Wikipedia:正圖候選

跳去： 而家嘅提名 | 舊過7日嘅提名

正圖係對一篇文好重要嘅圖；渠好有效咁表示內容、輔助文字、帶出重點，亦吸引讀者去睇嗰篇文。正所謂「一圖值千字」。參考：Wikipedia:正圖標準。 響個歸檔度有全部嘅意見，同埋提名嘅結果。 要睇睇有無新提名，撳掣再撈過

正嘢： 正文 正圖 ← 響 Wikimedia Commons 正表 好文 正嘢工具： 同儕互評 正圖工具： 乜嘢係正圖？ 正圖共同檢討 正圖候選 響 Wikimedia Commons 正圖可見 正圖縮圖 正圖候選歸檔 是日靚畫 是日靚畫歸檔

而家嘅提名

有指定上畫日期

聖誕球

• 聖誕球，聖誕裝飾，大多數球體，之不過其他款都得。聖誕節嗰陣，用絲、用繩、用勾，掛喺聖誕樹上便。聖誕球本身出自中世紀，喺樹掛生果。後來變成聖誕樹習俗，後來出到咩物料都有，甚至出到電子控制。--Dr. Greywolf (傾偈) 2025年12月22號 (一) 12:52 (UTC)
• 呢幅圖，預 2026 年聖誕檔期（十二月下旬）上畫。 Dr. Greywolf (傾偈) 2025年12月22號 (一) 12:53 (UTC)
• 寫低畀自己睇嘅碌士：喺 2025 年尾，HenryLi 君寫低咗幾篇聖誕裝飾相關嘅文，遲下再需要搵聖誕檔期嘅正圖，可以去嗰度搵... Dr. Greywolf (傾偈) 2025年12月26號 (五) 05:24 (UTC)
• 寫低畀自己睇嘅碌士：今後提親正圖，試下盡可能用 quality image 或者 featured image... Dr. Greywolf (傾偈) 2025年12月26號 (五) 05:25 (UTC)

無頭騎士

• 無頭騎士係一種傳說中嘅角色，最大嘅特徵係以冇頭嘅騎士噉嘅姿態現身。講無頭騎士嘅故仔自從中世紀起就存在，呢種形象一路都有零散出現喺歐美嘅民間故事以至現代虛構作品當中，例如早期美國文學嘅作品《沉睡谷傳說》就有提到無頭騎士。
  • @Shinjiman： 呢篇，我建議 2026 年 10 月下旬（近萬聖節嘅時段）上。 --Dr. Greywolf (傾偈) 2025年10月27號 (一) 04:14 (UTC)
  • @Shinjiman： 我想指定一啲靚圖，用嚟喺某啲時節上畫，為粵維增添小小節日氣氛，好唔好？ Dr. Greywolf (傾偈) 2025年11月14號 (五) 10:52 (UTC)
  • @Shinjiman： 仲有，為咗方便你睇，我喺 Wikipedia:正圖候選嗰頁加咗啲 heading。 Dr. Greywolf (傾偈) 2025年11月14號 (五) 10:53 (UTC)
  • @Dr. Greywolf：如果係做咗正圖嘅話，可以留定嗰個位落去到時可以上畫。 Shinjiman ⇔ ♨ 2025年11月17號 (一) 01:30 (UTC)
  • @Shinjiman： 好，噉我一於去搵多啲正圖，目標係 fill 農曆新年、復活節、萬聖節同埋聖誕檔期。 Dr. Greywolf (傾偈) 2025年11月17號 (一) 02:17 (UTC)

逾越節晚餐

• 逾越節晚餐係猶太傳統，係標誌逾越節開始嘅晚餐。除咗豐盛嘅晚餐，傳統上仲會包括朗讀出埃及記嘅故事，記述返以色列人點樣脫離古埃及嘅奴役，重獲自由。--Dr. Greywolf (傾偈) 2025年11月11號 (二) 02:36 (UTC)
• 諗諗下，呢篇都係指定喺 2026 年四月上旬（近逾越節）上畫比較好。 Dr. Greywolf (傾偈) 2025年12月17號 (三) 07:01 (UTC)

金條

• 金條係用金鑄成嘅方形金屬塊。金條通常由政府、銀行等受認可嘅組織生產同發行，喺重量、純度方面都有嚴格規範。因為黃金好襟擺，又易於儲存，所以金條一直都被視為避險資產，啱晒用嚟儲存財富，喺通脹嗰時特別受人追捧。

--Dr. Greywolf (傾偈) 2025年8月7號 (四) 05:22 (UTC)

• 呢幅圖，用嚟做 2026 年農曆年檔期（二月中旬）嘅正圖。 Dr. Greywolf (傾偈) 2025年12月22號 (一) 15:10 (UTC)
• @Shinjiman： 我決定好下年嘅應節正圖喇，有齊農曆年、逾越節、萬聖節同埋聖誕節。 Dr. Greywolf (傾偈) 2025年12月22號 (一) 15:14 (UTC)

己經升格 File:Toi 250kg gold bar.jpg已經做咗2026年2月中旬嘅正圖。 Shinjiman ⇔ ♨ 2026年1月27號 (二) 01:33 (UTC)

冇指定上畫日期

招潮蟹

• 招潮蟹係隸屬於沙蟹科、接近一百種半陸生嘅海蟹。呢類蟹最出名嘅特徵係佢哋有極端嘅兩性異形：蟹公隻主鉗明顯大過另外嗰隻副鉗，而蟹乸就兩隻鉗一樣咁大。

--Dr. Greywolf (傾偈) 2026年1月28號 (三) 02:31 (UTC)

雲石蛋糕

• 雲石蛋糕，又叫大理石蛋糕，係蛋糕一種，面頭或者內層呈現好似雲石紋理噉樣、深淺交錯嘅款。呢種蛋糕嘅做法，係將淺色同深色嘅麵糊輕輕撈埋一齊，但唔會完全攪勻。因為佢噉嘅樣，又有唔少人會叫佢做「斑馬蛋糕」。

--Dr. Greywolf (傾偈) 2026年1月19號 (一) 23:41 (UTC)

朱古力蛋糕

• 朱古力蛋糕係一種用咗朱古力整成嘅蛋糕，搞生日 party 同埋婚禮嗰陣成日用到，亦係一種常見嘅甜品。呢種甜品可以追溯自十七世紀，而到咗十九世紀後期，美國嘅廚師亦開始嘗試將朱古力直接加落蛋糕嘅麵糊入便。

--Dr. Greywolf (傾偈) 2026年1月3號 (六) 05:50 (UTC)

等軸測遊戲圖像

• 等軸測遊戲圖像係一種技術，重點在於教電腦顯示擬 3D 噉嘅畫面：顯示嘅圖像望落似 3D，但並非用真正 3D 噉嘅透視投影嚟表示，而係用等軸測投影，所以仔細啲睇就會發覺根本唔係真 3D。呢種圖像常見於 1980 至 1990 年代嘅視像遊戲，但到咗二十一世紀，仍然有唔少遊戲開發者會用。

--Dr. Greywolf (傾偈) 2025年12月30號 (二) 12:36 (UTC)

雪糕

• 雪糕係甜品一種，凍、用奶造。因爲雪糕凍，一般認為係啱晒用嚟夏季食，消暑。最簡單嘅雪糕，用常見嘅材料製作，諸如牛奶、乳酪等，同一啲甜品同其他調味料溝埋一齊製成。喺世界多地，雪糕都係受歡迎嘅甜品，甚至具有文化意義。

--Dr. Greywolf (傾偈) 2025年12月24號 (三) 14:47 (UTC)

• 繼續提開胃正圖。 Dr. Greywolf (傾偈) 2025年12月24號 (三) 14:48 (UTC)

若瑟

• 若瑟（希伯來文：יוֹסֵף / Yōsēp̄ ），喺猶太傳統中又有個外號叫夢者若瑟，係希伯來聖經《創世紀》嘅重要人物，猶太先祖雅各嘅第十一個仔。根據創世紀入便嘅故事，若瑟嘅一眾兄長妒忌佢，因而將佢賣去埃及做奴隸，後來若瑟喺埃及做咗重臣，並且原諒佢啲兄弟。

--Dr. Greywolf (傾偈) 2025年12月19號 (五) 15:05 (UTC)

木偶奇遇記

• 《木偶奇遇記》（意大利文：Le avventure di Pinocchio）係一八八一年出版嘅兒童奇幻長篇小說，原著係用意大利文寫嘅，一共三十六個章節咁長。故事嘅主角係一個木造扯線公仔（小木偶），由一位年老鬥木師所造。小木偶初頭好曳，成日講大話同四圍惡作劇，為養父帶嚟唔少麻煩，不過後嚟佢經歷漫長嘅旅程，變成咗一個又勇敢又孝順又有責任心嘅細路，最後一嘗所願，得到血肉嘅軀體成為真正嘅人。 --Dr. Greywolf (傾偈) 2025年12月18號 (四) 11:47 (UTC)

檸檬茶

• 檸檬茶係一種用檸檬調味嘅紅茶飲料，一般認為係起源自英國。檸檬茶熱飲或者凍飲皆可，喺香港嘅茶餐廳成日都會出現。而且就算係海外嘅港式或者粵式餐廳，餐牌上都成日會有檸檬茶。

--Dr. Greywolf (傾偈) 2025年12月17號 (三) 07:49 (UTC)

• @Shinjiman： 今後我定時提一啲飲食相關嘅正圖，等粵維頭版開胃啲，好唔好？ Dr. Greywolf (傾偈) 2025年12月18號 (四) 11:54 (UTC)

雅各

• 雅各（希伯來文：יַעֲקֹב），又有譯作雅各伯，係創世紀提到嘅一位希伯來人族長。佢係以撒同利百加所生嘅仔，以掃嘅孖生細佬，亦即係話佢係亞伯拉罕嘅其中一個孫。根據創世紀記載，佢曾經同上帝嘅使者摔角，而佢憑住無懼挑戰嘅精神，獲上帝賜名叫以色列－依個名原意據講係同上帝搏鬥嘅人噉解。

--Dr. Greywolf (傾偈) 2025年12月5號 (五) 12:08 (UTC)

紅茶

• 紅茶係一種全發酵嘅茶，氧化程度高過烏龍茶、黃茶同綠茶等。一般嚟講，紅茶嘅味比其他茶更加濃郁，喺茶文化裡面係主要嘅茶品。

--Dr. Greywolf (傾偈) 2025年10月17號 (五) 05:46 (UTC)

好奇

• 好奇係一系列行為同情緒反應，源自個體想要獲得資訊或者知識。好奇算係心理狀態一種，亦可以當係情感嘅一種，會驅使感到好奇嘅個體去探索引起其好奇心嘅事物，而個個體往往會因此得到更多嘅資訊同知識。

--Dr. Greywolf (傾偈) 2025年10月16號 (四) 23:46 (UTC)

芭蕾舞軟鞋

• 芭蕾舞軟鞋係一種輕身而且柔軟嘅鞋，鞋底會有一定彈性，專門設計嚟俾人跳芭蕾舞嗰陣著。一般嚟講，跳芭蕾舞嘅人喺芭蕾舞堂之中實會著住芭蕾舞軟鞋跳舞。喺款式同顏色上，女舞蹈員通常會著粉色嘅軟鞋，而男舞蹈員就較常會著白色或者黑色嘅。

--Dr. Greywolf (傾偈) 2025年10月10號 (五) 10:21 (UTC)

對等文本

• 對等文本，指嘅係有兩份或多份文本，佢哋喺內容上相對應，但係就用咗唔同話嚟寫，例如《新約全書，中西字》嘅新約聖經，佢哋同一段內容會用英文同漢字粵文寫，識粵語、識睇漢字嘅人，可以一路睇住佢噉嚟學英文。當中羅塞塔石碑 (圖) 係語言學上出名嘅對等文本，係破解古埃及語嘅重要關鍵。

--Dr. Greywolf (傾偈) 2025年10月4號 (六) 06:51 (UTC)

以撒

• 以撒（希伯來文：יִצְחָק）係希伯來聖經同舊約聖經入便嘅重要人物。佢係族長亞伯拉罕之子，利百加嘅丈夫，以掃同雅各嘅阿爸。根據聖經記載，以撒年紀好細嘅時候，亞伯拉罕因為聽從上帝嘅命令，幾乎攞咗以撒嚟做祭品獻俾上帝。

--Dr. Greywolf (傾偈) 2025年10月1號 (三) 14:09 (UTC)

快樂王子

• 《快樂王子》（英文：The Happy Prince）係出自愛爾蘭作家奧斯卡·王爾德筆下嘅英文童話故事。故事大致係噉：話說從前有位王子，佢生前住喺無憂傷無痛苦嘅宮殿裡便，因而有咗個名叫快樂王子；快樂王子死後，佢嘅形象俾人整咗做一座雕像；及後王子嘅靈魂進入雕像，佢見到宮外嘅世界係幾咁充滿窮困同苦難，下定決心要幫助捱苦嘅平民。--Dr. Greywolf (傾偈) 2025年9月18號 (四) 04:22 (UTC)

馬克白

• 《馬克白》（英文：Macbeth）係英格蘭劇作家莎士比亞喺 1606 年寫嘅悲劇，亦係佢四大悲劇其中一套。呢齣劇個故仔設喺蘇格蘭，情節講主角馬克白受野心蒙蔽，同佢老婆聯手暗殺國王篡位，但係佢嘅呢一個決定，最後令佢陷入萬劫不復嘅境地。--Dr. Greywolf (傾偈) 2025年9月16號 (二) 11:03 (UTC)

心選路徑

• 心選路徑係城市規劃等領域提到嘅概念，係小路一種，呢種小路未經規劃，不過人同動物因為某啲原因而偏好（心選）行嗰條路徑，所以佢哋成日忽視規劃好嘅道路去行偏好嗰條路，行行吓佢哋腳步造成嘅力學侵蝕就創造咗一條「新路」出嚟。--Dr. Greywolf (傾偈) 2025年9月15號 (一) 01:06 (UTC)

利百加

• 利百加（希伯來文：רִבְקָה‎）係希伯來聖經（或者舊約聖經）嘅人物，係亞伯拉罕個仔以撒嘅老婆。佢首次出現喺《創世記》第二十四章，被描寫成一位具有諸多美德嘅女子－佢好客、勤力、心哋善良而且信靠上帝。

--Dr. Greywolf (傾偈) 2025年9月9號 (二) 00:34 (UTC)

分工

• 經濟學上講嘅分工，係指一個社會、組織或者群體，根據技能、資源同需要，將工作或者職能拆分俾唔同人或者單位去完成。透過分工，每個人或者部門專注於某啲特定範疇，從而提高效率，亦方便協調同合作。

--Dr. Greywolf (傾偈) 2025年9月5號 (五) 07:48 (UTC)

巴別塔

• 巴別塔（希伯來文：מגדל בבל‎）係《舊約聖經·創世記》提到嘅一座塔。巴別塔個古仔講到，人類諗住起一座好似天咁高嘅塔，上帝見到就出手，變亂人類嘅語言同口音，起塔嘅人彼此聽唔明對方講乜，溝通唔到，座塔就起唔成。依個故事被指係屬於起源神話，古時嘅猶太教同基督教用依個故事解釋點解人類有咁多種唔同語言。

--Dr. Greywolf (傾偈) 2025年8月28號 (四) 04:50 (UTC)

奇幻地圖

• 奇幻地圖係指描述奇幻虛構故事中嘅架空世界嘅地圖。奇幻作品設於虛構嘅幻想世界，作者會諗出好多空想出嚟嘅地方，而奇幻作家好多時都會同自己作嘅虛構世界畫地圖，講明虛構世界嘅基本特性同埋自然環境係點呀噉。

--Dr. Greywolf (傾偈) 2025年8月26號 (二) 13:07 (UTC)

白蟻丘

• 白蟻丘係由白蟻建造嘅一種大型巢穴，常見於非洲、澳洲同南美洲等地。呢啲丘用料通常係由泥土、沙粒、口水同糞便溝埋一齊成嘅「土」，外形好似細小山丘噉，有啲甚至高過成年嘅人類。對於白蟻嚟講，白蟻丘唔淨只係居住地方，仲有通風同溫度調節等嘅多種功能。

--Dr. Greywolf (傾偈) 2025年8月7號 (四) 05:14 (UTC)

美女與野獸

• 《美女與野獸》（參見法文：La Belle et la Bête）係出自法國嘅童話故事，最早出現喺十八世紀上半。佢個故仔講嘅主要係靚女（美女）同醜陋野獸之間嘅愛情故事。喺最早嗰個版本當中，美女嘅阿爸唔覺意走咗入去一座有魔法嘅城堡，喺城堡嘅花園摘咗朵玫瑰諗住送畀愛女，點知城堡嘅主人（野獸）喺依個時候出現，而且因為朵花畀人摘咗而大發雷霆，及後美女自願前往城堡幫阿爸贖罪，而佢喺城堡住咗一排後，同野獸墮入愛河。

--Dr. Greywolf (傾偈) 2025年8月7號 (四) 04:01 (UTC)

希伯來字母

• 希伯來字母係拼寫希伯來語嘅輔音字母，有 22 個咁多，唔分大細楷，寫字嘅時候係由右到左打橫寫。除咗希伯來語之外，依地語傳統上都係用希伯來字母寫嘅。

--Dr. Greywolf (傾偈) 2025年8月6號 (三) 04:29 (UTC)

鏡面反射

• 鏡面反射係光線打落物件表面嗰時，以特定角度反射走，形成清晰嘅高光。根據反射定律，反射光線離開反射表面嘅角度，同入射光線射向表面法線嘅角度係一樣嘅，但係喺由入射光線同反射光線形成嘅平面入面，反射光線會喺表面法線嘅相反一邊。

--Dr. Greywolf (傾偈) 2025年8月6號 (三) 01:05 (UTC)

母語

• 母語，又叫第一語言，係指一個人仲係蘇蝦仔嗰陣，由屋企人或者照顧者嗰度學識講嘅語言：細路喺生命頭嗰幾年，一路聽住身邊嘅照顧者講嘢，聽吓聽吓就會學識照顧者講嘅語言，而照顧者嘅語言就會係佢哋嘅母語。

--Dr. Greywolf (傾偈) 2025年8月1號 (五) 05:22 (UTC)

糖果屋

• 《糖果屋》係格林童話有收錄嘅童話故事。個故仔大致係噉嘅：兩個細路喺森林裏面盪失路；行行吓搵到一間怪屋，怪屋用糖果同薑餅等好味嘅嘢造，怪屋嘅老婆婆仲好慷慨噉請佢哋食飯；點知原來老婆婆係巫婆，兩個細路用機智收拾巫婆，最後安全返到屋企。

--Dr. Greywolf (傾偈) 2025年7月31號 (四) 01:01 (UTC)

耶加婆婆

• 耶加婆婆係一個好出名嘅角色，成日出現喺俄羅斯同埋其他斯拉夫民族嘅童話同民間傳說之中。喺形象上，耶加婆婆係一個阿婆，會喺森林入便四圍飛，專門捉細路嚟食。

--Dr. Greywolf (傾偈) 2025年7月31號 (四) 00:55 (UTC)

蓮花

• 蓮花係蓮科蓮屬嘅水生草本植物。佢哋嘅葉又大又圓，花大帶有幽香。根狀莖嗰度又粗又大。喺中華文化中，蓮花有各種正面嘅意思，例如《愛蓮說》呢篇北宋古文就稱頌蓮花，將蓮花稱為「花中君子」。

--Dr. Greywolf (傾偈) 2025年7月31號 (四) 07:24 (UTC)

彩虹聖甲蟲

• 彩虹聖甲蟲（學名：Phanaeus vindex）係金甲蟲科下嘅物種。佢哋係屎甲蟲：公同乸嘅成蟲會成雙成對行動，「兩公婆」夾手夾腳搵大型動物留低嘅糞便，然後隻乸會响啲糞便下面掘窿，仲會喺啲糞便裏面生蛋。--Dr. Greywolf (傾偈) 2025年7月17號 (四) 03:42 (UTC)

蠍獅

• 蠍獅係一種傳說中嘅怪獸，源自波斯，但係歐洲嘅古代文獻記載之中亦成日提起佢。相傳蠍獅力大無窮，有朱紅色、似狗噉皮毛。佢嘅腳似獅子，條尾嗰度生咗一條好似蠍子噉嘅長針。

--Dr. Greywolf (傾偈) 2025年7月29號 (二) 05:26 (UTC)

小紅帽

• 《小紅帽》係歐洲一個童話故事。呢個故仔源自民間故事，有好多個唔同版本，不過都有提到大野狼同埋係後生嘅女仔帶住食物探嫲嫲同埋。喺十七世紀前，個故事嘅變體已經有喺歐洲各地嘅民間嗰度流傳，不過嗰啲版本好多時都「非常唔啱細路睇」。

--Dr. Greywolf (傾偈) 2025年7月3號 (四) 16:03 (UTC)

多頭龍

• 多頭龍（英文：hydra）係希臘神話入面一隻怪獸。希臘神話入面嗰隻 hydra 係九頭蛇，蛇如其名係有九個頭，好似蛇噉形。現代奇幻作品中嘅 hydra 好多時係多頭龍噉嘅形象，頭多但係有手同腳。呢種形象喺奇幻小說系列《哈利波特》中都有出現。

--Dr. Greywolf (傾偈) 2025年7月29號 (二) 05:22 (UTC)

鏡

• 鏡係反射光嘅架生，表面光滑，用玻璃等嘅材料造。鏡能夠照出影像，方便人觀察自己嘅樣或者周圍環境。典型嘅鏡通常係特製嘅玻璃片，背後搽咗一浸金屬。

--Dr. Greywolf (傾偈) 2025年7月28號 (一) 14:09 (UTC)

旋轉舞步

• 旋轉舞步係好多種舞蹈當中都有嘅一類舞步，指跳舞嗰個人以一條垂直嘅軸作為軸心，旋轉自己嘅身體。有啲類型嘅旋轉舞步甚至會涉及個舞蹈員一嘢轉好幾個圈。芭蕾舞同華爾茲等都係出名多旋轉嘅舞種。

--Dr. Greywolf (傾偈) 2025年7月29號 (二) 05:04 (UTC)

莫利斯舞

• 莫利斯舞（英文：Morris dance）係一種源自英倫嘅土風舞。跳呢隻舞嗰陣，舞者通常會着住傳統服飾，有節奏噉踏步。佢哋嘅腳通常會綁上啷啷，有陣時係綁喺小腿，有時綁喺鞋上面。佢哋一邊跳舞，仲會有樂隊或者着住戲服嘅音樂人喺旁邊伴奏。

--Dr. Greywolf (傾偈) 2025年7月29號 (二) 04:57 (UTC)

獨角仙

• 獨角仙（參照日文：カブトムシ / kabutomushi）係金甲蟲科下嘅物種。佢哋廣泛噉分佈喺東亞多地，包括日本列島、臺灣、朝鮮半島至華東等地嘅森林，都可以見到佢哋嘅蹤影；佢哋同多數兜蟲一樣，啲蟲公嘅頭前方有隻大角，仲會用角嚟打交，爭奪地盤同埋交配嘅權利。

--Dr. Greywolf (傾偈) 2025年7月17號 (四) 04:07 (UTC)

阿積與豌豆樹

• 《阿積與豌豆樹》係一個好出名嘅童話故事。故仔大致如下：好耐好耐以前有對母子，個仔叫阿積，佢哋兩個好窮；有一日，阿積攞佢哋隻乳牛去賣，換取咗五粒荳返嚟；到咗第二日，啲荳就發芽變咗樖高聳入雲嘅豌豆樹；阿積爬豌豆樹去到巨人嘅空中城堡，仲由巨人嗰度偷咗好多寶物返嚟；最後，兩仔乸做咗有錢人，可以開開心心噉生活落去。

--Dr. Greywolf (傾偈) 2025年7月3號 (四) 15:35 (UTC)

骷髏天蛾

• 骷髏天蛾（學名：Acherontia lachesis）係天蛾科下嘅飛蛾物種，源產自印度。骷髏天蛾好食蜜糖：佢哋識得模仿蜜蜂陣除，令到蜜蜂以為佢哋係同伴因而唔會郁手攻擊，於是骷髏天蛾就恃住呢點走入去蜜蜂竇偷蜜糖。

--Dr. Greywolf (傾偈) 2025年7月17號 (四) 03:35 (UTC)

不死鳥

• 不死鳥係歐美嘅神話入便一種傳說中嘅雀鳥，早喺希臘神話嘅時候已有提及。根據傳說，不死鳥能夠由太陽嗰度得到神力，死嗰陣會發放出強烈嘅火同光，燒完之後隻不死鳥然後就會由灰燼中重生。喺現代嘅奇幻虛構作品之中，不死鳥經常被塑造成神聖嘅生物，象徵住重生、不滅同埋希望。--Dr. Greywolf (傾偈) 2025年7月16號 (三) 12:05 (UTC)

見工

• 見工係面試嘅一種，指僱主親自同求職者傾偈，多數都會係前者向後者問一連串嘅問題。僱主噉做，係想透過傾偈嚟評估見嗰個人啱唔啱做份工，例如睇吓求職者對答係咪流利，跟住就用評估結果決定好唔好請佢做嘢。見工面試可以冇結構－即係話僱主有少少似當咗面試係傾閒偈噉，會同求職者談天說地，一路評估求職者嘅性格同能力。

--Dr. Greywolf (傾偈) 2025年7月24號 (四) 01:04 (UTC)

灰姑娘

• 《灰姑娘》係一個童話故事。故仔大致上係噉嘅：好耐以前有個後生女叫灰姑娘，佢嘅後抵乸同兩個繼姐成日都糟質佢，當正佢係工人噉使；有一日，宮廷想搞舞會畀王子揀老婆；本來灰姑娘冇得去舞會，不過佢得到仙子教母嘅幫助，著住仙子教母畀佢嘅靚衫去舞會，而且王子仲喺舞會上鍾意咗佢；灰姑娘冇向王子透露佢嘅真正身份，但佢離開舞會途中漏低咗隻鞋；及後王子靠住隻鞋搵返佢，仲娶埋佢做老婆，最後大團圓結局。

--Dr. Greywolf (傾偈) 2025年7月3號 (四) 15:19 (UTC)

己經升格 File:Offterdinger Aschenbrodel (1).jpg已經做咗2026年2月下旬嘅正圖。 Shinjiman ⇔ ♨ 2026年1月27號 (二) 01:34 (UTC)

長髮姑娘

• 《長髮姑娘》係格林童話有記載嘅童話故事。女主角係一個頭髮好長嘅女仔，佢細細個就畀女巫韞咗喺座高塔裡便，去唔到外面嘅世界。後嚟佢遇到王子，最後成功脫離女巫嘅魔掌，同王子一齊得到大團圓結局。

--Dr. Greywolf (傾偈) 2025年7月3號 (四) 14:57 (UTC)

己經升格 File:Rapunzel-Paul-Hey.jpg已經做咗2026年1月下旬嘅正圖。 Shinjiman ⇔ ♨ 2025年12月24號 (三) 03:35 (UTC)

廣彩

• 廣彩係粵港地區一種特色工藝。廣彩嘅做法係喺啲白瓷器皿上便彩繪，再燒製而成，出名在「色彩絢麗、金碧輝煌、構圖嚴謹、繪工精細」，被稱為中國四大名瓷之一。呢種工藝起源自十六世紀尾橛（明朝），至今已經有成過四百年歷史。

--Dr. Greywolf (傾偈) 2025年7月17號 (四) 03:28 (UTC)

己經升格 File:Vase with floral scroll design in Canton enamel (Hong Kong Museum of Art).jpg.jpg已經做咗2025年12月下旬嘅正圖。 Shinjiman ⇔ ♨ 2025年12月4號 (四) 02:32 (UTC)

嶺南畫派

• 嶺南畫派，有時會叫做粵畫派，係由粵人畫家組成嘅一個畫畫流派。嶺南畫派衍生自傳統唐人國畫，以創新為宗旨。爾個畫派引入西洋嘅水彩畫法同印象派思潮，融合中西長處，保持傳統唐人水墨畫嘅筆墨，創製出「筆墨勁爽豪縱、色水鮮艷明亮、水分淋漓」嘅新風格。

--Dr. Greywolf (傾偈) 2025年7月17號 (四) 03:25 (UTC)

己經升格 File:高劍父1.jpg已經做咗2025年11月下旬嘅正圖。 Shinjiman ⇔ ♨ 2025年10月30號 (四) 08:19 (UTC)

彩繪玻璃

• 彩繪玻璃，係指有顏色嘅玻璃。彩繪玻璃喺色彩上可以整到好鮮艷，所以成日俾人攞嚟整一啲充滿裝飾同圖案嘅玻璃窗。亦都因為噉，彩繪玻璃喺建築設計上有廣泛嘅藝術用途。

--Kelly zhrm (傾偈) 2025年5月24號 (六) 07:55 (UTC)

己經升格 File:Burne-Jones window, Lady chapel of St Oswald's, Bidston.jpg已經做咗2025年10月下旬嘅正圖。 Shinjiman ⇔ ♨ 2025年9月30號 (二) 01:31 (UTC)

聖伯多祿

• 聖伯多祿，又譯聖彼得（英文：Saint Peter）或者聖伯鐸，唐朝景教譯岑穩僧伽法王，係基督宗教嘅聖人，耶穌嘅十二門徒其中一位，亦係羅馬天主教教會頭一位教宗。

--Kelly zhrm (傾偈) 2025年3月31號 (一) 15:34 (UTC)

己經升格 File:Trier Ehrang Petrus 2022.jpg已經做咗2025年9月下旬嘅正圖。 Shinjiman ⇔ ♨ 2025年8月30號 (六) 16:08 (UTC)

山貓

• 山貓（學名：Lynx），又叫猞猁， 係一個包含四種中型野貓嘅屬。由於目前對貓科嘅分類有相當大嘅混亂，有啲作者亦都將佢哋分類為貓屬嘅一部分。

--Kelly zhrm (傾偈) 2025年3月30號 (日) 15:51 (UTC)

己經升格 File:Lynx kitten.jpg已經做咗2025年8月下旬嘅正圖。 Shinjiman ⇔ ♨ 2025年7月30號 (三) 03:38 (UTC)

Yggdrasil

• Yggdrasil 係北歐神話當中一樖神聖嘅巨型梣樹，可以算係咁多個世界樹傳說裡便最出名嗰一個。根據中世紀北歐人嘅信仰，神樹 Yggdrasil 唔淨只巨型，仲有各種嘅神力，係眾神每日都會去聚會嘅地方，連接住人界同冥界等宇宙各界，而且仲會滋養全世界嘅生命。

--Dr. Greywolf (傾偈) 2024年10月4號 (五) 15:36 (UTC)

己經升格 File:Yggdrasil.jpg已經做咗2025年7月下旬嘅正圖。 Shinjiman ⇔ ♨ 2025年6月30號 (一) 01:04 (UTC)

小仙子

• 小仙子係一種傳說生物，常見於歐洲多地嘅民間故事－包括英格蘭、法國以至斯拉夫地區等多地，都有民間故事講起仙子。廿世紀起嘅仙子形象相當浪漫化：喺呢個時期嘅虛構作品當中，仙子通常係細隻，有好似蝴蝶噉嘅翼，仲會施展魔法幫助人，例子可以睇吓童話故事《灰姑娘》裡便嘅神仙教母形象。

--Dr. Greywolf (傾偈) 2024年10月4號 (五) 07:38 (UTC)

己經升格 File:SophieAndersonTakethefairfaceofWoman.jpg已經做咗2025年6月下旬嘅正圖。 Shinjiman ⇔ ♨ 2025年5月30號 (五) 01:36 (UTC)

矮人

• 矮人（英文：dwarf）係源自古代日耳曼人民俗嘅傳說生物，成日出現喺現代奇幻故仔當中，例如《魔戒》嘅世界就以矮人族做中土世界嘅主要種族之一。喺形象上，佢哋通常係生得矮但身體粗壯力大無窮、會著住好似維京人噉嘅服裝、鍾意黃金同酒、鬍鬚濃密、而且擅長採礦同打造武器。

--Dr. Greywolf (傾偈) 2024年10月4號 (五) 07:05 (UTC)

己經升格 File:Dwarf by BrokenMachine86.jpg已經做咗2025年5月下旬嘅正圖。 Shinjiman ⇔ ♨ 2025年4月30號 (三) 06:42 (UTC)

高扁

• 高扁（嚟自英文 goblin）係源自西歐嘅一種傳說生物，常見於廿世紀起嘅奇幻作品。喺呢啲作品當中，高扁嘅形象通常描繪成身材細粒（成年高扁身高多數似得幾歲咁大嘅人類細路）、尖耳、光頭又醜樣、詭計多端、而且成日惡作劇或者偷嘢；佢哋有可能但唔一定識用魔法。

--Dr. Greywolf (傾偈) 2024年10月4號 (五) 07:02 (UTC)

己經升格 File:Goblin by armandeo64.jpg已經做咗2025年4月下旬嘅正圖。 Shinjiman ⇔ ♨ 2025年3月28號 (五) 06:40 (UTC)

蜻蜓

• 蜻蜓，廣東話舊時叫塘尾mei1，係指一啲屬於蜻蛉目差翅下目（學名 Anisoptera）嘅昆蟲，全球有大約 3,000 種物種咁多。喺外形上，蜻蜓好易認：一隻蜻蜓個頭會有兩隻大複眼，兩對強而有力又透明嘅翼同埋修長嘅腹部，蜻蜓腹部通常粗壯過佢哋嘅近親豆娘。蜻蜓喺生態上好重要：喺昆蟲界，蜻蜓係一種好惡嘅捕食者，會捕食任何細隻過佢哋嘅昆蟲；因此，蜻蜓往往會食走大量嘅害蟲，廣泛噉被視為益蟲。

--Dr. Greywolf (傾偈) 2024年10月4號 (五) 06:59 (UTC) 己經升格 File:Aeshna cyanea - young male (aka).jpg已經做咗2025年3月下旬嘅正圖。 Shinjiman ⇔ ♨ 2025年2月28號 (五) 01:52 (UTC)

睡公主

• 《睡公主》（英文：The Sleeping Beauty）係一齣經典嘅芭蕾舞劇，有一場序幕加及後三幕。呢齣劇由俄羅斯作曲家柴可夫斯基負責作曲，組曲喺 1889 年完成，史上首場公演係喺 1890 年嘅聖彼得堡嗰度演嘅。齣劇個故仔建基於同名嘅童話故事。 Dr. Greywolf (傾偈) 2024年5月31號 (五) 08:54 (UTC)

己經升格 File:Uspavana lepotica, Balet SNP, Andreja Kulešević, foto M. Polzović.jpg已經做咗2024年7月上旬嘅正圖。 Shinjiman ⇔ ♨ 2024年6月30號 (日) 17:18 (UTC)

胡桃夾子

• 《胡桃夾子》（英文：The Nutcracker）係一齣兩幕嘅芭蕾舞劇，由俄羅斯作曲家柴可夫斯基作曲，史上首次公演於 1892 年。呢齣劇取材自一個短篇故仔，以聖誕做主題，講到女主角卡拉娜由佢教父嗰度收到一份特別嘅聖誕禮物：一個軍官造型嘅合桃鉗。 Dr. Greywolf (傾偈) 2024年5月31號 (五) 08:51 (UTC)

己經升格 File:ESMD The Nutcracker 2011 grand pas de deux.jpg已經做咗2025年2月下旬嘅正圖。 Shinjiman ⇔ ♨ 2025年1月10號 (五) 16:09 (UTC)

天鵝湖

• 《天鵝湖》（英文：Swan Lake）係一齣芭蕾舞劇，作曲嘅係俄羅斯作曲家柴可夫斯基。呢齣劇首演於 1877 年，係由俄羅斯嘅波修瓦劇院演嘅。《天鵝湖》個故仔取材自俄羅斯嘅一個民間故事，講述悲劇公主奧德特嘅故事。 Dr. Greywolf (傾偈) 2024年5月31號 (五) 08:48 (UTC)

己經升格 File:Labudovo jezero, Balet SNP-a, foto M. Polzović.jpg已經做咗2024年12月中旬嘅正圖。 Shinjiman ⇔ ♨ 2024年12月2號 (一) 01:33 (UTC)

探戈

• 探戈（Tango）係盛行於拉丁美洲以至歐美嘅一套音樂同社交舞。探戈起源自 1880 年代嘅阿根廷同烏拉圭一帶，初時係由低下階層嘅人跳嚟自娛嘅，但後嚟大受歡迎而廣傳，仲成功進入社會上流階層嘅舞廳同舞會。
• 上咗畫，可唔可以去我 talk page 記低？ --Dr. Greywolf (傾偈) 2024年5月22號 (三) 05:59 (UTC)

己經升格 File:Luciana y José.jpg已經做咗2024年11月下旬嘅正圖。 Shinjiman ⇔ ♨ 2024年11月5號 (二) 01:08 (UTC)

華爾茲

• 華爾茲係一套舞曲，亦係一套社交舞。喺舞步上，華爾茲涉及一對男女一路互相懷抱一路跳，而且兩人喺跳嘅途中仲會一路係噉旋轉。華爾茲發源自中世紀打後嘅奧地利同南德國一帶，後嚟曾經喺 19 世紀期間响歐洲嘅舞會度盛極一時；就算到咗廿世紀同打後，華爾茲都仲係相當有影響力。
• 上咗畫，可唔可以去我 talk page 記低？ --Dr. Greywolf (傾偈) 2024年5月22號 (三) 05:47 (UTC)

己經升格 File:La Valse.jpg已經做咗2024年10月下旬嘅正圖。 Shinjiman ⇔ ♨ 2024年9月30號 (一) 17:30 (UTC)

巴洛克舞蹈

• 巴洛克舞蹈（法文：Danse baroque）泛指巴洛克時期（大約 1600 年至 1750 年之間嘅歐洲）貴族之間盛行嘅舞蹈，包括咗莎拉班德、布尼舞曲同小步舞曲等嘅多種舞曲同舞蹈。呢啲舞曲同時亦係巴洛克音樂當中嘅重要曲種，有巴哈嘅《G 大調同 G 小調小步舞曲》等嘅名曲。巴洛克舞蹈盛行於當時嘅法國，同第啲表演藝術有碰撞同交流，因而同呢啲藝術互相影響，例如巴洛克舞蹈有用到五大腳位呢種現代嘅芭蕾舞基礎技巧。

• 上咗畫，可唔可以去我 talk page 記低？ --Dr. Greywolf (傾偈) 2024年5月22號 (三) 05:38 (UTC)

己經升格 File:Die Gartenlaube (1899) b 0093 2.jpg已經做咗2024年9月下旬嘅正圖。 Shinjiman ⇔ ♨ 2024年8月30號 (五) 17:43 (UTC)

舊過7日嘅提名

狼

• 灰狼，通常就噉簡稱狼，係一種源於歐亞大陸同北美洲嘅大型犬科動物，分佈喺歐亞同北美嘅溫帶地區，包括咗 38 個次物種。狼外形上嘅特徵包括咗以下呢啲：佢哋嘅耳仔同口鼻冇多數犬科動物咁尖，冬天會生一啲又長又濃密嘅毛，啲毛多數以灰色為主（所以個名就叫「灰狼」），不過都有狼係啲毛以白、紅同黑等為主色嘅。

--Dr. Greywolf (傾偈) 2021年1月25號 (一) 03:36 (UTC)

己經升格 File:Front view of a resting Canis lupus ssp.jpg已經做咗2021年4月下旬嘅正圖。 Shinjiman ⇔ ♨ 2021年3月27號 (六) 02:24 (UTC)

插花

• 插花係一種視覺藝術，將一啲花材適當噉修剪整理再加上優美嘅擺插設計，表現出花嘅活力同自然美感。

--Pokman817 (傾偈) 2021年1月25號 (一) 03:18 (UTC)

己經升格 File:加上裝飾的插花.jpg已經做咗2021年4月中旬嘅正圖。 Shinjiman ⇔ ♨ 2021年3月27號 (六) 02:25 (UTC)

黑洞

• 黑洞（black hole）係一笪重力非常之強嘅時空，強到任何粒子甚至係電磁輻射都走唔甩。廣義相對論推測，一個夠密嘅質量可以扭曲時空，形成黑洞。

--H78c67c·傾偈 2021年1月20號 (三) 05:24 (UTC)

己經升格 File:Black hole - Messier 87.jpg已經做咗2021年4月上旬嘅正圖。 Shinjiman ⇔ ♨ 2021年3月27號 (六) 02:24 (UTC)

國後島

• 國後島（日文：国後島／くなしりとう ^{Kunashiri tō}；俄文：Остров Кунашир；阿伊努文：クナシㇼ）係千島群島南部一個島，係主權受到爭議嘅南千島群島之一，而家由俄羅斯實際控制。

--H78c67c·傾偈 2020年10月17號 (六) 17:01 (UTC)

己經升格 File:Мыс Столбчатый. После заката.jpg已經做咗2021年1月上旬嘅正圖。 Shinjiman ⇔ ♨ 2020年11月13號 (五) 02:52 (UTC)

北區 (札幌市)

• 北區（日文：北区／きたく ^{Kita ku}）係日本北海道札幌市嘅一個行政區，喺2007年1月1日人口有273,381人，係全札幌市最多人口嘅區。

--Akai 博士 (傾偈) 2020年10月15號 (四) 13:00 (UTC)

• 稍微更新咗數據，可唔可以改下呢個提名嘅描述文字？唔該。H78c67c·傾偈 2020年10月15號 (四) 22:49 (UTC)

己經升格 File:HokkaidoDo112go2004-12-5.jpg已經做咗2020年12月中旬嘅正圖。 Shinjiman ⇔ ♨ 2020年11月13號 (五) 02:52 (UTC)

冰雕

• 冰雕顧名思義，係指用冰整嘅雕刻。冰呢種物料好好用，可以雕成各式各樣嘅浮雕（指雕好嗰嚿嘢依然連住喺一個用同樣物料整嘅背景上面）或者獨自企到喺度嘅雕像都得。冰雕呢種藝術常見於北半球緯度比較高嘅地區，例如係東北三省、日本嘅北海道、北歐以及加拿大等地－呢啲地區冬天嗰陣往往有長時間嘅零下氣溫，會有大量嘅冰同雪積聚，所以嗰頭嘅人就成日都貪得意攞冰雪嚟雕嘢。

--Dr. Greywolf (傾偈) 2020年10月2號 (五) 15:23 (UTC)

己經升格 File:Ice Sculpture Harbin 2009 pagoda.jpg已經做咗2020年12月下旬嘅正圖。 Shinjiman ⇔ ♨ 2020年11月13號 (五) 02:52 (UTC)

花窗玻璃

• 花窗玻璃（stained glass），又有叫有色玻璃（coloured glass），係指有顏色嘅玻璃。花窗玻璃喺色彩上可以整到好鮮艷，所以成日俾人攞嚟整一啲充滿裝飾同圖案嘅玻璃窗。亦都因為噉，花窗玻璃喺建築設計上有廣泛嘅藝術用途，例如好多教堂嘅設計都興加入花窗玻璃，等日頭嗰陣陽光能夠透過花窗玻璃射入建築物內部，展現出俾好多人覺得好靚嘅光效果。

--Dr. Greywolf (傾偈) 2020年9月9號 (三) 07:23 (UTC)

己經升格 File:Nasir-al molk -1.jpg已經做咗2020年12月上旬嘅正圖。 Shinjiman ⇔ ♨ 2020年11月13號 (五) 02:51 (UTC)

阿拉伯斯卡

• 阿拉伯斯卡（arabesque）係源自芭蕾舞嘅一種舞步，指舞蹈員淨係一隻腳完全掂地（呢條髀叫支撐髀）而另外嗰條髀（抬起髀）就外開並且抬高去身體後面，抬起髀要伸到直一直，抬起角度唔定，支撐髀嘅腳板可以處於腳尖企（en pointe；指淨係腳趾尖掂地）嘅狀態，而手臂嘅位置唔定。阿拉伯斯卡舞姿嘅目的係要令成個身體形成一條由膊頭一路延伸落去抬起髀嘅腳趾尾嗰度嘅線，達到一個靚嘅視覺效果。

--Dr. Direwolf (傾偈) 2020年4月16號 (四) 14:03 (UTC)

己經升格 File:KC Ballet BDPX2277KCB (21869872988).jpg已經做咗2020年9月上旬嘅正圖。 Shinjiman ⇔ ♨ 2020年7月7號 (二) 07:52 (UTC)

雙人舞

• 雙人舞（pas de deux）喺芭蕾舞上係指由（通常一男一女）兩位舞蹈員一齊跳嘅一段舞，表達「男女主角墜入愛河」嘅情節，好多時會係一齣芭蕾舞劇嘅焦點所在。好多芭蕾舞史上出名嘅舞段都係雙人舞。

--Dr. Direwolf (傾偈) 2020年4月16號 (四) 01:42 (UTC)

己經升格 File:Александр Стоянов и Екатерина Кухар, балет "Корсар".jpg已經做咗2020年8月上旬嘅正圖。 Shinjiman ⇔ ♨ 2020年7月7號 (二) 07:51 (UTC)

聖家大教堂

• 聖家大教堂（Sagrada Família）係位於巴塞隆拿嘅一間哥德式大教堂，1882 年動工，到咗 2020 年仲未完工。棟建築物嘅優美設計令佢俾好多人譽為建築學上嘅一大傑作。

--Dr. Direwolf (傾偈) 2020年2月15號 (六) 02:44 (UTC)

己經升格 File:Interior of the Sagrada Família (14).jpg已經做咗2020年4月下旬嘅正圖。 Shinjiman ⇔ ♨ 2020年3月18號 (三) 03:02 (UTC)

芭蕾舞

• 芭蕾舞（ballet）係一種高度技術化嘅音樂廳舞蹈，源自文藝復興時期嘅意大利，後嚟由法國同俄羅斯發揚光大，廣泛噉喺歐美地區嗰度傳播開去，仲因為多人跳而令到佢嘅技術發展到愈嚟愈複雜，有埋一套佢獨有嘅專業詞彙。

--Dr. Direwolf (傾偈) 2020年2月12號 (三) 00:17 (UTC)

己經升格 File:Hee Seo and Roberto Bolle, June 28, 2014.jpg已經做咗2020年4月中旬嘅正圖。 Shinjiman ⇔ ♨ 2020年3月18號 (三) 03:02 (UTC)

夜空

• 夜空係指由地球表面望上天會見到嘅各種天體嘅樣－呢啲天體包括咗月亮、星星以至銀河系等。夜空嘅美態令睇星成為咗一種相當受歡迎嘅活動。

--Dr. Direwolf (傾偈) 2020年2月10號 (一) 14:12 (UTC) 己經升格 File:Night sky above the Sonoran Desert National Monument in Arizona, USA, April 2014.jpg已經做咗2020年4月上旬嘅正圖。 Shinjiman ⇔ ♨ 2020年3月18號 (三) 03:02 (UTC)

泰姬陵

• 泰姬陵係印度北方邦阿格拉一座陵墓，主要用白色大理石起。佢係由莫臥兒王朝皇帝沙賈汗為紀念佢個皇后蒙泰姬瑪哈而起嘅，俾好多現代印度人認為係純潔愛情嘅象徵。

--恐狼博士 (傾偈) 2019年11月1號 (五) 06:46 (UTC)

己經升格 File:Taj Mahal (Edited).jpeg已經做咗2019年11月下旬嘅正圖。 Shinjiman ⇔ ♨ 2019年11月7號 (四) 01:51 (UTC)

星雲

• 星雲係由宇宙塵以及氫同氦等電漿夾埋形成嘅星際雲，好多時會喺太空嘅星際空間形成絢麗悅目嘅形態。

--恐狼博士 (傾偈) 2019年11月1號 (五) 06:44 (UTC)

己經升格 File:Pillars of creation 2014 HST WFC3-UVIS full-res denoised.jpg已經做咗2019年11月中旬嘅正圖。 Shinjiman ⇔ ♨ 2019年11月7號 (四) 01:51 (UTC)

紅葉

• 秋天就快到，都差唔多係時候去賞紅葉。恐狼博士 (傾偈) 2019年8月29號 (四) 10:37 (UTC)

  我排咗呢張圖上Template:是日靚畫/2019/11/01，等兩個月先出，噉就唔使頭版有兩欄同時出同一張相。翹仔 (傾偈) 2019年8月29號 (四) 12:28 (UTC)

己經升格 File:西渓公園 - panoramio - mahlervv.jpg已經做咗2019年11月上旬嘅正圖。 Shinjiman ⇔ ♨ 2019年11月7號 (四) 01:44 (UTC)

十二門徒石

• 已經排定隊上頭版以防頭版冇圖，循例拎返過嚟提名。呢張係1989年嘅歷史圖，啲石每十零廿年就會冧一條或者生一條，所以同而家唔同樣。構圖、曝光好正。特登寫埋篇楔位文嚟戥腳。

--翹仔 (傾偈) 2019年7月11號 (四) 22:22 (UTC)

己經升格 File:Twelve Apostles - Victoria (1989).jpg已經做咗2019年7月下旬嘅正圖。 Shinjiman ⇔ ♨ 2019年8月29號 (四) 03:47 (UTC)

國王企鵝

• 已經上咗頭版，循例拎返過嚟提名。真心覺得隻鵝靚仔。

--翹仔 (傾偈) 2019年7月11號 (四) 22:18 (UTC)

己經升格 File:King Penguin Chick at Salisbury Plain (5719980176).jpg已經做咗2019年7月中旬嘅正圖。 Shinjiman ⇔ ♨ 2019年8月29號 (四) 03:47 (UTC)

李柱銘

--Okstartnow (傾偈) 2019年6月2號 (日) 04:33 (UTC)

己經升格 File:李柱銘喺咖啡室度.jpg已經做咗2019年9月上旬嘅正圖。 Shinjiman ⇔ ♨ 2019年8月29號 (四) 03:54 (UTC)

陳浩天

--Okstartnow (傾偈) 2019年6月2號 (日) 04:35 (UTC)

己經升格 File:陳浩天喺九展度.jpg已經做咗2019年9月中旬嘅正圖。 Shinjiman ⇔ ♨ 2019年8月29號 (四) 03:54 (UTC)

夜間拍攝

• 夜間拍攝係喺挨晚或晚黑時分，喺戶外地方影相或拍攝嘅行為。呢種攝影技術重可以喺光線比較暗嘅地方用到。

--PQ77wd (傾偈) 2018年1月25號 (四) 08:55 (UTC)

己經升格 File:One World One Dream & Southern Square Light Show for Canton Tower (Evening).jpg已經做咗2018年6月上旬嘅正圖。 Shinjiman ⇔ ♨ 2018年5月11號 (五) 06:36 (UTC)

粟米

• 唔同玉米嘅栽培種類。

--B dash (傾偈) 2017年11月1號 (三) 09:53 (UTC)

己經升格 File:Corncobs.jpg已經做咗2018年4月下旬嘅正圖。 Shinjiman ⇔ ♨ 2017年12月21號 (四) 07:49 (UTC)

神岡中學

• 神岡中學係中國廣東廣州嘅初中三年全日制中學，1966年開辦，初期嗌過「紅江中學」嘅名。

--PQ77wd (傾偈) 2017年9月8號 (五) 07:43 (UTC)

己經升格 File:Shengang Middle School.jpg已經做咗2018年4月中旬嘅正圖。 Shinjiman ⇔ ♨ 2017年12月21號 (四) 07:49 (UTC)

長崎

長崎係日本九州一城市，長崎，呢張圖係長崎嘅港口，長崎港。 --小培の良民證※来讨论？ 2017年8月27號 (日) 10:00 (UTC)

己經升格 File:Nagasaki_City_view_from_Hamahira01s3.jpg已經做咗2018年4月上旬嘅正圖。 Shinjiman ⇔ ♨ 2017年12月21號 (四) 07:49 (UTC)

菠蘿山

菠蘿山係香港屯門嘅一座山，海拔高120米。 --Okstartnow (傾偈) 2017年8月6號 (日) 14:25 (UTC)

己經升格 File:Por Lo Shan 201703.jpg已經做咗2018年2月下旬嘅正圖。 Shinjiman ⇔ ♨ 2017年11月13號 (一) 01:24 (UTC)

銅鑼灣書店

銅鑼灣書店係一間香港嘅樓上書局，由香港人林榮基喺1994年創立，喺香港島銅鑼灣駱克道543號1樓。銅鑼灣書店賣中國政府唔俾出版同賣嘅政治禁書，有好多中國人嚟香港旅行嗰陣，都會專登嚟呢間書店買政治書。 --Okstartnow (傾偈) 2017年8月4號 (五) 11:19 (UTC)

己經升格 File:Causeway Bay Bookstore.jpg已經做咗2018年2月中旬嘅正圖。 Shinjiman ⇔ ♨ 2017年11月13號 (一) 01:24 (UTC)

1881 Heritage

• 1881 Heritage前身係香港水警總部，1994年成為香港法定古蹟，今日已經改建成為匯聚國際級購物商場、飲食娛樂同酒店於一身嘅特色建築物。

--Pokman817 (傾偈) 2017年8月3號 (四) 03:09 (UTC)

己經升格 File:1881 Heritage.JPG已經做咗2018年2月上旬嘅正圖。 Shinjiman ⇔ ♨ 2017年11月13號 (一) 01:23 (UTC)

九龍

九龍係香港嘅中心，北住新界，南面係香港島，以獅子山、大老山同飛鵝山一帶嘅山脈為北界。 --Okstartnow (傾偈) 2017年8月2號 (三) 06:03 (UTC)

己經升格 File:HK Kowloon Panorama 2009.jpg已經做咗2017年12月下旬嘅正圖。 Shinjiman ⇔ ♨ 2017年9月10號 (日) 14:33 (UTC)

帆船

帆船係用風推郁嘅船，主要靠帆將風力轉做動力。 --Okstartnow (傾偈) 2017年8月2號 (三) 03:49 (UTC)

己經升格 File:Hong Kong (26379549654).jpg已經做咗2017年12月中旬嘅正圖。 Shinjiman ⇔ ♨ 2017年9月10號 (日) 14:32 (UTC)

尖沙嘴鐘樓

尖沙嘴鐘樓，官方叫前九廣鐵路鐘樓，喺香港九龍尖沙咀嘅海邊，係九廣鐵路舊尖沙嘴火車站嘅一部分。鐘樓喺1915年起好，宜家係香港法定古蹟。 --Okstartnow (傾偈) 2017年8月1號 (二) 15:07 (UTC)

己經升格 File:Former Kowloon-Canton Railway Clock Tower, Tsim Sha Tsui (Hong Kong).jpg已經做咗2017年12月上旬嘅正圖。 Shinjiman ⇔ ♨ 2017年9月10號 (日) 14:32 (UTC)

荃景花園

荃景花園（Tsuen King Garden）係香港新界荃灣荃景圍嘅一個大型私人屋苑。發展商係新鴻基地產，管理公司係新鴻基集團成員啟勝管理服務有限公司。荃景花園總共分二期：第一期（第1-6座）1987年，第二期（第7-12座）1988年，樓高約莫35層。 --Okstartnow (傾偈) 2017年8月1號 (二) 14:34 (UTC)

己經升格 File:Tsuen King Garden (Hong Kong).jpg已經做咗2017年10月下旬嘅正圖。 Shinjiman ⇔ ♨ 2017年9月4號 (一) 01:37 (UTC)

九龍水塘群

九龍水塘群係香港九龍半島一組水塘，由九龍水塘、九龍副水塘同九龍接收水塘組成，另外附近個石梨貝水塘有時都當做九龍水塘嘅一份子。水塘喺金山郊野公園入面。雖然水塘個名叫九龍，但跟香港十八區去分，水塘都係新界沙田區西南面。 --Okstartnow (傾偈) 2017年7月30號 (日) 13:15 (UTC)

己經升格 File:Kowloon Byewash Reservoir 201707.jpg已經做咗2017年10月中旬嘅正圖。 Shinjiman ⇔ ♨ 2017年9月4號 (一) 01:37 (UTC)

獅子山

獅子山，係香港嘅新九龍同新界之間嘅一座山，係九龍山脈嘅其中一個峰，高495米。獅子山南面係新九龍馬仔坑、橫頭墈同竹園呢啲地方。東有雞胸山，西有筆架山，而西北有望夫石同沙田嘅紅梅谷，可以由呢個方向落大圍。 --Okstartnow (傾偈) 2017年7月29號 (六) 12:23 (UTC)

己經升格 File:Lion Rocks Umbrella Revolution Banner 20141024.jpg已經做咗2017年10月上旬嘅正圖。 Shinjiman ⇔ ♨ 2017年9月4號 (一) 01:35 (UTC)

黃台仰

• 黃台仰（Ray Wong，1993年9月15號—），係香港本土派政治組織本土民主前線發起人，雨遮運動後喺2015年頭成立咗本土民主前線，主張「以武制暴」，搞過幾次反水貨客嘅「光復」運動，同參與過魚蛋革命。

--Okstartnow (傾偈) 2017年7月4號 (二) 04:13 (UTC)

己經升格 File:開埠177年7月1號嘅黃台仰喺本民前個街站度.jpg已經做咗2017年8月下旬嘅正圖。 Shinjiman ⇔ ♨ 2017年7月27號 (四) 16:10 (UTC)

鍾翰林

• 鍾翰林（英文：Tony Chung），係香港本土派組織學生動源嘅創辦人兼召集人。

--Okstartnow (傾偈) 2017年6月18號 (日) 03:24 (UTC)

己經升格 File:開埠177年喺荃灣揸住香港旗嘅鍾翰林.jpg已經做咗2017年8月中旬嘅正圖。 Shinjiman ⇔ ♨ 2017年7月27號 (四) 16:10 (UTC)

陳灼明

• 陳灼明（1952年—），花名深水埗明哥，係一間深水埗飯店嘅老世，以派飯畀窮人而聞名。

--Okstartnow (傾偈) 2017年6月15號 (四) 07:46 (UTC)

己經升格 File:陳灼明位於通州街公園前面在2016年6月25日下午大約7時05分.jpg已經做咗2017年8月上旬嘅正圖。 Shinjiman ⇔ ♨ 2017年7月27號 (四) 16:10 (UTC)

2016年旺角警民衝突

• 2016年旺角警民衝突係香港一單警民衝突，發生喺嗰年嘅大年初一夜晚到大年初二朝早嘅旺角街頭。事件起因係香港本土派組織本土民主前線阻止食環署職員趕走喺旺角後巷擺檔嘅流動熟食小販，警方到場增援，結果引起警民衝突。警方用胡椒噴霧同警棍驅趕示威者，同埋曾經向天開槍，而部份留守嘅示威者就向警方投擲雜物同磚頭還擊，設置火焰路障，圖中嘅火燒垃圾桶就係其中一個火焰路障。

--LC 粵維語錄、粵維辭典啟動！ 2016年8月24號 (三) 14:50 (UTC)

張圖好正呀！ --Okstartnow (傾偈) 2016年9月3號 (六) 13:51 (UTC)

己經升格 File:2016-2-9_MK_protests_5.jpg已經做咗2016年11月中旬嘅正圖。 Shinjiman ⇔ ♨ 2016年9月3號 (六) 13:16 (UTC)

序言書室

• 序言書室，係一間喺香港旺角西洋菜南街嘅樓上書店，由三個哲學系畢業生李達寧、黃天微、李文漢喺2007年集資創辦，開書店嘅宗旨係推廣學術文化，主要售賣同代訂人文學科同埋社會科學嘅中文同英文書。呢個書室嘅特色之一係成日搞各類文化活動，例如讀書會、座談會同埋新書發布會等，頻率之高喺香港屬罕見。主講者通常係各個領域嘅知名人士，所以成日有大批香港青年慕名而來，有時人數爆滿嘅話，就會臨時閂舖。

--Okstartnow (傾偈) 2016年8月21號 (日) 03:02 (UTC)

己經升格 File:序言書室店面.jpg已經做咗2016年11月上旬嘅正圖。 Shinjiman ⇔ ♨ 2016年9月3號 (六) 13:15 (UTC)

中銀大廈

• 中銀大廈係中銀香港嘅總部，嚮香港中西區金鐘花園道1號。1989年落成，1990年啟用。以前嗰處係美利樓。中銀大廈係全球排名最高嘅摩天大廈之一。

—以上留言未簽名。　 2013年5月22號 (三) 04:01 (UTC)

己經升格 File:HK Bank of China night view.JPG已經做咗2014年7月上旬嘅正圖。 Shinjiman ⇔ ♨ 2016年8月25號 (四) 01:04 (UTC)

光碟

• 光碟喺1965年由美國人 James T. Russell 或 David Paul Gregg 發明嘅，當時所儲存嘅格式仍以 analog 為主，係用雷射掃描記錄同讀出保存信息嘅一種介質。

--Shinjiman ⇔ ♨ 2008年6月22號 (日) 15:21 (UTC)

已經升格 File:OD Compact disc.svg做2008年8月上旬嘅正圖。 Shinjiman ⇔ ♨ 2016年8月25號 (四) 01:02 (UTC)

大鐘樓

• 大鐘樓係香港舊時一座鐘樓，1908年拆咗。個鐘樓響香港島中環，皇后大道中同必打街（今日畢打街）交界。古蹟古物辦事處叫佢做畢打街鐘樓。座嘢曾經係中環地標。

大鐘樓響1861年到1862年起嘅，樓高八十呎（24.4米）共五層，鐘面透得光，可以報時同報火燭，夜晚可以照明， --Shinjiman ⇔ ♨ 2008年6月22號 (日) 15:16 (UTC)

己經升格 File:Pedderstreetclocktower.jpg已經做咗2008年7月下旬嘅正圖。 Shinjiman ⇔ ♨ 2016年8月25號 (四) 01:01 (UTC)

鴨脷洲

• 鴨脷洲係香港嘅一個島，屬於南區，喺香港島嘅西南面，香港仔同埋香港仔海峽附近，有1.30平方公里咁大。

--Shinjiman ⇔ ♨ 2008年6月22號 (日) 15:13 (UTC)

支持。－HW - 搵我 - 貢獻 - 參加申請做管理員投票 2009年12月31號 (四) 12:45 (UTC)

已經升格 File:Mount Johnston Ap Lei Chau.jpg做咗2008年7月上旬嘅正圖。 Shinjiman ⇔ ♨ 2016年8月25號 (四) 01:00 (UTC)

伯遠帖

• 介紹：

《伯遠帖》係晉朝書法家王珣嘅墨寶，同《中秋帖》等帖合稱「三希」，而家喺北京故宮博物院入面。 --歡迎嚟歷史工作小組吹水！！ 2014年5月21號 (三) 11:56 (UTC)

• 由於太長，用咗{{wide image}}呢個模，請勃下幅圖嚟睇！！！--歡迎嚟歷史工作小組吹水！！ 2014年5月21號 (三) 12:04 (UTC)

未能升格 同之前附帶正圖嘅文章重覆。 Shinjiman ⇔ ♨ 2016年8月25號 (四) 00:59 (UTC)

伯遠帖（第二幅）

• 介紹

《伯遠帖》係晉朝書法家王珣嘅墨寶，同《中秋帖》等帖合稱「三希」，而家喺北京故宮博物院入面。 --歡迎嚟歷史工作小組吹水！！ 2014年5月24號 (六) 08:15 (UTC)

• 已經升格 file:伯遠帖.jpg--知捉常樂^Message_{歷史工作小組} 2014年6月8號 (日) 09:43 (UTC)

報紙

• 報紙或者叫新聞紙係用來報告新聞嘅印刷品。除通新聞之外，亦附帶一啲資訊同賣告白。紙質通常都係平價紙。多數報都係日報或者周報，內容可以乜都報，又或者特定專題。1605年有第一份印刷報紙。今時今日，有啲報社會將報紙內文放上網。

--Shinjiman ⇔ ♨ 2007年11月22號 (四) 08:04 (UTC)

已經升格 Image:Newspapers FT SvD IHT WSJ.jpg Shinjiman ⇔ ♨ 2007年11月30號 (五) 02:44 (UTC)

荃灣綫

• 荃灣綫，係香港嘅地鐵營運嘅七條路線之一，由香港島途經九龍西部，連接到新界西南區嘅荃灣。1982年5月10號通車，因為總站設喺荃灣而得呢個名。截至2004年，荃灣綫總共有16個車站，當中有8個係轉車站，係香港地鐵最繁忙嘅路綫嚟。當中，荃灣站、葵興站、葵芳站同埋荔景站4個車站係架空／地面車站。荃灣綫喺路綫圖裡面以紅色做代表。

--Shinjiman ⇔ ♨ 2007年11月22號 (四) 08:26 (UTC)

已經升格 Image:TWL ga map.png Shinjiman ⇔ ♨ 2007年11月30號 (五) 02:48 (UTC)