User:S7w4j9
| Wikipedia:Babel | ||
|---|---|---|
| ||
| ||
| ||
| ||
| ||
| ||
| 睇睇用戶語言 |
廣州人。我愛呢座千年古都。
更多標籤，去國維同名User。
個人空間：《教育部規範粵字》
我而家同時係漢喃維基百科嘅管理員之一，呢個係我喺嗰邊嘅頁面，歡迎來我哋個網站觀光～！
注意：我對自己啲頁面幾闊佬懶理，所以呢度啲文字，就好似地質岩層噉，記錄唔同時候我嘅諗法。所以有啲嘢可能有錯，有啲嘢係舊時噉睇，而家未必。話之佢啦！最緊要開心。
| 「 | 燒書都唔係最惡，真正嘅罪惡係唔讀書
|
」 |
——《華氏451》 | ||
所以呢，我會降低維基頻率，好好噉充實自己，好好讀書，呢度啲煩事，我唔理得咁多囉。同樣，呢度係本百科全書，搞破壞當然衰，更衰嘅係睇唔起呢度，唔讀書乃係大罪。
對自己寫嘅文章嘅睇法、關於誠意：一啲思考
[編輯]寫維基，學到好多嘢，但有時都寫得幾絕望：我發覺我嘅知識真係幾有限，知識可以學嗟，但係學力真係有限呢（ne5）。而且有時我好惶恐，深恐一啲見解只係囿於一時知識結構、一時經驗，而未得真知灼見，就噉樣加諸於文章、加諸於讀者，會唔會害咗人呢？呢個就係我寫維基嘅惶恐之處。
噉我能夠做嘅係咩嘢呢？誠意。我只能夠惶恐噉畀足誠意。所以翻譯啲小語種維基文章時，幾乎每句話啲料係堅定流都自己查實一番，儘量畀多啲出處，儘量畀自己學多啲嘢，見識多啲，做咗功課先來寫維基。而落引用時，好多人劈（pek6）幾隻字就算，我呢，用引模打好格式，同你啲人講清講楚，係幾時查嘅、係幾時嘅料，因爲啲料可能會變，用咩文寫嘅，你要做好準備，個外文標題係咩意思，我譯足畀你聽，其中最特別係韓文同越南文，我喺譯標題之前會另畀漢諺、漢喃嘅寫法畀啲人睇。點解？因爲我哋係唐人，啲漢字，或者講唐字，對我哋係有意義嘅，將呢啲可以寫得做唐字嘅文段寫明出來，一係方便啲人明瞭呢兩種語文，第二係我想證明我嘅譯文冇講大話，第三係畀出我譯文用詞嘅根據——就好似我譯日文，會儘量保留日文用嘅字詞，除非粵文點都唔會噉樣講嘢。
而另外，我又會打註釋，將相關翻譯、理解要用到嘅知識背景，通通講曬出來，希望讀者有心嘅話，願意來睇一睇，去明瞭點解啲嘢係噉寫、噉譯、噉講，呢啲係有根據㗎。我諗，喺無法確保十分之十正確無誤嘅情況下，誠意係我能夠做到嘅唯一嘅嘢，呢個亦係我試圖挽救粵維嘅杯水車薪之舉。
點解話係「挽救」——君不見，而家嘅粵維絕大部分嘅文章似咩樣？我諗，唔會有邊個真係當呢度係回事。真係㗎，我爲粵維服務咁耐，從來唔覺得會有咩人真係當粵維係回事。人人話要捍衛粵語，但實際上粵維起唔到乜嘢成色，就好似而家噉嘅狀況就叫做捍衛咗粵語噉。我代表唔到粵維，我只能用我嘅言行代表我自己，粵維文章嘅普遍質素係噉唔係我錯，我亦無可奈何，我能夠做嘅係，當讀者偶然間，翻閱到一篇我經手嘅文章，可能因爲我嘅知識水平、學力所限，未能寫盡寫真，或可能我時間唔夠，或者趕緊工夫，篇文唔完整，但喺我經手嘅部分，我希望，我可以將我份誠意傳達到讀者嘅心裏頭，我希望，讀者會欣然接受我嘅呢份誠意，如果可以，請對我犯嘅錯提出指教。
以上，寫於2017年2月16號晏晝六點。
我睇粵維
[編輯]我真係唔想見到粵維淪為中維嘅概要翻譯版。所以堅持獨自寫長條目。另外就係翻譯。我唔會譯國文，因為都係唐系，譯中維啲嘢粵維會好蝕底。唔譯英文，僅作參攷。譯：越南文、韓文、日文。
粵維獨立於中維，同時又係彼此嘅延伸。
我覺得而家粵語版嘅目標係增加條目數，同埋拓充短文。
粵維係有價值嘅，做落去就會發覺。比如我寫過首古詩，入面嘅注音就係精華，係中維做唔到嘅。網上搵嘅詩詞資料，基本上得普通話注音，粵語資料少到無陰功，粵維作為網絡最大嘅粵文計劃，應該承擔呢啲語文教化，另外重有粵音翻譯，其實呢啲都係各路唐維嘅價值所在。
同時各路唐維組成一個語文圈，做好咗，對繁榮中文係件好事。試諗下，除咗可以睇中文啲嘢，重可以睇下其他版本嘅講法，唔好咩？（話我聽睇唔明所以唔睇嘅，新年要賣懶。）所以我認為唔應該照抄中文啲嘢、改幾隻字就算，雖然理論上各版維基嘅內容應該差唔多，但實質上有唔同、有對比，係好事。
另外，粵語，連埋其他中國語言，都係中國偉大嘅文化遺產。又係詩詞一範，普通話人寫詩詞平仄，十有八錯，除咗有名嘅「入聲」問題，另外就係普通話部分字音聲調唔合古韻，比如「擁」，粵語作仄聲，普通話作平聲；「聽」，粵語文讀作仄聲，白讀作平聲，普通話得平聲，其實呢啲文讀係寶，因為從詞牌格式、例詞睇，「聽」就係仄聲字。想研究中國古典文學，粵語勝普通話幾籌。
另外有時我會捉字蝨（sat1），針對錯字。雖然我反對「冇」「忌」「嚟」之流嘅用字，但係因為無知識錯誤（而且有時爲消歧義，一啲俗字都會起用），我就唔會改，將呢類字睇作俗字、異體、同通，但係諸如「咁、噉」之別（其實有時眼花花自己都會寫錯），以及因為唔識寫就寫同音（其實隻字就係日常用字，祗不過中文先生唔教之過），我就捉呢啲字蝨。
呢幾節文字係新寫嘅，作爲我徹底淡出維基百科前一啲諗法嘅記錄。
好顯然，維基無可能寫一世，生活之中始終太多事，分唔到咁多心機去寫維基，所以點都有退出嘅一日，至少唔再活躍，或者遞時憑住對一啲文章嘅關懷熱情，會返來睇眼。
粵文嘅地位顯然非常之尷尬。作爲口頭語言嘅粵語，點講都好，都係粵港澳嘅de facto provincial language，但作爲書面嘅粵語，顯然未畀最廣大嘅民眾接受。教科文組織有個願景，希望盡量多嘅人類語言有書面可寫，從語言保育講，啱嘅，發育出文字嘅語言，喺目前人類語言大滅絕期內會多份保險。但粵語實質上可以寄託喺語體中文呢個Transdialect script，於是粵文令一般人特別生疑。
就好似衛藏、康巴、安多之間方言駁雜，但有古典藏文呢個語體文來溝通；又好似衛拉特、布里亞特，佢哋都可以用傳統蒙文實現跨方言溝通，衛拉特有自己嘅托忒文，但實際教育系統唔希望採納，因爲佢嘅書面威望唔夠傳統蒙文。當大多數人都係以語體文作爲知識、思想、感情傳達嘅工具時，地方白話文都會顯得可有可無。
書面無威望嘅情況之下，粵文維基就有信用危機。
以前我睇過WikiCantonia同WilliamWong關於Link-zh模嘅存在爭拗。Cantonia認爲，呢個模會挖走粵維唔多嘅人，William嘅睇法認爲來親粵維嘅人，唔係睇嘢就係有心寫嘢，來去都係嗰幾個，朝見口晩見面，根本唔威脅。當時我支持William，然後之後進一步諗：
粵維點先可以謀到發展？維基靠人搞起，編者流由讀者流帶起，讀者之所以有，唔係因爲呢度用何種語文，而係因爲呢度有無嘢到。長期以來，粵維嘅增長模式就係剎時間來咗個戶口，批量開文，但篇篇都係寫嗰幾句話就走人，後續？善後？That's kidding. 於是粵維有大量嘅文章荒涼到生草，成個維基就係重度貧血。
噉唔得掂喎！個個人來睇嘢，都係想睇到嘢到，無嘢到，點解要來呢？一次係噉，次次係噉，自然無人來，亦就自然無編者來，於是惡性循環。
所以以前我認爲，救粵維嘅辦法，在於有嘢到：基本文章、重要文章，盡量寫長，唔好朝抄中文，要有料。而因爲我通曉好多門語言，可以做譯工，快速改善文章質素。
中文維基嘅社群有颱風黨唔係咩新聞，搞到家下時時見親中維首頁都係颱風+風暴+颶風。呢啲颱風黨同時會跨版幫手來粵維開吓文（當然，又係一言堂）。
既然我做譯工，咩都會譯，包括颱風。但我相當心痛睇到，颱風黨IP多次將中文維基嘅原碼照抄照貼落文章度。大佬，雖則話譯嗟，譯文本身都係一番心血，但嗰啲人，話之你死，照抄，照貼，有時精細啲，唔照抄，但對住中文版內容來改，包括嗰啲明明有出處嘅內容，唔睇，反正無資料出處嘅中文版高貴過有明確數據源嘅粵文萬萬聲。
譴責嘅說話唔多講，只係想講，從呢件事，可以知道粵文嘅信用何其之低。根本就係負債嘅！喺度寫嘢，有人信咩？想話用粵語傳播資訊、知識，乃至智慧，可能嗰啲人會諗，「乜粵語而家咁巴閉啊？」。至於紅毛屎，連中文都唔會睄一眼。
所以而家能夠做嘅，就係提高文章嘅可信度。規範引源格式，規範資源出處。盡量令一篇文章望落可以有些少可信。
當初設立粵文維基時，爭議好大。其中爭論之白熱，竟然引起一堆人互掟理論、書包，真係奇觀。當然，廣東人性格，唔詏咁多，做咗先算，亦都係嘲諷返呢啲似是而非嘅爭論。不過當中一啲警鐘，真係切實無虛。有一個非常之反對設立方言版嘅人話，唔驚你哋呢啲語言保護主義者鬧佢，佢就係要鬧呢啲方言版，佢就話呢啲版本唔批評得，因爲政治正確，於是庇護咗一大堆頭腦發熱嘅語言極端分子，最終拉低成個版本嘅質量，順便整臭維基百科嘅招牌。
佢啲言論我好唔贊同，唔係因爲傷害咗感情，而係佢有啲先決條件實際係虛構嘅，有啲則係唔符合事實，所以根本上個體系唔成立。不過「語言極端分子樂園」嘅警告係切切實實。睇下社群入邊CRCHF呢條傻仔，一腔熱血懵上心口，話佢有錯就會血壓爆頭，知識唔夠，邏輯堪憂，完全就係嗰個人所警告嘅「極端分子」。（劃線說明：算啦，人會變、月會圓，如今呢個編者亦好轉過以往，雖然水平仍需努力，但好歹德性上安份過過往，我亦唔針佢囉，亦冇心閒理呢啲事，就此打住。若講危機，就算係啲大維基又如何？畢竟人就係塵，人多隨之沙塵亦滾滾，又邊有淨土呢？就連我自己亦係塵，宇宙中等於根本唔存在嘅微塵。——刪於2019年2月21號）
粵維有信任危機，果真係粵文唔可信？非也。一個德高望重嘅尊者，唔理佢用何種語文，佢嘅說話始終都可博人尊敬，粵維嘅信任危機根本在於外界人對粵維社群嘅唔信任。原因正如警告所言，「語言極端分子嘅樂園」。維基嘅靈魂在乎社群，而其中最緊要嘅係社群嘅自淨能力。
也罷也罷。本來維基百科好無釐頭賊，又做得成？靠嘅咪就係一班癡人訴與癡夢與癡話，乖乖哋上交精力同時間。癡者自癡，傻人自傻，係神係鬼，試過先知。反正人必自侮而後人侮之，何必理嗰啲傻閪咁多呢？
雜項
[編輯]- 睇到條噉嘅新聞：話英文維基上有條友鼠咗入管理員嘅位置，長期用佢嘅影響力制止其他人對某篇講一間印度學校嘅文章嘅修改。呢篇文章其實就係賣告白，兼且不實，而呢條友就係嗰間學校出錢買嘅，去監控嗰啲唔利於佢嘅言論。維基百科嘅運作偏西方嘅，對於印度來講，維基百科係知識寶庫，啲人信到十足，以爲實啱，結果唔少學生睇到嗰篇告白入曬愣，報咗嗰間野鷄學校。幾年之後，呢條友先淸佢出來。結果，「維基百科毀咗過萬個印度學生嘅前途」。
我就諗，誠如Mountain前輩話齋，世上無淨土，不過有本源。維基肯定越變越複雜，因爲既然蒐羅世上一切知識，無可避免同社會碰撞。而社會從來都咁複雜。寫維基嘅係咩人？睇維基嘅又係咩人？唔係各個社會都發展成熟，民智開啟係任重道遠嘅大事。
- 說話寫嘢所吸收嘅知識穩固、深刻過睇嘢，但有時覺得寫維基真係扯咗我太多時間，尤其慢慢噉越寫越精雕細琢，呢個心血付出到就來貧血。所以我諗住慢慢減少維基時間，睇下書，補返啲血。畢竟，想更好貢獻維基，自己都要增下值。
- 始終感謝維基，因爲相遇相識一啲值得交往嘅人；因爲呢個係個慈善計劃。
- 聖經話，愛係恆久堅忍。正因如此，愛係世間最強嘅力量，無任何嘢可以打敗到愛。歸根到底，都係出於愛，人先至會走埋一齊，既然係噉，點解要去攻擊他人之所愛？須知，愛者面前，任何攻擊都失效。而癡愚者，如語言極端分子，往往唔曉，故作姿態，我唔識官話㗎，我要向中文版反擊。旁人見到，不過笑柄。
- 古波斯詩人Rumi有詩句，海傾其所有嘅水來向水滴求愛，所以水滴要點做？海唔缺水。
- 我愛土地，愛上帝賜予人類呢份最高嘅美意。中文話乾陽坤陰，但蒙古文話，天係騰格里（tenger），地係嘎查（gajar），反而天陰地陽。尼采話，你哋貧瘠嘅靈魂，嚮往虛無嘅天堂──點解唔腳踏實地，俯身爲泥？我喜愛每一處嘅風土，想去聽下唔同地方嘅古仔、風物。正係人，令世間多咗唔少嘅故事，令本來死寂嘅山川活化成人嘅家園。
我自創嘅粵語拼音（廣州音）
[編輯]我嘅出發點在於粵語繼承古音格局，至今唐宋反切用例重用得，點解唔改造個拼音，來同反切更好噉用呢？
反切：上字定聲母、陰陽，下字定韻母、平仄。目前大多數嘅粵語拼音受普通話拼音影響，以清濁字母對應送氣非送氣，但用得拉丁字母就應該遵守返字母用法傳統，又見到一啲廢粵人士話「韻母係幾古，聲母同普通話半斤八兩」「粵語無非漢語同土著語混合物，竟然自稱正統」，舉出諸如無濁聲母嘅講法。。。。。係，粵語無濁聲母，但係古代嘅清濁聲母嘅區分直到今日重保存緊，呢啲區分保存喺聲調。
粵語聲調分化自古四聲（同我講普通話嗰個先係正牌四聲、然後話粵語九聲係鳥語嘅快啲返屋企瞓……），都係平上去入，之所以有九聲，在於唐代開始嘅聲母清化、調分陰陽，於是四聲對半切成八聲，後來粵語自身再喺陰入聲中分咗個上下成九聲（有啲地方無分即八聲，有啲地方連陽入都分埋成十聲）。至於王力所講嘅粵語上下入聲係上古長短入聲嘅遺傳、係咪就唔知。
方案：
首先，元音字母：a e i o u；清輔音字母：c f h k p s t，濁輔音字母：b d g j l m n v z。
| p | p\b | ph | ph\b |
| m | m | f | f\v |
| t | t\d | th | th\d |
| n | n | l | l |
| k | c\k\g | kh | kh\g |
| h | h\gh | ŋ̩ | ng |
| kw | qu\gu\cu | khw | khu\gu |
| tʃ | c(i)\j | tʃh | ch\j |
| s | s\z |
喺陰聲調部分，一律用清輔音字母，送氣與否在於有無h呢個附加符號。喺陽聲調部分，一律用濁輔音字母，平聲送氣，仄聲非送氣。
韻母：基本沿用原先嘅拼法。
聲調：平聲唔標，上聲標成á，去聲標成à，入聲嘅話，陽入同上陰入唔標，下陰入同去聲。
Ngó himòng Ngytngyú wheaiki ngyt leai ngyt dìm!
（當然啦，我整出來玩啫）
寫作
[編輯]有時你會睇唔出我係翻譯定自己寫。
其實翻譯居多，喺翻譯之中可以增進語言，亦獲新知，同時出於對讀者負責，尚要勘誤數據、更新資料，寫維基，其實自己獲益好多，亦因此，啲文章講譯唔算譯，講獨立寫又唔算，應該算做根據人哋嘅版面佈局、內容提要而自己搵資料寫出嘅文章。
我鍾意寫地名，地名蘊含咗好多嘅文化，同時寫一個地方文章時，尚會涉及其他資料。總體上寫文史地政，畢竟呢類要講積累、基礎，大部份人無噉樣嘅質素自然唔噉喐筆，噉我咪輕鬆自在，費事同人嘈，反而啲阿貓阿狗都可以插句嘅話題，盞叫人煞氣。
我有個心願，Google地球上每一個地點都有篇粵維文章。（其實全部做到係無可能，有啲地點單純係一個地點，無咩好寫 ← ←所以各位都知道我係Google地球資深用戶喇~）
好多人寫嘢時唔慣將詞頭注粵拼（或者根本唔知道粵拼），其實呢箇好有意義，我覺得係粵語對漢字嘅主權宣示，話畀人聽，唔係得煲冬瓜先有拼音，我哋都可以用自己嘅話解釋漢字。所以，家下閩南維基用羅馬字嘅做法，令我呵呵。
PS：有時我會去幫補下古文維基，以及漢諺混用版、漢喃版維基（呢兩個維基在外）。
另外，我唔會去寫文章（除咗好偶然嘅情況）：
- 颱風。皆因颱風黨周街都係，周不時過來將中維啲嘢黐入來，有時連改都懶得改，噉又係，中維好高貴嘅，無來源、亂噉寫都係好高貴，甚至我譯嘅具備明細來源嘅細語種版本都卑賤過中文係咪？佢哋最攞命係三五成群過來，直接一黐，拜拜，甚至連模都係唔過腦照黐，完全唔慮及個模大排文章用，亂噉改後果好嚴重，都唔可憐粵維志工幫佢哋執手尾、校對數據、補充來源，噉嗌我點寫呢？受啲噉嘅氣爲乜？我先唔想望住監控版，個心一陣發寒。
- 流行文化。流行文化往往無幾耐就過氣，資訊更新好快，我又唔好嘅，自然唔會睺鬼住，分分鐘啲fans重叻過我、熱情過我，使乜勞心勞力呢？
粵文書面化
[編輯]呢度係書面來㗎，雖說白話文係我手寫我口，但有時可以適當文言化，諸如以「史」做詞綴、「一城一山」呢類我覺得可以嘅~但正因為書面，有時一啲「咪撈亂」我就覺得幾無謂，尤其是「江門」同「肛門」，入面隱含咗地域污名。至於「蘇州史」同「蘇州屎」，念佢係句俗話，而且有時可能有人唔知隻字點寫，而且史/屎可能係雙關，就由得佢。
關於簡繁之爭
[編輯]我係正體字擁躉。
我係大陸中文班科出身，雖然大陸教科書唔放過任何機會宣傳所謂「煲冬瓜+殘體字=文明」，但我啲先生都可惜正體字嘅廢除。而且正因為我讀中文，瞭解得多漢字、漢語，就覺得中國應該恢復正體字。
其實我唔反對漢字簡化，日本夠簡化啦，但人哋簡化方案好喎，未至於傷文脈喎，所以我所反對嘅係簡化方案同簡化政策，而非漢字簡化。
方案：最惡最惡嘅係「合併字」，諸如將「發」「髮」寫成「发」、「後」「后」寫成「后」，擾亂字義。另一則就係亂改聲符，揀聲符時淨諗普通話，比如「艦」寫成「舰」，普通話都係發jian啊，難爲粵語分音明確，一個gaam，一個gin啊。此外由於合併字，結果同一字嘅讀音，簡繁兩邊竟唔同，比如「干」，原本得陰平，結果多咗陰去；「摺」「折」合併爲「折」後各種大混亂；「撲」「扑」各種呵呵，結果擾亂廣州人字音，長久以往，母語想唔下降都幾難。
因為我研究地名，發覺共黨曾經將一啲地名改成普通話同音字，完全無事地名含義、當地語音嘅區別。最典型係「鬱林」改成「玉林」，普通話都係yulin啊，弊在白話wat / juk唔同音呢，而且呢箇名嘅含義係「山林鬱鬱」，玉林嘅名係好聽，但破壞歷史承傳。更加好笑嘅係「大庾」寫成「大余」，係人都知「大庾嶺」啦嘛！（大庾嶺又叫梅嶺，梅關古道即此）
有乜啊？簡化字嘅目的係作為拉丁化嘅過渡，而拼音拼寫肯定要有標準，自然就要推普，還正佢諗住遞日齊齊煲冬瓜、寫鷄腸，理得你咁多文化、話知你粵語博大精深咩！其心不正，其行定邪。
政策：你推廣還推廣，使唔使封殺正體？將自己整嘅嗰啲字嗌規範，誰知祖先創落嘅一齊文明成果都係用佢口中嘅「不規範」字。如果簡體字有其所宣傳嘅咁「先進」，使乜封殺啫？佢自然就會取代正體字，使乜一門心思定性做「不規範」？據我所知，日本嘅漢字能力測試，最高級係識得原體漢字，佢推廣還推廣，起碼喺文化上佢予原體漢字箇地位。
嘲幾句
[編輯]我一啲用字習慣同標點符號搞到管理員要幫手改字，真係唔好意思。
不過我講下自己對粵語用字嘅睇法。
從俗，但一啲字根本無必要用。
比如話“嚟”，其實就係“來”嘅白讀，何必好哋哋將一個字嘅文白讀拆分呢？反正我唔承認呢隻字，管理員要改成噉由得你哋。睇情況，特別場合會有用。
又比如“冇”，就係“無”嘅陰上變調，又係無厘頭字。而家都開始接受「冇」字，呢個字喺特定情況下有佢唔錯嘅用處。
仲有“畀”“俾”，又係字典話所以就噉寫。
學多門語文果真大開一個視界，我學過越南文，有能力睇資料、做譯者，睇住佢哋政權所需嘅反中宣傳，作爲唐人真係覺得好搞笑。尤其係佢哋嘅國史敘事：兩千年越南史，一半都係北屬，結果話，「中國作爲帝國主義國家，非法侵佔越南國土一千年」「千年唐賊、百年西賊」，中國就係罪大惡極過法國係咪？舊時中國誠然係個帝國，然而用現代民族主義嘅眼光睇古史，真係失之千里。
至於中國大陸歷史教科書話，秦代形成多民族國家嘅雛型，我個心係拒絕嘅，就好似越南所指控噉，中國根本就係個帝國，無論越南文、韓文資料，都話你係中華帝國。無他，共產黨話佢領導人民推翻三座大山，帝國主義係之一，若講中國以前係帝國，豈非自打嘴巴？於是將近代先形成嘅民族國家噏咗去古史，比越南無不及而過之。喂，既然秦代就開始講民族國家，噉越南嘅獨立係咪應該睇作莊嚴國土不可饒恕嘅分裂呢？望住中共同越共狗咬狗，真係共產主義事業任重而道遠啊。
一直有人詏，蒙元、滿清究竟係咪中國，中國係咪有兩段亡國期？我反而諗，千祈咪用近代民族主義嘅觀點去睇中古帝國，因爲國家性質唔同。所謂「推翻帝制」，呢句話講得好啱，推翻嘅唔止係君主制，重有係從帝國轉型爲現代民族國家，如果唔係，使乜提五族共和？若用民族主義眼光睇古史，自然得出非漢卽亡嘅結論，呢樣係硏究中國史萬不可入嘅陷阱。畢竟作古事物唔識講嘢，任你啲今人去打扮，打扮得來重會沾沾自喜，以爲自己幾咁高明。
中國以前係個帝國，係天下觀，呢個天下係只有一個中央、永無邊界，然而民族國家要講邊界，要講民族自決同獨立。睇過一篇清華學報嘅長文探討中國民族問題，「世界嘅天下不再，國內嘅天下猶存」，1949年後嘅民族政策，十足十舊時嘅天下共主，一齊聽黨嘅說話，一齊都係國家主導，但係時至今日，已然失效，民族主義思潮湧動，當少數民族指責佢哋經由漢族傳播嘅西化係漢化時，當民族關係由國內化轉向國際化時，我哋又點樣面對西藏、新疆、蒙古呢？中國嘅帝國遺絮點樣處理，點樣將佢變成可供用嘅遺產，真係值得深思嘅問題。
我唔認爲民族主義係正嘢。佢表面上捍衛文化多樣性，但喺民族內部，佢又扼殺多樣性，漢族係一例，打住同一民族同一語言嘅旗號，打壓漢語族嘅其他語言文化，我愛嶺南芭蕉雨，亦愛江南煙水鄉，北地風物得心亦尋常，南北共濟先係最好嘅。同樣嘅例子亦見於歸爲藏族嘅白馬人，當年唔拜達賴喇嘛，爭啲惹出民族糾紛，時至今日，黃教大興，黑教沒落，再去提設立氐族，恐怕一日難過一日。更何況，民族主義往往係政客煽動民眾嘅工具。
不過，講多句，學過少數民族語言嘅我，有時真係覺得漢人幾自我中心，少數民族嘅文化好璀璨、好迷人，值得世人去瞭解、珍藏。
粵維呢度啲文章量同質量都有待提高，所以呢個係私家翻譯計劃~！閣下會望到下面一堆字，但覺得怪怪哋，因為呢啲唔係中文，而可能係日文、韓文、越南文。祗不過出於對漢字文化圈嘅興趣，我鍾意將佢哋字詞轉換成漢字寫法。唔同嘅語文表示呢篇文章翻譯自何種語文。有咗嘅文章自然係將譯入嘅嘢加上去，無嘅文章自然係原文照譯（有時睇在粵語地區份上將原文一啲地區性好强嘅資訊去咗或改寫、另查）。出於對地名嘅興趣，相關文章會落啲心機自己加啲內容。
- 大慶、地級市、省、黑龍江、共和人民中華、級縣、郡、薩爾圖、紅崗、龍鳳、讓胡路、大同、縣、林甸、肇州、肇源、杜爾伯特
- 치치하얼市、中國語、簡體、正體、倂音、滿洲語、都市、人口、漢族、滿洲族、朝鮮族、몽골族、回族、다우르族、1691年、1931年、1945年、滿洲國、日本人、2003年、第2次中日戰爭、縣級市、龍沙區、昻昻溪區、鐵鋒區、建華區、푸라얼지區、碾子山區、메이리쓰 다우르族 區、訥河市、富裕縣、拜泉縣、甘南縣、依安縣、克山縣、泰來縣、克東縣、龍江縣
- 南京、Wade-Giles、江蘇、中國、GDP、三國、諸葛亮、日、宣武、白河、秦淮、建鄴、下關、鼓樓、雨花臺、棲霞、江寧、浦口、六合、高淳、Alsace、法、Barranquilla、Colombia、Bloemfontein、南非、Eindhoven、荷蘭、Florence、意、Hauts-de-Seine、Houston、花旗、Leipzig、德、Limassol、Síp、London, Ontario、Canada、Mexicali、Mexico、名古屋、Perth、澳、St. Louis、大田、韓國
- 九江市、江西省、長江、廬山、春秋時代、吳나라、楚나라、戰國時代、前漢、元나라、中華民國、1936年、中國國民黨、1949年、5月 7日、人民解放軍、中國共産黨、7月 19日、文化大革命、1980年、1983年、1998年、苗族、土家族、贛語、만다린語、潯陽區、廬山區、瑞昌市、九江縣、武寧縣、修水縣、永修縣、德安縣、星子縣、都昌縣、湖口縣、彭澤縣、루이빌、핀란드、카야니、슬로베니아、코페르、租界地
- 安慶市、湖北省、河南省、大別山脈、六安、巢湖、鄂州、銅陵、池州、漢나라、太平天國運動、迎江區、大觀區、宜秀區、桐城市、懷寧縣、樅陽縣、太湖縣、潛山縣、宿松縣、望江縣、岳西縣
- 長沙（湖南）、湖南、芙蓉、天心、嶽麓、開福、雨花、望城、長沙、寧鄉、瀏陽、公元、十年1970、道德經、老子、家隋、朱熹、蒙古、世紀15、家明、大學Yale、毛澤東、務𡕵、務秋、務冬、務春
- 武漢、瀧漢、汪精衛、蔣介石、武昌、漢口、漢陽、咸陽、世紀3、黃鶴樓、崔顥、家唐、黃鶴樓、世紀8、人民幣、都羅美、大學武漢、大學科學吧技術華中、大學地質中國、大學師範華中
- 上海市、英語、直轄市、世界都市、商業、金融、工業、交通、2012年、シンクタンク、ビジネス、人材、文化、政治、北京市、国務院、国家中心都市、崇明島、長興島、浙江省、東シナ海、黃浦江、温暖湿潤気候、鹿児島県、春申君、蘇州河、宋、虹口区、1292年、上海県、アヘン戦争、1842年、南京條約、條約港、イギリス、フランス、租界、1865年、香港上海銀行、金融機関、1871年、香港、海底通信ケーブル、長崎、岩倉使節団、1930年代、パリ、ナイトクラブ、浙江財閥、階級闘争、労働運動、1925年、五・三〇事件、社会主義、反共、上海クーデター、1927年、1930年、1932年、上海日本人僧侶襲撃事件、第一次上海事変、1935年、日本人水兵射殺事件、1937年、大山中尉殺害事件、中国軍、上海共同租界、日本軍、1941年、太平洋戦争、1950年代、1960年代、1978年、改革開放、1992年、浦東新区、江沢民、朱鎔基、呉邦国、曽慶紅、黃菊、国家主席、総理、1840年、江南地方、寧波、蘇州、清、広東省、第二次世界大戦、ヨーロッパ、上海ゲットー、ユダヤ人、イスラエル、1990年代、昆山、太倉、三峡ダム、四川省、2008年、四川省大震災、都江堰市、長江デルタ、無錫、ニューヨーク、総領事館、日本人学校、姓、満州、年金、ビザ、言語、上海語、呉語、方言、上海駅、普通話、歌劇、2013年、東京都、シンガポール、ダウ・ジョーンズ、国際金融センターランキング、ロンドン、東京、第三次産業、第一次産業、第二次産業、バス、自転車、船、トロリーバス、地下鉄、タクシー、電動スクーター、高速道路、自家用車、上海鉄路局、1876年、7月3日、呉淞鉄道、淞滬鉄道、京滬線、滬杭線、2007年、1月28日、高速鉄道、上海南駅、上海西駅、滬寧城際線、上海虹橋駅、2010年、上海万博、日本語、上海地下鉄、1号線、1995年、2015年、2020年、上海トランスラピッド、地下鉄2号線、竜陽路駅、リニアモーターカー、磁気浮上式、杭州、南京駅、京滬高速鉄道、北京南駅、2011年、6月30日、上海公共交通カード、長寧区、上海虹橋国際空港、上海浦東国際空港、中国東方航空、上海航空、春秋航空、ハブ空港、9月29日、羽田空港、10月28日、ソウル、金浦空港、上海大場空港、1988年、10月31日、ETC、G204国道、G312国道、G318国道、G320国道、東海大橋、コンテナ、コンテナ船、コンテナターミナル、杭州湾、2005年、洋山深水港、神戸港、大阪港、フェリー、新鑑真号、山口県、下関市、長崎港、日本航空、成田、関西、名古屋、全日本空輸、中国国際航空、仙台、福岡、札幌、福島、新潟、小松、靜岡、岡山、広島、松山、長崎、鹿児島、那霸、中国南方航空、北九州、富山、デルタ航空、茨城、高松、佐賀、復旦大学、上海交通大学、上海財経大学、上海外国語大学、上海海事大学、上海理工大学、上海中医薬大学、上海師範大学、上海大学、同済大学、東華大学、華東師範大学、華東政法大学、華東理工大学、上海工程技術大学、上海応用技術学院、上海音楽学院、上海戯劇学院、中欧国際工商学院、上海日本人学校、国家歴史文化名城、全国重点文物保護単位、北京語、ラップ、雑技、上海料理、江蘇料理、上海大劇院、上海博物館、万国博覧会、建築、外灘、上海海関、新天地、東方明珠電視塔、上海環球金融中心、上海中心、上海美術館、豫園、董家渡聖フランシスコ・ザビエル教会、中共一大会、孫文、張学良、梅蘭芳、周恩来、ホテルオークラ、田子坊、上海体育場、上海体育館、蔡元培、宋慶齢、衡山路、上海植物園、青幇、黄金栄、徐光啓、黄道婆、上海動物園、中山公園、靜安寺、上海展覧センター、上海鉄道博物館、魯迅公園、魯迅、金子光晴、上海共青森林公園、金茂大廈、上海東方芸術センター、上海科学技術館、上海野生動物園、佘山カトリック教会、上海影視楽園、大観園、朱家角鎮、2004年、F1、中国グランプリ、2005年、MotoGP、上海インターナショナルサーキット、世界卓球選手権、大相撲、中国サッカー・スーパーリーグ、上海申花、上海聯城、上海虹口足球場、上海浦東源深体育場、北京オリンピック、サッカー、アジアリーグアイスホッケー、チャイナドラゴン、2009年、上海マスターズ、上海市出身の人物一覧、副省級区、地級行政区、黄浦区、盧湾区、20世紀、貿易、フランス租界、旅洋級駆逐艦、徐匯区、徐家匯駅、オフィスビル、デパート、静安区、マンション、普陀区、閘北区、1990年代、楊浦区、川沙県、南匯区、中華民国総統、杜月笙、江凱型フリゲート、揚陸艦、空母、宝山区、1988年、宝山製鉄所、閔行区、ロケット、人工衛星、嘉定区、トヨタ、ゼネラルモーターズ、フォルクスワーゲン、6月、金山区、1997年、松江区、1998年、上海照相機総廠、教会、青浦区、1999年、紅楼夢、奉賢区、2001年、スイカ、海水浴場、崇明県、ミカン、上海蟹、1991年、南翔鎮、金山区、趙巷鎮、飛地、沛県、上海証券取引所、塩城、宣城、広徳、老閘区、新成区、邑廟区、蓬莱区、嵩山区、北站区、北四川路区、提籃橋区、楡林区、新市区、江湾区、呉淞区、大場区、真如区、新涇区、竜華区、高橋区、洋涇区、楊思区、東昌区、水上区、東郊区、北郊区、西郊区、宝山県、上海県、浦東県、松江県、金山県、南市区、嵊泗県、嘉善県、定海県、上海協力機構、1973年、横浜市、1974年、大阪市、1979年、ロッテルダム、ミラノ、1980年、サンフランシスコ、大阪府、クロアチア、ザグレブ、1982年、北朝鮮、咸興市、1983年、フィリピン、マニラ、1984年、パキスタン、カラチ、ベルギー、アントウェルペン、1985年、シカゴ、モントリオール、ギリシャ、ピレウス、ポーランド、ポモージェ県、1986年、ハンブルク、スウェーデン、ヨーテボリ、モロッコ、カサブランカ、ローヌ＝アルプ地域圏、1987年、マルセイユ、1988年、ブラジル、サンパウロ、ロシア、サンクトペテルブルク、1989年、クイーンズランド州、トルコ、イスタンブル、1992年、エジプト、アレクサンドリア、1993年、釜山広域市、ウラジオストク、ハイファ、1994年、ベトナム、ホーチミン市、バヌアツ、ポートビラ、ニュージーランド、ダニーデン、ウズベキスタン、タシュケント、1995年、ポルトガル、ポルト、イエメン、アデン、ナミビア、ウィントフック、1996年、長崎県、全羅南道、キューバ、1997年、アルゼンチン、ロサリオ、1998年、エスポー (フィンランド)、ハリスコ州、1999年、リヴァプール、モザンビーク、マプト、2000年、カタール、ドバイ、タイ、チエンマイ県、2001年、クワズール・ナタール州、エクアドル、グアヤキル、チリ、バルパライソ、スペイン、バルセロナ、ノルウェー、オスロ、2002年、ロンバルディア州、ルーマニア、コンスタンツァ県、2003年、全羅北道、スリランカ、コロンボ、デンマーク、オーフス、スロバキア、2004年、オーストリア、ザルツブルク、ニコシア、グダニスク、2005年、アイルランド共和国、コーク (アイルランド)、2006年、印尼、東ジャワ州、1990年、草津市、海上花列伝、韓邦慶、村松梢風、橫光利一、林京子、金田一少年の事件簿、胡桃沢耕史、佐伯泰英、蒼天の拳、北斗の拳、森川久美、ジャイアントロボ THE ANIMATION -地球が静止する日、上海妖魔鬼怪、妖魔、鬼哭街、ニトロプラス、閃光のナイトレイド、ザ・キング・オブ・ファイターズ、バトルフィールド4、エレクトロニック・アーツ、井上ひさし、上海グランド、1980年、チョウ・ユンファ、上海タイフーン、上原敏、井上陽水、松田聖子、ORANGE RANGE、近藤真彥、筒美京平、ALI PROJECT、上海の風、中澤裕子、2000年、7月12日、上海市長一覽、東亜同文書院大学、河豚計画、交換船、上海総領事館員自殺事件、上海閥、陳良宇、上海観光祭
- 沖繩、日、㗂沖繩、群島琉球、城舖那霸、島沖繩、群島尖閣、群島沖繩、伊江島、久米、群島慶良間、群島大東、群島宮古、宮古島、群島八重山、西表、島石垣、與那國、熱帶、亞熱帶、家渃、王國琉球、種族、大名、臺灣、政府美、Visa、15𣎃5、城首里
- 釜山、漢越、Seoul、大會體操洲亞、APEC、14𣎃11、2005、世紀2、世紀3、新羅、郡、三國朝鮮、世紀15、蔚山、1924、戰爭朝鮮、共產、北朝鮮、聯挾國、1950、1957、區北、區釜山鎮、區東、區東萊、區江西、區金井、區海雲臺、區中、區南、區沙下、區沙上、區西、區水營、區影島、區蓮堤、郡機張、côngtenơ、商賣、大學釜山、大學東亞、金井山、梵魚寺、佛敎、家沁、客棧、孔子、世紀16、𡓁㴜、𡓁㴜海雲臺、𠊛俄、𠊛中國、十年1940、十年1950、聯歡phim國際釜山、洲亞、高雄、臺灣、Los Angeles、下關、Barcelona、西班牙、Rio de Janeiro、Brasil、福岡、Vladivostok、俄、Surabaya、Indonesia、Victoria、城舖胡志明、越南、Tijuana、Auckland、New Zealand、Valparaiso、Chile、Montreal、Western Cape、Istanbul、土耳其、Dubai、UAE、Chicago、Manila、Philippines、城舖太原