石壁站
| 石壁 Shibi | |
| |
| 石壁站（7號綫）嘅站名 | |
| 概覽 | |
|---|---|
| 冧巴 | 202 702 |
| 位置 | 番禺區石壁街道嘅謝邊公路附近 |
| 座標 | 22°59′38.69″N 113°16′42.18″E / 22.9940806°N 113.2783833°E |
| 車站色 | 2號綫： 7號綫： |
| 類型 | 地下車站 |
| 經過路線 | 2 7 |
| 啟站 | 2號綫：2010年9月25號 7號綫：2016年12月28號 |
| 換乘方式 | 通道轉車 |
| 站廳形式 | 地下站廳 |
| 月台數 | 2 |
| 站口數 | 4 |
| 營運資訊 | |
| 車站服務時間 | 05:56～00:07 |
| 列車服務時間 | 06:01～00:02 |
| 廣州地鐵2號綫 總站 ◄廣州南站 會江站► 嘉禾望崗站 | |
| 廣州地鐵7號綫 美的大道 ◄廣州南站 謝村站► 燕山 | |
石壁站（壁有傳統讀音，粵拼：sek6 bek3 zaam6；英文：Shibi Station），規劃同施工嗌過官坑站（gun1 haang1 zaam6；英文：Guankeng Station），係廣州地鐵2號綫同7號綫嘅轉車車站，位置喺番禺區石壁街道嘅謝邊公路附近[1]。但兩個月台開放時間都唔一樣，其中2號綫月台喺2010年9月25號開放，而7號綫月台喺2016年12月28號開放[2]。
結構
[編輯]樓層
[編輯]呢個站凈得地下嘅三層樓。其中地下一樓係站廳，有票務設施、客務中心同商鋪，同2號綫、7號綫嘅站廳。地下二樓係2號綫同7號綫嘅月台，但兩者冇聯絡通道連埋一齊。雖然車站冇休息室，但廁所喺7號綫月台東北角（女左男右）。
打掂
[編輯]| 地下 一樓 |
2號綫站廳 | 站廳、售票機、客服中心 |
| 客流集散廳 | 站廳、售票機、客服中心 往返2號綫同7號綫 | |
| 7號綫站廳 | 站廳、售票機、客服中心 | |
| 地下 二樓 |
4月台 | ←7號綫列車去廣州南站（行美的大道嗰邊） |
島式月台，開左邊門
| ||
| 3月台 | 7號綫列車去謝村站（行燕山嗰邊）→ | |
| 2月台 | ←2號綫列車去廣州南站（行廣州南站嗰邊） | |
| 1月台 | 2號綫列車去會江站（行嘉禾望崗嗰邊）→ | |
打橫
[編輯] |
 |
 |
 |
 |
 |
站廳
[編輯]呢個站嘅站廳喺地下1樓。收費區喺車站南邊。四圍都俾過街通道同埋舖頭圍住嗮。收費區有好多部扶手電梯同樓梯、專用𨋢往返月台都得。
月台
[編輯]呢個站總共有地底三層樓咁多，其中地底一樓係站廳，有賣票機、客服中心同埋便利店，地底二樓係廣州地鐵2號綫、7號綫月臺，地底三樓係規劃緊嘅佛山地鐵2號綫月台。
商鋪同自助服務
[編輯]而家嘅石壁站周邊好冷清，所以冇商舖。但係車站入面有自助服務設施畀乘客用，包括咗自動販賣機同埋櫃員機；重有可以畀乘客登記變成廣州地鐵薈嘅會員嚟查獎分、換獎品嘅服務。
出入口
[編輯]| 石壁站冚唪唥嘅出入口 | ||||
|---|---|---|---|---|
|
呢個站一共整咗4個出入口，分別係A、B、C，D。但A、C同B、D各兩個出入口之間嘅免費區唔相連。
| 冧巴 | 標記 | 去到邊度 |
|---|---|---|
| 2號綫站廳 | ||
| 出入口A | 石洲中路 | 石洲中路 |
出入口C   |
石洲中路 | 石洲中路、地鐵石壁巴士站 |
| 7號綫站廳 | ||
| 出入口B |
石洲中路 | 石洲中路 |
出入口D  |
石洲中路 | 石洲中路 |
註： 有盲人引導徑 |  有輪椅升降臺
| ||
車站歷史
[編輯]規劃
[編輯]早喺1988年廣州地鐵2號綫規劃時，路線重未延伸到呢個站。1990年代尾，廣州市人民政府考慮到黃沙地區嘅南站因當地交通成日塞車同環境污染嘅問題而揀喺番禺石壁一帶搞重大過廣州火車站，規模重犀利過廣州東站嘅新型火車站，加上1997年嘅地鐵規劃話要將舊2號綫一分為二兼兩邊延長。初期2號綫一分為二時，南段凈延長到後滘站（今日嘅瀝滘站）一帶，但2003年改變咗規劃，鎖定2號綫去到番禺石壁一帶，重話會經過石壁一帶，位置同而家差唔多兼最後確定起呢個站。初期嗌成官坑站。
施工
[編輯]2號綫
[編輯]車站喺2007年正式喐手起，同年6月嘅2號綫一分為二工程俾發改委批准咗。直到2010年9月，車站先正式起好。但就快開通時改名做石壁站。
7號綫
[編輯]2016年5月，路線開始喐手起。初期受到7號綫嘅車廂四改六嘅關係，令原先車站改成起6節車廂嘅結構[3]，車站直到2016年8月起好。
開通
[編輯]2號綫時期
[編輯]2010年9月25號，2號綫一分為二後亦開到呢個站。
2號綫同7號綫嘅轉車車站時期
[編輯]2016年12月28號09:00，7號綫一期開通時，路線亦開到呢度做總站，嗰時開始試營運，直到同日12:00先至開畀人坐車。
出入口
[編輯]呢個站開通初期凈得A同C兩個出入口，起緊7號綫時又將車站東北角預留嘅出入口位改成站廳，重整多咗幾個出入口位。直到2016年12月28號中午開通7號綫時，車站亦開咗B同D兩個出入口。
利用狀況
[編輯]從2010年9月25號開通呢個站之後，由於周邊地區未搞開發，令車站得好少人上落。除咗住喺石壁村周邊同轉巴士到都那村啲村民用呢個站上落之外，其它大多數時間都冇乜人上落。直到2016年12月28號中午，由於7號綫開通而變成轉車車站，地鐵方為咗避開廣州南站太多人出入地鐵站同方便畀乘客轉車，就畀多除咗揀廣州南站轉2號綫外嘅另一種揀法。雖然改變咗長期以嚟客流太少嘅情況，但好多時都冇人出入站。
轉車須知
[編輯]雖然規劃同起緊呢個站時，地鐵方冇事先留低轉車條件，但由於兩者都係相平行，所以站廳都喺同一層樓。轉車方面：
- 2號綫→7號綫：先坐扶手電梯或行樓梯或坐𨋢上到站廳，再向東北行，到咗有水藍色嘅站廳入面再落去月台就得。
- 7號綫→2號綫：先坐扶手電梯或行樓梯或坐𨋢上到站廳，再向西南行，到咗有深紅色嘅站廳入面再落去月台就得。
文化牆
[編輯] |
呢個站係7號綫一期嘅三個文化站之一，喺站廳位整咗以「痕·跡」做主題嘅文化藝術牆，主要內容以斜到好似棟牆噉嘅岩石同埋水上往返嘅船，及石壁嘅出處，演繹咗屬於石壁特有嘅嶺南水鄉文化[4]。而柱面裝飾係以岩石同船做主體，但凈喺7號綫月台範圍出現，2號綫冇呢樣嘢玩。
註
[編輯]
- ↑ 〈廣州地鐵兩線網站大調整〉。原著喺2014年7月15號歸檔。喺2014年3月15號搵到。
- ↑ 〈广州地铁7号线换乘攻略出炉 均仅需2分钟以内〉。《廣州日報》。新浪。2016-12-28。
- ↑ 〈广州地铁6号线二期开通计划 初期4车厢远期或改6车厢〉。地铁查询网。2016-05-26。原著喺2020-03-16歸檔。喺2016-12-28搵到。
- ↑ 〈七号线一期巨幅文化墙再现岭南水乡文化〉。广州地铁。2016-10-25。原著喺2017-01-09歸檔。喺2016-12-28搵到。
上一站·下一站
[編輯]| 上一站⇚⇚ 廣州地鐵 ⇛⇛下一站 | ||
| 廣州南站 總站← |
石壁站 2號綫 |
會江站 →嘉禾望崗站 |
| 廣州南站 美的大道站← |
石壁站 7號綫 |
謝村站 →燕山站 |
