廣州
想搵第二個意思嘅話，請睇廣州 (搞清楚)。| 廣州市 | |
|---|---|
| 廣州 | |
 | |
| ---- | |
| 花名：羊城、穗城、穗垣、粵垣、仙城、花城，簡稱穗、廣 | |
 廣州市位置圖 | |
| 國家 | 中華人民共和國 |
| 省 | 廣東省 |
| 建城時間 | 前214年 |
| 市委書記 | 林克慶 |
| 市人大常委會主任 | 王衍詩 |
| 市政府市長 | 孫志洋 |
| 市政協主席 | 李貽偉 |
| 地理 | |
| 總面積 | 7,434.4 km² |
| 市區面積 | 2,256.4 km² |
| 海拔 | 0~1210 m |
| 人口 | |
| 總人口(2023) | 1,882.70萬[1] |
| 市區 | 1,056.61萬 |
| 人口密度 | 2,512人/km² |
| 經濟 | |
| GDP(2023) | 30,355.73億元人民幣[1] |
| 人均GDP | 161,634元人民幣[1] |
| 網站： www | |
廣州（粵拼：Gwong2 zau1，官方外文名：Guangzhou，傳統外文名：Canton，郵政式拼音：Kwangchow）係廣東省省會，中國第三大城市，華南地區第一大城市，首批沿海開放城市。廣州係中國大陸同廣東對外嘅商貿中心兼綜合交通樞紐[2]，亦係華南地區重要嘅政治、經濟、科技、教育同交通中心。廣州被歸為中國特大型城市、五大國家中心城市之一，一線城市之一 ，15個副省級城市之一，粵港澳大灣區嘅中心城市之一。
廣州簡稱
地理同氣候
[編輯]廣州喺東經 112°57'至114°3'，北緯 22°26'至23°56'間。地勢東北高、西南低，北部係森林丘陵區；中部係丘陵盆地，而南部就係沿海沖積平原。珠江連埋佢嘅支流橫穿成個廣州市。氣候屬亞熱帶季風氣候，全年平均氣溫 20 - 22 攝氏度，相對濕度 77%，市區年降雨量約莫 1,720 毫米。
廣州嘅四個方位之最當中，最東邊係從化呂田嘅桂峯山；最南邊係南沙區萬頃沙嘅二十一涌；最西邊係花都赤坭嘅珊瑚村；最北邊係從化呂田嘅蓮麻村。
廣州喺中國南方，廣東省嘅東南部，珠江三角洲北緣，西江、北江、東江三江匯合處，瀕臨南中國海，東連惠州市博羅、龍門兩縣，西鄰佛山市嘅三水、南海同順德區，北靠清遠市嘅市區同佛岡縣同韶關市嘅新豐縣，南接東莞市同中山市，隔海同香港、澳門特別行政區相望，地理位置優越，係「海上絲綢之路」起點（去東南亞同南亞），被稱為中國嘅「南大門」。
| 廣州從1961~2016年嘅氣候平均數據 | |||||||||||||
|---|---|---|---|---|---|---|---|---|---|---|---|---|---|
| 月份 | 1月 | 2月 | 3月 | 4月 | 5月 | 6月 | 7月 | 8月 | 9月 | 10月 | 11月 | 12月 | 全年 |
| 歷史最高温 °C（°F） | 27.2 (81) |
28.6 (83.5) |
32.1 (89.8) |
32.4 (90.3) |
36.2 (97.2) |
36.6 (97.9) |
39.8 (103.6) |
40.3 (104.5) |
37.6 (99.7) |
34.8 (94.6) |
32.5 (90.5) |
29.6 (85.3) |
39.1 (102.4) |
| 平均高温 °C（°F） | 18.3 (64.9) |
18.5 (65.3) |
21.6 (70.9) |
25.7 (78.3) |
29.3 (84.7) |
31.5 (88.7) |
32.8 (91) |
32.7 (90.9) |
31.5 (88.7) |
28.8 (83.8) |
24.5 (76.1) |
20.6 (69.1) |
26.3 (79.4) |
| 每日平均氣温 °C（°F） | 13.9 (57) |
15.2 (59.4) |
18.1 (64.6) |
22.4 (72.3) |
25.8 (78.4) |
27.8 (82) |
28.9 (84) |
28.8 (83.8) |
27.5 (81.5) |
24.7 (76.5) |
20.1 (68.2) |
15.5 (59.9) |
22.39 (72.3) |
| 平均低温 °C（°F） | 10.3 (50.5) |
11.7 (53.1) |
15.2 (59.4) |
19.5 (67.1) |
22.7 (72.9) |
24.8 (76.6) |
25.5 (77.9) |
25.4 (77.7) |
24.0 (75.2) |
20.8 (69.4) |
15.9 (60.6) |
11.5 (52.7) |
18.9 (66.1) |
| 歷史最低温 °C（°F） | −1 (30) |
1.3 (34.3) |
3.2 (37.8) |
7.7 (45.9) |
14.6 (58.3) |
18.8 (65.8) |
21.6 (70.9) |
20.9 (69.6) |
15.5 (59.9) |
9.5 (49.1) |
4.9 (40.8) |
−0.5 (31.1) |
−0.5 (31.1) |
| 平均降雨量 mm（英寸） | 40.9 (1.61) |
69.4 (2.732) |
84.7 (3.335) |
201.2 (7.921) |
283.7 (11.169) |
276.2 (10.874) |
232.5 (9.154) |
227.0 (8.937) |
166.2 (6.543) |
87.3 (3.437) |
35.4 (1.394) |
31.6 (1.244) |
1,736.1 (68.35) |
| 平均降雨日數（≥ 0.1 mm） | 7.5 | 11.2 | 15.0 | 16.3 | 18.3 | 18.2 | 15.9 | 16.8 | 12.5 | 7.1 | 5.5 | 4.9 | 149.2 |
| 平均相對濕度（%） | 72 | 78 | 82 | 84 | 84 | 84 | 82 | 82 | 78 | 72 | 66 | 66 | 77.5 |
| 每月平均日照時數 | 118.5 | 71.6 | 62.4 | 65.1 | 104.0 | 140.2 | 202.0 | 173.5 | 170.2 | 181.8 | 172.7 | 166.0 | 1,628 |
| 可照百分比 | 35 | 22 | 17 | 17 | 26 | 35 | 49 | 43 | 46 | 51 | 52 | 50 | 36.9 |
| 出處：中國地面國際交換站[3]全年極端最高氣溫[4] | |||||||||||||
行政
[編輯]清朝
[編輯]
今日一般指廣州，大清時嘅省城，或者廣東省城，或者廣州城。範圍只包括白雲山以南嘅珠江兩岸，即係城，同埋城周圍西關、河南等地方。城嚴格來講唔係行政區，只係集中廣東省、廣州府、番禺縣同南海縣官署嘅地方。而當時廣州個名，係講比較大嘅府，包括埋成個珠江三角洲同新安縣。而大嘅廣州府，隸廣肇羅道。
民國
[編輯]去到中華民國時期，先至將省城劃做廣州市，作為一個政區來管理。
共和國
[編輯]因為都市急速擴展嘅關係，響中華人民共和國時期，尤其係1980年代之後，將隔離嘅縣拼埋入去廣州市行政。呢啲縣包括番禺、花縣、增城同埋從化。
家下
[編輯]家下廣州市轄有11個市轄區
註：昔日東山區已併入越秀區成為而家嘅越秀區，以前嘅芳村區已併入荔灣區成為而家嘅荔灣區；原蘿崗區、黃埔區合併，成立新黃埔區；番禺區南邊幾個鎮劃咗去南沙區。從化、增城由縣級市升格成市轄區。
名
[編輯]秦始皇三十三年統一嶺南後，建南海郡，郡治為番禺城，即今日嘅廣州城，因為噉，「南海」同「番禺」又係廣州嘅古稱。到咗公元226年，孫權為方便統治，又將交州東部分出來作為廣州，廣州由此得名。之不過呢個州係同而家省級一樣，唔係市名。去到大宋，廣州範圍又縮細。而廣州治所就喺番禺城（即現時廣州舊城）。直至1921年2月15號，民國成立市府廳，先至用廣州來指個城。
廣州又叫做五羊城、羊城同埋穗城。又因為四季花開不敗，又叫花城。羊城之名，係來自一則神話。傳說周代嗰陣，廣州一帶連年災荒，民不聊生。有一日，南海天空飄來五彩祥雲，五仙人騎住五隻羊，各帶住一串穀穗，降臨此處，送穀畀居民，祝福呢度五穀豐登、永無饑荒。之後仙人飄走，留低五隻羊，化成石頭。為咗紀念此神話傳說中嘅五仙同五羊，廣州有五仙觀同埋喺越秀公園嘅五羊石像。
英文名
[編輯]廣州嘅英文名本來係Canton，重有用國語威妥瑪拼音拼寫嘅英文名Kwangchow，而家多數人改咗用普通話拼音Guangzhou，但剩低廣州友誼商店環市東總店嘅門上舊招牌重用Kwangchow呢個名；廣交會英文叫Canton Fair。呢幾年，廣州民間建議叫返廣州做Canton，例如2009年，有政協委員建議將廣州塔嘅英文名命名為「Canton Tower」，以充分利用「Canton」呢個國際知名嘅名，最後廣州塔嘅英文係「Canton Tower」。
而家有唔少人以為Canton係指廣東省而唔係廣州。實際上西方語言中Canton一詞最早係葡萄牙人喺16世紀嗰陣音譯嘅。嗰時省城重未叫做「廣州」，所以西方人就直接用省名來指代省城。但係正如權威嘅西文字典對於Canton嘅記載，呢個詞傳統上就係廣州市嘅同義詞，廣州國際機場嘅國際通用代碼亦係CAN。
Canton嘅派生詞Cantonese最原始嘅意思係指廣東省城人同省城話。但後來呢個詞嘅意思擴大咗，可以用來表示同省城話有親緣關係嘅一組漢語語言，亦即係粵語；又可以表示省城之外嘅粵人。
史
[編輯]廣州有字史約莫2200年，但係早喺5000幾年前嘅新石器時代，呢一帶就經已有百越人喺度住[5]。
1949年之後，曲江、英德、封開同香港呢啲地方都發現過舊石器時代文物，但係廣州就重未發現過舊石器遺物。
秦漢
[編輯]秦始皇三十三年廣州係南海郡治同番禺縣治。之後，廣州城開始逐步發展。漢初趙佗據有嶺南，成為第一代南越王，響番禺（家下廣州城）定都。漢武帝元鼎六年設返南海郡，番禺為郡治。元封五年番禺屬交州。建安二十二年交州廣信（而家嘅廣東封開）移治到番禺，為州、郡、縣同治。
三國到隋唐
[編輯]三國吳黃武五年，將交州合浦以北地段分出設置廣州。晉朝設廣州南海郡，一直持續到南北朝。隋文帝廢南海郡，設廣州總管府。仁壽元年因避太子楊廣之諱而改為番州。大業三年設返南海郡，屬番州。大唐武德四年復置廣州，起初係總管府，後來改為都督府。貞觀元年設嶺南道，治所喺廣州番禺。天寶元年，廣州改為南海郡；乾元元年又叫返廣州。咸通三年嶺南分東、西二道，廣州係嶺南東道嘅治所。
五代到宋元
[編輯]五代為南漢國都，改稱興王府，並廢南海縣改設咸甯、常康二縣。宋太祖開寶四年滅南漢，廢興王府同咸甯、常康兩縣，叫返廣州，轄南海、番禺、增城、清遠、懷集、信安、新會、東莞八縣，屬嶺南道。大宋至道三年設廣南東路，廣州番禺係治所。大觀元年升為帥府，祥興元年改為翔龍府。元朝至元十五年係江西行中書省轄下嘅廣東道同廣州路嘅治所。
明清到而家
[編輯]大明洪武元年設廣州府，廣東布政使司、廣州府及番禺與南海縣治。大清時係廣東省會、廣州府同番禺與南海縣治。民國元年廢廣州府。1918年設廣州市政公所。1921年立市政廳，係廣州建市嘅開始，仍然係省會。1930年改設特別市，同年改省轄市。1938年10月21號至1945年8月15號，俾日軍佔領。1947年恢復為國民政府行政院院轄市。
1949年10月14號，由陳賡將軍率領嘅中國人民解放軍擊敗咗守衛廣州嘅國民革命軍，佔領廣州城。之後廣州成為中華人民共和國中央人民政府直轄市、廣東省人民政府駐地。1954年改省轄市至今。1984年10月，劃為國家計畫單列城市。
對外貿易史
[編輯]廣州係古代中西交流史上著名嘅海上絲綢之路嘅始發港，作為中國最早對外開放並從未關閉過嘅貿易通商口岸。清朝閉關時期嘅廣州十三行更係全國唯一嘅對外通商口岸，「一口通商」令當時嘅廣州（歐洲商人稱Canton）得以獨攬全國外貿，國際知名度迅速提高，成為廣州史上最輝煌嘅時期之一。而家，廣州每年兩屆嘅廣交會仍然係中國對外貿易嘅重要渠道。
近代革命
[編輯]廣州係中國近代革命之源。1841年三元里抗英、1911年黃花崗起義都喺廣州發生。1924年，孫文喺廣州黃埔開黃埔軍校，幫國民革命軍培養軍事人才。佢死後，國民革命軍將廣州作為北伐嘅大本營。同時期，毛澤東、彭湃班人喺度開農民運動講習所，培養中國共產黨骨幹。1927年，張太雷、葉挺、葉劍英等人喺度起義（又叫「紅花崗起義」，「廣州暴動」）。魯迅、郭沫若、郁達夫等都喺廣州講過新思想。
古蹟
[編輯]
廣州市內嘅國家級、省級、市級文物保護單位總共有差唔多300個。其中有19個國家重點保護單位，47個省級文物保護單位同超過200個市級文物保護單位。城區中山四路一帶先後發掘出秦漢造船遺址同西漢南越國宮署遺址，其中南越國宮署遺址兩次被評為中國大陸「全國十大考古新發現」。2014年12月，第一、二批廣州市歷史建築公佈。
廣州主要嘅歷史遺產包括：
2003年，從化陸氏廣裕祠嘅保護修復項目攞到聯合國教科文組織亞太地區文化遺產保護獎第一位。
2007年，南越國宮署遺址、南越王墓、南越國水閘遺址等三個南越國史跡聯合申報聯合國世界遺產。
全景
[編輯]
人口
[編輯]2015年底，全市常住人口1,667萬，戶籍人口770萬（2014年），非戶籍人口840萬（2014年），市區常住人口874.73萬（2007年），戶籍人口636.77萬（2007年）[6]。
外地人口
[編輯]廣州市因爲係廣東嘅省會，作為中國最大嘅城市之一，加埋係中國四大城市之中，北京、上海、深圳都已經開始對外地人設置門檻，導致大量嘅外地人湧入廣州做嘢，但係本地人同外地人嘅關繫好難協調，製造咗一系列嘅社會問題。廣州因容量、就業承受力有限，冇辦法容納全國各地嘅外省民工。廣州嘅治安環境受到嚴峻嘅考驗，「兩搶一盜」事件經常發生，城中村重特別犀利。調查話80%被捉嘅犯人都係外省人。噉就導致咗廣州市民嘅排外情緒。2008年農民工佔咗廣州人口嘅40％，大部分係女農民工，多數都係四川人同埋未結婚嘅（61.7％未婚，38.3％已婚）。
經濟
[編輯]1970年代尾中國大陸改革開放後，廣州經濟發展好快，2013年全市地區生產總值為15420億緡人民幣，經濟總量喺全國主要城市中位居第三；全市人均GDP為120515元人民幣，按常住人口平均數計，折19459美元。
文化
[編輯]飲食文化
[編輯]廣州飲食出名，有講「食在廣州」。
- 用料多。廣東人（尤其是廣州人）有講：「背脊向天，人皆可食。」「天上飛嘅除咗飛機，水入便游嘅除咗潛水艇，地上行嘅除咗坦克，都食得。」支持者認為噉樣反映咗廣州飲食文化嘅博大同開放，批評者就認為咁做威脅好多珍稀物種，重帶來衞生問題（例如SARS）。[未記出處或冇根據]
- 風格多。唔單止粵菜，世界各地嘅嘢喺廣州都食得到。
全市每年餐飲總額成幾千億，係中國大陸各市之首。每年開「美食節」，促進飲食業。
語言文化
[編輯]廣州主要講廣州話，不過廣州市境內亦有唔少客家人，所以客家話都有人講。中國語言排名第三位。家下全世界粵語人大概1億2千萬，分佈好闊，流通海外唐人社區，有好強影響同生命力。廣州話（粵海片）係粵語最流通嘅音，以粵語為載體嘅藝術包括粵劇、粵曲、南音、鹹水歌。
1980年代以後，廣州外來人口大增，同時中國大陸勁推普，所以而家廣州嘅廣州話人口跌緊。但好多後生仔女都重係講廣州話。
宗教
[編輯]- 基督教：河南堂、東山堂、光孝堂、錫安堂、救主堂、十甫堂、沙面會堂、芳村堂、沙河堂、寶崗堂
- 佛教：光孝寺、六榕寺、海幢寺、大佛寺、華林寺、無著庵
- 道教：三元宮、五仙觀、仁威廟、純陽觀、玉虛宮
- 天主教：石室聖心教堂、沙面露德聖母堂、寶崗堂、龍洞堂
- 伊斯蘭教：懷聖寺（光塔寺）、先賢清真寺、小東營清眞寺、濠畔寺
對外交通
[編輯]火車
[編輯]廣州係中國大陸鐵路四樞紐之一。京廣（北京至廣州）、廣九（廣州至香港九龍）、廣三（廣州至佛山三水區）、廣梅汕（廣州至梅州及汕頭）等多條鐵路喺度交匯。
以前廣州最大嘅火車站係廣州火車站（位於越秀區環市西路）以及廣州火車東站（位於天河區天河北路）。而位於廣州市番禺區嘅廣州南站目前已經投入使用，成為中國最大嘅火車樞紐之一，京廣客運專線（北京至廣州）、廣深港高鐵（廣州經深圳至香港）、南廣高鐵（南寧至廣州）、貴廣高鐵（貴陽至廣州）同廣珠城際軌道交通等多條主要高鐵線路嘅啟始站。呢三個火車站都有地鐵經。
機場
[編輯]廣州市喺2004年8月5號啟用新白雲機場，同時關閉已經有72年歷史嘅舊白雲機場。廣州新白雲國際機場喺廣州市北部，白雲區人和鎮同花都區新華鎮交界處，距廣州市中心嘅直線距離約28公里。沿機場高速公路往返市區大約需要20分鐘。新機場係目前中國大陸嘅三大樞紐機場之一。
廣州新白雲國際機場已開通大約120條國內外航線，2004年旅客輸送量2,032萬人次。目前新機場2期工程已經啟動，預計到2010年廣州舉辦亞運會時年客運量可能超過4,500萬人次。
公路
[編輯]廣州係華南地區公路網嘅樞紐，同海南以外嘅所有鄰省及廣東省內所有地級市都有高速公路連埋，已建成通車嘅高速公路及快速路分別有廣州環城高速公路、廣深高速公路、廣佛高速公路、機場高速公路、廣清高速公路、廣湛高速公路、廣惠高速公路、南沙港快速路、華南快速幹線、廣園快速路、廣三高速公路同廣肇高速公路、廣梧高速公路、樂廣高速公路、從莞深高速公路、派街高速公路，加上渝湛高速公路、粵贛高速公路、京港澳高速公路以及汕汾高速公路。105國道、107國道、324國道穿越市區，106國道、321國道就以廣州為終點，325國道就以廣州為起點。
長途大巴
[編輯]廣州有19座長途大巴客運站分佈市區各處，包括廣東省汽車站、廣州市汽車站、天河客運站、番禺客運站、芳村客運站、滘口客運站、越秀南客運站、羅沖圍客運站、海珠客運站、黃埔客運站、夏茅汽車站、永泰汽車站、廣園客運站、天河大廈錦漢客運站、廣佛客運站、廣州東站汽車客運站、東圃客運站、從化汽車站、花都客運站，其中省汽車站及市汽車站嘅路線最集中，每日有幾班城際巴士來往廣東省各地及廣東省周邊省份，其中去佛山、珠海、深圳、東莞等地有直達班次（或中途停1至2個站點）。
港口
[編輯]- 黃埔古港
- 黃港新港
- 南沙港
市內交通
[編輯]地鐵
[編輯]- 1號綫：西塱站至廣州東站
- 2號綫：廣州南站至嘉禾望崗站
- 3號綫：
- 4號綫：黃村站至南沙客運港站
- 5號綫：滘口站至文沖站
- 6號綫：潯峰崗站至香雪站
- 7號綫：廣州南站至大學城南站
- 8號綫：文化公園站至萬勝圍站
- 9號綫：飛鵝嶺站至高增站
- 13號綫：新沙站至魚珠站
- 14號綫
- 21號綫：員村站至增城廣場站
- 廣佛綫：新城東站至瀝滘站
- APM（珠江新城旅客自動輸送系統）：廣州塔站至林和西站
票價由2蚊至到20蚊人民幣，APM（珠江新城旅客自動輸送系統）全程2蚊。
巴士
[編輯]目前廣州市嘅巴士、電車總數超過 8000 部，營運線路超過 370 條，係中國大陸公共交通最發達嘅城市之一，但同時由於巴士過多而引起嘅交通堵塞就日益明顯，特別係喺市中心，比如天河體育中心站經常可以見到超過二十部巴士同時入站。廣州巴士線路都有冷氣車。至於票價就冇統一規定，視線路、車型同埋營運公司而定，市區線多數係冷氣車2蚊，非冷氣車 1 蚊，部分去大學城、過洛溪大橋、琶洲大橋嘅線路係 3 蚊，去花都新華、從化街口、番禺市橋、增城新塘、增城荔城嘅線路要 10－15 蚊。服務時間多數係朝早 6 點至夜晚 10 點；廣州市有多間巴士運營公司，其中經營市區線嘅公司分別有廣州一汽巴士、廣州市第二公共汽車、廣州市第三公共汽車、廣州市電車公司、廣州市新福利巴士、廣州冠忠巴士、珍寶巴士、新穗巴士、白馬巴士、馬會巴士、溢通巴士、興華巴士、榮泰巴士（而喺2008年，廣州市交委對各間巴士公司進行重組，重組後市民祗見到廣州市第一巴士公司、廣州市第二巴士公司同廣州市第三巴士公司）；廣州新世界巴士公司主要經營來往番禺嘅線路。廣州市亦設有夜班冷氣線路，方便市民夜間出行；線路由夜1 － 夜104路，共有 104 條線路，收費標準為非冷氣車個半-2個半，冷氣車 3-4 蚊。喺2007年底至2008年，廣州市交委對市內巴士線路進行調整，並且開始營運「4」字頭冧巴嘅小巴線路服務，小巴主要行駛喺偏遠郊區、市內大型巴士入唔到嘅狹窄道路以及作為接駁地鐵站服務之用，但係一度無乜人搭，引來唔少批評。
無軌電車
[編輯]廣州市無軌電車喺1960年通車，第一條無軌電車路線由越秀公園至中山三路大東門，稍後延長至農林下路，即係而家嘅東山電車總站，直到今日，廣州依然係廣東省入面唯一一座有無軌電車系統嘅城市，路線增加到目前嘅 14 條，14 條電車路線分別如下：
- 101：機場路⇄海印橋
- 102：文化公園⇄東山
- 103：文化公園⇄機場路
- 104：中山八路⇄海印橋
- 105：文化公園⇄機場路
- 106：錦城花園（東風東）⇄文化公園
- 107：花城廣場西⇄中山八路
- 108：東山⇄黃石路口
- 109：中山八路⇄天平架
- 110：天平架⇄文化公園
- 111：黃石路口⇄天平架
- 112：天平架⇄南田路
- 113：機場路⇄南田路
- 114：南田路⇄羅沖圍
- 夜78：中山八路⇄廣州火車東站
其中112、113、114 係首批過珠江嘅路線，112 路行經江灣大橋，113 路行經解放橋，114 路行經人民橋，夜78係首條夜班無軌電車線路，現時廣州電車都係冷氣車2蚊，而夜班車3—4蚊。
的士
[編輯]目前廣州市嘅的士車身五顏六色，其中多數為紅、黃、藍、綠、啡五色，唔同嘅車身顏色表示分屬廣州交通集團、廣駿旅汽的士、白雲出租汽車集團、天湖統一、穗盟五間的士公司，規模細嘅公司唔可以揀顏色，一定係：綠色，而規模大嘅公司就可以揀顏色。黃色的士大部分都係由廣州人開，而其他色嘅的士係由「外地」嘅人去開嘅。唔同嘅公司啲的士價格都一樣，經多次調價後，現時市區內起步價10蚊（唔使加收燃油附加費），2.5 公里後夏利車（基本被淘汰）每公里 2.2 元，其他車型每公里 2.6 元[7]，如果路程超過 35 公里就要加收 50% 嘅空駛費。增城、從化兩市嘅的士單價分別係每公里 2 蚊同每公里 1.6。
渡輪
[編輯]市內渡輪碼頭：
- 省總碼頭
- 天字碼頭
- 紡織碼頭
- 西堤碼頭
- 鼇洲碼頭
- 海幢碼頭
- 塹口碼頭
- 黃沙碼頭
- 如意坊碼頭
- 芳村碼頭
- 下芳村碼頭
- 聯合圍碼頭
- 永興街碼頭
- 白蜆殼碼頭
- 洲頭咀碼頭
- 崙頭碼頭
- 官洲碼頭
- 中大碼頭
- 大元帥府碼頭
- 魚珠碼頭
- 長洲碼頭
- 軍校碼頭
- 黃船碼頭
- 新洲碼頭
- 深井碼頭
- 琶洲北碼頭
- 石圍塘碼頭
- 城西碼頭
- 橫沙碼頭
- 松溪碼頭
- 金沙洲碼頭
水上巴士
[編輯]為緩解陸上交通，政府喺2007年推出水上巴士項目，由原來嘅渡輪擴展而成。首條航綫係：中大碼頭--天字碼頭--西堤碼頭--芳村碼頭，打算重會繼續開拓新綫路。
有軌列車
[編輯]由廣州地鐵營運，由萬勝圍到廣州塔，兩個終點站都轉到廣州地鐵。票價全程2蚊，目前已經有海珠區嗰條投入營運，總共有12個車站開通咗。
國際交往
[編輯]截至2016年6月，廣州市經已正式同下面 34 個國際城市相互結為友好城市：
- 1979年5月同日本福岡市
- 1981年12月同美國洛杉磯
- 1982年11月同菲律賓馬尼拉
- 1985年3月同加拿大溫哥華
- 1986年5月同澳洲悉尼
- 1986年11月同意大利巴里
- 1988年4月同德國法蘭克福
- 1988年11月同法國里昂
- 1989年2月同新西蘭奧克蘭
- 1996年10月同韓國光州
- 1997年11月同瑞典林雪平
- 2000年7月同南非德班
- 2001年5月同英國布里斯托
- 2002年7月10號同俄羅斯葉卡捷琳堡
- 2004年10月27號同秘魯阿雷基帕
- 2005年12月21號同印尼泗水
- 2006年10月12號同立陶宛維爾紐斯
- 2006年12月4號同英國伯明翰
- 2007年2月27號同斯里蘭卡漢班托塔
- 2007年10月22號同巴西累西腓
- 2008年12月2號同芬蘭坦佩雷
- 2009年11月3號同泰國曼谷
- 2012年4月16號同阿根廷布宜諾斯艾利斯
- 2012年7月6號同俄羅斯喀山
- 2012年7月18號同土耳其伊斯坦布爾
- 2012年9月3號同津巴布韋哈拉雷
- 2012年9月11號同哥斯達黎加聖荷西
- 2012年11月15號同日本登別
- 2012年12月29號同西班牙巴倫西亞
- 2013年10月3號同摩洛哥拉巴特
- 2014年8月20號同波蘭羅茲
- 2014年9月17號同印度艾哈邁達巴德
- 2014年11月29號同厄瓜多爾基多
- 2014年11月29號同尼泊爾博克拉
- 2017年6月20號同智利聖地亞哥
- 2018年11月27號同肯尼亞蒙巴薩
旅遊
[編輯]
羊城八景
[編輯]羊城八景係指喺廣州區內最著名嘅8個旅遊景點。自大宋以來，依據當地人嘅評價來評定八景。以下係2011年廣州嘅羊城新八景：
- 白雲山，景名「雲山疊翠」
- 珠江，景名「珠水流光」
- 越秀山，景名「越秀風華」
- 陳家祠，景名「古祠流芳」
- 荔枝灣，景名「荔灣勝景」
- 廣州塔，景名「塔耀新城」
- 廣州科學城，景名「科城錦繡」
- 南沙濕地公園，景名「濕地唱晚」
公園
[編輯]高層建築
[編輯]宗教建築
[編輯]其他著名景點
[編輯]- 蓮花山
- 都城隍廟
- 大鐘樓
- 南越王宮
- 沙面島
- 黃埔村
- 大嶺村
- 寶墨園
- 南沙天后宮
- 沙灣古鎮
- 衞氏大宗祠
- 北京路步行街
- 上下九步行街
- 三元里人民抗英鬥爭紀念館
- 國民黨一大舊址
- 廣州公社舊址
- 農民運動講習所舊址
著名賓館酒店
[編輯]特產
[編輯]運動
[編輯]運動場館
[編輯]運動場:
廣州主辦過第一屆女足世界盃，開過第六屆及第九屆中華人民共和國全國運動會，2004年7月1號攞到第16屆夏季亞洲運動會嘅主辦權；廣州亞運會喺2010年11月12號到27號舉行。
中國超級足球聯賽
[編輯]廣州有兩支中超球隊廣州恆大同廣州富力。其中廣州恆大淘寶分別由2010年開始喺中超6連冠，攞咗2次足協盃同3次超霸盃，同埋攞過2次亞冠冠軍。
主要科研學術基構及高校
[編輯]註
[編輯]讀音
攷
[編輯]
- ↑ 1.0 1.1 1.2 〈2023年广州市国民经济和社会发展统计公报〉 (中國中文)。广州市统计局。
{{cite web}}: CS1 maint: url-status (link) - ↑ 引用錯誤 無效嘅
<ref>標籤；無文字提供畀叫做定位嘅參照 - ↑ 〈zh:中国地面国际交换站气候标准值月值数据集（1971－2000年)〉。中國地面國際交換站。原著喺2013年10月16號歸檔。喺March 2009搵到。
{{cite web}}: Check date values in:|accessdate=(help)（大陸簡體） - ↑ "Extreme Temperatures Around the World". 喺2010-12-01搵到.
- ↑ 〈中文：古龍川：百越先民繁衍生息〉。原著喺2020年3月28號歸檔。喺2011年6月29號搵到。
{{cite journal}}: Cite journal requires|journal=(help) - ↑ 廣州市統計局，2008年廣州市國民經濟和社會發展統計公報，2009年2月28號
- ↑ 〈的士調價，廣州丟掉了什麼〉。新快報。
{{cite web}}: CS1 maint: url-status (link)
出面網頁
[編輯]
- 〈廣州市人民政府〉。 （簡體中文）（繁體中文）（英文）（日文）
- 〈Google地圖嘅廣州嘅衛星圖〉。
23°07′43.662″N 113°15′32.3136″E / 23.12879500°N 113.258976000°E
