名次

名次係一個列舉項目嘅方法，佢係用某個特定嘅準則，去將一喳嘢或者人用序數嚟排列，通常係用「第1」、「第2」、「第3」，一路咁排落去，用嚟比較佢哋。

其他叫法

頭嗰四名好多時會分別被稱為冠軍、亞軍、季軍、殿軍。最後嗰個好多時都畀人叫做包尾或者「la-屎」（英文「last」嘅譯音）。所以由尾數上來，順住來，就叫包尾、尾二（讀「may倚」）、尾三、尾四，如此類推。

另外，第2名嗰個有時會畀人形容為「屈居亞軍」或者「阿二」；而第4嗰個有時會叫「梗頸四」。

幾時會用

名次呢家嘢成日都會用到，因為啲人好多時都會攞啲嘢或者人嚟比較，以下呢啲係一啲常見嘅例子：

比賽或者遊戲

• 好多比賽或遊戲喺完咗之後都會有獎品送畀一啲比較勁嘅參賽者，經過一輪畀分或者評審之後，啲參賽者就會畀人排咗名次，咁就可以決定邊個贏，邊個輸。

• 有時個名次未必係用嚟直接決定邊個贏，而係決定邊個可以入圍，或者掉翻轉嚟講，就係決定邊個出局，例如喺FIFA世界盃入面，喺分組賽嘅階段就係睇每隊嘅得分嚟決定邊隊有（冇）得留低。

• 有啲時候，個名次喺比賽過程入面只係用嚟參考，要去到某一個位個名次先至有意義。例如好多人玩鋤大D嗰陣，會一路記低每個人嘅失分，到有人輸到某個數（即係包尾嗰個），嗰個人先至為之輸咗。

學校嘅成績

• 啲學校喺一個學期或者學年完咗之後都會睇番啲學生嘅成績嚟排名次，而好多學生嘅家長都會好緊張自己個仔女全班或全級排第幾名。好多時，考得最叻嗰喳人會得到學校頒發嘅獎品或者獎金。

老細評估員工

• 好多時，啲老細會睇番每個員工嘅表現，嚟決定邊個有得升職、加人工或者畀人炒魷魚，呢樣嘢有時就係靠比較 / 排名次嚟決定。

資料統計

• 統計得嚟嘅名次未必有特定用途，但呢樣嘢都經常會有人做，用嚟畀有需要嘅人參考，例如全球國家面積一覽表，邊個行星大啲，都好常見。

排名嘅準則

個準則喺唔同嘅情況下會有好大分別，例如比賽嗰陣，好多時會用數字嚟睇得分，從而決定名次；喺公司入面，可能係靠個老細自己主觀嘅評估。

就係因為啲準則可以咁唔同，啲人喺唔同嘅場合會採取唔同嘅策略，先至可以令到自己「贏」到其他人。

同名次

如果咁啱多過一個計出來係一樣，咁就會有幾種排：

睇埋

啲人排名次嘅例子：

• FIFA世界排名：男子/女子
• 國家面積一覽
• 主要語言人口一覽