資訊系統

出自維基百科,自由嘅百科全書
(由訊息系統跳轉過嚟)
跳去導覽 跳去搵嘢
一個北約空軍基地;電腦向工作人員傳達各種資訊(例如基地每架飛機喺邊同做緊乜),呢啲系統嘅質素會對基地嘅運作起具體影響[1]
一個人喺度用電腦做嘢;一個組織嘅日常營運需要用到大量嘅數據處理同交流,好似係每件商品賣咗幾多同帶嚟咗幾多營利呀噉[1]

資訊系統粵拼seon3 sik1 hai6 tung2英文information system,簡稱「IS」)係指一個組織入面專門設計嚟收集、處理、儲起同散佈資訊(information)嘅形式系統,用途係支援個組織嘅管理者決策[2]

一個資訊系統有幾個組成部份:作業、人員、數據科技;一個商業組織入面嘅資訊系統,實係設計嚟達成特定作業嘅(簡單例子係「要記住個組織入面每個人員嘅各種資料」[1]),呢啲系統會由人員使用,會處理數據(每個人員嘅名、加入日期、表現評估呀噉),而呢啲系統嘅設計會用到好多電腦硬件軟件等嘅科技(設計師編寫程式出嚟,俾相關人員隨時查組織人員嘅資料,甚至乎用機械學習等方法分析有關員工表現嘅數據)[3][4]。現實世界有好多例子顯示,設計得好嘅資訊系統能夠有效噉幫一間公司提升佢哋嘅利潤[5][6]

「資訊系統」呢個詞又可以指商學上一個領域,專門研究資訊系統嘅設計:呢個領域會研究資訊系統嘅理論性質,但又會重視「資訊系統要點樣設計先可以令達成工作嘅效率最大化」等實踐性嘅課題,例如[7][8]

  • 硬件嘅設計,例:呢個資訊系統行起上嚟要用幾多記憶體?硬件使唔使用分散系統
  • 軟件嘅設計,例:隻軟件嘅用家介面要設計成點嘅樣先可以令用家一眼睇清楚嗮佢查緊嘅資料?
  • 數據,例:攞到數據之後,間公司可以點樣運用啲數據提高自己嘅效率?可唔可以用機械學習等方法預測員工嘅表現?

... 等等。 因為呢啲多方面嘅考量,資訊系統設計相當跨領域,會用到管理學(management;理解個組織入面有乜嘢作業需要解決)、電腦科學(computer science;編程同機械學習等嘅技術)以及人因工程(ergonomics;了解人使用一件架生嗰陣傾向有乜行為)等領域上嘅知識同技術[4][9]

定位[編輯]

基本定義[編輯]

資訊系統(IS)定義上係指一柞互相連繫嘅部件(通常會係一個電腦系統),負責喺一個由多個人組成嘅組織當中收集、處理、儲起、提取同分佈資訊(information;有關資訊嘅概念化,可以睇吓資訊理論),用途通常係支援-唔淨只管理層嘅-決策[2]。IS 嘅一個常用定義如下[10]

原版英文:"A system which assembles, stores, processes, and delivers information relevant to an organization (or to a society), in such a way that the information is accessible and useful to those who wish to use it, including managers, staff, clients and citizens. An information system is a human activity (social) system, which may or may not involve the use of computer systems. Also, in addition to supporting decision-making, information systems help workers and managers to analyze complex problems, to develop new products and to integrate the various modules and departments. Moreover the 'transmission losses' in inter-departmental communication are reduced considerably leading to better coordination and improved transparency (information sharing) within the organization as a whole."

粵文翻譯:(資訊系統係)...一個系統,負責組合、儲起、處理同傳送對一個組織嚟講(同佢哋)有關係嘅資訊,而做呢啲嘢嗰陣確保啲資訊對用家-包括管理者、員工同客戶等-嚟講係容易取得而且有用嘅。一個資訊系統係一個由人類活動組成嘅社會系統,而呢個系統未必會涉及電腦系統嘅使用。除咗支援決策之外,資訊系統會幫工人同管理者手分析複雜嘅問題、開發新產品同融合(個組織嘅)唔同部門。而且喺部門之間嘅通訊嘅「因為傳送嘅(資訊)喪失」會明顯減少,令到個組織內部總體有更好嘅互相協調同高咗嘅透明度(資訊分享)。

三大概念[編輯]

內文: 數據資訊、 同 知識

IS 涉及得到數據、由數據提取資訊、最後創造知識嘅過程[11]:Ch. 1

  • 數據(data):係指對現實嘅直接描述,通常(但唔一定)係以數字表達嘅,例子有「某個員工喺過去一個禮拜幾點返工放工」、「呢個工作團隊有邊幾個成員」以及「呢樣貨品今個月賣咗幾多件」呀噉。呢啲數據會俾 IS 儲起喺一個數據庫(睇下面)嗰度。
  • 資訊(information):係稍為處理過數據之後得出嘅嘢,資訊包含咗一啲經過處理組織埋一齊嘅事實,令到呢啲事實對工作嚟講有價值,例如一個 IS 人員對數據做完簡單嘅統計分析之後,發現「一個工作團隊每個禮拜開會交流計仔嘅次數」同「嗰個工作團隊嘅產量」成正比,呢個就一個有用嘅資訊。
  • 知識(knowledge):係對資訊有咗深入理解之後產生嘅模型,能夠喺將來用嚟達成一啲有用嘅工作,例如一個 IS 專家睇勻嗮手上嘅資訊(統計分析嘅結果)後,製作出一個統計模型,模擬工作團隊嘅產量 受邊啲因素 影響,(當中各 係一啲透過個統計分析估計嘅數值),而呢個模型喺將來可以用嚟做預測-一件有用嘅知識(可以睇埋知識表示)。

一個 IS 會用某啲數據輸入(input),然後個系統會對呢啲數據作出一啲處理,最後俾出一啲有用嘅資訊做輸出(output)[2][9]。舉個簡單例子說明,想像一間遊戲開發商,佢哋會想知道玩家對佢哋製作嗰隻遊戲有乜嘢觀感,佢哋可以事先編寫好個遊戲程式,要個程式將每年每月每日「有幾多玩家玩緊邊個邊個關卡」等嘅數據(輸入數據),然後分析團隊用各種統計學機械學習技術分析啲數據,睇吓隻遊戲邊啲部份最受玩家歡迎同邊啲部份冇咁受歡迎(處理過程),再將得到嘅結果編成一個報告(輸出描述有用嘅資訊),喺下次開會嗰時向開發商全員匯報結果同討論隻遊戲需要做點樣嘅修改[12][13]

系統[編輯]

內文: 系統

資訊科技概念[編輯]

睇埋:資訊科技

硬件相關[編輯]

軟件相關[編輯]

商業數據庫[編輯]

睇埋:數據庫

電訊[編輯]

內文: 電訊

電腦網絡[編輯]

內文: 電腦網絡

網絡安全[編輯]

內文: 網絡安全

商業編程[編輯]

大數據[編輯]

睇埋:大數據

商業分析[編輯]

睇埋:行為分析

資訊系統設計[編輯]

睇埋:工程學設計過程

作為一門實用嘅商學領域,資訊系統研究者要做嘅一樣重要工作係為組織設計資訊系統。一個資訊系統可以係一個簡單噉用紙筆記低資訊嘅系統,又可以係好先進嘅電腦系統。一般嚟講,資訊系統嘅設計過程同工程學設計過程(engineering design process)相似,以現有嘅系統做根基,再諗個新系統要達到乜嘢條件,設計出一個達到呢啲條件嘅系統,然後再試行個系統、檢查個系統行起上嚟會唔會出錯、同評估個系統嘅表現[14]

簡史[編輯]

睇埋[編輯]

參考文獻[編輯]

  • Rainer, R. Kelly and Cegielski, Casey G. (2009). "Introduction to Information Systems: Enabling and Transforming Business, 3rd Edition".
  • Lindsay, John (2000). Information Systems – Fundamentals and Issues. Kingston University, School of Information Systems.
  • Dostal, J. School information systems (Skolni informacni systemy). In Infotech 2007 - modern information and communication technology in education. Olomouc, EU: Votobia, 2007. s. 540 – 546. ISBN 978-80-7220-301-7.
  • O'Leary, Timothy and Linda. (2008). Computing Essentials Introductory 2008. McGraw-Hill on Computing2008.com.
  • Sage, S.M. "Information Systems: A brief look into history", Datamation, 63-69, Nov. 1968. - Overview of the early history of IS.
  • Stair, R. M., & Reynolds, G. W. (2010). Principles of Information Systems A Managerial Approach (9th Ed.). Course Technology, Cengage Learning.

[編輯]

  1. 1.0 1.1 1.2 What are examples of information systems that are needed in organizations?. Forbes.
  2. 2.0 2.1 2.2 Piccoli, Gabriele; Pigni, Federico (July 2018). Information systems for managers: with cases (Edition 4.0 ed.). Prospect Press. p. 28.
  3. O’Hara, Margaret; Watson, Richard; Cavan, Bruce (1999). "Managing the three levels of change". Information Systems Management. 16 (3): 64.
  4. 4.0 4.1 D’Atri A., De Marco M., Casalino N. (2008). "Interdisciplinary Aspects of Information Systems Studies", Physica-Verlag, Springer, Germany, pp. 1–416.
  5. Examining Wal Marts Information System[失咗效嘅鏈]. UK Essays.
  6. Alter, S. (2006). The Work System Method: Connecting People, Processes, and IT for Business Results. Works System Press, CA.
  7. Jessup, Leonard M.; Joseph S. Valacich (2008). Information Systems Today (3rd ed.). Pearson Publishing. Glossary p. 416.
  8. Bulgacs, Simon (2013). "The first phase of creating a standardised international innovative technological implementation framework/Software application". International Journal of Business and Systems Research. 7 (3): 250.
  9. 9.0 9.1 Jessup, L. M., & Valacich, J. S. (2008). Information systems today: managing in the digital world (Vol. 3). Pearson Prentice Hall.
  10. CHAPTER 3 - INFORMATION SYSTEMS: AN INTRODUCTION.
  11. Stair, R. M., & Reynolds, G. W. (2010). Principles of Information Systems: A Managerial Approach (9th Ed.) (PDF). Course Technology, Cengage Learning.
  12. El-Nasr, M. S., Drachen, A., & Canossa, A. (2016). Game analytics. Springer London Limited.
  13. Bauckhage, C., Drachen, A., & Sifa, R. (2014). Clustering game behavior data. IEEE Transactions on Computational Intelligence and AI in Games, 7(3), 266-278.
  14. Walls, J. G., Widmeyer, G. R., & El Sawy, O. A. (1992). Building an information system design theory for vigilant EIS. Information systems research, 3(1), 36-59.

[編輯]