金鐘站

金鐘
Admiralty
	金鐘站1號月台（書法字）
站名
中文名	金鐘站
英文名	Admiralty Station
站代碼	ADM
基本資訊
座標	22°16′44″N 114°09′53″E / 22.278816°N 114.164586°E
車站色	藍色、黃色／白色
途經路線	東鐵綫
站服務時間	0554-0115 尾班車時間
接駁交通	巴士、小巴、電車
車站結構
站類	地底
月台類	島式月台
月台數	8
出口數	8
其它設施	其它無障礙設施
地圖

金鐘站（粵拼：gam1 zung1 zaam6；英文：Admiralty Station^[1]）係個香港鐵路站，喺香港島中環東面，站色係藍、深藍、黃同埋白，係荃灣綫、港島綫嘅中途站，而且係東鐵綫嘅南端終點站同埋南港島綫嘅北端終點站，形成大型綜合轉車站。

車站結構

車站樓層

金鐘站有8層，地面係車站出口同埋公共運輸交匯處，車站大堂、商店同埋客務中心等主要設施喺L1層。

L2層係荃灣綫4號月台（往中環方向）同埋港島綫3號月台（往柴灣方向），主要畀乘客由荃灣綫轉港島綫去香港島東面；L3層係港島綫2號月台（往堅尼地城方向）同埋荃灣綫1號月台（往荃灣方向），主要方便乘客由港島綫轉荃灣綫去九龍同埋新界等地。L5層係東鐵綫7號月台，去新界東北地方；L6層係南港島綫5號同6號月台，去港島南部嘅地方。^[2]^[3]^[4]

原來嘅車站大堂向東擴建咗，即係而家夏慤花園地底。計劃喺兩層地下月台嘅下面再起新嘅轉車大堂畀南港島綫同埋南北走廊使用。轉車大堂會以扶手電梯連接大堂嘅擴建部份，與及荃灣綫同港島綫嘅月台。

U1 天橋	-	E2出口、夏慤花園、行人天橋
G 地面	-	出口、公共運輸交匯處
L1 大堂	大堂	客務中心、車站商店、恒生銀行、F出口
		自動售賣機、自動影相機、自動櫃員機
		「e分鐘著數」機、港鐵旅遊
		港鐵學生乘車證辦事處、港鐵失物辦事處
L2 荃灣綫及港島綫上層月台		路軌
	^[5]	往中環
	島式月台，左邊嘅車門將會打開
		往柴灣
		路軌
L3 荃灣綫及港島綫下層月台		路軌
		往荃灣
	島式月台，右邊嘅車門將會打開
		往堅尼地城
		路軌
L4 轉車大堂
L5 東鐡綫月台		路軌
		往羅湖／落馬洲
	東鐵綫分離式月台
		南港島綫轉車通道
	東鐵綫分離式月台
		落客月台
		路軌
L6 南港島綫月台		路軌
		往海怡半島
	南港島綫島式月台
		往海怡半島
		路軌

車站大堂

金鐘站嘅車站大堂響L1層，為方便乘客出入，車站大堂嘅收費區位於大堂嘅中間，周圍俾行人通道同埋車站商店包圍，因此車站商店主要響大堂非收費區，而收費區入面只有多組扶手電梯同埋樓梯往返月台。

金鐘站車站大堂曾經作出多次翻新，翻新工程不斷增加大堂商店數目，為乘客帶嚟方便，同埋增加地鐵公司嘅非車務收入。

車站商店及自助服務

而家，金鐘站入面提供唔同類型嘅商店畀乘客買嘢或食嘢，例如有7-Eleven 便利店、餅店、咖啡店、書店、花店、恒生銀行及DHL等零售業。地鐵嘅收費區係唔可以食嘢，因此好多食肆都唔響收費區入面。

金鐘站近B出口嘅車站大堂有地鐵旅遊服務中心、地鐵學生乘車證辦事處同埋地鐵失物辦事處，乘客可以買紀念品、車飛、辦理學生個人八達通同埋失物認領。

此外，金鐘站有唔少自助服務設施畀乘客用，包括恒生銀行及中國銀行（香港）嘅自動櫃員機、自動售賣機、自動影相機等。近C出口車站大堂嘅收費區更設有香港郵政郵箱，方便乘客響車站內投寄郵件。

喺互聯網服務上，金鐘站大堂同月台都設有免費由電訊盈科提供嘅Wi-Fi熱點，乘客可以喺邊等車邊上網。同時，喺車站大堂中央嘅收付費區設有「iCentre」免費上網服務設施，畀乘客瀏覽網上資訊。

另外，港鐵喺車站大堂近F出口非收費區設有「e分鐘著數」機，供乘客買網上服務同埋享用港鐵友禮會嘅會員優惠。

車站月台

金鐘站係荃灣綫往返港島綫嘅跨月台轉車站之一，乘客可以行去對面月台直接轉車去目的地，月台同時設有寬闊嘅轉車通道畀乘客轉車。車站共有4個月台，以2個島式月台方式排列，所有月台都有月台幕門。

另外，車站嘅西面有金鐘渡線，可以畀列車調頭、調度又或者畀列車來回港島綫同荃灣綫之間，當列車出現故障及車務調動時，列車可以響金鐘站作為臨時終點站。而好多時，地鐵唔載客嘅列車會用到呢個站嘅渡線，由本站荃灣綫嘅4號月台駛入該站嘅金鐘渡線區，響嗰度調頭及調度。之後，嗰列唔載客嘅地鐵列車就會由金鐘渡線區駛入呢個站港島綫嘅3號月台。因此，呢個站嘅渡線係唔少唔載客嘅地鐵列車使用嘅熱門地方。

而家，金鐘站港島綫同埋荃灣綫嘅路軌並唔係完全平行，荃灣綫路軌響夏慤道及海富中心地底，港島綫路軌響德立街地底。由於港島綫路軌響後期起，為咗方便響德立街地底起隧道去灣仔站方向，所以月台同埋大堂呈一個梯形。

車站出口

金鐘站有8個車站出口，出口主要連接金鐘建築物同埋購物中心嘅地庫同埋大堂，乘客可以直接響車站通道穿梭金鐘主要建築物，購物中心同車站大堂，部份出口鄰近主要街道、中區行人天橋系統同公共運輸工具車站，方便乘客轉乘唔同嘅交通工具。

而金鐘站F出口更連接太古廣場嘅行人隧道，乘客可以響F出口去太古廣場，甚至可以去到灣仔皇后大道東一帶。

A - 海富中心
- 海富中心、夏慤道、專線小巴站、立法會綜合大樓、政府總部、添馬公園
B - 德立街
- 德立街、美國銀行中心、中銀大廈、巴士總站、美國萬國寶通銀行大廈、紅棉路、東昌大廈、遠東金融中心、力寶中心
C - 金鐘廊
- C1 - 英國駐香港總領事館、金鐘道政府合署、賽馬會藥物資訊天地、香港公園、高等法院、金鐘廊、金鐘道、英國文化協會
  - 設有失明人士引導徑往返地面
- C2 - 的士站
D - 統一中心
- 熙信大廈、統一中心、巴士總站、香港小童群益會、溫莎公爵社會服務大廈、香港總商會、香港聾人福利促進會、運輸署、香港社會服務聯會
E - 樂禮街
- E1 - 樂禮街、夏慤大廈、香港演藝學院、香港藝術中心、警察總部
- E2 - 中信大廈
F - 太古廣場
- 金鐘停車場、中港大廈、循道衛理香港堂、港麗酒店、港島香格里拉酒店、香港JW萬豪酒店、太古廣場一至三座、先施保險大廈、大生商業大廈、衛蘭軒
  - 設有失明人士引導徑往返出口

鄰接車站

編輯	港島綫

堅尼地城 - 香港大學 - 西營盤 - 上環 - 中環 - 金鐘 - 灣仔 - 銅鑼灣 - 天后 - 炮台山 - 北角 - 鰂魚涌 - 太古 - 西灣河 - 筲箕灣 - 杏花邨 - 柴灣

編輯	荃灣綫

中環 - 金鐘 - 尖沙咀 - 佐敦 - 油麻地 - 旺角 - 太子 - 深水埗 - 長沙灣 - 茘枝角 - 美孚 - 茘景 - 葵芳 - 葵興 - 大窩口 - 荃灣

編輯

東鐵綫

金鐘 - 會展 - 紅磡 - 旺角東 - 九龍塘 - 大圍 - 沙田 <	火炭	> 大學 - 大埔墟 - 太和 - 粉嶺 - 上水 <	落馬洲
	馬場		羅湖

編輯	南港島綫

金鐘 - 海洋公園 - 黃竹坑 - 利東 - 海怡半島

接駁交通

由於金鐘站係由一大片船塢空地發展出嚟，所以地鐵響金鐘站規劃咗大型嘅公共運輸交匯處。而家金鐘站嘅公共運輸交匯處分為金鐘（東）公共運輸交匯處同金鐘（西）公共運輸交匯處，另外響添馬街、德立街同埋樂禮街設有巴士總站。

喺港島綫未投入服務前，金鐘站曾經係中華巴士大部份地鐵接駁巴士嘅起點站。港島綫通車之後，金鐘地鐵站公共運輸交匯處漸漸轉型為來往港島各區巴士路線嘅中途站，同埋部份過海巴士路線嘅終點站。部分巴士路線會響公共交通交匯處外嘅金鐘道設站。

由於中環站同最近嘅公共運輸交匯處有一定距離，加上可以接駁嘅陸上交通路線唔夠金鐘站集中，因此而家有唔少乘客響金鐘站公共運輸交匯處或者金鐘道轉巴士、小巴或電車去香港中西區、南區、荃灣同埋天水圍等地。

鐵路
- 電車
- 山頂纜車：
  - 山頂纜車花園道纜車站
巴士
- 城巴：
  - 12 - 中環碼頭 ↺ 羅便臣道/柏道
  - 13 - 金鐘（添馬街）↔ 旭龢道
  - 12A - 金鐘（添馬街） ↺ 麥當勞道
  - 12M - 金鐘（添馬街） ↺ 柏道（早上繁忙時間）
  - 37A／37B／37X - 置富花園 ↺ 金鐘／中環
  - 90B - 海怡半島 ↔ 金鐘（東）
  - 789 - 金鐘（樂禮街）↔ 小西灣（藍灣半島）
  - 其他路線：1、1P、2、5B、5X、6、6A、6X、10、11、15、18、23、23B、25、26、40、40M、66、70、75、90、90B、90C、97、260、629、720、720A、720P、722、780、A11、A17、E11、E11A、E11B、E11S、N8X、N11、N90、NA11
- 過海隧道巴士：
  - 601 - 金鐘（東）↔ 寶達
  - 680 - 金鐘（東）↔ 利安
  - 967 - 金鐘（西）↔ 天恩邨
  - X962 - 金鐘（西）→ 龍門居
  - 其他路線：101、103、104、109、111、111P、113、115、182、182X、302、307、307A、373、601P、603、603A、603P、619、619X、621、680X、681、681P、690、690S、900、905、905A、905P、907B、907C、914、914P、914X、930、930A、930B、930X、934、934A、935、936、936A、948、948A、948B、948P、948X、950、952、952P、960、960C、960P、960S、961、961P、961S、962、962P、962X、967X、968、968A、969、969A、969B、969P、978、978A、978B、979、980A、980X、981P、982X、985、985A、985B、P960、P968、969N、N121、N182、N307、N368、N373、N619、N680、N691、N930、N952、N962、N969
小巴
- 港島專線小巴：
  - 10 - 美景臺 ↔ 銅鑼灣（謝斐道）（八達通轉乘優惠）
  - 24A - 金鐘站 ↔ 肇輝臺（循環線）（八達通轉乘優惠）
  - 24M - 金鐘站 ↔ 畢拉山（八達通轉乘優惠）
  - 31 - 田灣 ↔ 銅鑼灣（謝斐道）（八達通轉乘優惠）
  - 其他路線：56、56A、56B
的士
- 市區的士站

利用狀況

金鐘站響香港島中西區金鐘嘅一帶海旁商業中心區，周圍有地標性建築物、公司總部、主要政府部門、高等法院、外國領事館、酒店、公園及購物商場。加上呢個站係港島綫、荃灣綫、南港島綫同東鐵綫嘅重要轉車站，尤其係南港島綫唯一嘅轉車站，因此每日繁忙時間都會有好多乘客用呢個站轉車，往返香港島各區、九龍同埋新界。除此之外，唔少乘客都會利用呢個站去金鐘廊同太古廣場等等地方返工、買嘢同飲食。所以，響返工同收工嘅繁忙時間，有唔少乘客都會用呢個站出入。

因此，呢個站每日都相當繁忙，車站月台好多時間都好擠逼。而且，如果港島綫或荃灣綫有故障或有列車臨時需要喺呢個站作為終點站時，呢度就好容易發生混亂。另外，每日亦有列車用位於金鐘站西面設有嘅金鐘渡綫進行車務調動同調度。繁忙時段喺附近嘅車站亦會有提示金鐘站比較擠迫，提醒乘客經過金鐘站轉車可能需要較長時間。

車站歷史

修正早期系統

金鐘站笪地由1878年起係船塢，響1970年代拆咗。1980年 2月12號地鐵修正早期系統中環至尖沙咀段通車，金鐘站同中環站成為當時地鐵唯獨兩個響香港島嘅車站。由於起金鐘站時已經預計呢個站成為港島綫嘅轉車站，所以初期嘅金鐘站已經設立上下層兩個側式月台。1982年 5月10號及5月17號荃灣綫通車，金鐘站亦被納入荃灣綫嘅一部份。

荃灣綫通車

金鐘站嘅土地自1878年起曾經係船塢，於1970年代拆卸。金鐘站由四大聯營工程公司（法國濬海及公共建築工程公司，即而家香港寶嘉建築、何迪富公司(Hochtief AG Essen)、成德工程公司(Sentab Stockholm)、金門（香港）有限公司）負責興建^[6]^[7]，車站於1980年2月12號隨地下鐵路修正早期系統中環至尖沙咀段通車而啟用，而金鐘同中環站係當時喺香港島僅有兩個地鐵站^[8]。由於起金鐘站嗰時已經計劃該站成為港島綫嘅轉車站，所以初期嘅金鐘站已經設立一組兩層嘅側疊式月台^[9]，並預留一側上下層月台畀承建商喺1981年12月進行港島綫工程之用。1982年5月10號，荃灣綫通車，金鐘站被納入荃灣綫嘅一部分^[8]^[10]。

港島綫通車

1985年5月31號港島綫第一期（金鐘至柴灣）啟用，金鐘站暫時成為港島綫西行方向嘅總站。為咗方便乘客慣性流向，當時月台嘅安排係荃灣綫往中環方向嘅月台同港島綫往柴灣方向嘅月台響一層，而港島綫去金鐘方向嘅（終點站）月台同荃灣綫往荃灣方向嘅月台都響同一層，等乘客可以跨月台轉車。當港島綫第二期（金鐘至上環）1986年通車後，金鐘站繼續做佢轉車站嘅角色。

太古廣場三期行人通道

地鐵公司喺2003年同香港政府及地產發展商喺太古廣場三期地底起行人隧道連接金鐘站現有通往太古廣場嘅行人隧道，長280米，隧道內有行人運輸帶，已於2007年2月26號啟用。乘客可以由金鐘站F出口行去太古廣場三期或灣仔星街及皇后大道東一帶。

現時F出口行人隧道範圍由原來嘅太古廣場嘅行人隧道縮減至行人隧道連接該站大堂嘅出入閘口。

地鐵縱火事件

2004年香港地鐵縱火案響2004年 1月5號發生，係香港地鐵由1979年啟用以來第一宗列車縱火案。事件並冇造成嚴重傷亡，只有14人受輕傷。

65歲老翁嚴金鐘喺當日朝早七點半至九點期間，響地鐵荃灣站入閘，上咗一列往中環站方向嘅荃灣綫061號列車。

當列車離開尖沙咀站，駛入維港下面嘅地鐵隧道去金鐘站嗰陣，嚴金鐘喺列車頭卡車廂（肇事車卡冧巴：A167；現已修復），用打火機點著一個裝有天拿水（Thinner，即稀釋劑）嘅膠樽。當時任職政務主任嘅乘客季詩傑即時喝止對方，但膠樽成功被點燃，火勢順易燃液體迅速蔓延，並產生大量濃煙。

駕駛列車嘅車長決定將列車駛去金鐘站，並廣播通知乘客準備疏散。逃生期間，季詩傑曾經同其他乘客試圖截住嚴金鐘但未成功，嚴金鐘喺9點15分逃離金鐘地鐵站，並喺第二日中午12點25分返到屋企。

沙田至中環綫

根據運輸及房屋局於2007年7月向立法會提交文件建議興建嘅沙中綫合併方案，原計劃中嘅九廣鐵路金鐘東站將會改做金鐘站，成為日後南北綫（已經改稱東鐵綫）嘅南端終點站，並與現有金鐘站發展成為綜合交通車站，為東鐵綫、荃灣綫、港島綫及南港島綫帶來更方便嘅轉乘安排。預計2022年5月15號或6-7月通車。^[11] 到時乘客喺金鐘站一程車就可以去到沙田、大埔、上水等地區，預計可以舒緩荃灣綫過海段嘅壓力。由於南港島綫東段起得快過沙中綫，沙中綫金鐘站嘅部份設施將提早連同南港島綫預早起。

上一站‧下一站

上一站	港鐵	下一站
中環總站	荃灣綫	尖沙咀往荃灣
中環往堅尼地城	港島綫	灣仔往柴灣
總站	東鐵綫	會展往羅湖或落馬洲
總站	南港島綫	海洋公園往海怡半島

列車班次

月台	方向	列車班次（分鐘）						頭班車	尾班車
月台	方向	平日上晝繁忙時段	平日下晝繁忙時段	星期六上晝繁忙時段	星期六下晝繁忙時段	星期六非繁忙時段	平日非繁忙時段/ 星期日及公眾假期	頭班車	尾班車
	往荃灣	2.0		2.5		4-5.5	3.1-5.5	0607	0056
	往中環	2.0		2.5		4-5.5	3.1-5.5	0608	0057
	往堅尼地城	1.9	2.1	3	2.8	4-5	3.6-6	0605	0056
	往柴灣	1.9	2.1	3	2.8	4-5	3.6-6	0610	0100
	往海怡半島	3.3		4.5	4	4.5-5	4.5-6	0611	0105
	往上水	3-8	4-8	3-8	4-8		3.5-8	0604	0022
	往羅湖	6-8					5.5-8	0604	2301
	往落馬洲	10-12				12-14	10-14	0610	2129

參考

↑ Admiralty指隔籬既添馬艦海軍基地，而笪地本來係海軍船塢。
↑ 〈港鐵公司就南港島線提供的文件(電腦投影片資料)〉 (PDF)。原著 (PDF)喺2012年12月3號歸檔。喺2012年5月1號搵到。
↑ 未來金鐘站的模擬切面圖互聯網檔案館嘅歸檔，歸檔日期2012年4月1號，.，港鐵公司，2009年6月
↑ 未來金鐘站南港島綫月台模擬圖^{[失咗效嘅鏈]}，港鐵公司，2010年11月
↑ 1985年5月30或之前，稱為2號月台。
↑ "Central and Admiralty Stations and Walkway for MTRC". gammon. 原著喺1998-06-13歸檔.
↑ 《地下鐵路首日通車紀念特刊》。1979。
↑ ^8.0 ^8.1 地鐵公司 (1979)。《《地下鐵路首日通車紀念特刊》》 (繁體中文)。地鐵公司。
↑ Coulson, C. R. (1975). Development of the initial system of the Hong Kong Mass Transit Railway from the further studies proposals (英文).
↑ 地鐵公司 (1985)。《《地下鐵路港島綫首日通車紀念特刊》》 (繁體中文)。地鐵公司。
↑ news.now.com https://news.now.com/home/local/player. 喺2021-04-30搵到. {{cite web}}: Missing or empty |title= (help)

出面網頁

[1] Admiralty指隔籬既添馬艦海軍基地，而笪地本來係海軍船塢。

[2] 〈港鐵公司就南港島線提供的文件(電腦投影片資料)〉 (PDF)。原著 (PDF)喺2012年12月3號歸檔。喺2012年5月1號搵到。

[3] 未來金鐘站的模擬切面圖互聯網檔案館嘅歸檔，歸檔日期2012年4月1號，.，港鐵公司，2009年6月

[4] 未來金鐘站南港島綫月台模擬圖^{[失咗效嘅鏈]}，港鐵公司，2010年11月

[5] 1985年5月30或之前，稱為2號月台。

[6] "Central and Admiralty Stations and Walkway for MTRC". gammon. 原著喺1998-06-13歸檔.

[7] 《地下鐵路首日通車紀念特刊》。1979。

[MIS_open_book-8] 8.0 ^8.1 地鐵公司 (1979)。《《地下鐵路首日通車紀念特刊》》 (繁體中文)。地鐵公司。

[MIS_1975-9] Coulson, C. R. (1975). Development of the initial system of the Hong Kong Mass Transit Railway from the further studies proposals (英文).

[ISL_open_book-10] 地鐵公司 (1985)。《《地下鐵路港島綫首日通車紀念特刊》》 (繁體中文)。地鐵公司。

[11] news.now.com https://news.now.com/home/local/player. 喺2021-04-30搵到. {{cite web}}: Missing or empty |title= (help)

[1]

[2]

[3]

[4]

[5]

[6]

[7]

[8]

[9]

[10]

[11]