：《大衛營》（商業電台）（舞臺劇同廣播劇）
- 2003年：《仙樂都》（商業電台）
- 2004年：《隨碟附送愛人一個》（新城電台）
- 2005年：《墨爾本的翡翠》（新城電台）(主題曲：墨爾本的翡翠)
- 2005年：《歡樂滿Tour》（商業電台）（舞臺劇）
- 2006年：《BIG NOSE》（商業電台）（舞臺劇）
- 2006年：《黃金少年》（商業電台）
- 2008年：《最好的時光》（商業電台）（廣播劇）（友情客串──剛出道嘅基仔）
- 2012年：《愛情三角錯》（香港電台）（廣播劇）（張永康）
- 2012年：《告別我的戀人們》（商業電台）（廣播劇)（方樹學）
音樂比賽
[編輯]- 2013年：參加CCTV《夢想星搭檔》第一季，最後喺總決賽獲得冠軍。
2014年12月，加盟湖南衛視《我是歌手》第三季、為首發歌手，喺第二輪踢館賽遭到淘汰，之後喺突圍賽演唱《愛是永恆》以第六名突圍失敗。
我是歌手第三季 古巨基競演排名
| |||||||||
| 期數 | 輪數 | 播出日期 | 演唱歌曲 | 原唱 | 歌曲介紹 | 排名 | 得票率 | 出場序 | 備註 |
| 1 | 第一輪排位賽 | 1月2號 | 《愛與誠》 | 古巨基 | 詞：林 夕 曲：曹雪芬 編曲：黃丹儀 |
6 | 9.17% | 1 | — |
| 2 | 第一輪淘汰賽 | 1月9號 | 《父親》 | 筷子兄弟 | 詞／曲：王太利 編曲：Pyo Keun Soo |
3 | 14.91% | 6 | 兩場總成績第5名 |
| 3 | 第一輪踢館賽 | 1月16號 | 《情人》 | Beyond | 詞：劉卓輝 曲：黃家駒 編曲：梁翹柏 |
1 | 不詳 | 6 | 個人最高排名 |
| 4 | 第二輪排位賽 | 1月23號 | 《突然好想你》 | 五月天 | 詞／曲：阿 信 編曲：劉 卓、閆天午 |
6 | 7.89% | 6 | 個人最低得票率 |
| 5 | 第二輪淘汰賽 | 1月30號 | 《Monica》 | 張國榮 | 詞：黎彼得 曲：吉川晃司 編曲：Nick Pyo |
3 | 16.70% | 3 | 個人最高得票率 兩場總成績第5名 10組第1名 |
| 6 | 第二輪踢館賽 | 2月6號 | 《匆匆那年》 | 王 菲 | 詞：林 夕 曲：梁翹柏 編曲：Johnny Yim |
7 | 不詳 | 3 | 個人最低排名 |
| 7 | 第三輪排位賽 | 2月13號 | 《明星》 | 張瑪莉 | 詞／曲：黃 霑 編曲：胡 皓、胡彥斌 |
返場表演 | 5 | — | |
| 12 | 突圍賽 | 3月20號 | 《愛是永恆》 | 張學友 | 詞：林振強 曲：Dick Lee 編曲：Nick Pyo |
6 | 不詳 | 4 | 突圍失敗 媒體投票第4名 |
綜藝節目
[編輯]2015年：
- 2月7號：湖南衛視《快樂大本營》（同成龍、王若心、林鵬、韓庚）
- 4月10號：湖南衛視《天天向上》
- 7月14號：中天綜合台《康熙來了 》
- 7月17號：中天綜合台《SS小燕之夜》
- 7月17號：八大綜合台《娛樂百分百》
- 8月22號：東方衛視《女神新裝》
- 8月22號：湖南衛視《快樂大本營》（同周慧敏、魏大勛、魏晨、武藝）
- 8月29號：浙江衛視《12道鋒味》第二季（同海鳴威、劉雁之）
- 9月10號：優酷網《全明星》 第36期
- 9月12號：湖南衛視《中國新聲代 》
- 9月27號：TVB《今晚睇李》 第32集
- 10月17號：東方衛視《今晚80後脫口秀》
2016年：
其他
[編輯]漫畫同小說作品
[編輯]- 2012年：《古sir IQ王5》
- 2011年：《古sir IQ王4》
- 2010年：《古sir IQ王3》
- 2010年：《古sir IQ王2》
- 2009年：《古sir IQ王》
- 2008年：《kubi好孩子系列1:勝利的水杯》
- 2006年：《愛得太遲》電影小說
- 2005年：《短信一月追》電影小說
- 2004年：The story of KUBI Vol.2 漫畫
- 2003年：The story of KUBI Vol.1 漫畫
- 1998年：《天旋地戀》電影漫畫
- 1998年：《天旋地戀》電影小說
- 1997年：《熱血最強》電影小說及漫畫 (客串主筆)
獎
[編輯]| 年份 | 獎 |
| 1994年 |
|
| 1995年 |
|
| 1996年 |
|
| 1997年 |
|
| 1998年 |
|
| 1999年 |
|
| 2001年 |
|
| 2002年 |
|
| 2003年 |
|
| 2004年 |
|
| 2005年 |
|
| 2006年 |
|
| 2007年 |
|
| 2008年 |
|
| 2009年 |
|
| 2010年 |
|
| 2011年 |
|
| 2012年 |
|
| 2013年 |
|
| 2014年 |
|
| 2015年 |
|
參考
[編輯]- ↑ 〈【專訪】由「古怪基」到「古Sir」 基仔放慢腳步 享受人生 - 20180417 - SHOWBIZ - 明報OL網〉。《明報OL網》。原先內容歸檔喺2018-06-19。喺2018-04-19搵到。
- ↑ 2.0 2.1 2.2 〈歷屆得獎名單〉 (繁體中文)。世界傑出華人獎。原著喺2020年2月17號歸檔。喺2020年6月3號搵到。
- ↑ 〈存档副本〉。原著喺2016年3月4號歸檔。喺2017年2月27號搵到。
- ↑ [1] 互聯網檔案館嘅歸檔，歸檔日期2016年8月11號，.古巨基亞洲總銷量超越100萬張
- ↑ [2] 互聯網檔案館嘅歸檔，歸檔日期2016年8月11號，.古巨基全年最高銷量歌手第二位
- ↑ 〈九九年賺$1,900萬古巨基$700萬買康樂園與歌神做鄰居〉 (中文)。2010-09-05。喺2011-01-01搵到。
- ↑ 〈存档副本〉。原著喺2016年3月4號歸檔。喺2017年2月27號搵到。
- ↑ 〈古巨基香港個唱創造紀錄〉。原著喺2016年3月4號歸檔。喺2017年5月7號搵到。
- ↑ [3] 古巨基正式簽約英皇 過檔猶如登基大典
- ↑ 〈存档副本〉。原著喺2010年9月8號歸檔。喺2017年2月27號搵到。
- ↑ 〈古巨基助阵《麦王争霸》 支招选手耐心"存积分"〉。《廣州日報》。腾讯。2012-05-10。原著喺2020-03-16歸檔。喺2017-05-10搵到。
- ↑ [4] 互聯網檔案館嘅歸檔，歸檔日期2014年1月16號，.古巨基李泉之「泉基組合」強勢奪冠《夢想星搭檔》總決賽搶收視
- ↑ [5] 古巨基廣州獲頒十大傑出青年殊榮
- ↑ 〈存档副本〉。原著喺2015年6月26號歸檔。喺2017年2月27號搵到。
- ↑ 李仕奇 孫紹豪 【賭城槍擊案】古巨基身處槍擊區附近 事發時攬太太躲賭桌下 互聯網檔案館嘅歸檔，歸檔日期2020年7月17號，.. 2017-10-03
- ↑ 〈古巨基重做主持訪問民間特首 劉德華笑評：你都係做返歌手啦〉。HK01.com。2018-03-23。
- ↑ 〈古巨基墮2米台底傷頸強撐開騷〉。東方日報。2018-05-12。
- ↑ 〈意外墮舞台大窿 古巨基﹕上天保佑 我無事〉。明報。2018-05-12。
- ↑ 〈【突發】意外墮台 基仔：我想繼續唱落去！〉。原著喺2018年8月27號歸檔。喺2020年3月25號搵到。
- ↑ 〈古巨基演唱會開鑼！〡自家設計的歌衫從Maison Margiela吸取靈感？〉。原著喺2018-05-19歸檔。喺2018-05-19搵到。
- ↑ 〈古巨基20萬請搭小巴〉。《蘋果日報》。2019-01-15。原著喺2020-04-25歸檔。喺2020-03-25搵到。
- ↑ 〈基仔情人節送禮 搵定欣合唱《亂世情侶》〉。《頭條日報》。2019-02-14。
- ↑ 〈古巨基紅館騷唔怕再跌落大窿〉。《蘋果日報》。2019-04-12。原著喺2020-04-25歸檔。喺2020-03-25搵到。
- ↑ [6] 互聯網檔案館嘅歸檔，歸檔日期2014年1月16號，.A Big Company
- ↑ 周慧敏臉書
- ↑ abc >> a big company 互聯網檔案館嘅歸檔，歸檔日期2014年12月29號，. HK.Ulifestyle.com
- ↑ Alice Wild Luscious 互聯網檔案館嘅歸檔，歸檔日期2014年12月19號，.HK.Ulifestyle.com
睇埋
[編輯]出面網頁
[編輯]- 古巨基嘅新浪微博
- 古巨基官方網站『基迷小聚』
- 古巨基 Leo Ku嘅facebook頁
- 古巨基雅虎香港個人網誌（blog）
- 明報OL網古巨基相簿
- 古巨基喺互聯網電影資料庫嘅資料（英文） （英文）
- 古巨基 at AllMovie
- 古巨基喺香港影庫嘅資料（香港繁體）
- 古巨基喺豆瓣電影嘅資料（簡體中文）
- 古巨基喺時光網嘅資料（大陸簡體）
- 香港網絡大典：古巨基
 英皇娛樂旗下藝人 | |
|---|---|
| 歌唱 | |
| 影視 | |
| 英皇北京 | |
| 相關文章 | |
![[1]](http://ww4.sinaimg.cn/large/6d6b9d95gw1dkiorhzcwkj.jpg){kind=link}
![[2]](http://ww1.sinaimg.cn/large/6d6b9d95gw1dkiovr319tj.jpg){kind=link}
