Wikipedia:最近加入/2021年

你知唔知 (T:DYK)
規則同埋規例 (WP:DYK)
討論 (WT:DYK)
建議 (T:TDYK)
舊文 (WP:DYKA)

呢個係啱啱登上過頭版嘅你知唔知？嘢嘅紀錄。之前加咗嘅新文，大幅由之前嘅楔文擴展，同埋最近升格咗做好文係有資格嘅，你亦都可以遞交佢哋去考慮。

啲歸檔係以每年之前喺頭版出現過。要搵乲前喺「你知唔知？」出現過嘅舊文事實，返去嗰篇文嘅左手邊度撳『有乜連過嚟』。跟住揀Wikipedia空間名再撳「去」。當你搵到『Wikipedia:最近加入』同埋一個數字，撳入去再搵嗰篇文章嘅名。

現時歸檔

2006年 · 2007年 · 2008年 · 2009年 · 2010年 · 2011年 · 2012年 · 2013年 · 2014年 · 2015年 · 2016年 · 2017年 · 2018年 · 2019年 · 2020年 · 2021年 · 2022年 · 2023年 · 2024年

改呢個DYK歸檔導航模

你知唔知...

請喺每一個月嘅最頂度加入一行 ==={{subst:CURRENTYEAR}}年{{CURRENTMONTH1}}月=== ，喺DYK模拎走個鈎嗰陣可以放入去。呢個係肯定全部嘅時間係以UTC時間做基準同埋準確。呢版應該每年歸檔，唔該晒。

2021年12月

...現代意義上嘅短篇小說係喺 18 世紀尾先至開始有嘅？
...探戈最傳統嘅表演方式會用到鋼琴、低音提琴、小提琴同埋班頓里昂呢種特色樂器嚟演奏？
...過山車物理會用到動能等嘅古典力學概念？
...瘟疫醫生做嘢嗰陣好多時都會著住黑鼆鼆嘅長袍？
...邵嵐曾經係對華政策跨國議會聯盟唯一一位香港代表？

2021年11月

...衝動係過度活躍症嘅其中一個症狀？
...軟件工程除咗會諗開發軟件嘅過程之外，仲會諗埋隻軟件出咗街之後要點樣執同改良？
...哲學喪屍呢個概念成日俾一啲哲學家用嚟嘗試證明「心靈同身體係分開唔同嘅兩樣嘢」？
...日本明仁天皇仲係皇太子嗰陣時曾經喺沖繩着襲擊？
...一啲個別消費者或者網民，睇到有其他人喺網上批評或者攻擊一個品牌嘅商品同服務之後，會基於唔同原因，幫品牌作出捍衛行為？
...黛姑娘床單秘密記錄咗太平洋戰爭期間赤柱拘留營嘅戰俘生活？
...模推廣左向量空間嘅概念，喺代數幾何、表示理論同其他數學領域都好有用？
...科學哲學主張，一個諗法實要有可否證性先可以算係一個科學性嘅諗法？

2021年10月

...喺武漢肺炎大爆發兩年後，有啲國家開始採取同病毒共存政策？
...黎明為和記電訊拍攝嘅廣告喺1990年代去到2005年受到當時香港人廣泛廣注？
...葉劉淑儀喺推動香港基本法23條立法期間曾經發表引述希特拉靠民主選舉上台謠言，引起社會嘩然？
...海洋生物學唔淨只會研究住喺海入面嘅生物，仲會研究住喺海邊嘅生物？
...歐家梯田既係中國大陸十大最靚梯田之一，又係廣東省規模最大兼最原始生態嘅梯田？
...香港海洋公園水上樂園係亞洲第一個並且唯一一個全年365日、全天候開放嘅臨海水上樂園？
...南水水庫既係成個韶關地區嘅緊要備用水之地，又係乳源八景之一，亦係廣東第三大水庫？
...最後通牒博弈喺經濟學上可以攞嚟展示情緒對決策嘅影響？
...黑暗三角特質呢套性格理論講到三種同反社會行為有強烈關係嘅性格特質？
...行為沉淪嘅現象表明咗，生活環境迫得滯會搞到啲動物响行為上反常？
...性格運算呢一門人工智能技術會用到性格心理學上嘅知識？

2021年9月

...時任內大臣木戶幸一以「不入虎穴，焉得虎子」做理由，提名好戰嘅東條英機出任首相，令到日本後嚟嘅戰局發生大轉變？
...北哨兵島既係地球上比較少見嘅未接觸部落之一，又係當地居民反抗外地人後成日出現「殺人唔犯法」行爲之地？
...每年嘅9月18號係香港手語日？
...喺電腦科學上，一款數據結構會講明所包含嗰啲數值之間成咩關係？
...混合式學習係將傳統嘅面授教學同遙距網上教學兩種唔同嘅學習方法融合嘅教育模式？
...社會生物學嘗試由進化嘅角度解釋人類嘅社會行為？
...喺作曲嗰陣，作曲嘅人通常都會諗完主旋律先至諗伴奏等裝飾性嘅嘢？
...喺5D國際象棋入面，啲棋可以穿越時空返去過去，甚至去其他平行時空？
...喺化學上，空氣屬於一種混合物？
...喺洋務派背後係多得恭親王奕訢嘅支持，先有得曾國藩、左宗棠、李鴻章呢啲人開搞？
...中央廣播電視總台南海影視城既係有影視拍攝同文化旅遊兩大功能嘅公園，又係中國中央電視台屬下四大拍攝基地之一？

2021年8月

...紅A係香港一個膠質產品嘅牌子，係現時少數仍然維持產品由香港製造嘅牌子？
...自動道路繳費系統係一般喺高速公路、實施收費政策嘅橋樑或隧道或市中心部份路段先至見到嘅道路收費形式？
...喺在線討論入邊若果提出咗同希特拉相論及嘅觀點，係可以根據返高德溫法則而終止成個討論？
...喺顏文字裏面，會用細楷 b 嚟代表舉手指公 (･ω･)b？
...冇搞清楚一個字詞嘅定義會引起白馬非馬等嘅謬論？
...飲硬水可能對心血管健康好？
...大力鉗三行行內又叫「乸鉗」／「揦鉗」，有 laa² 實唔放開嘅意思？
...阿斯圖里亞斯親王係西班牙王位繼承人嘅傳統頭銜？
...化工上嘅技術要考慮催化劑嘅使用？
...天狗食日隻天狗係因為無知嘅凡夫俗子屈啲狗搞事而嚟？
...一個音符嘅音高反映咗嗰吓聲嘅頻率？
...粵文維基百科都係用白話文寫嘅？
...艾狄胥曾經懸紅五百蚊美金解決Collatz猜想，但係幾十年都冇人識答？
...推箭嘴呢個分析有機反應嘅技巧亦都可以延伸到無機化學同超價分子度？
...吳君如都出過碟，而且唔係一碟歌手？
...優雅呢個美學上嘅概念喺科學當中都會有人講？
...最近得到諾貝爾化學獎嘅人名有機反應係2003年嘅Heck反應？

2021年7月

...瑪祖卡呢種源自波蘭嘅舞蹈俾人融合咗入去芭蕾舞嗰度？
...傅利葉變換呢種數學分析技術可以攞嚟分析啲週期性嘅訊號？
...投入感會影響一隻電子遊戲嘅玩家嘅注意力狀態？
...香港消費券計劃喺2021年7月4號就開始接受合資格香港居民登記？

2021年6月

...用卡曼濾波器嘅智能體可能可以斷估行到邊笪埞嘅同時，仲攞到資訊關於估得有幾唔啱，並攞傳感器去修正佢？
...攞對極幾何可能可以搵出一樣嘢兩張相之間啲拏褦？
...不可說不可說轉既係佛教單位最大嘅數字，又係《華嚴經》入面最大嘅數值？
...生物學上嘅研究指，訊號理論幫到手解釋點解好多有毒嘅生物物種都進化到色水鮮艷？
...人隨意喐動之前個腦嘅準備電位仲早過人嘅意識，可能指明自由意志只係一種幻覺？
...中華人民共和國媒體不時流傳亞洲金融風暴期間係北京政府救香港嘅謠言？
...即使打有疫苗都可能會引發出突破性感染？
...節奏呢個概念就連喺建築設計等嘅視覺藝術上都會用到？
...2021年香港人口普查會透過兩個吉祥物「阿普」同「阿查」，以生動活潑嘅對話形式，將一系列人口普查數據以生活化嘅方式呈現，令市民更加容易理解呢啲數據嘅用途？
...有啲非人類動物會獲頒發人類嘅證書？
...數學上有啲問題係冇得靠解析解嚟解決嘅？
...道德心理學上嘅研究成日會分析人對道德兩難嘅判斷？
...研究指，長期承受大得滯嘅心理壓力會搞到一個人記憶力變差？

2021年5月

...台灣外交官謝志偉曾經指控中國駐德國外交官對佢作出惡霸行徑？
...世界各地都有過唔同政黨，因為種種原因會合併？
...星加坡男藝人黃俊雄曾經有份參演ViuTV嘅《太平紋身店》，但因為武漢肺炎疫情，最後辭演？
...由於元音裂化，粵語喺晚清嗰陣變出「ei」「ou」音同埋部份「eoi」音出嚟？
...漢武帝創立嘅六安起源係可追溯返到春秋楚穆王所滅嘅諸侯國「六國」？
...廿世紀嘅心理學靠住研究孖胎嚟解答先天定後天嘅爭論？
...建造經營模擬遊戲呢種電子遊戲類型俾玩家體驗做管理者嘅感覺？
...唱作人吳青峰寫咗《歌頌者》嚟回顧佢呢十幾年做歌手嘅生涯，同埋鼓勵自己要好似歌頌者咁無悔去用生命唱歌？
...物競天擇嘅概念係由達爾文喺佢本名著《物種起源》嗰度提出嘅？
...上癮呢家嘢涉及腦部嘅犒賞系統異常？
...麥當勞叔叔係麥當勞連鎖快餐店嘅招牌吉祥物，有研究指出佢嘅形象知名度僅次於聖誕老人？
...香港頭一套波里活電影《我男友係好差》因為片名被指冒犯印度人，而喺臨上畫嗰陣改名叫《我的印度男友》？
...喺香港反修例運動期間帶領國際遊說行動嘅攬炒巴係做測量師出身？

2021年4月

...國際象棋係一種零和遊戲？
...理論電腦科學研究電腦運算嘅數學本質？
...動作冒險遊戲呢種遊戲類型係由《薩爾達傳說系列》帶起嘅？
...馬來西亞音樂人謝佳旺，喺2020年幫陳柏宇寫咗一首《感情這回事》，首歌得到唔少香港樂迷留意？
...嘢食係動物行為學上常見嘅一種行為強化？
...陳偉聯憑住主唱《你也可以是天使3》嘅主題曲，獲得2019年紅星大獎最佳主題曲獎項？
...3-色性係一個簡單嘅紐結不變量？
...陳曉東、陳慧琳、邱穎欣同埋陳建穎曾經喺1995年推出《打開天空》合輯？
...澎湖曾經發生一單神壇腐屍案，轟動一時而且被改編為電視劇？
...唱作人吳青峰睇過蜂鳥嘅西方典故同神話後，用蜂鳥同名曲嘅象征意義去鼓勵大家堅持自己嘅理想同追夢？
...有啲觀點主張，機會率純粹係反映咗人類知識上嘅不足？
...鄭惠玉憑著電視劇《單翼天使》第4度攞到紅星大獎嘅視后寶座？
...微積分嘅一個基本諗頭係將表示一個函數嘅綫斬做好多極細橛？
...熱身運動係運動或比賽之前嘅準備動作，目的係令到關節更加靈活，提升運動表現同避免受傷？
...中華電力一直出資買咗大亞灣核電廠總電力輸出量嘅至少7成？
...一般認為，可否證性係科學理論必需要有嘅一個特性？
...李南星曾經有一段成也賭博，敗也賭博嘅經歷？
...夏威夷係一個地質熱點？
...有唔少歌手藝人都會喺攞獎嘅時候公開話「多謝Paco」？
...台灣藝人李沛旭，曾經多次因為被指欺凌一啲新加坡同台灣嘅藝人，而得到傳媒嘅關注？
...軍備競賽呢家嘢可以想像成博弈論當中嘅監躉困境？
...捉圍棋捉贏人類九段棋手嘅人工智能程式 AlphaGo 用咗蒙地卡羅樹搜尋嘅技術？
...被稱為「香港Roller女王」嘅香港花式滾軸溜冰運動員蔡穎怡因為武漢肺炎疫情而自己縫口罩來賣？
...歐萱憑著電視劇《志在四方II》嘅趙非兒一角，成為視后？

2021年3月

...哈利波特嘅角色天狼星·布萊克嘅名暗指大黑狗？
...泰拳係可以喺極短嘅距離之下，運用拳頭、腳、膝頭、手踭進行攻擊，非常注重實用性同極具殺傷力嘅武術？
...馬來西亞嘅威省曾經俾英國殖民？
...來自中國浙江嘅新加坡音樂人張樂聲，曾經多次獲得新加坡紅星大獎最佳主題曲獎？
...彩現呢種電腦技術可以由立體模型嗰度整一幅 2D 嘅電腦圖像出嚟？
...九成嘅台灣菠蘿係入口中國大陸？
...寵物小精靈中文版命名爭議發生喺 2016 年？
...數學分析嘅技術用極限嘅概念嚟分析函數？
...內蒙古政府喺蒙古話教育轉差後就先開始咗保育運動，做咗唔少嘅項目工程？
...喺電視劇《先生貴性》入面，羅嘉良一人分飾分飾男女兩角，被部分傳媒視為佢最難忘嘅作品？
...醫療假資訊嘅後果可能會將病症嘅治療更加棘手、延誤治療，更加可能造成公共衞生危機？
...想像力呢種認知功能對作同欣賞故仔嚟講不可或缺？
...紅色高棉係受過文革時嘅輸出革命影響而產生嘅？
...激進建制派人士石房有，因為不時騷擾民主派嘅唔同活動，得到唔少傳媒嘅留意？
...日本女歌手坂井泉水嘅代表作《別認輸》響1997年仲畀文部省列入高中音樂教科書？
...《荒野亂鬥》呢隻 2017 年出嘅遊戲喺設計上結合咗 MOBA 同第三身射擊遊戲嘅元素？

2021年2月

...喺市場學上，想幫自己產品搵市場嘅生意人最基本有四大因素要諗？
...日本菜去到香港之後，逐漸演變咗一啲港式日本料理？
...新加坡女藝人歐萱憑住電視劇《小娘惹》喺2008年獲得好高嘅知名度？
...懷疑論呢種思想主要有得分做激進同溫和兩大派？
...而家全世界大約有 5,000 至 7,000 隻活躍（有人用）嘅語言？
...根據中國儒家思想，研究事物過程入面嘅知識同良知，叫做格物致知？
...因應而家大家對電腦同手機嘅應用習慣，有唔少軟件都出咗夜間模式，等用戶可以舒服啲？
...進奏院係節度使喺京城收料嘅情報機構？
...香港區議會選舉同埋英國下議院以及佢嘅地方議會所用嘅係「單議席單票制」？
...粵切字呢套粵文書寫方案初頭嗰陣係用蘇州數字表示聲調嘅？
...台灣大學生會用甜涼度嚟去形容唔同嘅學科？
...喺2001年，新加坡政府首次無起用佢哋嘅御用音樂人李炳文，而係起用咗蔡健雅嘅作品《屬於》做當年嘅國慶歌曲？
...張量呢個數學概念喺物理學上可以攞嚟分析一嚿物體點樣俾力搓同撳？
...「后翼棄兵」除咗係一套美國電視劇之外，亦都係國際象棋入面嘅其中一種開局？
...目前已知嘅動物界物種當中有成 25% 嘅都係甲蟲？
...貓之所以會發出喵叫聲，似乎係為咗想吸引主人嘅注意？

2021年1月

...好多現代常用嘅機械都可以想像成有限狀態機？
...插花係一種表現出花嘅活力同自然美嘅視覺藝術？
...某啲類型嘅舞蹈喺古代嗰陣有宗教性嘅作用？
...三維打印呢種技術源自 1980 年代？
...有一啲以貓做主題嘅咖啡廳，叫做貓咪咖啡室？
...除左心理諮商外，重有哲學諮商處理日常生活中所遇到嘅煩惱？
...青銅雕呢種雕塑可以追溯到去公元前 3,200 年嘅兩河流域文明？
...研究人類社會過去一切問題在內嘅科學叫做歷史學？
...日本女歌手三枝夕夏先前入行做藝人發展麻麻，去完大阪學唱歌之後遇上一生人嘅「伯樂」長戶大幸就開始出名？
...中國古代時嘅最高學府叫做太學？
...亞里士多德喺佢嘅著作《形而上學》入面，提出咗四因說去解釋呢個世界？
...氣炸鍋係用空氣熱力代替油炸嘅煮食架生？
...近代中國將儒家思想復興，而且將西方哲學融入埋一齊，形成新儒家思想？
...吳君如曾經喺2015年反串扮男人喺電影《12金鴨》擔當「男」主角？
...喺知識論上，知識可以分做先驗同後驗兩種？
...日本女歌手愛內里菜憑住男主角江戶川柯南響自己首歌《戀愛是驚險、衝擊、懸疑》嘅伴奏下跳起Para Para，令到愛內一炮而紅？
...淋巴癌嘅常見症狀包括淋巴結腫大、肝腫大、發燒、夜晚出汗同埋貧血？
...雕刻嘅作品可以分做雕像同浮雕兩大種？
...理論上，遺忘係腦部衰老必然會引致嘅現象？