長壽路站 (廣州)

長壽路 Changshou Lu
長壽路站嘅站名
概覽
冧巴	108
位置	荔灣區長壽西路同埋寶華路嘅交界（恒寶華庭地底）
座標	23°7′4.51″N 113°14′31.96″E
車站色	大理石+　花崗岩
經過路線	1
啟站	1999年6月28號
月台數	1
站口數	5
營運資訊
車站服務時間	06:05～23:56
列車服務時間	06:10～23:51
廣州地鐵1號綫 西塱　◄黃沙 （910m） （1.1km）陳家祠►　廣州東站

長壽路站（粵拼：coeng4 sau6 lou6 zaam6；英文：Changshou Lu Station），規劃嗌過多寶路站（do1 bou5 lou6 zaam6；Duobao Lu Station），係廣州地鐵1號綫嘅車站，喺1999年6月28號開放，位置喺荔灣區長壽西路同寶華路交界嘅恒寶華庭地底。

結構

樓層

呢個站一共有2層樓嘅地下區域，其中地下1樓係站廳，有票務設施，客務中心同商鋪；地下2樓係1號綫嘅月台。同大多數嘅1號綫車站一樣，冇休息室同廁所、母嬰室響度。

打掂

地下 一樓	站廳	站廳、售票機
地下 二樓	2月台	←1號綫列車去黃沙站（行西塱嗰邊）
	島式月台，開左邊門
	1月台	1號綫列車去陳家祠站（行廣州東站嗰邊）→

打橫

長壽路站嘅站廳

長壽路站嘅月台

柱上啲字

站廳

長壽路站嘅收費區喺站廳嘅中間偏東嘅位，而西邊係人行通道，四圍都俾商舖圍住嗮，收費區有好多部扶手電梯同樓梯往返月台都得，而專用𨋢喺車站嘅北邊免費區域入面，乘客若果有需要嘅話，可以向車站工作人員查咗車飛後嚟協助用。

月台

呢個站有1個島式月台，喺寶華路嘅地底。

月台全景（行西塱嗰邊，喺2014年9月18號影。）

商鋪同自助服務

而家嘅長壽路站入面有好多唔同類嘅鋪頭畀乘客買嘢同埋食嘢，好似有便利檔、麵包檔同洗衫舖等。

另外，長壽路站入面重有好多自助服務設施畀乘客用，包括咗自動櫃員機、自動販賣機、自動影相機同羊城通充值機等；重有可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引同畀乘客登記變成廣州地鐵薈嘅會員嚟查獎分、換獎品嘅服務。下面有寫清楚呢個站係有乜鋪頭同自助服務響度：

商鋪 天天洗衣 美心西餅 日閱堂

自助服務 羊城通充值機 自動販賣機 中國建設銀行自動櫃員機 M-Touch地鐵資料查詢 好易（Hotye）多媒體自助服務終端

出入口

長壽路站冚唪唥嘅出入口
A出入口 A出入口  B出入口，隔籬嘅大笪地喺2014年拆咗。 B出入口，隔籬嘅大笪地喺2014年拆咗。  D1出入口（影嗰時重未開門） D1出入口（影嗰時重未開門）  D2出入口 D2出入口

呢個站有5個出入口，分別係A、B、D1、D2、E。

冧巴	標記	方位	去到邊度
出入口A	長壽路	東南	長壽路、文昌南路、上下九步行街、荔灣廣場
出入口B	華貴路	東北	華貴路、寶源路、貴賢上品
出入口D1	上下九步行街	西南偏西	下九路、恒寶廣場、恒寶華庭、荔灣廣場、婦兒公司、元氣壽司（恒寶分店）
出入口D2	寶華路	西北偏西	寶華路、逢源路、多寶路、上下九步行街、廣州醫科大學附屬第三醫院、恒寶廣場、市三宮華影萬晟國際影城、恒寶華庭、長壽西路公交站、恒寶廣場巴士總站（541、226）
出入口E	恒寶廣場	西北	恒寶廣場
註： 有盲人引導徑 | 有斜道 | 有輪椅升降臺

車站歷史

規劃

喺1988年嘅地鐵路網規劃入面就出現咗西關地區嘅車站，嗰時嗌多寶路站，不過同而家嚟對比係偏西咗一大橛嘅位，去到逢源路同多寶路嘅交界。後嚟喺徵求咗市民意見之後就搞咗個「十字線網」規劃。而呢個規劃就係將嗰時嘅1號綫改咗向東邊啲行，去到而長壽路同寶華路嘅交界，重改名嗌長壽路站。

施工同開通

1994年8月，1號綫全路線段正式開始逳手，一直到1999年6月28號先至正式開放。嗰日重係1號綫全線通車添。

2005年之前嘅長壽路站月台

加裝月台幕門

喺2005年，地鐵公司為咗慳能源同防止乘客墮軌，所以就喺行緊嘅成條1號綫入面加裝月台幕門、半高式安全門。而呢個站嘅月台幕門方面，就喺2007年起好重開始用。

車站翻新（已經停咗）

喺2011年，廣州地鐵計劃將成條1號綫搞車站翻新，佢就係將原先有啲牆面瓷磚剷嗮佢，變成掛統一嘅灰石板嘅同時，重換埋假天花同埋部分燈飾上去。後嚟因為有位學生仔喺烈士陵園站嘅B1出入口附近舉咗牌，重話「車站色調『統一』會搞出識別難」嘅問題，希望啲人支持聯名反對「統一」化嘅翻新行動。後嚟呢單嘢俾媒體猛咁關注，有大多數市民都猛咁鬧呢個翻新係究竟有乜證據同理由。最後，翻新工程就噉停咗。凈係得呢個站同楊箕、體育西路同廣州東站因為已經逳咗手重剷嗮之前有啲牆面，佢凈係按返原計劃嚟掛返灰色花崗岩嚟搞掂個牆面翻新工程。

大笪地商業城搬走事件

喺地鐵站B出口附近嘅大笪地商業城地塊係地鐵公司嘅，以前係長壽路站嘅施工工地。喺地鐵開通咗之後，地鐵公司將地塊畀返大笪地商業城物業。但喺2014年3月6號，地鐵公司話喺2014年3月底收返大笪地地塊。由於呢個站冇話要起轉車車站嘅計劃，至於會繼續大笪地模式定係另外有新嘅商場出現，而家重係未知。不過到咗2014年4月22號，大笪地正式停業，而喺大笪地做緊嘢嘅嗰啲打工仔冚唪唥都搬嗮去龍津西路嘅富力廣場嗰邊。而家暫時做緊荔灣區中醫院嘅配套停車場。

利用狀況

呢個站喺廣州嘅老西關傳統地區，附近冇幾遠就係上下九步行街同泮塘嗰邊，喺呢個附近都有好多住宅、食肆、商場呢啲生活設施。除咗附近居民成日攞佢嚟坐車之外，如估其它地區啲市民同遊客去上下九嗰邊，都嚟坐1號線到呢個站落車。所以呢個站都幾多人下，一到咗節假日，重成日人山人海，逼到爆咁滯，所以地鐵方面都成日喺呢個站搞客流控制都有。但係喺2013年12月28號開咗6號線之後，有乘客改咗去文化公園站落車再行去上下九嗰邊喇。

附近嘅建築同景區

商場

• 恒寶華庭

醫院

• 荔灣區中醫醫院
• 西關國醫館
• 廣州醫科大學附屬第三醫院

旅遊景區

• 上下九步行街
• 廣東八和會館
• 李小龍廣州祖居

上一站·下一站

上一站⇚⇚　　　　廣州地鐵　　　　⇛⇛下一站
黃沙站 西塱站←	長壽路站 1號綫	陳家祠站 →廣州東站