大學站 (東鐵綫)
 大學站B出入口外觀 | |
| 站名 | |
| 中文名 | 大學站 |
| 英文名 | University Station |
| 站代碼 | UNI |
| 基本資訊 | |
| 座標 | 22°24′48″N 114°12′37″E / 22.413353°N 114.210172°E |
| 車站色 | 深天藍色 |
| 途經路線 | 東鐵綫 |
| 站服務時間 | 0531-0102 尾班車時間 |
| 接駁交通 | 巴士、小巴 |
| 車站結構 | |
| 站類 | 架空 |
| 月台類 | 2側式月台 |
| 月台數 | 2 |
| 出口數 | 3 |
| 其它設施 | 其它無障礙設施 |
| 地圖 | |
 | |
 |
大學站（粵拼：daai6 hok6 zaam6；英文：University Station）係位於香港沙田區嘅港鐵東鐵綫車站，之前叫馬料水站，喺1966年改名做大學站，以車站旁邊嘅香港中文大學而得名。
車站結構
[編輯]大學站係一個地面車站，但主要大堂係位於2號月台側邊嘅下一層，同時有另一個較細嘅大堂喺1號月台側邊。2個大堂同埋月台由兩條路軌下嘅通道連接（一條喺收費區內，一條就喺非收費區）。收費區嘅通道喺中文大學嘅一邊設有閘機。雖然大學站望落好似同香港中文大學有一段距離，但係1號月台設有另一個西面大堂通往香港中文大學，並設有閘機方便出入。
大學站設有兩個側式月台，月台只有中央部份設有上蓋，兩端都係露天。本站係三個設有「空隙黑點」提示嘅車站之一（另外兩個係九龍塘站同旺角東站），兩個月台都喺急彎之上（列車限速係每小時55公里），空隙係港鐵中最闊嘅，可達34厘米，因此乘客較易發生墜軌意外。
車站樓層
[編輯]| P 月台 |
西面大堂 | C、D出口、客務中心、香港中文大學接駁校巴總站 |
| 側式月台，左邊嘅車門將會打開 | ||
|
往羅湖／落馬洲 | |
| 路軌 | ||
| 路軌 | ||
|
往金鐘 | |
| 側式月台，左邊嘅車門將會打開 | ||
| C 大堂（地面） |
東面大堂 | B出口、客務中心、公共運輸交匯處、洗手間 車站商店、自動售賣機、自動櫃員機 |
| 行人隧道 | 通往各月台同埋出口、A出口 | |
車站出口
[編輯]車站大堂
[編輯]一號月台
[編輯]- C - 香港中文大學
- 香港中文大學、中大校巴站1、利黃瑤璧樓、信和樓
- D - 綜合教學樓
- 綜合教學樓（建築學院）、眾志堂、中大校巴站3及4、龐萬倫學生中心、伍何曼原樓、康本國際學術園
鄰接車站
[編輯]| 東鐵綫 | ||||||||
| ||||||||
車站周邊
[編輯]
大學站隔離就係香港中文大學，遠少少有香港科學園同馬料水碼頭。車站隔離有個巴士總站，有巴士同小巴去馬鞍山同科學園。
接駁交通
[編輯]大學站響馬料水，因為附近有馬料水碼頭去新界東北，所以曾經係交通樞紐。後尾馬鞍山西面近沙田海一帶發展做新市鎮，起咗好多路，水上交通無咁重要，變成去東北平洲、塔門同黃石嘅碼頭。相反大學站就變成鐵路轉去馬鞍山一帶交通樞紐仔，有巴士同小巴站。家下有車去到馬鞍山東面十四鄉。自從有埋馬鞍山鐵路（而家屯馬綫一部分），呢處嘅角色就唔係咁重要。不過新界北或者由深圳坐鐵路落嚟，搭東鐵綫南行去馬鞍山嘅乘客，喺呢度轉車方便好多。
- 九巴：
- 龍運巴士：
- A47X（特別班次） 大埔（太和） ↔ 機場（地面運輸中心） （繁忙時間服務，經白石角及科學園）
- 專線小巴：
- 27B 白石角（天賦海灣）↔ 沙田站（排頭街） （只限平日繁忙時間服務）
- 807A 大學站 ↔ 馬鞍山站
- 807C 大學站 ↔ 海柏花園
- 807K 大學站 ↔ 十四鄉井頭
- 807S 大學站 ↔ 大洞（只限平日繁忙時間服務）
- 807X 大學站 ↔ 烏溪沙站
- 香港中文大學校巴：
- 大學站 ↔ 逸夫書院
- 大學站 ↔ 新亞書院
- 香港教育學院校巴：
- 大學站 ↔ 香港教育學院
- 翠華船務：
利用狀況
[編輯]大學站大堂外嘅公共交通交匯處設有巴士同小巴駛經連接9號幹線吐露港公路馬料水段同2號幹線大老山公路去對面嘅馬鞍山路，橫跨沙田海嘅架空天橋去馬鞍山住宅區，以前大學站係馬鞍山居民出入市區嘅重要車站，即使馬鞍山綫通咗車，由馬鞍山去羅湖／落馬洲嘅乘客都係喺呢個站上車比較方便，所以呢個站仍能維持有一定人流。
另外，每逢馬場站開放，大學站會做一個臨時轉綫站，往金鐘方向列車嘅乘客要去馬場站，必須喺大學站等經馬場站嘅列車。而去火炭站嘅乘客搭咗經馬場站嘅列車，亦要喺大學站等經火炭站嘅列車。而喺2008年北京奧運同殘奧會期間，前往沙田主賽場睇馬術比賽盛裝舞步賽事同場地障礙賽嘅觀眾，都要喺呢個站出面轉大會嘅穿梭巴士HK1。
車站歷史
[編輯]車站命名
[編輯]大學站之前叫馬料水站，喺1956年9月24號正式啟用。車站啟用初期每日只有南北行各三班列車停站。隨住香港中文大學落成，喺1966年12月11號宣佈改名做大學站。
2007年12月2號兩鐵合併，東鐵綫現有大學站，同起緊嘅港鐵港島綫西延香港大學站，站名重複。當其時港鐵未就此事有所定案。有類似情況嘅旺角站，九廣東鐵旺角站就改名做東鐵綫旺角東站。有輿論認為依傳統地名，東鐵綫原有嘅大學站應恢復原名馬料水站，新起嘅大學站就命名石塘咀站，但港鐵發言人指港島綫西延大學站重未正式命名，並重申名稱將會反映該區嘅地區特色。2009年，港島綫西延動工起之後，港鐵將港島綫西延大學站正式改做香港大學站；不過大學站並無喺港島綫西延通車後改名做「中文大學站」。
加設D出口
[編輯]
2012年9月28號，港鐵為應付三三四新學制下增加學生人數，並且方便前往新教學大樓（康本國際學術園、伍何曼原樓及李兆基建築學大樓）同校巴站嘅人士，而增設D出口。該出入口距離中文大學新綜合教育大樓只有約3分鐘路程。
新出入口採用環境保護設計，大量採用自然光，由混凝土、隔熱玻璃同反光板所組織設計，陽光從指縫滲進入車站，預計每年可以慳三分一電力[1]；又採用特別設計，方便收集雨水〈儲水量容達5,500升〉，用以灌溉附近嘅植物[2]；出入口外牆留有空間，畀自然風吹入車站大堂，同樣畀熱空氣從頂部透氣孔排走；而出入口內木櫈亦由舊有嘅鐵路枕木改裝。工程獲美國綠建築協會頒發「領先能源與環境設計」銀獎[3]。
事故
[編輯]列車出軌事故
[編輯]1988年6月4號下晝兩點，一列九廣鐵路（英段）南行貨運列車喺大學站以北嘅白石角出軌，直到第二日朝早10點40分恢復服務。期間九鐵服務中斷咗成日。九鐵方面派出接駁巴士疏導乘客，但場面混亂。例如喺沙田站，夜晚大批乘客爭先恐後上接駁巴士，有人甚至爬窗上車。出事嗰段鐵路本來係個急彎，後來喺1995年拉直。而家係香港教育學院運動場。
2019年7月25號凌晨四點，一列東鐵綫北行工程車喺大學站以北嘅香港科學園出軌，直到下晝兩點幾恢復服務。期間港鐵服務中斷咗成朝。港鐵方面派出接駁巴士疏導乘客，但場面混亂。例如喺沙田站，朝早大批乘客爭先恐後上接駁巴士。出事嗰段鐵路本來係個急彎。
車站被破壞
[編輯]11月12號香港中文大學衝突期間，大學站遭到大規模破壞，被迫封閉，東鐵綫通返車之後好多日都要飛站，到12月21號至用得返，而D出口要到2020年1月12號至用得返。
上一站‧下一站
[編輯]| 上一站 | 港鐵 | 下一站 | ||
|---|---|---|---|---|
往金鐘
|
東鐵綫 | |||
往金鐘
|
東鐵綫 賽馬日經馬場列車 |
列車班次
[編輯]| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
|
|||||||||
|
|||||||||
|
|||||||||
攷
[編輯]- ↑ 大學站新出口採環保設計 互聯網檔案館嘅歸檔，歸檔日期2021年1月17號，. 《星島日報》 2012年9月20日
- ↑ 港鐵大學站方便疏導客流量 將設新出口 [失咗效嘅鏈] 《大公報》 2012年9月21日
- ↑ 大學站新出口奪環保獎 互聯網檔案館嘅歸檔，歸檔日期2020年10月28號，.《東方日報》2012年09月20日