Wikipedia:最近加入/2023年

你知唔知 (T:DYK)
規則同埋規例 (WP:DYK)
討論 (WT:DYK)
建議 (T:TDYK)
舊文 (WP:DYKA)

呢個係啱啱登上過頭版嘅你知唔知？嘢嘅紀錄。之前加咗嘅新文，大幅由之前嘅楔文擴展，同埋最近升格咗做好文係有資格嘅，你亦都可以遞交佢哋去考慮。

啲歸檔係以每年之前喺頭版出現過。要搵乲前喺「你知唔知？」出現過嘅舊文事實，返去嗰篇文嘅左手邊度撳『有乜連過嚟』。跟住揀Wikipedia空間名再撳「去」。當你搵到『Wikipedia:最近加入』同埋一個數字，撳入去再搵嗰篇文章嘅名。

現時歸檔

2006年 · 2007年 · 2008年 · 2009年 · 2010年 · 2011年 · 2012年 · 2013年 · 2014年 · 2015年 · 2016年 · 2017年 · 2018年 · 2019年 · 2020年 · 2021年 · 2022年 · 2023年 · 2024年

改呢個DYK歸檔導航模

你知唔知...[編輯]

請喺每一個月嘅最頂度加入一行 ==={{subst:CURRENTYEAR}}年{{CURRENTMONTH1}}月=== ，喺DYK模拎走個鈎嗰陣可以放入去。呢個係肯定全部嘅時間係以UTC時間做基準同埋準確。呢版應該每年歸檔，唔該晒。

2023年12月[編輯]

...香港農夫葉子盛曾經以種出一萬斤冬瓜嘅計劃，推銷香港農產品？
...歷史演義原來有好多唔同嘅種類，而有啲甚至係基於虛構歷史？
...參考文獻嘅格式，唔同院校可以唔同？
...《嬉笑集》呢本詩集，收錄咗過百首用粵語白話文寫嘅詩？
...甜呢種味道，貓係食唔到嘅？
...標記語言呢類電腦語言，寫網頁嗰陣時會用到？
...德思禮一家係《哈利波特》入面嘅虛構家庭之一，而佩妮個名本身其實意思已經係代表住憤怒同憎恨？
...瘦金體呢種字體源自宋朝，畀後世人描繪為「筆勢勁逸」？
...《忠臣約翰》呢個童話故事，情節有提到識得預知未來嘅烏鴉？
...《愛蓮說》呢篇北宋古文，係作者寫嚟講自己幾咁鍾意蓮花嘅？

2023年11月[編輯]

... 喺多倫多嘅Queens Quay 站，搭電車嘅乘客居然可以就咁行過路軌去另一便月台？
...寫劇本嘅其中一種技巧，係要「唔好寫到咁詳細」？
...《巴別塔》呢個聖經故事，嘗試解釋人類點解會有咁多種唔同嘅語言？
...世界廁所日其中一個目標係要消除啲人露天排便嘅壞習慣？
...香港嘅常用字字形表嘅 2012 年版收錄咗 4762 隻漢字？
...燙斗喺古代係用做酷刑、芬香同酒杯？
...廁所喺閩南話入面叫「屎礐仔」（sái-ha̍k-á）？
...表情符號由一位美國嘅教授最先採用，但啲證據爭啲搵唔返？
...截至 2023 年，Duolingo 嘅學語言程式有教粵語，但淨係得一個畀官話使用者用嘅粵語課程？
...《雪白同玫瑰紅》呢個童話故事，有提到一個叫「雪白」嘅女仔，亦有提到小矮人，但係查實同《白雪公主》一啲啦掕都冇？
...有啲物種嘅野花會零舍適應畀火燒過嘅土地？
...嘸蝦米輸入法個名嚟自臺灣話「無啥物」嘅國語音譯？
...驚嘅生態學呢個諗頭指出，獵食者能夠對獵物嘅身心狀態產生長遠影響？
...《愚公移山》原版個故仔，查實係出自道家嘅典籍？
...選單呢樣嘢，無論文字介面定係圖像介面都可以用到？
...藝術設計方面嘅工作者搵工嗰陣，會向人展示自己嘅 portfo？
...元音圖呢種圖係靠睇條脷嘅位置，圖像化噉展示一隻語言入便嗰啲元音？
...小中千昭、小中和哉兩兄弟雖然都參與過《鹹蛋超人》系列嘅製作，但係佢哋未試過一齊製作同一部《鹹蛋超人》？
...Checksum 涉及對數據做加減或者商餘計算，從而畀接收數據嘅人 cek1 吓手上嘅數據有冇錯？
...《手指公姑娘》呢個故仔講到，有一個女仔多次畀唔同嘅動物迫婚？
...嚤囉雞嘅主要材料有飯、雞肉、蘑菇同香料？
...預防醫學重點係講預防勝於治療，包括要幫人 kip1 住體重喺正常水平？
...奇偶檢測呢種技術，可以探測一段數據有冇出錯？
...富岳呢部超級電腦一度係全球最快，但喺兩年內畀美國嘅超級電腦扒頭？
...德謨克利特呢位古希臘哲學家，提出咗原子論？

2023年10月[編輯]

...喺用漢字嘅人群當中，都可以觀察得到煲巴/奇奇現象？
...《半夜奇談》呢套舊粵語恐怖片，講到「幾個仔爭阿爸嘅遺產」嘅橋段？
...食人魔嘅形象，有響《著長靴嘅貓》等嘅多個童話故事裡便出現？
...《驢皮公主》呢個童話故事，故仔講到一隻識得屙黃金嘅神驢？
...要用生物回輸嚟幫手醫病，可能會搵架生量度病人嘅腦電活動？
...用日本話讀漢字嗰時可以用訓讀音嚟讀，會出現同粵語好唔同嘅讀音？
...用萬葉假名寫嘢嗰陣，使用者會用漢字，同時完全忽視啲漢字嘅意思？
...有人响 2015 年做過調查，發現有成 40% 嘅英國打工仔都覺得自己份工係廢工？
...晝夜節律係指生物體內一類隨晝夜而起嘅變化，週期大約廿四粒鐘咁長？
...「企喺巨人嘅膊頭上」呢句短語，係講緊做科研要建基於前人嘅艾啲牙？
...《格列佛遊記》講主角搭船遊歷四個奇異國度，遇到巨人、巫師同埋識講嘢嘅馬？
...J. K. 羅琳曾經寫過犯罪小說？
...腹語呢種表演藝術，係要個嘴喺講嘢或發出聲音嗰陣完全唔郁，令觀眾誤以為聲音係由其他地方發出嘅？
...新英文書法用中文字嘅方塊結構，寫拉丁字母？
...線性判別分析呢種技術，喺營銷上會用到？
...越南書法有一種技巧，係將啲羅馬字砌成好似中文字噉嘅方塊？
...「麻瓜」呢隻奇幻創作用到嘅字詞，嚟自英文「傻瓜」噉解？
...時代力量對民進黨嘅態度已經由初期合作，改變為兩岸外交立場一致但內政就採取監察嘅態度？
...《所羅門王嘅審判》呢個故仔，講到有兩個女人想爭一個蘇蝦仔？
...《歷劫花》呢套舊粵語戲，主角係個的士司機？
...廿一世紀初嘅粵語地區，被指係有雙層語言嘅情況？
...《神嘅九十億個名》呢個短篇故仔，講到「上帝創造宇宙嘅真正目的係乜」？
...要開發起城市遊戲，會用到城市規劃同埋經濟學方面嘅知識？
...巨星雪條而家係屬於雀巢公司嘅？
...國際象棋上成日會用伊勞等級嚟評估啲棋手技術有幾高？
...《皇帝件新衫》原版個故仔，係同《人魚公主》一齊出版嘅？

2023年9月[編輯]

...分裂腦呢種情況，源於左腦同右腦之間嘅通訊受阻？
...奧卡姆嘅威廉提出咗奧坎剃刀嘅諗頭，被指對科學影響深遠？
...生日悖論講到，搵廿三個人返嚟，已經有超過 50% 嘅機率係佢哋其中兩個人喺同一日生日？
...喺有文法性別嘅語言入面，指檯同櫈嘅字詞都可以分「陽剛定陰柔」？
...耶加婆婆呢個角色，喺東歐多地嘅民間傳說嗰度都有出現？
...《冰雪女王》原版個故仔有提到《馬太福音》講嘅內容？
...個人或者企業嘅水足跡包含咗三部分？
...《親上加親》呢齣舊粵語片，係喺 1966 年上畫嘅？
...有研究者主張，實戰用嘅機甲係有可能實現嘅？
...無頭騎士嘅形象，有喺愛爾蘭嘅民間傳說當中出現？
...蔴雀被指係種技術遊戲？
...啲人成日會利用昆蟲嘅趨光行為嚟捉昆蟲？
...《患難真情》呢套舊片，謝賢有份演？
...1955 年嘅粵語文藝片《復活》改編自一位俄羅斯作家嘅作品？
...李白嘅詩都有提到《杞人憂天》？
...據估計，HD 217107 有大粒過木星嘅行星圍住佢轉？
...語言學講嘅原型理論，始於認知科學上嘅研究？
...有研究指，用家設計自己嘅用家化身嗰陣，傾向將化身設計到似自己？
...《熊皮佬》呢個故仔有畀人收錄入去《格林童話》度？
...有研究話，人類當中曾經出現過種群樽頸？

2023年8月[編輯]

...《奧德修記》以一位希臘英雄做主角，講佢喺海上漂流好多年先返到屋企？
...《青蛙王子》原版講到，公主對青蛙施以暴力先會令青蛙變成王子？
...位元幣嘅最細單位係 0.00000001（一億分之一）位元幣？
...氣溫垂直遞減率計緊氣溫點樣隨住高度上升而下跌？
...《個名怪嘅小妖》呢個故仔有被《格林童話》收錄？
...希臘神話入面嘅六臂巨人相傳係大地女神嘅仔？
...習得次序呢個諗頭，早喺 1970 年代已經有人研究？
...雙足龍嘅形象有喺現代嘅奇幻遊戲裏面出現？
...《糖果屋》呢個故仔有畀人改編做歌劇？
...炭筆畫早喺 28,000 年前經已有人喺度畫？
...有學者症候群嘅人，會喺某一兩樣才能上遠超常人？
...有聲書畀盲人去聽，早到愛迪生發明留聲機嗰陣時已經提出？
...曲卡佩狗係 2022 年英國最貴嘅狗種，要成千三磅？
...《金蘭姊妹》呢部 1954 年嘅粵語片，主角都係女演員？
...《薑餅人》呢個故仔源自美國？
...粗獷主義呢種建築風格喺 1950 年間流行過？
...買家決策過程會涉及「搵資訊」嘅階段？
...1 + 1 + 1 + 1 + ⋯ 雖然發散，但係都可以根據求和方法畀一個數值佢？
...《金髮妹同三隻熊》呢個故仔，畀人攞咗嚟同一啲科學上嘅概念改名？
...圍方開幕嗰日，喺大圍站排隊用扶手電梯入商場嘅人有六個鋪位噉長？
...鈉離子電池比常用嘅鋰離子電池環保好多？
...《著長靴嘅貓》個故仔講一隻貓貓幫主人致富？

2023年7月[編輯]

...The Wheels on the Bus 呢首兒歌有廣東話版？
...ZEBRA 電池同斑馬冇拏褦，係「沸石電池研究南非項目」嘅縮寫？
...原版《人魚公主》個結局畀好多人批評，話佢啲情節夾硬嚟？
...根據大碰撞說，地球同世亞碰撞先至形成月球？
...《賣火柴嘅細路女》係由安徒生寫嘅？
...喺死亡地帶入面，犯咗法嘅人理論上唔使負刑責？
...《小紅帽》有啲版本話小紅帽唔知情噉飲咗嫲嫲嘅血？
...流動溶液電池嘅電力嚟自電解液而傳統電池嚟自電極嘅材料？
...《長髮姑娘》有啲版本話長髮姑娘個肚畀王子搞大咗？
...閃電泡芙起源地係法國里昂？
...福岡市博物館喺1990年開張？
...原版《阿積與豌豆樹》入面有句句子，到咗而家英文界仲未知佢係咩意思？
....sj係為斯瓦巴和揚馬延而保留但係唔開放註冊嘅互聯網國家代碼頂級域名？
...陳卓賢包辦曲詞編監嘅《地球上的最後一朵花》係三台冠軍歌？
...《醜小鴨》個故仔係安徒生對佢皇室血統嘅隱喻？
...某啲版本嘅《灰姑娘》講到，灰姑娘嘅繼姐為咗著得落玻璃鞋而用刀削自己腳踭？
...好似廣東話等嘅聲調語言塡詞嗰時，往往會用到叶音嘅技巧？
...動作 RPG 呢種視像遊戲，會考玩家反應夠唔夠快？
...《藍鬍鬚》呢個故仔，有畀香港音樂同美國漫畫嘅創作者攞嚟做題材？
...澳洲係少數非歐洲國家，有份參加歐洲歌唱大賽？
...風險管理嘅概念，响金融同工程當中都會用得著？

2023年6月[編輯]

...《白雪公主》多次畀人改編做恐怖故仔？
...球狀乳牛畀人用嚟笑學者，話佢哋成日做埋嗮啲唔真實嘅假設？
...《美女與野獸》已知最早嗰個版本係出自法國嘅？
...夏蘭特第一季喺英超聯賽就打破咗英超球員單季入球嘅紀錄？
...喺軟件工程嘅過程當中，工程師有時會同啲源碼做難讀化？
...AI孫燕姿引起華語樂壇同埋一啲電腦科學家嘅關注？
...對色名嘅研究發現，有好多語言都會將藍色當做綠色嘅一種？
...小說《科學怪人》有畀人改編做芭蕾舞劇？
...2023年5月民進黨黨內爆出性騷擾風波？

2023年5月[編輯]

...乂丁巨人相傳有 3 至 9 個頭？
...想知一個人啲投資「夠唔夠多角化」，可以用統計相關嚟衡量？
...有線新聞五名主播跳舞嘅片段引發咗風波？
...好多歐洲語言都有文法格嘅詞形變化？
...台灣新竹縣竹北市豐采520建築項目，曾經發生環評同埋道路坍塌事件等爭議？
...易通行自動道路繳費系統，駕駛人士可以透過繳費貼遙距繳交隧道費，唔使喺收費亭停車或排隊畀錢？
...綠色畀好多人視為愛爾蘭嘅象徵？
...照騙係指喺網上用相片去欺騙人嘅意思？
...恆河發源喺喜馬拉雅山西邊嗰頭？
...火車耷逼力嗰陣，啲車轆可以承受 600 °C 咁熱嘅溫度？
...廣東話可以用句尾助詞嚟表達「唔肯定」噉嘅意思？
...同英文比起嚟，廣東話好少詞形變化？
...拓撲學家正弦曲線‎‎係一個連通但係唔路徑連通嘅空間？
...邪惡問題最早喺古希臘哲學度已經有人講？
...2023年國際象棋世界冠軍賽，丁立人贏咗伊恩·涅波姆尼亞奇成為新任世界冠軍？
...人格化依個諗頭，可以追溯到去希臘神話嗰度？
...做翻譯嗰時，要諗埋「唔同語言，句子啲字詞嘅次序可能唔同」噉嘅問題？

2023年4月[編輯]

...喺點計嘅字大細，同啲字用肉眼睇得見嘅實際大細，其實冇乜關係？
...2023年彰化聯華食品工廠大火做成多人死亡？
...大藍蝶嘅毛蟲係由蟻嚟養大嘅？
...以前英文有個字母 þ，喺冰島文仲有用，但係唔同樣？
...網絡Meme佢只係個細路呀係出自中國嘅古裝電視劇？
...狼被指係一種關鍵物種？
...就算一隻語言嘅威望唔高，佢哋都可以有豐富嘅文化遺產？
...國民黨正就第11屆中華民國立法委員選舉進行緊初選提名作業？
...民進黨正就第11屆中華民國立法委員選舉進行緊初選提名作業？
...德文有陣時可以用 VSO 型嘅語序？
...電子遊戲成就通常都係純象徵性嘅？
...四人歸西係一個香港同打麻雀有關嘅都市傳說？
...一隻進入咗死亡旋渦狀態嘅蟻，好大機會會一路行到攰死為止？
...廣東話嘅語序有彈性？
...超人佳亞嘅編劇—小中千昭係寫恐怖電影出身？
...薩達瓦爾係一種好似獨角獸噉有一隻角嘅傳說生物？
...Apple II 用嘅中文內碼係倉頡碼？

2023年3月[編輯]

...黑膠唱盤嘅唱針有三種基本形狀？
...响蘭花螳螂當中，螳螂乸嘅體型可以大隻過螳螂公成倍有多？
...多發性骨髓瘤係一種普遍到幾乎每十萬人就有一個人有嘅血癌？
...收藏可以做一種投資？
...加州罌粟係代表加州嘅花，而好多人對佢嘅原住民文化感興趣？
... 語言學上嘅標音做法可以分兩大種？
...寫程式嗰陣，log 檔案可以攞嚟幫手做 debug？
...著名民謠《綠袖子》係跟二段體嘅？
...移植塊對宿主病通常會响接受移植後嘅第 10 日到第 100 日發病？
...喺物理學上，雙罅實驗可以攞嚟證實一樣嘢係波動？
...細胞介素放出症候羣嘅徵狀包括反覆噉發燒、攰、冇胃口？
...斯薛佛斯嘅故仔，講到有人被迫係噉㧬ung2嚿大石上山？
...流動應用程式被指帶起咗係噉跑遊戲呢種 game？
...「係... 嘅子集」係一段遞移關係？

2023年2月[編輯]

...語言之間嘅互通程度，查實並唔係「一係互通一係唔互通」咁簡單？
...跟字母順序‎排字有兩種方法？
...索引入面嘅，並唔係書入面重要嘅字眼，而係重要嘅概念？
...有估計話，現代英文入面有 80% 嘅字都係借詞？
...Yggdrasil 嘅傳說，被指係影響咗《艾爾登法環》呢件現代奇幻作品？
...《耶穌傳》喺2022年已經翻譯成第2,000種語言，係全世界翻譯成最多種語言嘅電影？
...九頭蛇呢條現代奇幻橋段，可以追溯到去希臘神話嗰度？
...自矛盾字悖論呢個諗頭，係喺 1908 年俾人提出嘅？
...利維·蘭斯洛·戈達被認為係吸引力法則嘅先驅之一？

2023年1月[編輯]

...尼夫帝呢位天神相傳能夠治療疾病？
...現錢係市場流通度最高嘅物品？
...香港喺2023年2月1號起大麻二酚（CBD）會列為「危險藥物」並受香港「危險藥物條例」管制？
...經驗主義呢套知識論觀點被指係現代科學嘅根基？
...《龜兔賽跑》呢個故仔教訓我哋，驕傲就會失敗，而努力唔放棄就一定會成功？
...Sci-fi有陣時會提到時間悖論嘅諗頭？
...檯上 RPG 被指係對集換式咭遊戲產生咗深遠影響？
...蜻蜓係捕食者？
...應用教育文憑課程會喺2023/24學年起推出，取代舊有嘅毅進文憑？
...透視投影呢種畫畫技巧係想令睇畫嘅人產生景深錯覺？