理性主義

理性主義（粵音：lei5 sing3 zyu2 ji6 | 英文：rationalism）係種哲學主義，屬知識論嘅理論，強調知識係由理智同理性而嚟。呢種主義嘅代表人物係法國哲學家笛卡兒。

基本定位

18 世紀法國哲學家笛卡兒嘅油畫畫像

睇埋：知識論

"Cogito ergo sum."（我思故我在。）

René Descartes（17 世紀法國哲學家笛卡兒）

根據廿世紀打前嘅西方哲學思想，人嘅體驗可以嚟自兩大來源：

1. （外）感官，即係包括視覺、聽覺、味覺、嗅覺同埋觸覺嘅感覺，畀人能夠感受周圍嘅世界；
2. （內）心靈內部嘅思緒；

响最基本上，經驗主義（empiricism）主張知識主要－甚至完全－係嚟自 1 嘅，而理性主義就啱啱相反，主張知識主要－甚至完全－係嚟自 2 嘅。

形式科學

睇埋：形式科學、證明同數學證明

一般認為，好似數學同邏輯等嘅形式科學（formal science）係主要靠理性思考嚟求知嘅。數學當中嘅證明做法就係噉。

舉例說明，「假設 $n\in \mathbb {Z}$（$\mathbb {Z} =$ 整數）係一個單數，噉 $n^{2}$ 唔會係一個雙數」呢句命題，可以用反證法證明。條思路如下：

數學證明嘅例子

假設 $n\in \mathbb {Z}$ 係一個單數，再假設 $n^{2}$ 係一個雙數。

即係對應某啲自然數 $k\in \mathbb {Z}$，$n=2k+1$（單數嘅定義）。計吓

${\begin{aligned}n^{2}&=(2k+1)^{2}\\&=4k^{2}+2k+1\\\end{aligned}}$

好明顯得出個結果係 $n^{2}$ 唔係一個雙數，條假設自相矛盾－「如果 $n\in \mathbb {Z}$ 係一個單數，$n^{2}$ 可以係一個雙數」呢句嘢會引致矛盾，所以假設 $n\in \mathbb {Z}$ 係一個單數，噉 $n^{2}$ 唔會係一個雙數。

好似上述噉嘅證明過程，原則上可以完全淨係用個腦（理性）嚟做。相對嚟講，研究者亦可以唔使用噉嘅證明方法，而係將啲數遂個遂個攞嚟睇（好似經驗主義噉），睇吓有冇可能出現「有個單數 $m$，$m$ 係一個雙數」噉嘅情境，但數有無限個咁多，無論佢攞幾多個數嚟做呢樣嘢，佢都「證明」唔到啲乜－可以睇埋歸納相關嘅問題。因為噉，啲人認為經驗主義响呢度冇用，要用好似理性主義嘅方法，靠演繹推理（簡化講，即係好似上面段證明噉嘅一步步推理）先可以得到知識。

睇埋

• 位於科莫湖的藝術家別墅（第五屆米蘭三年展）（意大利文：Villa sul Lago di Como per artista）
• 經驗主義
• 先天知識
• Tabula rasa
• 數學

拎

• Rationalism vs. Empiricism. Stanford Encyclopedia of Philosophy.