太和站 (香港)
想搵第二個意思嘅話，請睇太和站。
 太和站2號月台 | |
| 站名 | |
| 中文名 | 太和站 |
| 英文名 | Tai Wo Station |
| 站代碼 | TWO |
| 基本資訊 | |
| 座標 | 22°27′04″N 114°09′40″E / 22.451106°N 114.161190°E |
| 車站色 | 泥黃色 |
| 途經路線 | 東鐵綫 |
| 站服務時間 | 0539-0109 尾班車時間 |
| 接駁交通 | 巴士、小巴 |
| 車站結構 | |
| 站類 | 架空 |
| 月台類 | 2側式月台 |
| 月台數 | 2 |
| 出口數 | 2 |
| 其它設施 | 其它無障礙設施 |
| 地圖 | |
 | |
太和站（粵拼：taai3 wo4 zaam6；英文：Tai Wo Station），香港火車站之一，原本九廣鐵路車站，以前叫太和車站，如今港鐵車站。地處大埔頭，咁啱大埔新市鎮發展，又正值一九八三年九廣鐵路電氣化[1]，起太和邨時，畫則時就加入呢個站，一九八九年啟用[1]，因而叫太和站。而太和個名，就出自一河之隔太和市。東鐵綫咁多站之中，唯一起喺公共屋邨入面。一九八三年電氣化時，舊大埔墟站廢止，新大埔墟站就東移，起響運頭角運頭塘嗰便。一九八四年舊站化身香港鐵路博物館。太和站近舊站，隔林村河，一九八九年就分擔搭客。另外電氣化廢咗大埔滘站，咁大埔內維持兩個站。
步行範圍包括太和邨、大埔頭、大埔舊墟、大埔墟西部，即太和市一帶，以及林村河沿岸各村，及北面一啲細屋苑。其餘大埔新市鎮，就交畀大埔墟站，遠啲有以接駁巴士駁腳。同埋，鐵路𠝹開太和邨，火車站兩邊都化成太和商場，中間有商場天橋駁通。太和站得出口兩個，兩個都出商場，喺香港鐵路之中亦算少見[2]。皆因當初無論太和邨、太和商場定太和站，都屬於香港政府，可以一體畫則，唔使分開，太和商場當全日通道咁使。現今各有各管，出入通道仍舊，商場深夜都唔會封晒。
由於呢段火車行露天，打風嗰陣，上到九號十號風球，太和站就無車行[3]。
車站結構
[編輯]太和站初初開站，露天得遮雨，兼喺正屋邨中間，火車行得點都會嘈到邨民，連豬車行過都聞得到。之後成個站同邨內軌道，有大大個隔音屏障冚住，成個長筒咁。冚咗自然會焗，月臺並無空氣調節，熱嗰陣靠風扇同鮮風機吹。
太和站沿用本身九廣鐵路，成段軌起喺堤上，舊時重係鄉郊嗰時，以防水浸。要歸類就入地面車站，之不過擡起咗咁，同堤一樣高。月臺同大堂話高架。月臺歸入側式，中間火車行。簡單借九廣鐵路來講，①號月臺羅湖方向，以往去廣州直通車都會飛站而過。②號月臺就九龍方向，出市區就企依邊。大堂喺①號邊，可以入閘出閘，一出就太和商場，同太和商場一體。售票機設喺依度，有些少舖頭同票務處。依邊有電梯、樓梯同𨋢上行人天橋，天橋駁②號嗰邊，呢便一樣有電梯、樓梯同𨋢上落月臺。天橋上可謂細堂，同樣有票務處，有得出閘入閘。過閘機一出，就太和商場條天橋。大堂底為之寶雅路，亦設太和巴士總站，轉得巴士、小巴、的士等，方便出入林村、大窩、八鄉、錦田、粉嶺等地。
車站樓層
[編輯]| L4 行人天橋 |
行人天橋 | 連接太和廣場及月台 |
| 出口 |    、客務中心
| |
| L2 大堂 月台 | ||
| 大堂 |  、客務中心、洗手間
| |
| 車站商店、自動售賣機、自動櫃員機 | ||
| 側式月台，左邊嘅車門將會打開 | ||
|
往羅湖／落馬洲 | |
| 路軌 | ||
| 路軌 | ||
|
往金鐘 | |
| 側式月台，左邊嘅車門將會打開 | ||
車站出口
[編輯]太和站出口有兩個，A出口喺太和商場二期個車站大堂，而B出口就位站內行人天橋上面。由於B出口好窄兼喺行人天橋上面，祇設有出入閘機同埋客務中心，冇大堂。
車站大堂
[編輯]行人天橋
[編輯]利用情況
[編輯]繁忙時間用量幾高下，朝早八點左右，班班去金鐘列車，都畀上水粉嶺乘客塞滿晒，搭客喺太和夾硬迫入去，都好難上到車，呢邊月臺就企滿晒人。
繁忙時間之外，用量一般，附近住宅為主，唔係返工返學，放工放學就少好多人。
車站周邊
[編輯]附近住宅區，而香港鐵路博物館，過太和橋行十分鐘。站下面有巴士站，可轉巴士去林村許願樹同嘉道理農場。
接駁交通
[編輯]- 九巴：
- 64K - 大埔墟站 ↔ 元朗（西）
- 64P - 大埔墟站 → 嘉道理農場 （平日下晝繁忙時間提供服務）
- 65K - 嘉道理農場 → 大埔中心
- 71K - 太和 ↔ 大埔墟站
- 72 - 太和 ↔ 長沙灣
- 73 - 粉嶺華明邨 ↔ 大埔工業邨或大埔中心
- 73A - 愉翠苑 ↔ 粉嶺華明邨
- 73B - 那打素醫院 ↺ 上水站
- 74A - 九龍灣啟業邨 ↔ 太和
- 74C - 九龍坑 → 觀塘碼頭（平日朝早繁忙時間提供服務）
- 74D - 觀塘碼頭 ↔ 九龍坑（經科學園，全日服務）
- 264R - 大埔墟站 ↔ 天水圍（天耀邨）
- 271P - 九龍坑 → 尖沙咀廣東道 （平日朝早繁忙時間提供服務）
- 272E - 太和 ↔ 旺角柏景灣 （平日朝早繁忙時間提供服務）
- 273C - 九龍坑 → 荃灣西站（平日朝早繁忙時間提供服務）
- 273P - 太和 → 荃灣西站（平日朝早繁忙時間提供服務）
- 271S - 紅磡站 → 太和（每日凌晨頭兩個鐘服務）
- N73 - 沙田市中心 ↔ 落馬洲
- 過海隧道巴士：
- 龍運巴士：
- A47X - 大埔（太和） ↔ 機場（地面運輸中心）
- E41 - 大埔頭 ↔ 航天城
- N42A - 粉嶺聯和墟 ↔ 東涌站
- NA47 - 大埔（太和） ↔ 港珠澳大橋香港口岸
- 新界專線小巴：
- 21K、25A、25B、25K
上一站‧下一站
[編輯]鄰接車站
[編輯]| 上一站 | 港鐵 | 下一站 | ||
|---|---|---|---|---|
往金鐘
|
東鐵綫 |
| 東鐵綫 | ||||||||
| ||||||||
列車班次
[編輯]| 月台 | 方向 | 列車班次（分鐘） | 頭班車 | 尾班車 | |||||
|---|---|---|---|---|---|---|---|---|---|
| 平日上晝 繁忙時段 |
平日下晝 繁忙時段 |
星期六上晝 繁忙時段 |
星期六下晝 繁忙時段 |
星期六 非繁忙時段 |
平日非繁忙時段/ 星期日及公眾假期 | ||||
|
|||||||||
|
|||||||||
|
|||||||||
攷
[編輯]- ↑ 1.0 1.1 〈大埔墟和太和市的變遷 | 陳天權 - 灼見名家〉。www.master-insight.com (美國英文)。2018-01-16。喺2024-10-19搵到。
- ↑ 布萊恩 (2022-02-08)。〈疫苗通行證擴至商場、街市 網民盤點連接商場屋苑：唔使返屋企了〉。《香港01》 (香港中文)。喺2024-10-19搵到。
- ↑ 打風搭到搭唔到? 颱風安排要知道〉">〈港鐵 > 打風搭到搭唔到? 颱風安排要知道〉。www.mtr.com.hk (中文)。喺2024-10-19搵到。
出面網頁
[編輯]