沙田站
 沙田站嘅大堂 | |
| 站名 | |
| 中文名 | 沙田站 |
| 英文名 | Sha Tin Station |
| 站代碼 | SHT |
| 基本資訊 | |
| 座標 | 22°22′57″N 114°11′15″E / 22.382486°N 114.187502°E |
| 車站色 | 紫丁香色 |
| 途經路線 | 東鐵綫 |
| 站服務時間 | 0525-0108 尾班車時間 |
| 接駁交通 | 巴士、小巴 |
| 車站結構 | |
| 站類 | 地面 |
| 月台類 | 2島式月台 |
| 月台數 | 4 |
| 出口數 | 2 |
| 其它設施 | 其它無障礙設施 |
| 地圖 | |
 | |
沙田站（粵拼：saa1 tin4 zaam6；英文：Sha Tin Station）係香港一個鐵路車站，喺港鐵東鐵綫之上。個站喺沙田排頭圍同田寮隔籬。呢個站係兩鐵合併之前係九廣東鐵嘅一個車站。沙田站早喺1910年開站，佢同埋粉嶺站係現時香港用緊嘅港鐵車站之中，用得最耐。
車站結構
[編輯]車站樓層
[編輯]| - | 上蓋物業 | 連城廣場、的士站 |
| C 大堂 |
大堂 | 出口、沙田車站圍 |
| 客務中心、車站商店、洗手間 | ||
| 自動售賣機、自動照相機、自動櫃員機 | ||
| 「e分鐘著數」機、電子儲物櫃 | ||
| P 月台 |
- | 港鐵沙田貨場 |
| 路軌 | ||
|
往羅湖／落馬洲 | |
| 島式月台，月台右邊嘅車門將會打開 月台  左邊嘅車門將會打開
| ||
|
|
往羅湖／落馬洲 | |
| 路軌 | ||
| 路軌 | ||
|
往金鐘 | |
| 島式月台，月台左邊嘅車門將會打開 月台  右邊嘅車門將會打開
| ||
|
|
往金鐘 | |
| 路軌 | ||
車站大堂
[編輯]沙田站有車站一個大堂，收費區大堂喺正月台上一層，而非收費區就喺橫跨大埔公路—沙田段（九號幹線）嘅大型行人天橋上，駁住新城市廣場。
車站大堂有兩個客務中心，一個喺收費區，另一個喺非收費區。非收費區嗰個，專處理人客嘅票務、買頭等或過境車票，同埋八達通增值，並設有一個城際客運售票處，畀乘客買城際火車車飛。
車站商店及自助服務
[編輯]沙田站有唔同類型嘅舖頭，畀人買嘢。雖然收費區列明唔准飲食，但係喺收費區及非收費區各設有7-Eleven便利店及餅舖。另外，收費區設有一個找換店，以方便遊客及來往中港兩地人士暢錢。非收費區有零食舖、飾物舖、時裝舖、化妝品舖等唔同舖頭。除咗固定舖頭，非收費區重有臨時檔口，畀人短期租用，呢啲臨時檔口，多數係做宣傳同申請信用卡或電訊網絡生意嘅人租，2009年起更有化妝品宣傳活動。
2011年車站翻新後，車站收費區兩面通道增加咗幾間舖頭，包括美心旗下東海堂、大同老餅家、Giordano同譚木匠。而非收費區商店包括e-plaza精品店及香水專櫃（分別為Prada、Burberry、Nina Ricci、Lanvin及Paul Smith，每隔數月轉換一次）。非收費區商店亦進行重組。Baleno、六福珠寶、PIT時裝店同卓悅化妝品執咗，新租戶包括FANCL、謝瑞麟、周大福同眼鏡連鎖店image optical。到2015年3月，零食物語執咗，原本舖位改為Pandora珠寶[1]。
車站另設有自助服務，包括自動櫃員機、自動售賣機、電子儲物櫃、香港郵政郵箱、免費報紙頭條日報及Am730嘅派發處[2]等等。由於兩鐵合併，沙田站成為港鐵車站，因此增設「e分鐘著數」機，方便為港鐵友禮會會員，用積分換港鐵優惠。
車站月台
[編輯]沙田站有4個月台，以兩個島式月台並排。一、二號月台，泊東鐵綫去羅湖或落馬洲方向嘅列車；而三、四號月台，泊東鐵綫去金鐘方向嘅列車。大部份時間，北行泊1號月台，南行泊4號月台。當有城際客運列車經過沙田站，北行會泊2號月台，南行會泊3號月台。而沙田站開出南行嘅特別班次，亦會泊3號月台。另外，沙田站一號月台側邊，有多條路軌，係臨時軌道工場，泊工程車同維修車，部面放咗唔少路軌零件同維修工具，亦設有沙田貨場，供上落貨卡之用[3]。因為何東樓車廠有上蓋建築工程，路軌保養基地曾經搬過嚟呢度，家下已經搬返走。
車站出口
[編輯]沙田站設有2個車站出口，其中車站大堂設有A出口連接車站上蓋物業──連城廣場，可透過橫跨大埔公路—沙田段（9號幹線）嘅大型行人天橋連接附近嘅新城市廣場同埋沙田大會堂等地。而車站同沙田車站圍連接嘅係B出口，沙田車站圍設有巴士、小巴總站及的士站嘅公共運輸交匯處，乘客可以轉車去其他地方。
鄰接車站
[編輯]沙田站係東鐵綫嘅中途站。另外，每逢馬場站開放，沙田站會做一個臨時轉綫站，往羅湖或落馬洲方向列車嘅乘客要去馬場站，必須喺沙田站等候經馬場站嘅列車。而去火炭站嘅乘客，就要喺沙田站等經火炭站嘅列車。
| 東鐵綫 | ||||||||
| ||||||||
車站周邊
[編輯]由於沙田站響正東鐵綫中段，又處於沿線最繁盛嘅沙田市中心，所以本站為進出九龍及新界之間的大站，人流絡繹不絕。所以有好多大型商場，有新城市廣場、新城市中央廣場、連城廣場。唔少政府部門都響火車站附近，好似沙田大會堂、沙田政府合署、康樂及文化事務署總部。
沙田站好近山邊鄉村，沙田鄉事委員會就響隔籬，亦有路上去萬佛寺同道風山。
主要大廈及購物中心
[編輯]公共服務及設施
[編輯]- 香港文化博物館
- 康樂及文化事務署總部
- 沙田大會堂
- 沙田公共圖書館
- 沙田政府合署
- 沙田裁判法院
- 沙田婚姻登記處
- 沙田警署
- 沙田公園
- 紅十字會捐血站
- 沙田街市
- 源禾路體育館
- 沙田賽馬會游泳池
- 源禾遊樂場
- 沙田運動場
- 史諾比開心世界
- 萬佛寺
- 寶福山
- 道風山
學校
[編輯]交通
[編輯]接駁交通
[編輯]沙田站響起嗰時已同時起咗沙田車站圍做巴士、小巴總站及的士站接駁其他新界地區，特別提供接駁到沙田區各地嘅巴士及小巴路線。由於沙田車站圍嘅巴士路線有部份只來往九龍或港島，並非前往沙田各區，所以好多乘客前往新城市廣場嘅沙田市中心巴士總站轉其他來往沙田各區嘅巴士路線。
沙田站公共運輸交匯處（沙田車站圍）
[編輯]沙田市中心（新城市廣場）巴士總站
[編輯]- 九巴
- 38B - 碩門邨 ↔ 海濱花園（只限平日繁忙時間服務）
- 47A - 水泉澳 ↔ 葵芳（南）
- 47X - 秦石 ↔ 葵盛（東）
- 48P - 火炭駿洋邨 ↔ 青龍頭（只限平日繁忙時間服務）
- 48X - 禾輋 ↔ 灣景花園
- 49P - 沙田市中心 → 青衣碼頭（只限平日下晝繁忙時間服務）
- 49X - 廣源 ↔ 青衣碼頭
- 72 - 太和 ↔ 長沙灣
- 80K - 新翠 ↔ 愉翠苑
- 80M - 穗禾苑 ↔ 九龍塘站
- 81 - 禾輋 ↔ 佐敦（西九龍站）
- 81K - 穗禾苑 ↔ 新田圍
- 83K - 黃泥頭 ↺ 沙田市中心
- 83S - 沙田市中心 ↔ 黃泥頭（唔經沙田第一城、只限平日繁忙時間服務）
- 85 - 火炭（山尾街） ↔ 九龍城碼頭
- 86 - 黃泥頭 ↔ 美孚
- 88 - 中秀茂坪 ↔ 大圍站
- 88K - 顯徑 ↔ 駿景園
- 89 - 瀝源 ↔ 觀塘站
- 249X - 青衣站 ↔ 沙田（博康）
- 269D - 天富 ↔ 瀝源
- 280X - 穗禾苑 ↔ 尖沙咀東麼地道
- 282 - 沙田市中心 ↺ 新田圍
- 283 - 沙田市中心 ↺ 美松苑
- 284 - 沙田市中心 ↺ 濱景花園
- 285 - 火炭（駿洋邨） ↺ 沙田市中心
- 299X - 沙田市中心 ↔ 西貢
- N73 - 沙田市中心 ↔ 落馬洲（通宵服務）
- N271 - 紅磡站 ↔ 富亨（通宵服務）
- W3 - 上水 → 佐敦（西九龍站）
- 城巴
- 隧巴
- 989 - 火炭（駿洋邨） ↔ 西灣河（太安街）（只限平日繁忙時間服務）
- N170 - 沙田市中心 ↔ 華富（中）（通宵服務）
- 龍運巴士
- A41 - 機場（地面運輸中心） ↔ 碩門邨
- A46 - 機場（地面運輸中心） ↔ 火炭（駿景園）
- E42 - 機場（地面運輸中心）↔ 沙田（博康）
- E42C - 飛機維修區 ↔ 沙田（博康）（只係喺繁忙時間服務）
- E42P - 東涌（逸東）→ 沙田（博康）（只限平日早上繁忙時間服務）
- N42 - 耀安 ↔ 東涌站
- NA40 - 港珠澳大橋香港口岸 ↔ 烏溪沙站
- R42 - 迪士尼樂園 ↔ 大圍站 （假日服務）
- 專線小巴：
- 27 - 沙田（排頭街）↔ 香港科學園
- 28K - 大埔墟站 ↺ 沙田（白鶴汀街）
- 68K - 沙田（排頭街）↔ 瑞峰花園
- 69K - 沙田（排頭街）↔ 華翠園
- 810 - 雅典居 ↔ 沙田市中心（八達通轉乘優惠）
利用狀況
[編輯]由於本站位於東鐵綫中段，車站貼住新城市廣場，所以吸引大量遊客去新城市廣場同埋沙田市中心其餘6個商場買嘢。沙田站周邊亦有新城市商業大廈、新城市中央廣場與康樂及文化事務署總部，加上單係沙田市中心就已經有7個私人屋苑同埋有離沙田站唔遠嘅公共屋邨瀝源邨同埋禾輋邨，所以吸引好多居民搭東鐵綫出入九龍及新界之間返工返學，令人流絡繹不絕。
車站歷史
[編輯]
九廣鐵路英段時期
[編輯]1910年，英人起九廣鐵路（英段），喺同排頭圍同田寮附近平地起站，係鐵路嘅中途站。個站喺1910年10月1號啟用，位置到而家從未變過。當時個站東面係田，遠啲已經係沙田海同城門河口嘅淺灘。而西面係山腳、田同埋村屋。個站北行過條涌就係上禾輋[4]。沙田站係南行列車最後一個新界站，站嘅南行係煙墩山隧道，過隧道已經係油蔴地站（家下旺角東站），而北行就去到大埔。響1910年至九廣鐵路（英段）現代化及電氣化工程之前只有2條路軌同2個月台，1950年代，沙田站側邊已經有一條避車軌（即而家一號月台條路軌）。當年沙田風景怡人，有萬佛寺等名勝，又有唔同種類嘅馳名食肆，所以吸引到好多遊客。人多到試過令沙田站售票處兩個窗口，幾分鐘內賣咗千零張車飛[5]1976年，沙田大圍11號石橋，橋墩俾大雨沖毀、路軌下陷。搞到列車服務分成兩段，即係紅磡站到大圍臨時月台，以及沙田站到羅湖站。嗰陣時，沙田站就做過總站[5]。
九廣鐵路電氣化初期
[編輯]1980年代，九廣鐵路電氣化同埋現代化。喺電氣化嘅同時，沙田站亦都配合沙田新市鎮發展，用咗五千六百萬港元起咗個新站[6]新站加咗各種舖頭，月臺加夠四個，而上蓋就起樓，叫九廣鐵路大廈（家下叫連城廣場）。九廣鐵路總部亦搬埋上九廣鐵路大廈。原本九廣鐵路有尖沙咀火車站，側邊鐘樓個大鐘，都搬咗去沙田站擺[5]。
1982年5月6號，電氣化第一期完工。電氣化火車，只係由九龍車站（家下紅磡站）行到去沙田，就係咁當期鐵路就分做兩段，南段行電氣化火車，北段行柴油火車。兩段都以沙田車站做總站，九龍去新界定係新界去九龍，都喺沙田轉車[5]。1983年5月2號，第二期電氣化完工，轉車站搬到去新嘅大埔墟站。但仍然有部份班次用沙田站做總站，以疏導沙田站大批乘客。[5]
上蓋物業
[編輯]沙田站上蓋棟樓係喺電氣化嗰時起嘅，初時做九廣鐵路總部，兼且有政府機構開沙田區辦事處。不過，因為後尾有火炭新九鐵總部大樓，同埋沙田政府合署，就全部搬走晒。而家下棟樓經已改名做連城廣場，低層改裝做商場，走中高檔路線，而大廈就租畀人做寫字樓。車站大堂嘅東面，由一條橫跨大埔公路（9號幹線）嘅建築連接新城市廣場。
一站兩管
[編輯]電氣化除咗換咗新車新站，亦都喺沙田新市鎮內，加多兩個站。1976年大圍冧橋意外，鐵路斷成兩截，大圍臨時加站替沙田做南段總站。[5]。電氣化時，就開個臨時嘅大圍站，喺1983年8月啟用，有售票處同廁所，而月台只可以泊到六卡同九卡嘅電氣化火車。當時，大圍臨時車站，由沙田站站務經理兼管[5]。1986年4月23號，大圍站啟用，取代臨時車站。1990年代，大圍站有自己站務經理，結束咗一站兩管時期。[5]。沙田一帶，除咗加咗大圍站，1985年2月15號又開設火炭站，自此，三站一齊分擔搭客。之不過，沙田站仍然係三站中最繁忙嘅[5]。
車站翻新
[編輯]沙田站多次翻新，1995年做過一次，成個大堂翻新，並將喺非收費區嘅尖沙咀鐘樓大鐘，搬入九廣鐵路大廈（家下連城廣場），大鐘個位加兩條扶手電梯來往閣樓，現時嘅非收費區就係當年翻新工程後嘅車站。2003年，沙田站同連城廣場再次大翻新，車站加多種指示同埋將收費區大堂翻新，大堂轉以白色為主，將失物認領處改建做警崗。但令部份乘客要出閘至可以去客務中心認領失物，造成一定程度嘅不便。
九廣東鐵客務中心
[編輯]沙田站曾經設有九廣東鐵（現稱東鐵綫）客務中心，提供買紀念品、九廣鐵路資訊及失物處理等服務。兩鐵合併嗰陣，所有九廣東鐵及九廣西鐵（現稱西鐵綫）客務中心，喺2007年12月2號關閉。而港鐵亦將失物處理辦事處，搬去大圍站，同時應付東鐵綫及馬鞍山綫失物。
列車書室
[編輯]2004年九鐵曾經同香港電台合辦閱讀車廂計劃，畀乘客喺旅途中享受讀書嘅樂趣[7]。由於計劃反應良好，舉辦機構香港電台曾經喺2005年6月9號喺沙田站推出列車書室，畀乘客免費借擺喺列車書室嘅書。而乘客睇完後可以喺兩星期內交返本書去列車書室或者九廣東鐵沿線嘅客務中心[8]。不過，隨住九廣東鐵沙田客務中心因兩鐵合併喺2007年12月2號關閉，列車書室已經喺2007年12月23號停止服務。
車站翻新
[編輯]港鐵公司為迎接東鐵綫（前稱九廣東鐵）營運百周年，決定將各個東鐵綫車站翻新。當中沙田站翻新工程包括更換月台指示牌、起新客務中心以及翻新車站大堂地板等等，舊客務中心亦喺2010年1月15日新客務中心啟用當日關閉。
大件事
[編輯]
- 1993年9月21號，沙田站發生火警，幾列列車滯留站內，過千乘客要自行撬開車門逃生，引致服務中斷2個鐘。
- 2008年2月3號，下晝1點半左右，一列往尖東方向列車，駛近沙田站時，列車第11節車廂懷疑漏油冒煙，消防員接報到場戒備，港鐵職員隨即安排車上約400名乘客疏散，及轉乘另一班列車。
- 2009年10月16號，朝早11點幾，一名女子喺東鐵綫沙田站往羅湖方向嘅月台墮軌，消防接報到場救援，證實佢已經死咗。唔夠一星期，10月21號，朝早9點50分，一名71歲老翁喺東鐵綫沙田站往紅磡方向月台墮軌，消防接報到場救援，證實佢被捲入車底兼俾列車車到，身體斷開四截，當場死亡。事件令服務輕微受影響，列車喺10點10分恢復服務。
上一站‧下一站
[編輯]| 上一站 | 港鐵 | 下一站 | ||
|---|---|---|---|---|
往金鐘
|
東鐵綫 | |||
| 東鐵綫 賽馬日經馬場列車 |
列車班次
[編輯]| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
|
|||||||||
|
|||||||||
|
|||||||||
註
[編輯]- ↑ 〈車站商店搜尋－沙田站〉。《港鐵》 (繁體中文)。港鐵公司。原先內容歸檔喺2020年2月21日。喺2020年2月29日搵到。
- ↑ 〈免費刊物〉。原著喺2011年2月25號歸檔。喺2009年3月9號搵到。
- ↑ 〈港鐵—貨運服務〉。原著喺2008年1月4號歸檔。喺2009年3月9號搵到。
- ↑ War Office. Shatin, Sheet No. 12.
- ↑ 5.0 5.1 5.2 5.3 5.4 5.5 5.6 5.7 5.8 九廣鐵路公司 (2006)。《百載鐵道程》。經濟日報出版社。ISBN 988-99604-0-0。
- ↑ 《告別九鐵》。《無綫電視六點半新聞報道》報導，2007年12月1號，新聞。http://youtube.com/watch?v=2UAqHQAmI0s
- ↑ 〈港台、九鐵齊倡閱讀以書為伴享受乘車樂〉。原著喺2008年8月3號歸檔。喺2009年3月9號搵到。
- ↑ 〈九鐵、港台策動列車書室讓乘客享受乘車閱讀樂〉。原著喺2014年5月2號歸檔。喺2009年3月9號搵到。
