Wikipedia:最近加入

WP:DYKA

你知唔知 (T:DYK)
規則同埋規例 (WP:DYK)
討論 (WT:DYK)
建議 (T:TDYK)
舊文 (WP:DYKA)

呢個係啱啱登上過頭版嘅你知唔知？嘢嘅紀錄。之前加咗嘅新文，大幅由之前嘅楔文擴展，同埋最近升格咗做好文係有資格嘅，你亦都可以遞交佢哋去考慮。

啲歸檔係以每年之前喺頭版出現過。要搵乲前喺「你知唔知？」出現過嘅舊文事實，返去嗰篇文嘅左手邊度撳『有乜連過嚟』。跟住揀Wikipedia空間名再撳「去」。當你搵到『Wikipedia:最近加入』同埋一個數字，撳入去再搵嗰篇文章嘅名。

現時歸檔

2006年 · 2007年 · 2008年 · 2009年 · 2010年 · 2011年 · 2012年 · 2013年 · 2014年 · 2015年 · 2016年 · 2017年 · 2018年 · 2019年 · 2020年 · 2021年 · 2022年 · 2023年 · 2024年 · 2025年 · 2026年 · 2027年

改呢個DYK歸檔導航模

「你知唔知」一覽：

你知唔知...

請喺每一個月嘅最頂度加入一行 ==={{subst:CURRENTYEAR}}年{{CURRENTMONTH1}}月=== ，喺DYK模拎走個鈎嗰陣可以放入去。呢個係肯定全部嘅時間係以UTC時間做基準同埋準確。呢版應該每年歸檔，唔該晒。

2026年5月

...丹麥 Læsø 島上用海草大葉藻做屋頂？
...現代運冰師傅嘅前身叫雪條佬？
...同源詞呢個語言學概念，唔係話語言或方言之間「有相似嘅詞語」咁簡單？
...社交焦慮症其中一個可能成因，係腦部嘅某啲構造太過敏感？
... 吸收唔夠維他命A 會有夜盲症；太多會中毒？
...落葉植物查實係趨同演化嘅例子？

2026年4月

...海鮮嘅腥味係由於細菌分解保護佢哋嘅 TMAO 份子引起？
...古時體液論講嘅如果血、痰、黃膽汁、黑膽汁四隻體液失去平衡，人就會病？
...維他命原可以喺體內轉化變成維他命？
...加拿大嘅三個特區，地面面積佔全國差唔多四成，但係人口佔全國百分之一都唔夠？
...而家嘅刀莊唔只賣刀，亦有賣廚具？
...粵語同官話由於音系上有差異，所以音譯外語詞彙嗰陣，原則上做法都有些少唔同？
...一般認為，漢語並冇冠詞呢家嘢，但有證據指粵語係例外？
...社會語言學講到就算考慮埋互通程度，「唔同語言」之間嘅界線都未必明確分得清？
...降落飛機用嘅機場天氣報告（METAR），如果係機器自動報，有時會報錯料？
...羅馬神話主要係由希臘神話改編而成嘅？
...加拿大嘅黃刀市以前出產黃金，但係啲金係喺毒砂入面，提鍊出嚟會產生大量砒霜？
...物化就係將一個人當成一樣嘢多過一個有思想、有感受嘅人？
...臍橙得名嘅原因就係佢個篤篤有啲似肚臍？
...基率謬誤相關嘅討論講到，即使醫療測試嘅準確度有成 99% 咁高，假陽性個案都可以數量遠超真陽性個案？
...「菩提」同「菩薩」等嘅好多佛教詞彙，都係由梵文借過去中古漢語嗰度嘅？
... 廣東人、香港人，因為氣候，嘅關係對鏟雪好陌生？
...根據語言學研究，虛詞好少可會有新詞出現？
...屋宇裝備工程喺建築工程行業入面經常叫做「風火水電」，即係建築入面嘅空氣調節、消防、供排水同供電系統，關係到大廈日常運作同安全？
...正義女神嘅形象出自古羅馬，喺香港嘅名建築當中都有出現？
...杜希華偈係世界上第一部用氫氣做燃料嘅內燃機？
...頸椎甩位呢個做法用嚟整死實驗室老鼠？
...而家市面上係有全齋嘅狗糧賣？
...猶太民俗相傳，古時試過有拉比製作出 golem，用嚟保護猶太人群體？

2026年3月

...有調查指，二十一世紀初嘅科學界喺制度上有問題，搞到好多研究結果都做唔到再現？
...屋企人租賃服務早喺一九九〇年代初喺日本出現？
...超級炸彈人呢隻遊戲出於 1993 年，屬炸彈人系列喺超任上嘅首作，可以支援四位玩家一齊玩？
...寵物主人因為搬屋、冇時間、慳錢、唔想養而人道毀滅寵物，有意見認為好離譜？
...霍士傑溫室一九九八年得過美國建築師學會嘅城市設計榮譽獎？
...喺美國某啲州，侍應係要攞許可證先做得嘅？
...國際足球協會喺2019年起唔再將女子足球定為另類賽事，地位要同男子足球相等，唔再被視為可以按情況改動比賽規則嘅草根賽事？
...OpenClaw 係一個可以代替用戶執行任務嘅自主人工智能虛擬助理軟件，而唔係淨係用嚟對話嘅傾偈機械人？
...訂閱模式呢種生意模式可以將擁有權同使用權分開？
...黃石到育空保育行動想將北美洲西邊由南到北成三千四百公里長嘅地方連起嚟，等啲野生動物可以自由走動？
...泰國汶干府嘅三鯨石喺上空望落去，會好似鯨魚一家大細噉樣？
...美軍想控制伊朗喺波斯灣嘅夏茖島因為九成伊朗原油都喺度出口？
...矽膠整嘅泡泡板因為網上流傳馬騮攞嚟玩，而大賣？
...喺數學上，先驗概率可以反映求知者「得到數據前嘅知識」？
...周星馳嘅電影為鹹魚加咗一層新嘅文化意思？
...培樂多，起初用來清潔牆紙，唔係畀細蚊仔玩？
...亞太數學奧林匹亞競賽係每年舉行一次面向亞太地區中學生嘅數學競賽？
...竹絲可以做紙、布、線同埋衫？
...謎語其中一個特徵係齋靠字面解解唔到？
...牛眼白比例同牛嘅情緒有拏褦；緊張興奮，眼白會多啲；放鬆時，少啲？
...趣味數學係以娛樂、益智同挑戰思維為主嘅數學活動同研究範疇，重點係引起大家對數學結構同推理方法嘅興趣？

2026年2月

...藍玫瑰喺自然界唔存在，用咗基因改造，都整唔出？
...彼此成垂直嘅直線，單靠圓規同間尺加上三個步驟，就可以畫得到？
...十七世記寫成嘅童話故仔《日頭、月光、塔莉亞》，有唔少今下視為「兒童不宜」嘅情節。
...防火牆係一種用嚟保護電腦系統同網絡安全嘅技術同設備，以減少未經授權存取、惡意攻擊同資料外洩嘅風險？
...訊號理論講到，生物之間嘅「通訊」可以對佢哋嘅進化產生具體嘅影響？
...《麥覺理字典》係第一本專注於澳洲英語嘅字典，入面收錄咗大量澳洲獨有嘅詞語、表達方式同拼寫規則？
...唔處理好通過防火牆嘅喉管、電纜槽、風管會影響其功能？
...神樹林呢種宗教現象，喺日本嘅神道教當中周不時都會出現？
...香港巴士嘅鬼面罩，唔係攞嚟透風散熱，純粹造樣？
...電流反映電荷嘅流動？
... 焗住喺屋企太耐可能會影響個人嘅心情？
... 中藥材人参、遠志、桔梗、甘草...隻隻都有皂苷呢種有機化合物？
... 紫姑係廁神，不過佢能力同廁所冇關係？
... 材料疲勞同攰冇拏褦，只係話啲材料反覆負載，生出裂縫，擴散開去噉解？
...熱桌制可能會對員工身心健康帶來負面影響，甚至會助長職場欺凌？
...雪廠街個名嘅由來係因為有間放天然冰嘅貨倉（雪廠）喺嗰嗻？
...今下嘅倫敦橋喺 1973 年起好通車，成日俾人同塔橋撈亂？
...疫情狗喺疫情時期養大，好容易有社交挑戰同障礙？
...得意仔係套日本漫畫，喺報紙連載卅五年？
...喺中醫傳統之中，龜殼可以攞嚟做藥材？
...七十年代印度 Chipko 運動參加者攬實、黐住樖樹，阻止伐木公司斬樹？
...國際數學奧林匹克係一個專為中學生而設嘅國際性數學比賽，亦係現時最有名同最具代表性嘅國際數學競賽之一？
...科學證據顯示水晶療法係偽科學，而呢種做法嘅「療效」被指係安慰劑效應？
...領袖本身具有強大嘅魅力，可以令追隨者自願去跟隨佢？

2026年1月

...喺貝氏擬態當中，某種實質上冇乜防禦能力嘅生物，進化到個樣似某啲有害生物，借此得到「狐假虎威」之效？
...招潮蟹出名在，公嘅個體其中一隻鉗零舍巨型？
...《田螺姑娘》呢個民間故事喺福建地區廣泛流傳，而福州仲起咗座螺女廟嚟供奉之？
...喺十九世紀，顱相學呢門偽科學曾經風行一時，佢哋主張觀察頭殼上嘅凹凸位，可以用嚟評估人嘅性格同埋心智能力？
...原本嗰條倫敦橋拆咗、搬去美國亞利桑那州重新裝嵌？
...煙草商對科學研究嘅贊助同干預會傷害科學研究？
...危機演員係意外演習之中裝扮傷者嘅人，之後畀陰謀論者話用嚟喺美國嘅槍擊案、俄烏戰爭扮受害人？
...麵糊加入啤酒會令到做出嚟嘅嘢食更輕身、更鬆脆？
...中醫話大肚婆忌食生冷嘢寒涼嘢？
...高度喺電子遊戲嘅關卡設計中可以係控制玩家郁動嘅技巧？
...唔同嘅行頭，都會各自有自己嘅術語，甚至係各自嘅文化？
...輪椅徑係一種無障礙嘅行山徑？
...錦田鄉酬恩建醮嘅醮棚係健力士世界紀錄認證過嘅全球最大臨時竹造祭壇？
...喺廿年幾前，｢加拿大航空｣呢個中文名並唔係指現時講嘅加拿大航空？
...《精靈同鞋匠》嘅故事，講到小精靈幫窮苦嘅造鞋師父捱過難關？
...《仙鶴報恩》嘅其他版本有狐狸精、蜆精、魚精、蛇精嘅出現？
...有香港人會用曲街呢個街名來做仆街嘅諧音？
...近年細到得 128 平方呎嘅蚊型樓係屯門嘅 T Plus，仲俾人叫「納米樓」？
...有一種講法話，要成為某領域嘅老行專，就需要經歷一萬個鐘頭咁耐嘅反覆練習？
...喺美國興起嘅細屋仔運動叫人「住細啲、簡單啲」，不過，喺亞洲冇乜共鳴？
...學術研討會好多時都會搞海報環節，畀參與者用海報嘅形式 present 自己嘅研究成果？
...設計上，海水電池係預咗喺海上面用嘅？
...STAR 原則講到，見工答問題嗰陣要講清楚四樣嘢？